परमेश्वरको मनकाे कुरा

 

1. जब तपाईं धर्मको बारेमा बाेल्नुहुन्छ, तब तपाईंले परमेश्वरको मनको कुरा गरिरहनुभएको छैन।

2. जब तपाईं मण्डलीभित्र बोल्नुहुन्छ, तब तपाईंले परमेश्वरको मनको कुरा गरिरहनुभएको छैन।

3. जब तपाईं मानवीय रङकाे बारेमा बोल्नुहुन्छ, तब तपाईंले परमेश्वरको मनको कुरा गरिरहनुभएको छैन।

4. जब तपाईं असहिष्णुताकाे बारेमा बोल्नुहुन्छ, तब तपाईंले परमेश्वरको मनको कुरा गरिरहनुभएको छैन।

5. जब तपाईं हैसियतकाे बारेमा बोल्नुहुन्छ, तब तपाईंले परमेश्वरको मनको कुरा गरिरहनुभएको छैन।

6. जब तपाईं घृणाकाे बारेमा बोल्नुहुन्छ, तब तपाईंले परमेश्वरको मनको कुरा गरिरहनुभएको छैन।

7. जब तपाईं घमण्डको बारेमा बोल्नुहुन्छ, तब तपाईंले परमेश्वरको मनको कुरा गरिरहनुभएको छैन।

8. जब तपाईं प्रतिशोधको बारेमा बोल्नुहुन्छ, तब तपाईंले परमेश्वरको मनको कुरा गरिरहनुभएको छैन।

9. जब तपाईं भेदभावकाे बारेमा बोल्नुहुन्छ, तब तपाईंले परमेश्वरको मनको कुरा गरिरहनुभएको छैन।

10. जब तपाईं सम्प्रदायकाे बारेमा बोल्नुहुन्छ, तब तपाईंले परमेश्वरको मनको कुरा गरिरहनुभएको छैन।

11. जब तपाईं दाेषाराेपणकाे बारेमा बोल्नुहुन्छ, तब तपाईंले परमेश्वरको मनको कुरा गरिरहनुभएको छैन।

12. जब तपाईं क्षमाहीनकाे बारेमा बोल्नुहुन्छ, तब तपाईंले परमेश्वरको मनको कुरा गरिरहनुभएको छैन।

तर...

13. जसले प्रेमको कुरा गर्छ, उसले परमेश्वरको मनको कुरा गर्छ।

14. जसले दयाकाे कुरा गर्छ, उसले परमेश्वरको मनको कुरा गर्छ।

15. जसले शान्तिको कुरा गर्छ, उसले परमेश्वरको मनको कुरा गर्छ।

16. जसले पवित्रताकाे कुरा गर्छ, उसले परमेश्वरको मनको कुरा गर्छ।

17. जसले नम्रताकाे कुरा गर्छ, उसले परमेश्वरको मनको कुरा गर्छ।

18. जसले सत्यकाे कुरा गर्छ, उसले परमेश्वरको मनको कुरा गर्छ।

19. जसले समानताको कुरा गर्छ, उसले परमेश्वरको मनको कुरा गर्छ।

20. जसले एकताकाे कुरा गर्छ, उसले परमेश्वरको मनको कुरा गर्छ।

21. जसले सहिष्णुताकाे कुरा गर्छ, उसले परमेश्वरको मनको कुरा गर्छ।

22. जसले क्षमाकाे कुरा गर्छ, उसले परमेश्वरको मनको कुरा गर्छ।

23. जसले विश्वासकाे कुरा गर्छ, उसले परमेश्वरको मनको कुरा गर्छ।

24. जसले धार्मिकताकाे कुरा गर्छ, उसले परमेश्वरको मनको कुरा गर्छ।

* तपाईं कसको मनको बारेमा कुरा गर्दै हुनुहुन्छ?

