परमेश्वरको साँचो सेवकलाई कसरी मापन गर्ने?

 

 1. उनले निरन्तर पवित्रता र धार्मिकताकाे प्रचार गर्नेछन।

 2. उनले तपाईंलाई निरन्तर नरकको आगोमा जाने विरुद्ध चेतावनी दिनेछन।

 3. उनले पापलाई घृणाकाे दृष्टिले हेर्छन, र जे भए पनि त्यसको पक्ष लिदैन।

 4. उनले अधर्मको विरुद्धमा बोल्नेछन र त्यसको आलोचना पनि गर्नेछन।

 5. उनीसँग धेरै साथीहरू हुनेछैनन र उनी लोकप्रिय पनि हुन चाहँदैनन।

 6. उनका 80 प्रतिशत सन्देशहरू अनन्तकालमा स्वर्ग वा नर्कमा केन्द्रित हुन्छन।

 7. उनलाई सामान्यतया अन्तर्मुखी व्यक्तिको रूपमा हेरिन्छन, किनभने उनी सबैसँग र सबै ठाउँमा मिल्दैनन।

 8. मानिसहरूले उनलाई वास्तवमै मन पराउँदैनन, र तिनीहरूले उनलाई घमण्डी, तपाईंभन्दा पवित्र, पुरानो शैलीको, अशिक्षित आदिको रूपमा हेर्छन।

 9. उनको मण्डली सधैं ठूलो, अझै ठूलो वा सबैभन्दा ठूलो हुँदैन, र उनीसँग कम संख्यामा युवाहरू पाइन्छ।

 10. सबैभन्दा महत्त्वपूर्ण कुरा, उनले जे प्रचार गर्छन, त्यो अभ्यास पनि गर्नेछन।

* कृपया यदि तपाईंले यस प्रकारको सेवकलाई भेट्टाउनू भयाे भने, उनलाई तपाईंकाे सल्लाहकार वा रेखदेख गर्ने अगुवा बनाउनुहाेस। किनकि उनी नै वास्तविक परमेश्वरकाे साँचो सेवक हुन। 

यसकारण लेखिएको छ,

“आफ्ना अगुवाहरूको सम्झना राख, जसले परमेश्वरको वचन तिमीहरूलाई सुनाए। तिनीहरूका जीवनको परिणामलाई ध्यान देओ, र तिनीहरूका विश्वासको अनुकरण गर। 

तिमीहरूका अगुवाहरूको आज्ञापालन गर, र तिनीहरूका अधीनमा बस। किनकि लेखा दिनुपर्छ भन्ने कुरा जानेर नै तिनीहरूले तिमीहरूका प्राणको हेरचाह गर्छन। यो काम तिनीहरूले आनन्दसाथ गरून। दुःख मानेर होइन, नत्रता त्यसबाट तिमीहरूलाई कुनै लाभ हुँदैन। [हिब्रू १३:७,१७]

 “यस्ताहरू र यस्तै परिश्रम गर्ने हरेक सहकर्मीको अधीनमा रहो भनेर म तिमीहरूलाई आग्रह गर्दछु।” [१ कोरिन्थी १६:१६]

“तिमीहरूको रेखदेखमा राखिएको परमेश्वरका बगालको हेरचाह गर। करले होइन तर स्वेच्छाले, धनको लोभले होइन तर उत्साहसाथ, तिमीहरूको जिम्मामा रहेकाहरूमाथि अधिकार जमाएर होइन, तर बगालको निम्ति उदाहरण भएर। 

र जब मूल गोठालो प्रकट हुनुहुनेछ, तब तिमीहरूले महिमाको नओइलाउने मुकुट प्राप्त गर्नेछौ। 

त्यसै गरी जवान हो, बूढ़ापाकाहरूका अधीनमा बस। एक-अर्काको अधीनमा रहेर तिमीहरू सबैले नम्रताको वस्त्र धारण गर। किनभने, परमेश्वरले अहङ्कारीहरूको विरोध गर्नुहुन्छ, तर नम्रहरूलाई अनुग्रह गर्नुहुन्छ।” [१ पत्रुस ५:२-५]

मदर टेरेसा र सेविका

 

एकपटक मदर टेरेसालाई एक भारतीय पत्रकारले सोधे, 

“तपाईं यी कुष्ठरोगीहरूकाे किन हेरचाह गर्नुहुन्छ? तिनीहरूलाई नुहाईदिने, खुवाउने, सरसफाइ गर्ने, लुगा लगाउने, छुने र आवश्यकता अनुसार सबै काम गर्न कसरी सक्नुहुन्छ? तिनीहरू त कुष्ठरोगी हुन, र यो संक्रामक राेग पनि हो।”

तब उनले भनिन, 

“छोरा, प्रभु येशूले के भन्नुभएको छ, के तिमीले सुनेका छैनौ? म भोको थिएँ र तिमीले मलाई खुवायौ। म बिरामी थिएँ, तिमीले मलाई भेट्यौ। म नाङ्गै थिएँ र तिमीले मलाई लुगा लगाइदियौ। म यी भारतीय कुष्ठरोगीको हेरचाह गर्दिन। म यी भारतीय कुष्ठरोगीमा रहेका मेरो प्रभुको सेवा गर्दैछु। के मेरो मालिक येशू मेरो सेवाको लागि योग्य हुनुहुन्न र? किनकि उहाँले मेरो लागि क्रुसमा जे गर्नुभयो, त्यसको निम्ति मैले उहाँको निम्ति जतिसुकै लम्बाई र चाैडाई, उचाई र गहिराई काम या सेवा गरे तापनि, त्यसको मुल्य फिर्ता गर्न पर्याप्त हुनेछैन। जब तिमी परमेश्वरकाे कृपाले भरिन्छाै, तब तिमीले पनि सबैलाई प्रेम गर्न सक्नेछाै।”

* के यस संसारमा येशू ख्रीष्टकाे सेवा गर्नु जस्तो अरू कुनै महान काम छ र?

यसकारण लेखिएको छ,

त्यसपछि उनले देब्रेपट्टिका मानिसहरूलाई भन्नेछन, “श्रापित मानिस हो! मबाट दूर होओ, र दियाबलस र त्यसका दूतहरूका लागि तयार गरिएको अनन्तको आगोमा जाओ।  

किनभने म भोकाएको थिएँ, तिमीहरूले मलाई खान दिएनौ। तिर्खाएको थिएँ, तिमीहरूले मलाई पिउन दिएनौ।  

म परदेशी थिएँ, तिमीहरूले मलाई आश्रय दिएनौ। नाङ्गो थिएँ, र तिमीहरूले मलाई वस्त्र लगाइदिएनौ, बिरामी र झ्यालखानमा थिएँ, र तिमीहरू मलाई हेर्न आएनौ।”

तिनीहरूले पनि यसो भनेर जवाफ दिनेछन, “प्रभु, कहिले हामीहरूले तपाईंलाई भोकाएको वा तिर्खाएको देख्यौं, परदेशी वा नाङ्गो वा बिरामी देख्यौं, वा झ्यालखानमा देख्यौं, र तपाईंको सेवा गरेनौं?”

तब उनले तिनीहरूलाई जवाफ दिनेछन, “साँच्चै, म तिमीहरूलाई भन्दछु, यी सबैभन्दा सानाहरूमध्ये एक जनालाई जे-जति गरेनौ, त्यो तिमीहरूले मेरो निम्ति गरेनौ।”

तब यिनीहरू अनन्त दण्डको भागी हुनेछन, तर धर्मी जनहरू अनन्त जीवनमा प्रवेश गर्नेछन। [मत्ती २५:४१-४६]

Source :

https://youtube.com/shorts/rseNJzU7f1s?si=RESz8kCATRBQgzZa

कडा प्रचारक चाहिने कारणहरू

 

1. कठार नास्तिकहरूका हृदय कडा प्रचारकले मात्रै ताेड्न। एक समय मा नास्तिक भाइने। मलाई थाहा छ म परमेश्वर बिना छुन्छ। मलाई थाहा छ म भित्र कटि शैतानी स्वभाव छ। अब त्यो म चाहन्न। तर मलाई थाहा छ कि जब सम्म परमेश्वरको वचनले मलाई सुधार्न, मेरो शारीरिक दिमाग र मेरो कामुक शरीरले फेरि पनि मलाई पुरानो जीवनमा फर्काउँछ। मलाई थाहा छ कि यदि मेरो परमेश्वरको वचन नजिकबाट पालना गरेन भने, म संसारका अरू सबैजस्तै हुनेछु परमेश्वरलाई चिनाउन। र म त्यो बन्न चाहान्छु। मलाई किता मलाई भगवानको वचन कडा प्रचार गरून र मलाई सहि मार्गमा राखुन।

2. मनदिन खडा हुन सक्तैन। म ती घृणा गर्छु जो उच्च व्यक्तिको मनताता हो, वा जसलाई थाहा छ कि यो सत्य हो, तर तिनीहरू खडाको हिम्मत हुँदैन। कसलाई अभ्यासको प्रकारको आवश्यकता छ? बाइबलले भनेका कुराहरू तपाईलाई प्रचारक हुन नसक्ने कुरा भन्न सकिन्छ। म मनोवैज्ञानिकका कुरा सुन चाहान्छु। म बुद्धिजीवीको कुरा सुन्न चाहान्छु। म उत्प्रेरक वक्ताहरूका कुरा सुन चाहान्छु। म भगवानको एकजना मान्छेले मलाई चेतावनी र कडाईका साथ भगवानको वचन के भन्छु सुन्नु।

३. बाइबलका सबै प्रचारक साहसी र कडा थिए। 

* हनेक साहसी थिए। 400 वर्ष पहिले, उहाँले चेताउनी दिनुभयो, "हेर, परमप्रभुले धेरै पवित्र जन प्राप्त गर्नुभयो, सबैलाई इन्साफ गर्न, सबै मानिसहरूलाई दण्ड दिन, अधार्मिक रीतिले भक्तिहीन कार्यहरू छन, उहाँ र ती भक्तिहीन मानिसहरूलाई दण्ड दिनको विरुद्धमा कठोर बोलेका छन्। [यहूदा १:१४-१५] हे एक साहसी र कडा प्रचारक थिए।

* अगमवक्ता शमूएल साहसी थिए। जब राजा शाऊले इजरायलका कट्टर-शत्रुहरू, अमेलकहरूलाई पूर्ण रूपमा नष्ट गर्न अस्वीकार गरियो, शमूएलले शाऊलको शाही कोठामा गए र शाऊले जीवित राखेका शत्रु राजा अगागलाई भेट्न गए। भगवान् र मानिसहरूको निष्पक्ष, शमूएलले भालाका लागि भगवान्‍वरले शौललाई आज्ञाभए। शमूएल साहसी र कडा थिए। हामी शमूएल इच्छा मानिसहरू चाहन्छौं, धेरै परमेश्वरले धेरैजस्तै घर सफा गर्ने।

* अगमवक्ता एलिया साहसी थिए। उनको ८५० झूटा अगमवक्ताहरू कर्मेल पर्वतमा चुनैतीके बोल्छन्। एलियाले ती सबैकाईमा हेरे र भने, “तिमीहरू नसम्म दोधारमा बसिरहन्छौ? यदि परमप्रभु नै परमेश्वर हुनुहुन्छ भने उहाँलाई पछ्याओ। यदि बाल ईश्वर हो भने त्यसलाई पछ्याओ। [१ राजा १८:२१] दिन पूरा भयो, सबै ८५० झूटा अगमवक्ताहरू मारेका थिए। यदि तपाइँ तपाइँ यसलाई मन पराउनुहुन्न भने, तपाइँको बाइबल मन पर्दैन। ईश्वरले झूटा अगमवक्ताहरू, झूटा प्रचारकहरू, वा झूटा देवताहरूलाई सहन गर्ने। हाम्रो ईश्वर ईर्ष्यालु परमेश्वर हुनुहुन्छ। 

*अगमवक्ता नातान साहसी थिए। बेतशेबाद व्यभिचार तब राजा दाऊदलाई सिंहासन देखे तल भुईमा बोल्ने नै थियो। नातानले दाऊदको अनुहारमा औंला देखे, “त्यो मान्छे नै हो!” [२ शएल १२:७] र दाऊदको परिवारमा धेरै ईश्वरीय निर्णयहरू सुनाए। दाऊद बाद्ताप तो हल्लिए, र उपवास र प्रार्थनाको निगरानीमा गए। नातान साहसी र कडा प्रचारक थिए।

* युहन्ना बप्तिस्मा दिनेनेवाला पनि येशू ख्रीष्ट जस्तै साहसी र कडा प्रचारक थिए। ती दुवैले फरिसीहरूलाई “सर्पहरू, साँभे सर्पका बच्चा” भने। [मत्ती ३:७, १२:३४, २३:३३] तिनीहरू दुवैले आफ्नो समयका नक्कली धर्मवादीहरूलाई हप्काए। तिनीहरूले तिनीहरूको पश्चात्तापको माग गरे, र तिनीहरूले पश्चात्ताप लायक फल फलाओ भने। दुवैले तिनीहरूलाई हप्काए र निर्दयतापूर्वक तिनीहरूको मार्ग परिवर्तन गर्न माग गरे।

तपाईंलाई साहसी र कडा प्रचारक मन पर्दैन? तब तपाईंलाई बाइबल पनि मन पर्दैन। आफैसँग झूट बोल्न बन्द गर्नुहोस।

4. मेरुदण्डविहीन प्रचारले मेरुदण्डविहीन मण्डलीहरू उत्पादन गर्छ। 

मसँग एक तथाकथित मण्डलीमा उपस्थित हुन बिल्कुल शून्य इच्छा छ, जहाँका प्रचारकहरू समलिङ्गी (हिजडा/कुनै साहस र जाेश नभएको) हुन। बाइबल स्वर्ग र नरकको बारेमा हो। मलाई स्वर्ग मन पर्छ, तर म नरकलाई घृणा गर्छु। यी समलिङ्गी प्रचारकहरूले नरकलाई घृणा गर्दैनन। तिनीहरूले नरकको बारेमा पनि कुरा गर्दैनन। हामी भयानक आत्मिक युद्धमा छौं र स्वर्गको राज्यले हिंसाको सामना गर्छ, र बलवानहरूले यसलाई बलद्वारा लिन्छ भन्ने तथ्यलाई तिनीहरू अस्वीकार गर्दैछन। मेरुदण्डविहीन प्रचारकहरूले प्रभुको सेनाको लागि सिपाहीहरू उत्पादन गर्दैनन। तिनीहरूले मरुभूमि उत्पादन गर्छन। तिनीहरूले आत्मिक मगन्तेहरू उत्पादन गर्छन; ती मानिसहरू जो परमेश्वरका सबै आशिषहरू पाउन चाहन्छन, तर बदलामा ईश्वरीय जीवनको लागि कुनै जिम्मेवारी लिँदैनन। तिनीहरूले आत्मिक आत्मघाती बमहरू उत्पादन गरिरहेका छन। 

5. मलाई कुनै बाहिरी आकर्षक प्रचारक नदिनुहोस। मलाई खेलकुद प्रेमी नदिनुहोस। मलाई चलचित्र समीक्षक नदिनुहोस। मलाई केही थाहा नहुने स्माइली अनुहार नदिनुहोस। मलाई परमेश्वरको एक शक्तिशाली मानिस दिनुहोस, जसले प्रचार गर्दा गर्जन्छ, जसद्वारा भूतहरूलाई काँप्छन, र जसले वास्तवमा शैतानहरूलाई कसरी निकाल्ने र शैतानकाे किल्ला कसरी भत्काउने भनेर जान्दछन। यसैकाे निम्ति येशू ख्रीष्ट संसारमा आउनुभयो, ताकि उहाँले शैतानको कामहरू नष्ट गर्नुहाेस।[१ युहन्ना ३:८] यदि प्रचारकसँग शैतानको कामहरू नष्ट गर्ने बलियो प्रवृति छैन भने, ऊ नष्ट हुन गइरहेको छ, र म त्यसो हुँदा त्यसको वरपर हुन चाहन्न।

यसकारण पावलले तिमोथीलाई भने, 

“वचन प्रचार गर, समय र बेसमयमा तत्पर बस, अर्ती देऊ, हप्काऊ, उत्साह देऊ र धैर्यमा र शिक्षा दिने कुरामा नचुक। 

किनकि यस्तो समय आउँदैछ, जब तिनीहरू ठीक शिक्षालाई नसहने हुनेछन, तर आफूलाई मन परेका कुरा मात्र सुन्न चाहनेछन र आफ्नो रुचिअनुसार शिक्षकहरू थुपार्नेछन, र सत्य कुरा सुन्नदेखि तर्किजानेछन, दन्त्यकथाहरूतिर बरालिनेछन। 

तिमीचाहिँ दह्रिला होऊ। कष्ट भोग, प्रचारकको काम गर, र तिम्रो सेवाको काम पूरा गर।” [२ तिमोथी ४:२-५]

प्रचार गर्नुहोस! हप्काऊनुहाेस! उत्साह दिनुहाेस! सहनशीलता र सिद्धान्तका साथ आग्रह गर्नुहोस! 

यदि तपाईं त्यसो गर्न इच्छुक हुनुहुन्न भने, कुनै अर्को काम खोज्नुहोस। तपाईं वास्तविक प्रचारक हुनुहुन्न।

Source :

https://www.facebook.com/1069527672/posts/pfbid02BrJY4mHRTG39GabBkYVrQZZHFagnRPzufk8D3XPjM8qRpPB3D5wkLtU8Jgi5cN7Jl/?app=fbl

खराे प्रचारक

 

पिटर कार्टराइट उन्नाईसौं शताब्दीका खरा प्रचारक थिए। एक दिन आइतवार मण्डलीको मञ्चमा बोल्नुअघि उनलाई मण्डलीका अर्का अगुवाले सम्झाउँदै भने,

“राष्ट्रपति एन्ड्रु ज्याक्सन आज विहान सेवामा उपस्थित हुनुहुन्छ। कुनै पनि आपत्तिजनक र विवादास्पद शब्द राष्ट्रपतिको अघि नराख्नुहोला।”

त्यसपछि पीटर कार्टराइट बोल्न मञ्चमा पुगे। उनको पहिलो वाक्य थियो,

“आज हाम्रो वीचमा सम्मानिय राष्ट्रपति एन्ड्रे ज्याक्सन हुनुहुन्छ भन्ने कुरा मलाई थाहा भयो। मलाई सावधानीसँग बाेल्नुहोस भनी बिन्ती गरिएको छ।”

त्यसपछि उनलेे भने, “एन्ड्रु ज्याक्सनले पश्चात्ताप गरेनन भने नर्क कुण्डमा जानेछन।”

सेवा सिद्धिएपछि राष्ट्रपतिले प्रचारक पिटर कार्टराइटसँग हात मिलाउँदै भन्नुभयो, “सर, तपाईं जस्ता व्यक्तिहरू मेरो सेनामा भए, म पृथ्वीलाई कोर्रा लाउन सक्थें।”

सत्य कुरा घोषणा गर्दा सम्झौता गर्नुहुन्न। मानिसहरू परिवर्तन हुन सक्छन, तर सत्यता सदैव रहिरहन्छ।

यसकारण जोन वेस्लीेले एकपटक भनेका थिए,

“मलाई एक सय प्रचारकहरू दिनुहोस, जो पाप बाहेक अरू केहीसँग डराउँदैनन, र परमेश्वरबाहेक अरू केही चाहँदैनन, र म परवाह गर्दिन कि तिनीहरू पास्टरहरू हुन वा सामान्य मानिस हुन; यस्ताहरूले नै नर्कको ढोका हल्लाउनेछन र पृथ्वीमा स्वर्गको राज्य स्थापना गर्नेछन।” 

परमेश्वरले पुरानो नियम र पहिलो शताब्दीकाे मण्डलीकाे निम्ति यस्तै खरा प्रचारक खडा गर्नुभएको थियो। याे अन्तिम समयमा पनि परमेश्वरले ती भन्दा खतरनाक, खरा र कडा प्रचारकहरूलाई तैयार गर्नुभएको छ। किनकि कडा प्रचारकले मण्डलीलाई नम्र बनाउँछ, र नम्र प्रचारकले मण्डलीलाई कडा बनाउँछ।

* के वर्तमान मण्डलीमा पनि खराे प्रचारकहरूकाे आवश्यकता छैन र?