यसकारण लेखिएको छ,

“किनकि कसले प्रभुको मनलाई जानेको छ? र कसले उहाँलाई सिकाउन सक्छ? तर हामीसँग त ख्रीष्टको मन छ।” [१ कोरिन्थी २:१६]

“हे मेरा परमेश्वर, तपाईंको इच्छाबमोजिम गर्न म चाहन्छु, तपाईंको व्यवस्था मेरो हृदयभित्र छ।” [भजनसंग्रह ४०:८]

“हे स्वर्गका सबै सेना हो, उहाँको इच्छाअनुसार काम गर्ने सेवक हो, परमप्रभुको प्रशंसा गर।” [भजनसंग्रह १०३:२१]

“म मेरो निम्ति एउटा विश्वास योग्य पूजाहारी नियुक्त गर्नेछु, जसले मेरो मनमा र हृदयमा भएको कुराअनुसार गर्नेछ। म त्यसको परिवारलाई स्थिर गराउनेछु, र त्यसले मेरो अभिषिक्त मानिसको सामु पुस्तौँसम्म सेवा गर्नेछ।” [१ शमूएल २:३५]

मौनताको सामर्थ्य

 

 

 1. “जसले तपाईंकाे मौनता बुझ्दैन, उसले तपाईंको भनाई पनि बुझ्दैन।”

 2. “तपाईंले बोल्नु भएको कुरा मौनता भन्दा सुन्दर छ भने मात्र आफ्नो मुख खोल्नुहोस।”

 3. “कहिलेकाहीँ मौनता अन्तिम शब्द हुनुभन्दा धेरै शक्तिशाली हुन्छ भनेर जान्नु परिपक्वता हाे।”

 4. “मौनता एक मूर्खको सबैभन्दा राम्रो जवाफ हो।”

 5. “जब तपाईंले मौन बस्न सिक्नु हुन्छ, तब उनीहरूलाई के र कहाँ आक्रमण गर्ने भन्ने कुरा थाहा हुँदैन।”

 6. “मौनता सधैं व्यर्थता या मूर्खता भन्दा राम्रो छ।”

 7. “मौनता कसैको लागि उत्तम जवाफ हो, जसले तपाईंको शब्दको कदर गर्दैन।”

 8. “सफल मानिसहरूको ओठमा सधैं दुई कुरा मात्र हुन्छ, मौनता र मुस्कान।”

 9. “तिनीहरूलाई आफ्नो मौनताले भ्रमित पार्नुहोस, र तिनीहरूलाई आफ्नो कार्यले छक्क पार्नुहोस।”

 10. “मौनता सधैं अनावश्यक नाटक भन्दा राम्रो छ।”

Sources :

1. https://www.linkedin.com/posts/mesti-sima-857bba186_power-of-silence-of-silence-1-he-activity-7214721286453768193-3pOb

2. https://hellofearless.com/blogs/blog/relationship-silence-quotes 

3. https://www.facebook.com/100049022751692/posts/pfbid02rCiWDhMAJYahk8t9t3M3uxJqx4rmRSsURrmRDwwqW8M83cko4qVvPhex4FfYKmU7l/?app=fbl

परमेश्वरले जीवनबाट मानिसहरूलाई हटाउनुका कारणहरू

 

1. तपाईंको समय परिवर्तन भएको छ।

 जब मोशाको मृत्यु भयो र मन्ना रोकियो, तब यहोशूले प्रतिज्ञा गरिएको भूमिमा प्रवेश गर्ने नयाँ समयमा पाइला चाल्ने समय आएकाे थियोे। (यहोशू १:२)

2. तिनीहरू (स्थान वा मानिसहरू) विषाक्त भएका छन।

 मिश्र देश कुनै समय इजरायलको लागि प्रबन्धको ठाउँ थियो, तर अब यो पीडाको ठाउँ बन्यो। त्यसकारण, तिनीहरू अलग हुन आवश्यक थियो। (प्रस्थान १:११)

3. तपाईंकाे जीवनमा थप फल फल्नको लागि काटिएको छ।

 छाँट्नेले धेरै फलहरू ल्याउँछ। जब परमेश्वरले सुख्खा हाँगाहरू हटाउनुहुन्छ, उहाँले तपाईंलाई दण्ड दिनुभएको छैन, तर उहाँले तपाईंलाई छाँट्दै हुनुहुन्छ। (यूहन्ना १५:२)

4. तिनीहरूले तपाईंको दर्शनलाई राेक्छन।

 जब लोतले अब्राहामलाई छोडे, परमेश्वरले अब्राहामलाई माथि हेर्न भन्नुभयो। "लूत" शब्दको अर्थ घुम्टो हो। केही मानिसहरू घुम्टोहरू जस्तै हुन्छन। तिनीहरूले तपाईंको दर्शनलाई रोक्छन। (उत्पत्ति १३:१४)