* के तपाईं ती प्रचारकहरूकाे वचनहरू सुन्न र तिनिहरूकाे सामना गर्न तैयार हुनुहुन्छ?

अतिथि वक्ता

 

अतिथि वक्ताले एक ठाउँमा प्रचार गरिसकेपछि कहिल्यै गर्न नहुने कामहरू...

1. तपाईंले आफ्नो फोन नम्बर कसैलाई कहिल्यै नदिनुहोस, यो निषेध गरिएको छ। तर सधै स्थानिय पास्टरहरूलाई देखाउनुहाेस।

2. तपाईं कहिल्यै त्यो मण्डलीकाे सदस्यहरूको सल्लाहकार नबन्नुहोस। याे काम केबल त्यहाँको स्थानीय पास्टरहरूलाई छाेडिदिनुहाेस। 

3. तपाईं कहिल्यै फेसबुकमा गएर तिनीहरूलाई साथीको रूपमा जोड्न नथाल्नुहोस, जबसम्म तपाईंलाई थाहा छैन कि तिनीहरू भर्खरै तपाईंले सेवा गरेर आएका मण्डलीबाटका हुन। किनकि तुरुन्तै तपाईंले थाहा पाउनुपर्छ कि तिनीहरूलाई तपाईंको अघि ल्याउने व्यक्ति त्यहाँकाे स्थानीय गोठालो हुन।

4. कुनै पनि सदस्यलाई तिनीहरूको पास्टर, वा पास्टरका पत्नीको विरुद्धमा विश्वास गर्न कहिल्यै अनुमति नदिनुहोस।

5. पास्टरकी पत्नीलाई तपाईंमा विश्वास गर्न कहिल्यै अनुमति नदिनुहोस, ताकि उनी आफ्नो श्रीमान विरुद्ध खडा हुने माैका नमिलाेस।

धेरै अतिथि वक्ताहरूले आफ्नो पतिलाई अगाडि नल्याउने महिलाको कुरा सुनेर आफुलाई बालाउने व्यक्तिको विवाहलाई तोडेका छन।

6. आर्थिक सहायताको लागि कसैलाई कहिल्यै नसोध्नुहोस या अनुरोध नगर्नुहोस।

केही पास्टरहरूले प्रचार समाप्त गर्छन, सदस्यहरूलाई आर्थिक सहायताको निम्ति सोध्न थाल्छन।

7. तपाईंले कुनै पनि कारणको लागि होटेलमा तपाईंलाई भेट्न कसैलाई कहिल्यै सोध्नु हुँदैन।

यदि तपाईंलाई निजी रूपमा भेट्न आवश्यक छ भने, तपाईं बसेको होटेल वा अफिसमा भेट्नको लागि तिनीहरूको पास्टरलाई उनीहरूसँग आउन भन्नुहाेस। र तपाईंले तुरुन्तै आफ्नो कुराहरू समाप्त गर्नुहोस।

8. तपाईंलाई निमन्त्रणा गर्ने व्यक्ति या समुहकाे गलत व्यवहारले तपाईं जतिसुकै रिसाउनु भए तापनि, तपाईंले आफ्नो क्रोध कुनै पनि सदस्यमाथि नदेखाउनुहाेस, जाे तपाईं कहाँ खुशीकाे साथमा भेट गर्न आउँछन।

9. तपाईंले त्यो गाउँ वा सहरमा बारम्बार कहिल्यै नजानुहोस, र त्यहाँका मण्डलीका कुनै पनि सदस्यलाई तिनीहरूको पास्टरको पछाडि कहिल्यै नभेट्नुहाेस, जहाँ तपाईंलाई पहिले आदरसाथ मण्डलीमा सेवाको निम्ति आमन्त्रित गरिएको थियोे।

यदि तपाईं कुनै अन्य कुनै ठाउँबाट त्यही गाउँ या शहर हुँदै फर्कदै हुनुहुन्छ भने पूर्व आयोजक या स्थानिय पास्टर या अगुवालाई तपाईंले कल गर्नुपर्छ, तर तिनीहरूकाे सदस्यहरूलाई होइन। यो उहाँका सदस्यहरूका लागि लाजमर्दो कुरा हो, “पास्टर जी, तपाईंको साथीले म याे सहरमा आउँदैछु भनेर भन्नुभएको थियोे।” भनेर जानकारी गराउनु।

 

10. कुनै पनि एक शंकास्पद चरित्र र प्रतिष्ठा भएको व्यक्तिलाई पुनः प्रचार गर्न आउन नदिनुहोस।

त्यसो गर्नुभयो भने, तपाईंले आफ्नो पूर्व आयोजकको छविलाई नष्ट गर्न सफल हुनुहुनेछ।

* प्रभुले हामीलाई बुझ्ने शक्ति प्रदान गरून!

यसकारण लेखिएको छ,

“स्वार्थ वा अहङ्कारमा केही नगर, तर नम्रतामा एउटाले अर्कालाई आफूभन्दा श्रेष्ठ ठान।” [फिलिप्पी २:३]

“भातृ-प्रेमसँग एकअर्कालाई प्रेम गर। आफूलाई भन्दा बढ़ी अरूलाई आदर गर।” [रोमी १२:१०]

“तर यदि तिमीहरूमध्ये कसैलाई बुद्धिको अभाव छ भने उदार-चित्तसँग नझर्की दिनुहुने परमेश्वरलाई त्यसले मागोस, र त्यसलाई त्यो दिइनेछ।” [याकूब १:५]

Source :

https://www.facebook.com/groups/128091227299823/permalink/4742636612511905/?app=fbl

सेवकाई भनेको के हाे?

 

1. सेवकाई भनेको सुन्नु हाे, जब तपाईंले समस्या समाधान गर्नुभन्दा पहिले। [याकूब १:१९]

तब तिनीहरूले तपाईंको अनुग्रह सम्झनेछन।

2. सेवकाई भनेको आनन्द या खुशीको खोजी गर्नु हाे, जब “यो उचित/न्याय भएन” भनेर सजिलै भन्नुभन्दा। [याकूब १:२-४]

3. सेवकाई भनेको मद्दत गर्नु हाे, जब तपाईंलाई लाग्छ कि तपाईं एक हुनुहुन्छ जसलाई धेरै मद्दत चाहिएकाे छ। [यशैया ४९:२०]

कहिलेकाहीँ अरूलाई मद्दत गर्दा हाम्रो बाेझ आफैबाट हट्छ। सेवा गर्नु आशिष हो।

4. सेवकाई भनेको परमेश्वरलाई भन्नु हाे, जब तपाईंलाई उद्धार गर्न अनुरोध गर्नुभन्दा “मलाई प्रयोग गर्नुहोस” भन्नुहुन्छ। [फिलिप्पी १:६]

5. सेवकाई भनेको प्रोत्साहन दिनु हाे, जब तपाईं परमेश्वरको विचार या याेजना बुझ्नुहुन्न। [यूहन्ना १४:१३]

6. सेवकाई भनेको अँगालो हाल्नु हाे, जब तपाईं अप्ठ्यारो या कठिन परिस्थितिमा पर्नुहुन्छ। [रोमी १२:१५]

कहिलेकाहीँ हामीलाई मानव स्पर्श चाहिन्छ, यसले हामीलाई एक्लो महसुस गर्न मद्दत गर्ने भावनाहरू हटाउने गर्दछ। 

7. सेवकाई भनेको “म तिम्रो लागि प्रार्थना गर्नेछु” भन्नुकाे सट्टा “अहिले नै प्रार्थना गरौं” भन्नु हाे। [फिलि. ४:६-७]

तपाईंले कसैको लागि गर्न सक्ने सबैभन्दा राम्रो कुरा भनेको तिनीहरूको लागि प्रार्थना गर्नु हो। त्यसपछि, परमेश्वरले तपाईंलाई मद्दत गर्न कसरी प्रयोग गर्न सक्नुहुन्छ भनेर सोध्नुहोस।

8. सेवकाई भनेको सेवा गरिरहनु हाे, जब तपाईं शंका गर्नुहुन्छ र तपाईंसँग केहि दिन बाँकी छ। [मत्ती ११:२८-३०]

9. सेवकाई भनेको सान्त्वना दिनु हाे, अरूको अँध्यारो जीवनहरूमा उज्यालो ज्याेति बनेर। [मत्ती ५:१४]