5. तिनीहरू मुर्ति बनेका छन।

 मानिसहरू नछोडेसम्म परमेश्वरले गिदोनलाई प्रयोग गर्न सक्नुभएन। केही मानिसहरू बैसाखी जस्तै हुन्छन, हामी तिनीहरूमा परमेश्वर भन्दा बढी भरोसा गर्छौं। जब तिनीहरू जान्छन, यो अघि बढ्ने समय हो, पछि हट्ने होइन। (न्यायकर्ता ७:२)

6. तपाईंको लागि परमेश्वरसँग अर्को योजना छ।

 मोशाले आफ्नो ससुरा छोडे, किनभने मोशाले यित्राेको घर बाहिर गर्नुपर्ने अरू काम थियो। (प्रस्थान ४:१८)

7. परमेश्वर अरू कसैलाई ल्याउन चाहनुहुन्छ।

 यसको मतलब यो होइन कि तिनीहरू गलत छन, तर परमेश्वरले तपाईंको जीवनमा अरू कसैलाई आउनको लागि तयारी गर्दै हुनुहुन्छ। त्यसैले उहाँले ठाउँ बनाउनुहुन्छ। यसको बारेमा सोच्नुहोस, येशूले पवित्र आत्मा आउनको लागि चेलाहरूलाई छोड्नुपरेको थियो। येशू टाढा जानु हाम्रो फाइदाको लागि थियो। (यूहन्ना १६:७)

Sources :

1. https://www.linkedin.com/posts/vladhungrygen_7-reasons-god-removes-people-1-your-season-activity-7089747829010636800-jp4l

2. https://injesusname.blog/2023/08/02/7-reasons-god-removes-people/?noamp=available

वकिल र चित्रकार

 

 एक वकिल र एक चित्रकार धेरै वर्षदेखि एउटै छिमेकमा बस्थे।  तिनीहरू घनिष्ठ साथीहरू थिए, तिनीहरू हरेक दिन एकअर्कालाई अभिवादन गर्थे। एक दिन वकिलले कलाकारलाई भेटेर भने, 

“सुन्नुहोस, मेरो एक ग्राहकले मलाई तपाईंको बारेमा केही नराम्रो कुराहरू भन्याे। उसले भन्यो कि तपाईं एक ज्यादै नराम्रो कलाकार हुनुहुन्छ र तपाईंका धेरैजसो कलाकृतिहरू बकवास छन। उसले भन्यो कि जसले तपाईंको कला किन्छ त्यो लाटो या मुर्ख हुनुपर्छ। उसले मलाई तपाईंको बारेमा अझ असभ्य कुराहरू भन्यो, जुन म बोल्न पनि सक्दिन, ऊ तपाईंको शत्रु हो!”

चित्रकारले लामो, गहिरो सास लियो र भने,

“हो, ऊ मेरो शत्रु हो! ऊ साँच्चै मेरो शत्रु हो!”

भोलिपल्ट, वकिल फेरि चित्रकारलाई भेटे र उसलाई भने, 

“सुन्नुहोस, मैले एक रेस्टुरेन्टमा कसैलाई भेटें र उसले मलाई तपाईंको बारेमा केही नराम्रो कुराहरू भन्याे। उसले भन्यो कि तपाईं एक धुम्रपान, एक पुरानो लागुऔषध दुरुपयोगकर्ता र एक धेरै पिउने हुनुहुन्छ। उसले यो पनि भन्यो कि तपाईं एक पूर्व सशस्त्र लुटेरा हुनुहुन्छ। उसले मलाई कार चोर मात्रै भनेको होइन, तर उसले सबैलाई भन्यो। ऊ पनि तपाईंको शत्रु हो। अब तपाईंसँग दुईवटा शत्रु छन।”

चित्रकारले गह्रौं सास फेरे र बिस्तारै भने, 

“हो, ऊ मेरो शत्रु हो! अब मेरा दुई शत्रु छन!”

तेस्रो दिन ती वकिलले फेरि चित्रकारलाई भेट्न गए र भने,

“हेर्नुहाेस, हाम्रो छिमेकका एकजना मानिसले मलाई रोकेर तपाईंको बारेमा केही नराम्रा कुराहरू भन्याे। उसले भन्यो तिमीलाई धेरै संक्रामक रोग छ, र तिम्रो नजिक आउने जो कोही पनि संक्रमित हुनेछन। उसले सबैलाई तिमीबाट टाढा रहन भनेको छ। याे पनि तपाईंको शत्रु हाे। अब तपाईंको तीनवटा शत्रु छन।”

तर, यसपटक चित्रकारले टाउको हल्लाएर भने,

“होइन, तपाईं गलत हुनुहुन्छ। मेरा चार शत्रुहरू छन!”