Source :

https://comfyinthekitchen.com/2014/04/what-is-ministry/

यस चित्रबाट सात पाठहरू

 

1. सबै अवसरहरू उपभाेग गर्नकाे निम्ति हाेईन, किनकि केही जालहरू पनि हुन सक्छन।

2. कहिलेकाहीँ एक व्यक्तिले अर्को व्यक्तिलाई नष्ट गर्न यति कटिबद्ध हुन सक्छ कि ऊ अन्धा बन्न सक्छ र अन्ततः आफैलाई नष्ट गर्दछ।

3. तपाईं आफ्नो प्राकृतिक तत्व र वातावरणमा राम्रोसँग लड्न सक्नुहुन्छ। तर यहाँ चराको प्राकृतिक तत्व र वातावरणमा फाइदा छ।

4. आफ्नो सीमा जान्नुहोस, जाे हामी सबैसँग छ।

5. कहिलेकाहीँ उत्तेजनाको लागि उत्तम प्रतिक्रिया भनेको लड्नु होइन।

6. कहिलेकाहीँ केहि गर्नको लागी तपाईलाई टीम वर्क चाहिन्छ, तपाईं सधैँ एक्लै जित्न सक्नुहुन्न।

7. आफूले राम्रो गर्ने काममा अडिग रहनुहोस र जसले तपाईंलाई मार्छ त्यसको पछि नलाग्नुहोस।

Source :

https://www.linkedin.com/posts/invinciblelion_opportunities-strength-weakness-activity-7034378966341664768-xxIK

दुई ख्रीष्टियन सेवक

 

तलको दुई सर्प, एकको विष सेवनबाट मृत्यु भयाे, र अर्कोकाे निसास्सिएर मृत्यु भयाे।

दुबैले एकअर्कालाई छोड्न मान्दैनन... के छोड्ने?

1. तिनीहरू दुवै आफै सही हुनको लागि एकअर्कालाई छोड्दैनन।

2. आफ्नो सार्वजनिक छवि, पक्षका व्यक्ति र प्रतिष्ठा जोगाउन तिनीहरूले एकअर्कालाई छोड्दैनन।

3. एकअर्कालाई गलत साबित गर्न तिनीहरूले एकअर्कालाई छोड्दैनन।

4. एकअर्कालाई अन्तिम शब्द भन्नलाई छोड्दैनन।

5. तिनीहरु कसैले आफ्नो घमण्डलाई छोड्दैनन।

प्रीय हाे, आज सामाजिक सञ्जाल सेवकहरूकाे बिचमा आफुमात्र सहि र अरू सबै गलत भन्ने प्रतिस्पर्धाकाे रणभुमीकाे क्षेत्रमा परिणत हुँदैछ। यो निकै चिन्ताजनक छ।

तर सत्य यो हो कि हामीले सर्प (शैतान) लाई चिन्नुकाे सट्टामा कसको हारजित हुन्छ भन्ने कुरामा लागिरहेका छाैँ।

* सार्वजनिक माफी कहाँ छ?

* नम्रता कहाँ छ?

* क्षमा कहाँ छ?

* घृणाभावलाई नजरअन्दाज गर्ने महिमा कहाँ छ?

* येशू ख्रीष्टकाे स्वरूप र समानता कहाँ गयो?

मण्डली र यसका सेवकहरूको अवस्थालाई लिएर यस अन्तिम घडीमा परमेश्वरको हृदय गहिरो शोकमा छ।

हामी के बनेका छौं?

आलोचक, क्रोध, घमण्ड, बदला, निन्दा, गफ र विभाजन यी सबै सर्पकाे गुणहरू हुन।

प्रेम, आनन्द, शान्ति, धैर्य, दया, भलाइ, विश्वास, नम्रता र आत्म-संयम सबै पवित्र आत्माका गुणहरू हुन।

आज हामी हरेकलाई थुमाको ठूलो खाँचो छ!

 - यर्मिया जॉनसन

यसकारण लेखिएको छ,

“दाजुभाइहरू एकतामा बस्नु कति भलो र मनोहर कुरा हुन्छ। 

यो त शिरमा लगाइएको मूल्यवान तेलजस्तो हुन्छ, जो हारूनको दाह्रीसम्म बगिआउँछ, जो तिनका पोशाकको कठालोसम्मै बगेर जान्छ। 

त्यो हेर्मोन डाँड़ाको शीत सियोन पर्वतमा परेजस्तै हुन्छ। किनकि त्यहीँ परमप्रभुले सदाकाल जीवनको आशिष खन्याउनुहुन्छ।” [भजनसंग्रह १३३:१-३]

“एउटा नयाँ आज्ञा म तिमीहरूलाई दिँदछु: तिमीहरू एक-अर्कालाई प्रेम गर। तिमीहरूसँग मैले जस्तो प्रेम गरेको छु, तिमीहरूले पनि एक-अर्कालाई त्यस्तै प्रेम गर।  

यदि तिमीहरूले एक-अर्कालाई प्रेम गर्यौ भने, यसैबाट सबैले जान्नेछन, कि तिमीहरू मेरा चेलाहरू हौ।” [यूहन्ना १३:३४-३५]

“आफ्नो दाजुभाइलाई घृणा गर्ने हरेक हत्यारा हो, र कुनै हत्यारासँग अनन्त जीवन रहँदैन भन्ने तिमीहरूलाई थाहै छ।” [१ यूहन्ना ३:१५]

किनभने, लेखिएको छ, “अन्यजातिहरूका बीचमा परमेश्वरको नाउँ तिमीहरूद्वारा नै निन्दित भएको छ।” [रोमी २:२४]

“तर तिमीहरू एउटाले अर्कोलाई टोक्ने र निल्ने गर्छौ भनेता होशियार गर, तिमीहरू एक-अर्काबाट नै खतम हुनु नपरोस।” [गलाती ५:१५]

Source :

https://www.facebook.com/100044538095213/posts/pfbid02dvKCPHkXhFmipvv541evB6sm2Ze6BtszkXPxQffTW29ACzDvNmzFM8wM4M1oBXjxl/?app=fbl

[King cobra bites python. Python constricts cobra. Cobra gets crushed to death. Python dies from the cobra’s venom.

Had they both chose to slither away, they would had both won. Moral of the story, do nothing is a winning option too at times.

Choose your options wisely!]

तीन प्रकारका सेवकहरू

 

1. आफै बनेका सेवकहरू

यी सेवकहरू तिनीहरू हुन जाे धेरै ठाउँमा असफल भएपछि अरू कुनै विकल्प नभएको कारण सेवामा लागेपछि नाम र दाम कमाउने सजिलो माध्यम देखेर सेवा गरेकाहरू हुन। तिनिहरूले विश्वासीहरूलाई वचन विरूद्द काम गर्न प्रशस्त छुट दिन्छन। तिनिहरूकाे नजर सधै सेताे र कालाे काैवा तिर मात्रै हुँदछ।

2. अरूले बनाएका सेवकहरू

यी सेवकहरू तिनीहरू हुन जसलाई सेवा गर्ने अरू काेहि पनि नभएको कारण जवर्जस्ती बनाइएको सेवक हुन। तिनिहरूसँग कुनै दर्शन, बाेझ, नाश भईरहेका आत्माहरू प्रती कुनै चिन्ता फिक्री पनि हुँदैन। तिनिहरू माैका र अवसर मिले सेवा र विश्वासहरूलाई नै छाेडेर पनि हिँड्ने गर्दछन।

3. परमेश्वरद्वारा नियुक्त गरिएका सेवकहरू

यी सेवकहरू तिनीहरू हुन जसलाई परमेश्वरले चुनेर, अलग गर्नुभएको हाे। जससँग स्पष्ट दर्शन, बाेझ हुन्छ। परमेश्वरबाटकाे सन्देश हुन्छ। नाश भईरहेका आत्माहरू प्रती चिन्ता फिक्री हुन्छ। विश्वासीहरूकाे आत्मिक उन्नति प्रति धेरै वास्ता हुन्छ। तिनिहरूले विश्वासीहरूलाई वचन विरूद्द काम गरे चेतावनी, ताडना दिने, साथै निरन्तर प्रार्थना गर्ने गर्दछन। तिनको मानिसहरूमाथि हाेईन तर परमेश्वरमाथि नै पूर्ण भराेसा हुन्छ। मृत्युसम्म परमेश्वरले दिनुभएको सेवामा लागिरहन्छन। तिनीहरूकाे एउटामात्रै इच्छा भनेकाे परमेश्वरकाे महिमा गर्नु र परमेश्वरकाे इच्छा पूरा गर्नु मात्रै हुन्छ। जस्तै : माेसा, दाऊद, एलिया, बप्तिष्मा दिने युहन्ना, 12 चेला, पावल र मण्डली इतिहासका अनगिन्ती सेवकहरू।

* तपाईं यी तीन मध्ये कुन सेवक हुनुहुन्छ?

* तपाईं यी तीन मध्ये कुन सेवकसँग संगति गर्दै हुनुहुन्छ?