वकिलले भने,

“होइन, यो तीन हो!”

तब चित्रकार मुस्कुरायो र भन्यो,

“होइन, यो चार हो! तपाईंले त्यहाँ आफैलाई समावेश गर्न बिर्सनुभयो। सुन्नुहोस, ती मानिसहरूले मलाई निन्दा गर्दा तपाईंले मेरो नामको रक्षा गर्नुभएन, तर मलाई यसको बारेमा जानकारी दिन हतार गर्नुभयो, यसको मतलब तपाईं पनि मेरो शत्रु हुनुहुन्छ। तपाईं मेरो सबैभन्दा खराब दुश्मन हुनुहुन्छ!”

वकिल अचम्मित र स्तब्ध भए। बालकले जस्तै लाजले टाउको झुकाएर कोठाबाट बाहिर निस्कियो।

नैतिक पाठ :

आफ्ना शत्रुहरू गन्दा, कसैले तपाईंलाई गाली गर्दा तपाईंको रक्षा नगर्नेहरूलाई कहिल्यै नबिर्सनुहोस। उनीहरूलाई थाहा छ कि तपाईं एक असल व्यक्ति हुनुहुन्छ, तर तिनीहरू चुपचाप बस्छन जब तिनीहरू अरूले तपाईंको बारेमा नराम्रो कुरा सुन्छन। तिनीहरु पनि तपाईंका शत्रु हुन! बुद्धिमान हुनुहोस र तिनीहरूसँग अधिक सावधान रहनुहोस!

* सच्चा साथीहरू पछाडि कुरा काट्ने होइन तर सहयोगी हुन्छन।

* जसले तपाईंलाई अरूको कुरा गर्दछ, त्यसले तपाईंको कुरा पनि अरूलाई पक्कै गर्नेछ।

Sources :

1. https://www.linkedin.com/posts/simon-bywater-aaaa429_thoughtoftheday-activity-7206558003469152256-afZj?utm_source=share&utm_medium=member_android

2. https://www.facebook.com/groups/427696355197727/permalink/1109117380388951/?app=fbl

चार प्रकारका मानिस

 

 1. एक मानिस जसले जान्दछ, र जे जान्दछ, उसले जान्छ। त्यो विद्वान हो, त्यसैले धैर्यपूर्वक उनीबाट सिक्नुहोस।

 2. एक मानिस जसले जान्दछ, र जे थाहा छैन, उसलाई त्याे थाहा छ। उसले त्यो बिर्सिएको छ, त्यसैले चुपचाप उसलाई सम्झाउनुहोस।

 3. एक मानिस जसलाई थाहा छैन, र उसलाई थाहा छ कि उसलाई थाहा छैन। ऊ एक विद्यार्थी हो, र उसलाई निरन्तर पढाउनुहोस किनभने ऊ एक दिन ठूलो विद्वान हुनेछ।

 4. एक मानिस जसलाई थाहा छैन, र उसलाई थाहा छैन भन्ने उसलाई थाहा छ र उसलाई जान्न चाहने ईच्छा पनि छैन। त्यो एक मूर्ख हो, त्यसैले यसलाई अस्वीकार गर्नुहोस र त्यसदेखि टाढा रहनुहाेस!

Sources :

1. https://images.app.goo.gl/sakcUecgSw1xW6NB9

2. https://www.linkedin.com/posts/atqiya-anjum-b034911b1_human-beings-are-of-four-types-1-a-man-activity-7076940870293307393-vmtW 

3. https://www.facebook.com/100064085587764/posts/pfbid0jPNqNVkGsnMkzCFDzCnegYcpvAtipkxV7gLuthTVGxa7Lwyxm1FfFTnnh5hqQZjHl/

जीवन के हाे?

 

एक दिन एउटा केटाले आफ्नो बुढा हजुरबुवालाई सोध्यो,

“हजुरबुवा, मलाई एउटा प्रश्न सोध्ने मौका दिनुहोस, जीवन के हाे?”

अनुहारमा गहिरो अचम्मको भाव लिएर हजुरबुवाले केही क्षण सोंचमा परे, त्यसपछि उनले भने,

“आऊ नाति, म तिमीलाई बजारमा घुमाउन चाहन्छु। मलाई केहि चीजहरू किन्न आवश्यक छ। जब हामी फर्कन्छौं, त्यसपछि म तिमीलाई जीवन के हाे भनेर भन्नेछु!”