माथिका यी प्रश्नका जवाफले तपाईंको व्यक्तिगत जीवन, आत्मिक जीवन, पारिवारिक जीवन, मण्डली र अनन्तकालमा पनि निकै ठुलो असर पार्नेछ।

परमेश्वरकाे सेवक र केरा

 

 एउटा गाउँ थियो। त्यो गाउँमा एकजना किसान थियो। उसको केही बारी र केही खेतको जमीन थियो। उसले बारीमा केही फलफूलको बिरुवाहरू लगाएको थियो। उसले एक दिन केराको बिरुवा ल्यायो र बारीमा रोप्यो। त्यो केराको बिरुवा बढ्यो। त्यसले बुङ्गा फलायो। बिस्तारै बुङ्गा बढेर गयो र केराको कोसाहरू फलाउन थाल्यो। जसै बुङ्गा पलायो, तल जमीनबाट पनि अन्य केराका बिरुवाहरू उम्रन थालिसकेको थियो। केराको कोसा बढदै गयो सँगसँगै केराका बिरुवाहरू पनि बढ्दै र फैलँदै गयो। तब त्यहाँ अरु पनि थुप्रै केराको बिरुवाहरू उम्रन थाल्यो।

केराको कोसाहरू पाक्यो। किसानले केराको बोट फेदबाटै काटेर ढाल्यो। जुन बेला किसानले केराको बोट काट्यो र केराका कोसाहरू काटेर घर लग्यो, त्यस समय त्यो केराको बोटले अरु थुप्रै केराका बोटहरू तयार गरिसकेको थियो। अब त्यहाँ एउटा केराको बोट काटिएर गए तापनि त्यसको ठाउँमा त्यसले अन्य थुप्रै बोटहरू तयार गरिसकेको थियो।

हामी ख्रीष्टियन सेवक अर्थात ख्रीष्टका चेलाहरू पनि त्यो केराको बोट जस्तै हौं। हामीले पनि आफू उठाई लगिन अघि त्यो केराको बोटले जस्तै अरु थुप्रै बिरुवाहरू उत्पादन गरिसकेको हुनुपर्छ। तब हामीहरू असल चेलाको नामले चिनिन सक्छौं।

* सेवकाईकाे फल विश्वासीकाे संख्या हाेईन, तर सेवकाईकाे फल सेवकहरूकाे संख्या हाे!

Source :

पुस्तक : दर्पण छायाँ (भाग-१), प्रतिष्ठा प्रकाशन, संकलन तिमाेथी राई, प्रथम प्रकाशन - मार्च 2015, पृष्ठ नम्बर ७१

परमेश्वरकाे सेवक : पृथ्वीका नून र संसारका ज्योति

 

 

1. जब तपाईं युवा मानिसहरूलाई भेट्नुहुन्छ - उनीहरूलाई प्रेरित गर्नुहोस।
2. जब तपाईं बच्चाहरूलाई भेट्नुहुन्छ - उनीहरूलाई शिक्षा दिनुहोस।
3. जब तपाईं पुराना मानिसहरूलाई भेट्नुहुन्छ - उनीहरूलाई मद्दत गर्नुहोस।
4. जब तपाईं बुद्धिमान मानिसहरू भेट्नुहुन्छ - उनीहरूलाई अध्ययन गर्नुहोस।
5. जब तपाईं नेताहरू भेट्नुहुन्छ - उनीहरूलाई सम्मान गर्नुहोस।

6. जब तपाईं मूर्ख मानिसहरूलाई भेट्नुहुन्छ - तिनीहरूलाई वेवास्ता गर्नुहोस।
7. जब तपाईं नम्र मानिसहरूलाई भेट्नुहुन्छ - उनीहरूको कदर गर्नुहोस।
8. जब तपाईं अहंकारी मानिसहरूलाई भेट्नुहुन्छ - तिनीहरूलाई बेवास्ता गर्नुहोस।
9. जब तपाईं दयालु मानिसहरूलाई भेट्नुहुन्छ - उनीहरूलाई अनुकरण गर्नुहोस।
10. जब तपाईं महत्वाकांक्षी (ठुलो लक्ष्य राख्ने) मानिसहरूलाई भेट्नुहुन्छ - उनीहरूलाई अनुकरण गर्नुहोस।

11. जब तपाईं बलियो मान्छे भेट्नुहुन्छ - उनीहरूलाई समर्थन गर्नुहोस।
12. जब तपाईं ईश्वरीय मानिसहरूलाई भेट्नुहुन्छ - उनीहरूलाई आशीर्वाद दिनुहोस।
13. जब तपाईं वृद्ध मानिसहरूलाई भेट्नुहुन्छ - उनीहरूलाई आदर गर्नुहोस।
14. जब तपाईं कमजोर मानिसहरूलाई भेट्नुहुन्छ - उनीहरूलाई बलियो बनाउनुहोस।
15. जब तपाईं मेहनती मानिसहरूलाई भेट्नुहुन्छ - उनीहरूलाई प्रोत्साहन दिनुहोस।

16. जब तपाईं दयालु मानिसहरूलाई भेट्नुहुन्छ - उनीहरूलाई सम्मान गर्नुहोस।
17. जब तपाईं इमानदार मानिसहरूलाई भेट्नुहुन्छ -
  उनीहरूलाई बढावा दिनुहोस।
18. जब तपाईं सद्गुणी मानिसहरूलाई भेट्नुहुन्छ - उनीहरूलाई इनाम दिनुहोस।
19. जब तपाईं दुष्ट मानिसहरूलाई भेट्नुहुन्छ - तिनीहरूदेखि टाढा रहनुहाेस।
20. र सबै अवस्थामा - माथि हेर्नुहोस, प्रार्थना गर्नुहोस र सबैको कल्याणको कामना गर्नुहोस।

यसकारण लेखिएको छ,
“तिमीहरू पृथ्वीका नून हौ, तर नूनको स्वाद गयो भने त्यो केले फेरि नुनिलो पारिने र? त्यो त बाहिर फालिन र मानिसका खुट्टाले कुल्चनबाहेक अरू केही कामको हुँदैन।  
तिमीहरू संसारका ज्योति हौ। डाँड़ामा बसालिएको सहर लुक्न सक्दैन।  
मानिसहरूले बत्ती बालेर पाथीले त छोप्दैनन, तर सामदानमा राख्दछन, र घरमा हुने सबैको निम्ति त्यसले उज्यालो दिन्छ।  
यसरी नै तिमीहरूको ज्योति मानिसहरूका सामुन्ने चम्कोस, र तिनीहरूले तिमीहरूका सुकर्म देखून, र स्वर्गमा हुनुहुने तिमीहरूका पिताको महिमा गरून।” [मत्ती ५:१३-१६]

Sources :

1. https://www.facebook.com/groups/427696355197727/permalink/1066179418016081/?app=fbl
2. https://www.facebook.com/100001150369136/posts/pfbid0aEG1CvyR8EYKTetAveZTQG3tCanVPkFftx45mokEakQuf8amuVQGdAZ6NGA9GDy6l/

महान अगुवाहरूको उपस्थितिमा ध्यान दिनुपर्ने कुराहरू

 1. तिनीहरूको दर्शनलाई ध्यान दिनुहोस।

यसले तपाईंलाई एउटा ठूलो दर्शन प्राप्त गर्न प्रेरित गर्नेछ।

 2. तिनीहरूका उपलब्धिहरू ध्यान दिनुहोस।

यसले तपाईंलाई के सम्भव छ भनेर देखाउनेछ।

 3. तिनीहरूको लक्ष्य ध्यान दिनुहोस। 

यसले तपाईंले काममा एकाग्रताको रहस्य देख्नुहुनेछ।

 4. परमेश्वरसँगको तिनीहरूको सम्बन्धलाई ध्यान दिनुहोस।

यसले तपाईंलाई परमेश्वरको नजिक हुन प्रेरित गर्नेछ।

 5. तिनीहरूको उपस्थिति र तिनीहरूको भाषालाई ध्यान दिनुहोस। 

यसले तपाईंलाई महानताको वातावरण महसुस गराउनेछ।

 6. तिनीहरूले परिस्थितिहरू कसरी ह्यान्डल गर्छन ध्यान दिनुहोस। 

यसमा तपाईंले आफ्नो परिस्थितिको लागि बुद्धि प्राप्त गर्नुहुनेछ।

 7. तिनीहरूका कमजोरीहरूलाई ध्यान दिनुहोस।

जब तपाईं तिनीहरूको कमजोरीहरूको बावजुद तिनीहरूको महान उपलब्धिहरू देख्नुहुन्छ, तपाईं प्रोत्साहित हुनुहुनेछ।

* केही मानिसहरूलाई तपाईंले तिनीहरूलाई प्रचार गर्न आवश्यक छैन;

उनीहरूलाई तपाईंले प्रचार गर्नुभएका कुराहरू बाँच्न आवश्यक छ।

Source :

https://www.facebook.com/groups/128091227299823/permalink/5455180484590844/?app=fbl

सेवकाईमा एक सेवककाे कर्तव्य र जिम्मेवारीहरू

 

1. यदि तपाइँसँग सेवकाईकाे निम्ति परमेश्वरबाट बाेलावट भएको छैन भने पूर्णकालीन सेवकाईमा नजानुहोस।

पूर्णकालीन सेवकाईकाे बाेलावट नपाउँदासम्म सेवकाई गर्दैगर्दा आफ्नो कामलाई पनि निरन्तरता दिनुहोस।

सेवकाईमा पैसा छ भन्ने सुन्दा विश्वास नगर्नुहोस। तपाईंले आफ्नो जीवनभर सेवा गर्न पैसाको लागि परमेश्वरमा विश्वास गर्नुपर्नेछ। त्यसैले कुनै पनि सेवकाई संस्थाले वित्तीय साझेदारहरूको लागि सोध्न छोडेको छैन। त्यसकारण पनि ठूला सेवकाई संस्थाहरूले चरणमा आयोजना स्थापना गर्ने गर्छन किनभने उनीहरूसँग प्रायः सबै पैसा एकैपटक हुँदैन।

तपाईं विश्वासमा हिँड्दै गर्दा परमेश्वरले प्रबन्ध गर्नुहुन्छ।

2. तपाईंले प्रार्थना र वचनमा राम्रोसँग तयारी नगरेसम्म कुनै पनि सेवामा सेवकाई नगर्नुहोस।

यदि तपाइँ बिना तयारी सेवकाई गर्नुहुन्छ भने तपाइँले मानिसहरूको समय र भविष्य बर्बाद गर्न सक्नुहुन्छ।

जब तपाईं अभिषेक ताजा नभएर सेवा गर्नुहुन्छ, तब आत्मिक महत्त्वकाे प्रभाव हुँदैन। मानिसहरु चिच्याउन सक्छन तर ५ देखि १० वर्षपछि थाहा हुन्छ कि उनीहरुले भविष्य बर्बाद गरेका छन।

3. पुलपिटकाे निम्ति कसैसँग मित्रता नबनाउनुहोस। पुलपिटको लागि कसैसँग भिख माग्न नजानुहोस र कोही तपाईंको साथी भएको कारणले मात्रै पनि कसैलाई पुलपिट नदिनुहोस।

जब परमेश्वरले तपाईलाई भन्नुहुन्छ, तब मात्र तपाईले पुलपिट छोड्नुहुन्छ।

धेरै मानिसहरू व्यवस्थित रूपमा तपाईंको साथी बन्नेछन ताकि तिनीहरूले तपाईंको लागि प्रचार गर्न सकून। पुलपिटकाे निम्ति कसैलाई साथी नबनाउन, पहिल्यै मन बनाउनुहाेस।

4. यदि तपाईं सेवकाईको किनारामा हुन जाँदै हुनुहुन्छ भने सिक्न, पढ्न, बढ्न, परिवर्तन हुन र सुधार गर्न कहिल्यै नराेकिनुहाेस। होइन भने केही वर्षपछि तपाईं जिउँदै इतिहास बन्नुहुनेछ।

मलाई थाहा छ, तपाईं सेवकाईकाे बारेमा धेरै जानकार हुनुहुन्छ, तर... महिमा बिदा भएको छ।

5. तपाईं अभिषिक्त हुनुहुन्छ वा बाेलावट पाउनुभएकाे छ र तपाईंसँग पैसा हुनेछ भनेर ढुक्क नहुनुहाेस। आफ्नो आर्थिक योजना बनाउनुहोस। तपाईंले पैसा कसरी व्यवस्थापन गर्ने भनेर  परमेश्वरसँग सोध्नुहोस। तपाईलाई आफ्नै रणनीति चाहिन्छ। यो जस्तो देखिन्छ, त्यस्तो सरल भने छैन।

सेवकाईमा आर्थिक कुराकाे पनि महत्त्वपूर्ण भाग हुन्छ।

सेवकाईमा आर्थिक व्यवस्थापनकाे निम्ति परमेश्वरबाट ज्ञान र समझ माग्नुहोस। सेवकाईलाई कसरी बढाउने भनेर सरसल्लाह लिनुहाेस, नत्र तपाईं भिखारीमा परिणत हुनुहुनेछ।
दान र भेटीमा आक्रमण नगर्नुहोस, नत्र यसले तपाइँलाई एक दिन शिकार गर्नेछ।

6. तपाईंसँग विवरणहरू नभएका सेवकहरूको लाञ्छना या बदनामी या विवादहरूमा टिप्पणी नगर्नुहोस। चीजहरू देखिए जस्तो सरल छैनन।

कुनै सम्झौता बिना निष्ठापूर्वक आफ्नो सेवाकाे काममा लागि रहनुहाेस।

7. भविष्यवाणी, दर्शन, सपना वा प्रेमको कारणले मात्रै विवाह नगर्नुहोस।

तर एक महान उद्देश्यकाे कारण विवाह गर्नुहोस। सेवकाईको जीवनसाथी बन्न सक्नेसँग बिहे गर्नुहाेस। जो साथी हो, त्यससँग बिहे गर्नुहाेस। धेरैसँग सामना गर्न सक्ने व्यक्तिसँग विवाह गर्नुहोस। नत्र त्याे एक सेवकाईको साझेदार हुन सक्दैन।
धेरै सेवकहरूहरू र ठुला मण्डलीका प्रचारक पनि आफ्नो विवाहकाे निम्ति पछुताउँछन, तर परमेश्वरले तपाईंलाई मद्दत गर्नुहुनेछ।

यदि तपाईं पहिले नै विवाहित हुनुहुन्छ भने एक गुणस्तरीय निर्णय लिनुहोस र तपाईंले आफ्नो विवाहको आनन्द लिनुहुनेछ।  आफ्नो जीवनसाथीलाई माया गर्नुहोस। तपाईंलाई माया गर्छु भनी दाबी गर्ने जो कोहीसँग पनि शैतानलाई तपाईंको ध्यान भड्काउन नदिनुहोस।
संचार गर्नुहोस, अन्तरक्रिया र छलफल गर्नुहोस। आफ्नो जीवनसाथीसँग कुरा गर्नुहोस, समय बिताउनुहाेस र प्रार्थना गर्नुहोस।

* अन्तमा, याे कुरा सधै याद गर्नुहाेस कि जब तपाईं परमेश्वरकाे सेवामा लाग्नुहुन्छ, तब तपाईं एक भयानक आत्मिक युद्धमा पनि सहभागी हुनुभएको छ। अर्को भाषामा सेवकाई एक आत्मिक लडाइँ हाे।

Source :
https://www.facebook.com/101139577946615/posts/pfbid0PJNXmgfAhRERPvj9gBnjfY7WFwaQ36fzcCU8oo3RUS6mTNkMTrq6ixZY92twKMmnl/?app=fbl

दर्शन (Vision)

1. दर्शनले तपाईंको भविष्य छनोट गर्नेछ।

2. दर्शनले तपाईंको साथीहरू छनोट गर्नेछ।

3. दर्शनले तपाईंको समयको सदुपयोग छनोट गर्नेछ।

4. दर्शनले तपाईंको शक्तिको सदुपयोग छनोट गर्नेछ।

5. दर्शनले तपाईंको जीवनकाे प्राथमिकताहरू छनोट गर्नेछ।

6. दर्शनले तपाईंको पुस्तकालय छनोट गर्नेछ।

7. दर्शनले तपाईंको मूल्यहरू छनोट गर्नेछ।

8. दर्शनले तपाईंको आहार छनौट गर्नेछ।

9. दर्शनले तपाईंको पेशा छनौट गर्नेछ।

10. दर्शनले तपाईंको लगानी छनोट गर्नेछ।

11. दर्शनले तपाईंको श्रोतहरूलाई आकर्षण/सृजना गर्नेछ।

12. दर्शनले तपाईंको असिमित विश्वास उत्पन्न गर्नेछ।

* के तपाईंले सृष्टिकर्तादेखि आफ्नो जीवनकाे वास्तविक दर्शन पाउनुभयाे?

यसकारण लेखिएको छ,

“जहाँ दर्शन-प्रकाश छैन, त्यहाँ मानिसहरू भाँड़िन्छन। 

तर त्यो मानिस धन्य हो, जसले व्यवस्था पालन गर्छ।” [हितोपदेश २९:१८]

“अब बालक शमूएल एलीको अधीनमा परमप्रभुको सेवा गर्दथे। त्यस बेला परमप्रभुको वचन विरलै सुनिन्थ्यो, अनि दर्शन पनि उस्तो दिइँदैनथ्यो।” [१ शमूएल ३:१]

Sources :

1. https://youtu.be/Lm8o5cQ_nzk?si=vX2fjcJDeacmzBcA

2. https://jaesonma.tumblr.com/post/169219082252/vision-will-choose-your-future-vision-will-choose

तपाईंकाे भविष्य र तपाईंकाे छनाेट

 

 तपाईंलाई याद होलाः दर्शनमा परमेश्वर एकरात सुलेमानकहाँ देखा पर्नुभयो र उनलाई सोध्नुभयोः “तँ के चाहन्छस?” सुलेमानले बुद्धि र ज्ञान पाउन चाहे, अनि उनलाई त्यसको साथमा धन, सम्पत्ति, इज्जत, विजय र दीर्घायु पनि दिइयो।

 यस्तै प्रकारले हामी हरेकलाई यो प्रश्न सोधिन्छः “मैले तँलाई के दिऊँ? मलाई भन।” अनि वास्तवमा, जे हामीले माग्छौं, त्यही हामीले पाउँछौं।

 लर्ड रोस्बेरीको विषयमा यस्तो बताइएको छ। तिनको युवा अवस्थामा तिनका तीनवटा तीब्र चाहनाहरू थिए,

1. तिनले डेर्बी/खेलकुद जित्न चाहन्थे।

2. तिनले एउटा करोड़पतिकी छोरीलाई विवाह गर्न चाहन्थे।

3. तिनले प्रधानमन्त्री बन्न चाहन्थे।

 इतिहासले हामीलाई बताउँछः तिनले यी तीनवटा चीज पाए।

 केही वर्षअघि शिकागो शहरमा एउटा जवान केटाले घरमा घुँड़ा टेकेर प्रभुसँग प्रार्थना गरे, र भजनसंग्रह १४५:१९ पदमा दिइएको प्रतिज्ञालाई दाबी गरे। तिनले प्रभुबाट निम्नि कुराहरू पाउने उत्कट लालसा गरे,

1. तिनले परमेश्वरको वचनका निक्कै ठूला खण्डहरू कण्ठ गर्ने क्षमता पाउन चाहन्थे।

2. तिनले पर्चाहरू लेख्न र तिनलाई ठूलो मात्रामा वितरण गर्न चाहन्थे।

3. तिनले अरू इसाई सहकर्मीहरूलाई यी पर्चा सितैंमा उपलब्ध गर्न चाहन्थे।

4. तिनले सुसमाचार प्रचार गर्न र परमेश्वरको वचनवाट प्रवचन दिने क्षमता पाउन चाहन्थे।