सानो केटा र उसको हजुरबुवा सहरको बजारमा गए। उनीहरूले डिटर्जेन्ट, टूथब्रश, टिस्यु, ट्वाइलेट पेपर, केही तरकारी, फलफूल, अण्डा, दूध र माछा किने। तिनीहरूले सँगै अद्भुत समय बिताए, धेरै रमाइलो गरे, चुटकिला सुनाए, धेरै हाँसे र यो एक अविश्वसनीय अनुभव थियो।

साँझ भएपछि तिनीहरू थकित र भोकाएर घर आइपुगे, तर सँगै रमाइलो समय बिताउन पाउँदा खुसी थिए। त्यसपछि त्याे सानो केटाले हजुरबुबालाई सोध्यो, 

“हजुरबुवा, अब मलाई भन्नुहोस... जीवन के हाे?”

हजुरबुवाले भने,

“पहिले मलाई एउटा प्रश्न सोध्न देऊ, हामीले बजारमा किनमेल गरेपछि के भयो?”

केटाले जवाफ दियो,

“हामी घर फर्कियाैँ।”

तब हजुरबुवाले मुस्कुराउँदै भने, 

“तिमीले अति राम्रो जवाफ दियाैं! जिन्दगी यस्तै हो! जिन्दगी भनेको बजारमा किनमेल गरेजस्तै हो, सके पछि घर फर्कनु पर्छ! सुन नाति, जीवन भनेको बजार जस्तै हो, सबैजना बजारमा किन्न या बेच्न आउँछन। अनि जब बजारकाे  समय सकियो, सबैजना घर फर्कन्छन।

काेही आउँछन र के किन्ने हाे भन्ने कुरा नै भुलेर जान्छन। कोही आएर आफूले चाहेको कुरा किनेर जान्छन। कोही हर पलको सदुपयोग गर्छन। कोही दु:ख र पश्चातापमा बस्छन। कोही हतार गरेर घर फर्कन्छन, काेही धैर्य गर्छन। चाहे हामीले असल काम गराैँ या खराब काम गराैँ, तर एकदिन त अवश्य घर फर्कनु पर्नेछ। हामी यहाँ सधैंभरि बस्न आएका हाेईनाैं।

तर सबैभन्दा महत्त्वपूर्ण प्रश्न याे छ कि जब हामी घर फर्कन्छाैँ, तब हामीले बजारबाट के लिएर फर्कन्छाैँ? जब हामी घर फर्कन्छौं, तब हामीले अरूको निम्ति कस्तो प्रकारको छाप छाड्नेछौं?”

* तपाईंको जीवन संसारलाई तपाईंको सन्देश हो। यो प्रेरणादायक बनाेस भनेर निश्चित गर्नुहोस।

याे कथाले हामीलाई जीवनको पाठ सिक्न मद्धत गरेको हाेस! 

यसकारण लेखिएको छ,

“जवान छौ भन्दैमा कसैले तिमीलाई तुच्छ नठानोस, तर विश्वासीहरूका अगि बोलीवचन, आचरण र प्रेममा, विश्वासमा र शुद्धतामा तिमी एक उदाहरण बन।” [१ तिमोथी ४:१३]

“मेरो अनुसरण गर्ने होओ, जसरी म ख्रीष्टको अनुसरण गर्दछु।” [१ कोरिन्थी ११:१]

“किनकि यसैको निम्ति तिमीहरू बोलाइएका हौ। ख्रीष्टले पनि तिमीहरूका निम्ति कष्ट भोग्नुभयो, अनि तिमीहरूका लागि एउटा उदाहरण छोडिजानुभयो, र तिमीहरू उहाँकै पाइलामा हिँड्नुपर्छ।” [१ पत्रुस २:२१]

Sources :

1. https://www.kindspring.org/story/view.php?op=sg&sid=233975

2. https://www.facebook.com/100076240627220/posts/pfbid0QL4nMeUHF9cUYH7iLpmJQudhmdumeMWWYR7ZAEgB732nwRcH5DxTUZikMJ3CfZcul/

एक दिन

 

 1. एक दिन तपाईंले आफ्नो ढोकामा ताल्चा लगाउनुहुनेछ, तर त्यसलाई खोल्ने व्यक्ति तपाईं हुनुहुनेछैन।

 2. एक दिन तपाईंले आफ्नो सबैभन्दा राम्रो लुगा धुनुहुनेछ, तर तपाईं त्यसलाई लगाउन सक्षम हुनुहुनेछैन।

 3. एक दिन तपाईंलाई मनपर्ने खाना तयार हुनेछ, तर त्यो खानको लागी तपाईं हुनुहुनेछैन।

 4. एक दिन तपाईंले खाने र पिउनु हुनेछ, तर त्यसलाई तपाईंले कहिल्यै पचाउन सक्नुहुनेछैन।

 5. एक दिन तपाईंको उत्कृष्ट बायाे-डाटा र तपाईंको धेरै वर्षको अनुभवहरू कुनै कामको हुनेछैन। 

 6. एक दिन जुन व्यक्तिले तपाईंलाई सबैभन्दा धेरै माया गरेको देखिन्छ, उसले कहिल्यै तपाईंको नजिक जान हिम्मत गर्नेछैन।

 7. एक दिन तपाईंले सोच्नुहुनेछ, तर त्यसलाई तपाईंले कहिल्यै पूरा गर्न सक्नुहुन्न।

 8. एक दिन तपाईंलाई “लाश” को रूपमा मानिनेछ।

 9. एक दिन तपाईंलाई “चिहान” भनिने ठाउँमा अलग्गै राखिनेछ।

 10. एक दिन ती चीजहरू र तपाईंले धेरै मन पराउने मानिसहरू तपाईंको अघि आउनेछन, तर तपाईंले त्यसमा र तिनीहरूलाई कुनै ध्यान दिन सक्षम हुनुहुनेछैन।

 11. एक दिन तपाईंले आफ्नो सास भित्र तान्नु हुनेछ र त्यसलाई छोड्न सक्नुहुनेछैन।

 12. एक दिन तपाईं मुख्य न्यायाधीश (परमेश्वर) को सामु प्रतिवादी बन्नुहुनेछ।

 13. एक दिन झिंगा/धमिराेहरू तपाईं कहाँ आउनेछन, र तपाईंले तिनीहरूलाई पछ्याउन असमर्थ हुनुहुनेछ।

 14. एक दिन तपाईंले कसैको कल उठाउनुहुनेछ, तर त्यस कललाई  तपाईंले कहिल्यै काट्न सक्नुहुनेछैन।

 15. एक दिन तपाईंको नाम बोलाइनेछ, तर कसैले जवाफ दिनेछैनन।

 16. एक दिन तपाईंले सबैभन्दा मन पराएको सम्पत्ति अर्को व्यक्तिले लिनेछ।

 17. एक दिन पृथ्वीमा तपाईंको कर्महरूलाई भिडियो रेकर्डिङ जस्तै तपाईंलाई प्रस्तुत गरिनेछ।

 18. एक दिन तपाईंको नाममा “मृतक” शीर्षक थपिनेछ।

 19. एक दिन विनियोजनकर्ताले तपाईंलाई उपयुक्त ठाउँमा विनियोजन गर्नेछ।

 20. एक दिन तपाईंको सुन्दर छाला यसको मूल प्रकृति धूलोमा परिणत हुनेछ।

 21. एक दिन तपाईको सम्पूर्ण शरीरको काम बन्द हुनेछ।  तब “उहाँ एक असल व्यक्ति हुनुहुन्छ” बाट “उहाँ एक असल व्यक्ति हुनुहुन्थ्यो” मा व्याकरण परिवर्तन हुनेछ।

 22. एक दिन तपाईंलाई अनन्त अपार्टमेन्ट घर दिइनेछ, त्याे हाे, स्वर्ग वा नरक।

 23. एक दिन तपाईंले यो फोनमा केहि पनि राख्न वा टाइप गर्न सक्षम हुनुहुनेछैन।

“एक दिन” काे बारेमा सावधान रहनुहाेस, र यसबारेमा आफैंलाई प्रचार गर्नुहाेस।

जीवनलाई सजिलो बनाउनुहोस, राम्रो काम गर्नुहोस र खराबीबाट भाग्नुहोस। सबैसँग शान्तिमा रहनुहोस र आफ्नो छिमेकीलाई आफूलाई जस्तै प्रेम गर्नुहोस। सर्वशक्तिमान परमेश्वरले हामीमाथि दया गरून!