5. तिनले विश्वासीहरूको आत्मिक उन्नतिको निम्ति आत्मिक लेख लेख्न चाहन्थे।

 श्री टोम ओल्सनलाई चिन्ने सबैजनाले यो स्वीकार गर्छन: परमेश्वरको वचन कण्ठस्थ गर्ने तिनको क्षमता अचम्मको थियो। तिनले प्रचार गरेको सुसमाचार र तिनले दिएको पवित्र बाइबलबाटको शिक्षा धेरैको निम्ति आशिषको कारण बनेका छन। ख्रीष्टियन पत्रिकाहरूमा छापिएका तिनका लेखहरू धेरैभन्दा धेरै मानिसहरूले पढ़ेका छन। अनि तिनका पर्चाहरू शायद अरू सबै मानिसहरूको भन्दा बढ़ी मात्रामा वितरण गरिएका छन।

 हरेक जवान मानिससित कुरा यस्तो छः भविष्य तिनीहरूको सामु सेतो कागजको पन्नाझैं छ। तिनीहरूले त्यसमा जे लेख्न चाहन्छन, यी कुराहरू त्यो पन्नाले ग्रहण गर्न तयार छ।

 * तपाईंको भविष्य प्रति तपाईंको चाहाना वा छनाेट के छ?

परमेश्वरकाे सेवा र राष्ट्रपति पद

 

 एकपटक विश्व प्रसिद्ध ख्रीष्टियन प्रचारक बिल्ली ग्राहमलाई अमेरिकाकाे राष्ट्रपति बन्न अनुरोध गरियो। उनलाई नै राष्ट्रपति बनाउने पक्का निर्णय पनि भईसकेको थियोे, तर उनले त्याे अनुरोधलाई ईन्कार गरे।

 तब एक पत्रकारले आश्चार्य मान्दै बिल्ली ग्राहमलाई प्रश्न साेधे,

 “बिल्ली ग्राहम ज्यु, तपाईंले भर्खरै अमेरिकाकाे राष्ट्रपति बन्ने अवसरलाई किन ईन्कार गर्नुभयो? के याे तपाईंको निम्ति सानो पद थियोे र?”

 त्यसपछि बिल्ली ग्राहमले ती पत्रकारलाई यसरी जवाफ दिएका थिए,

 “परमेश्वरले मलाई आफ्नाे सेवाको काम गर्नकाे निम्ति जुन स्थानमा राख्नुभएको छ, त्याे भन्दा राष्ट्रपति पद सानाे भएकोले म स्विकार गर्न सक्दैन।”

 * बिल्ली ग्राहमकाे स्थानमा तपाईं हुनुभएको भए कुन पद राेज्नुहुन्थ्याे?

 * तपाईंको निम्ति संसारमा सबैभन्दा ठुलो पद कुन हाे?

यसकारण लेखिएको छ,

 तिनीहरूले यस्‍तो जवाफ दिए, “हामी त स्‍वर्ग र पृथ्‍वीका परमेश्‍वरका सेवक हौं...।” [एज्रा ५:११]

 “यसकारण हामी ख्रीष्‍टका राजदूतहरू हौं...।” [२ कोरिन्थी ५:२०]

 तब पत्रुसले उहाँलाई भने, “हेर्नुहोस हामीले त सबै थोक छोड़ेर तपाईंको पछि लागेका छौं। हामीले चाहिँ के पाउनेछौं?”

 येशूले तिनीहरूलाई भन्नुभयो, “साँच्चै, म तिमीहरूलाई भन्दछु, तिमीहरू जो मेरो पछि लागेका छौ, नयाँ सृष्टिमा जब मानिसको पुत्र आफ्नो महिमाको सिंहासनमा बस्नेछ, तब तिमीहरू पनि बाह्र सिंहासनमा बस्नेछौ, र इस्राएलका बाह्र कुलमाथि इन्साफ गर्नेछौ।” [मत्ती १९:२७]

 “जसले जित्छ, त्यसलाई म मेरो सिंहासनमा मसित बस्न दिनेछु, जसरी म आफैले पनि जितें, र मेरा पितासँग उहाँको सिंहासनमा बसेको छु।” [प्रकाश ३:२१]

Source :

1. https://billygraham.org/story/trivia-what-political-office-was-billy-graham-encouraged-to-run-for/

2. https://youtu.be/vFPeEwALjvE

महान परमेश्वरकाे सेवा

 

 जब विलियम केरी भारत देशमा निरन्तर परमेश्वरकाे सेवाकाे काममा लागिरहेका थिए, तब उनलाई लण्डनदेखि एउटा पत्र आउँछ, र त्याे पत्रमा उनकै एक छाेराले हर्षकाे साथ उनलाई यसरी लेखिएका थिए,

 “बुबा, म भर्खरै बेलायतकी महारानीकाे एक राजदुत पदमा नियुक्ति भएकाे छु।”

 तर विलियम केरी केही समयपछि दु:खित हुँदै ती छाेरालाई पत्रकाे जवाफमा यस्ताे लेखेर पठाए,

 “छाेरा! तिमीले यति महान परमेश्वर, सारा सृष्टिका मालिक, जाे राजाहरूका राजा र प्रभुहरूका प्रभु हुनुहुन्छ, उहाँको सेवा गर्न छाेडेर एक साधारण रानीकाे राजदुतकाे नाेकर पदलाई राेज्याै?”

 साँच्चै! विलियम केरीकाे याे पत्रकाे जवाफले आज हामी हरेक ख्रीष्टियन सेवकहरू र विश्वासीहरूलाई साेच्न बाध्य पार्नुपर्छ। आज हामीले महान परमेश्वरकाे सेवा गरिरहेका छाैँ भने ठिक छ, तर गरेका छैनौं भने एउटा खतरा छ, हामीले जुन परमेश्वरकाे सेवा गर्ने अवसरलाई छाेडेर संसारकाे सेवा गर्दैछाैँ... सायद, भाेलि हाम्रो हातमा केही पनि हुनेछैन, न संसार र न परमेश्वर! हरेक मानिसले परमेश्वरकाे सेवा गराेस भन्ने उहाँको ईच्छा छ।

 आजकाे दिनसम्म हनाेक, नाेआ, अब्राहम, माेशा, यहाेशू, एलिया, दाऊद, दानिएल, 12 चेला, पावल, साथै मण्डली इतिहासका अनगिन्ती ब्यक्तिहरूले त्यही महान सर्वशक्तिमान परमेश्वरकाे सेवा गरेर गए। उनीहरूले आउनेवाला परमेश्वरकाे अनन्तको राज्यमा आफ्नाे स्थान सुरक्षित पारेका छन। परमेश्वरकाे अनन्तको राज्यमा तपाईंको स्थान कहाँ हुनेछ?

 * संसारको काम गर्नु आफैमा गलत त हाेईन, संसारको कामबाट पनि परमेश्वरकाे काम गर्ने माध्यम बन्न सक्छ तर सिधा सृष्टिकर्ताकाे सेवाकाे काम मात्रै गर्नु संसारकै सबैभन्दा सर्वश्रेष्ठ काम हाे!

यसकारण लेखिएको छ,

 “तिमीहरूले कसको सेवा गर्ने आजै तिमीहरूले रोज, तर म र मेरो घरानाले परमप्रभुकै सेवा गर्नेछौं।” [यहोशू २४:१५]

 “जवान भएपछि विश्वासद्वारा मोशाले फारोकी छोरीका छोरा कहलाइन इन्कार गरे। 

पापको क्षणिक सुख भोग्नुभन्दा बरु परमेश्वरका मानिसहरूसँग थिचोमिचोमा पर्न तिनले रोजे। 

मिश्रदेशको धन-सम्पत्तिभन्दा ख्रीष्टको निम्ति निन्दित हुन तिनले मूल्यवान सम्पत्ति ठाने। किनभने तिनले आफ्नो दृष्टि इनामतिर लाएका थिए।” [हिब्रू ११:२४]

 “मैले उत्तम लड़ाइँ लड़ेको छु। मैले दौड सिद्ध्याएको छु। मैले विश्वासलाई बचाइराखेको छु। 

अब उप्रान्त मेरो निम्ति धार्मिकताको मुकुट राखिएको छ, जो धार्मिकताका न्यायाधीश प्रभुले त्यस दिन मलाई दिनुहुनेछ, र मलाई मात्र होइन, तर उहाँको पुनरागमन प्रिय मान्नेहरू सबैलाई दिनुहुनेछ।” [२ तिमोथी ४:७-८]

 “संसार बितिजान्‍छ र त्‍यसको अभिलाषा पनि बितिजान्‍छ, तर परमेश्‍वरको इच्‍छा पूरा गर्नेचाहिँ सधैँको निम्‍ति रहन्‍छ।” [१ यूहन्ना २:१७]

“आफ्‍नो निम्‍ति पृथ्‍वीमा धन-सम्‍पत्ति नथुपार, जहाँ कीरा र खियाले ती नष्‍ट पार्छन र जहाँ चोरहरूले घर फोरेर ती चोर्छन।

तर आफ्‍नो निम्‍ति स्‍वर्गमा धन-सम्‍पत्ति थुपार, जहाँ कीराले वा खियाले नष्‍ट पार्दैन, र चोरले पनि चोर्दैन।” [मत्ती ६:१९-२०]

 “अहिलेको आकाश र पृथ्‍वी आगोको निम्‍ति साँचिराखिएका छन।” [२ पत्रुस ३:७]

दुई भाईकाे निर्णय र परिणाम

 

 एकपटक जोन लिविङ्गस्टन ओन्टारियोको पेर्थ काउन्टीको सबैभन्दा धनी मानिस भएर मरे। तिनको सम्पत्ति ५ लाख डलर थियो। यसबाहेक तिनको जीवन बिमा अझ पाँच लाख डलर थियो। तिनको भाई डेविड लिविङ्गस्टनचाहिँ स्कोटल्याण्डको धनाड्य मिशनरी थिए।

 स्कोटल्याण्डको तिनीहरूको घरमा यी दुईजना मानिसहरूले युवा अवस्थामा जीवनका केही महत्वपूर्ण निर्णयहरू लिए। 

 जोनले भनेः क्यानडा गएर म पैसा कमाउनेछु। अनि तिनले त्यही गरे।

 डेविडले चाहिँ आफ्नो जीवन प्रभु येशू आफ्ना मुक्तिदातालाई अर्पण गरे। अफ्रिकाका भित्री भागहरूमा मानिसहरूलाई सुसमाचार प्रचार गरेर प्रभुको निम्ति जित्ने चाहेर उनले पूरा बलले आफ्नो जीवन यस ठूलो काममा लगाए। 

 सांसारिक दृष्टिकोणमा हेरेर जोनचाहिँ बुद्धिमान ठहरिन्छन र डेविडचाहिँ मूर्ख ठानिन्छ।

 तर सांसारिक दृष्टिकोण एकदम छोटो छ, किनभने यता जोनले व्यापारमा सफलता प्राप्त गरेर धेरै धन थुपारे पनि, अनि उता डेविडले अफ्रिकाको निम्ति आफ्नो जीवन दिएर एउटा छाप्रोमा एक्लै भएर आफ्ना घुँडामा घोप्टो परी मरे।

 तापनि तिनीहरूको मृत्युपछिको पचास वा पचहत्तर वर्षपछि हेर्याैँ भने के देख्छौं भने जोनको नाम पृथ्वीबाट प्रायः लुप्त भएका छन, तर डेविड लिविङ्गस्टनको नामचाहिँ संसारभरि जहाँ सुसमाचार जानिएको छ, त्यहाँ प्रख्यात भएका छन।

 * तपाईंको जीवनमा तपाईंले कसको सेवा गर्ने निर्णय गर्नुभएको छ?

    (परमेश्वर या संसारको धन-सम्पत्ति?)

 यसकारण लेखिएको छ, 

 “कसैले दुई मालिकको सेवा गर्न सक्दैन। किनभने त्यसले एउटालाई घृणा गर्नेछ र अर्कालाई प्रेम गर्नेछ। अथवा त्यसले एउटाप्रति भक्ति राख्नेछ, र अर्कालाई त्यसले तुच्छ ठान्नेछ। तिमीहरूले परमेश्वर र धनको सेवा गर्न सक्दैनौ।” [मत्ती ६:२४]

 “संसार बितिजान्‍छ र त्‍यसको अभिलाषा पनि बितिजान्‍छ,

तर परमेश्‍वरको इच्‍छा पूरा गर्नेचाहिँ सधैँको निम्‍ति रहन्‍छ।” [१ यूहन्ना २:१७]

 “कसैले मेरो सेवा गर्छ भने त्यसले मलाई पछ्याओस र म जहाँ छु, मेरो सेवक पनि त्यहाँ हुनेछ। कसैले मेरो सेवा गर्छ भने पिताले त्यसको कदर गर्नुहुनेछ।” [यूहन्ना १२:२६]

पवित्र आत्मा र परमेश्वरको सेवा

 

 1. पवित्र आत्मा बिना, तपाईं सजिलै थकित हुनुहुनेछ।

 2. पवित्र आत्मा बिना, मुक्तिको काम पूरा गर्न र त्यो मार्गमा हिंड्ने सधैं कठिन लाग्नेछ, र तपाईले ख्रीष्टलाई यति चाँडो किन ग्रहण गर्नुभयो भनेर सधैं पछुताउनु हुनेछ।

 3. पवित्र आत्मा बिना, सेवकाई धेरै भारी लाग्नेछ र तपाईं केहि मानिसहरूकाे कथाहरू सुनेर स्थिर रहन सक्नुहुन्न। साथै दुश्मनका आक्रमणहरू र मानिसहरूदेखिको समस्याहरूबाट बच्न सक्नुहुन्न।

 4. पवित्र आत्मा बिना, तपाईं सजिलै थकित हुनुहुनेछ र धेरै भारी महसुस गर्नुहुनेछ। परमेश्वरको काम यदि यो बाेलावट र बोझ होईन भने, तपाइँ सजिलै हार खानुहुनेछ र थकित हुनुहुनेछ।

 5. पवित्र आत्मा बिना, स्वतन्त्रतामा तपाईंले आफूलाई सुविधा दिएको कुरा मात्रै अनुगमन गर्नुहुनेछ। प्रारम्भिक चरणहरूमा नष्ट हुनबाट जोगिनको लागि कुनै पनि कुरा ठूलो सुरु गर्नुपर्छ भन्ने परमेश्वरले कहिल्यै इरादा राख्नुभएको थिएन।

 6. पवित्र आत्मा बिना, तपाईंले चाेट या हानिलाई निजीकृत गर्नुहुनेछ।

 7. पवित्र आत्माले तपाईंलाई चुनौतीहरू मार्फत दिशानिर्देश गर्न र दृढ खडा हुन मद्दत गर्नुहुन्छ।

 8. पवित्र आत्माले हामीलाई अनावश्यक गल्तीहरू गर्नबाट जोगिन मद्दत गर्नुहुन्छ र हामीलाई अनावश्यक तनावबाट बचाउँछ, जसले भारीपन र पछुतोमा परिणत हुन्छ।

 9. पवित्र आत्माले तपाईंलाई सधैं ताजा बनाउनुहुनेछ।

 10. पवित्र आत्माले तपाईंले गर्नुहुने सबै कुरालाई धेरै हलुका र आनन्दित बनाउनुहुनेछ। सेवा गर्नको लागि नम्रता र शून्यता चाहिन्छ र जब तपाईं सेवा गर्नको लागी ममा के छ भन्ने सोच्न चाहानुहुन्छ तब तपाईंले मुख्य बिन्दु(रहस्य) गुमाउनुहुन्छ (परमेश्वरले सधैं टुटेको भाँडो प्रयोग गर्नुहुन्छ)।

* पवित्र आत्माको सहायता बिना प्रभावकारी रूपमा परमेश्वरको सेवा गर्न असम्भव छ!

यसकारण लेखिएको छ,

“मचाहिँ त तिमीहरूलाई पश्चात्तापको लागि पानीले बप्तिस्मा दिन्छु, तर मपछि आउनुहुने मभन्दा अझ शक्तिशाली हुनुहुन्छ, जसका जुत्ता बोक्ने योग्यको म छैनँ। उहाँले तिमीहरूलाई पवित्र आत्मा र आगोले बप्तिस्मा दिनुहुनेछ।” [मत्ती ३:११]

“र म पितासँग बिन्ती गर्नेछु, र उहाँले तिमीहरूलाई अर्को सल्लाहकार दिनुहुनेछ, र उहाँ तिमीहरूसँग सदासर्वदा रहनुहुनेछ।

यिनी सत्यका आत्मा हुनुहुन्छ, जसलाई संसारले ग्रहण गर्न सक्दैन, किनभने संसारले उहाँलाई न त देख्छ न चिन्छ। तिमीहरू उहाँलाई चिन्छौ, किनभने उहाँ तिमीहरूसँग वास गर्नुहुन्छ, र उहाँ तिमीहरूमा रहनुहुनेछ।  

तर सल्लाहकार, अर्थात पवित्र आत्मा, जसलाई पिताले मेरो नाउँमा पठाउनुहुनेछ, उहाँले तिमीहरूलाई सबै कुरा सिकाउनुहुनेछ, र मैले तिमीहरूलाई भनेका सबै कुरा तिमीहरूलाई याद दिलाउनुहुनेछ।” [यूहन्ना १४:१६,१७,२६]

“तापनि म तिमीहरूलाई सत्य कुरा भन्दछु, म जानमा नै तिमीहरूको हित छ। किनभने म गइनँ भने, सल्लाहकार तिमीहरूकहाँ आउनुहुनेछैन। तर गएँ भने म उहाँलाई तिमीहरूकहाँ पठाइदिनेछु।  

अनि जब उहाँ आउनुहुन्छ, उहाँले संसारलाई पाप, धार्मिकता र न्यायको विषयमा दोषी ठहराउनुहुनेछ।” [यूहन्ना १६:७-८]

“हेर, म मेरा पिताको प्रतिज्ञा तिमीहरूकहाँ पठाउँछु, तर माथिबाट शक्ति प्राप्त नगरुञ्जेल तिमीहरू यही सहरमा बसिरहो।” [लूका २४:४९]

“तर पवित्र आत्मा तिमीहरूमा आउनुभएपछि तिमीहरूले शक्ति पाउनेछौ, र तिमीहरू यरूशलेममा, सारा यहूदियामा, सामरियामा र पृथ्वीको अन्तिम छेउसम्म मेरा साक्षी हुनेछौ।” [प्रेरित १:८]

“किनभने सबै, जो परमेश्वरका आत्माले डोर्याइएका हुन्छन, तिनीहरू नै परमेश्वरका सन्तान हुन।” [रोमी ८:१४]

Source :

https://spiritualgrowth2022.blogspot.com/2024/05/blog-post.html