 

यसकारण लेखिएको छ,

“दु:खको समय र वृद्धावस्था आउन अघि नै, जब तिमीले भन्नेछौ, ‘यस समयमा मेरो मन लाग्दैन’, ती समयभन्दा अघि नै आफ्नो युवावस्थामा आफ्ना सृष्टिकर्ताको सम्झना गर।

सूर्य र दिनको उज्यालोलाई अँध्यारोले ढाक्न अघि नै, चन्द्रमा र ताराहरू धमिला हुन र बादलहरू वर्षापछि फर्कन अघि नै, 

जब घरको हेरचाह गर्नेहरू काम्दछन र बलिया मानिसहरू झुक्छन, जब जाँतो पिँध्ने स्त्रीहरू कम भएकाले आफ्नो काम बन्द गर्छन र झ्यालबाट हेर्नेहरूका आँखा धमिला हुन्छन, 

जब गल्लीतिर जाने ढोकाहरू बन्द हुन्छन र जाँतोको आवाज कम हुँदैजान्छ, जब चराको चिरबिरे आवाजमा मानिसहरू उठ्छन, तर तिनीहरूका सबै गीत मधुरा हुन्छन, 

जब मानिसहरू अग्लो ठाउँदेखि र गल्लीका खतरादेखि डरले भरिएका हुन्छन, जब हाँड़े-बदामको बोट सेतै फुलेर फक्रन्छ, र फटेङ्ग्रो पेटले घस्रँदैहिँड्छ, र मनको कामना उत्तेजित रहँदैन-- यी सबै हुनुभन्दा अघि नै उहाँको सम्झना गर। 

तब मानिस आफ्नो अनन्तको घरमा जानेछ, र मलामीहरू गल्लीमा यताउता लाग्नेछन। 

चाँदीको तार चुँड़िन अघि र सुनको कचौरा फुटाइन अघि, माटोको गाग्री पँधेरोमा टुक्रा-टुक्रा पारिन अघि र कूवामा पाङ्ग्रो भचाइन अघि, जमिनबाट आएको धूलो जमिनमै फर्कन अघि, तथा आत्मा दिनुहुने परमेश्वरकहाँ आत्मा जान अघि उहाँको नै सम्झना गर।”

[उपदेशक १२:१-७]

Sources :

1. https://www.nairaland.com/8161534/beware-one-day
2. https://www.linkedin.com/posts/fahaadofficial_beware-of-one-day-1-one-day-you-will-activity-7159418195932499968-5HOZ
3. https://www.facebook.com/100001778951245/posts/pfbid02NgqZS3qefoYWj44eNrhx7743Po2iULYzpoZptiNiDJp8Sj2YsDBtCDkwjtVV27Lkl/

यात्रा निकै छोटो छ

 

 एउटी वृद्ध महिला बसमा चढेर बसिन। अर्को बस स्टपमा, एउटी  रिसाहा युवती माथि उक्लिए र असभ्य तरिकामा झोलाहरूले ती वृद्ध महिलालाई ठाेक्काउँदै छेउमा बसिन।

तर वृद्धा चुपचाप बसेको देखेपछि युवतीले उनलाई आफ्नो झोलाले हिर्काउँदा किन गुनासो नगरेको भनेर सोधिन।

ती बृद्ध महिलाले मुस्कुराउदै जवाफ दिइन, “असभ्य हुनु वा यत्तिको नगण्य कुराको चर्चा गर्नु आवश्यक छैन, मेरो यात्रा छोटो छ। किनकि म अर्को बिसौनीबाट ओर्लदैछु।”

यो जवाफ सुनौलो अक्षरमा लेख्न लायक छ, 

“यति नगण्य कुराको चर्चा गर्नु आवश्यक छैन, किनकि हाम्रो सँगैको यात्रा निकै छोटो छ।”

हामी प्रत्येकले बुझ्नुपर्छ कि यस संसारमा हाम्रो समय यति छोटो छ कि उदास हुनु, व्यर्थ तर्क, ईर्ष्या, अरूलाई माफ नगर्ने, असन्तुष्टि र घमण्ड गर्नु भनेको समय र ऊर्जाको हास्यास्पद बर्बादी हो।

1. के कसैले तपाईंको मन तोड्यो? शान्त रहनुहोस। किनकि यात्रा निकै छोटो छ।

2. के कसैले तपाईंलाई छल गर्याे, धम्की दियो, धोका दियो वा अपमान गर्यो? आराम गर्नुहोस। तिनीहरूलाई माफ गर्नुहोस। किनकि यात्रा निकै छोटो छ।

3. के कसैले तपाईंलाई बिना कारण बदनाम गरेको छ? शान्त रहनुहोस। तिनीहरूलाई बेवास्ता गर्नुहोस। किनकि यात्रा निकै छोटो छ।

4. के तपाईंलाई मन नपरेको कुरामा छिमेकीले टिप्पणी गर्याे? शान्त रहनुहोस। तिनीहरूलाई बेवास्ता गर्नुहोस। तिनीहरूलाई माफ गर्नुहोस। किनकि यात्रा निकै छोटो छ।

5. जुनसुकै समस्या कसैले हामीलाई ल्याएको छ, याद गर्नुहोस कि हाम्रो सँगै यात्रा धेरै छोटो छ।

त्यो यात्राको लम्बाइ कसैलाई थाहा छैन। यो कहिले आफ्नो बिन्दुमा पुग्छ कसैलाई थाहा छैन। हाम्रो सँगैको यात्रा निकै छोटो छ।

हामी साथीहरू र परिवारको कदर गर्नेछौं।

हामीले आदर, दया र क्षमा गरौं, तब हामी कृतज्ञता र आनन्दले भरिनेछौं। अन्तमा, हाम्रो सँगैकाे यात्रा निकै छोटो छ।

यसकारण लेखिएको छ,

“हामी त तपाईंको दृष्टिमा विदेशी र प्रवासीहरू हौं, जस्ता हाम्रा पुर्खाहरू थिए। हाम्रा दिन यस पृथ्वीमा छायाजस्ता मात्र छन र हाम्रा निम्ति आशा छैन।” [१ इतिहास २९:१५]

“प्रतिज्ञा गरिएको कुरा प्राप्त नगरी यिनीहरू सबै विश्वासैमा मरे, तर टाढ़ैबाट त्यसलाई देखेर स्वागत गरी तिनीहरूले मानिलिए, कि तिनीहरू यस पृथ्वीमा परदेशी र प्रवासी थिए।” [हिब्रू ११:१३]

“पनपक्ष नगरी मानिसको कामअनुसार इन्साफ गर्नुहुनेलाई पिता भनी पुकारा गर्छौ भने, तिमीहरूका प्रवासको सम्पूर्ण समय डरसँग बिताओ।

प्रिय हो, म तिमीहरूलाई आग्रहपूर्वक बिन्ती गर्दछु, कि विदेशी र प्रवासीहरू हौ भनी जानेर तिमीहरूका आत्माको विरुद्धमा लड़ाइँ गर्ने शारीरिक अभिलाषाहरूबाट अलग रहो।” [१ पत्रुस १:१७, २:११]

Sources :

1. https://www.linkedin.com/posts/suzylindblom_the-journey-is-short-an-elderly-woman-activity-6856645390968737792-NpB4?trk=public_profile_like_view

2. https://www.dailytenminutes.com/2018/11/the-lady-sat-in-bus.html?m=1 

3. https://www.facebook.com/100092886683294/posts/pfbid0tKqRFqgsATBMcsT4FVxQwGRGBf2DmPCiq42zJz6UW77VkHYX9tLhvScDjHyCkUYol/?app=fbl

एकको शक्ति

 

1. एक रूखले विशाल जंगल सुरु गर्न सक्छ।

2. एक मुस्कानले मित्रता सुरु गर्न सक्छ।

3. एक हातले टुटेको आत्मालाई उठाउन सक्छ।

4. एक शब्दले लक्ष्यलाई ढाँचा दिन सक्छ।

5. एक मैनबत्तीले अन्धकारलाई मेटाउन सक्छ।

6. एक हाँसोले उदासीलाई जित्न सक्छ।

7. एक आशाले तपाईंको मनोबल बढाउन सक्छ।

8. एक स्पर्शले तपाईंलाई वास्ता र फिक्री देखाउन सक्छ।

9. एक जीवनले संसार बदल्न सक्छ।

10. आज त्यो एक तपाईं बन्नुहाेस!

* के तपाईं त्याे एक व्यक्ति बन्नुहुनेछ?

Sources :

1. https://www.linkedin.com/posts/phyllisginsberg_one-tree-can-start-a-forest-one-smile-can-activity-6755242147869405185-OB-1#:~:text=3y-,One%20tree%20can%20start%20a%20forest%2C%20One%20smile%20can%20begin,Be%20that%20one%20today.
2. https://www.dailyinspirationalquotes.in/2016/09/one-one-tree-can-start-forest-one-smile-can-begin-friendship-one-hand-can-lift-soul-one-word-can-frame-goal-one-candle-can-wipe-darkness/amp/

परमेश्वरकाे एक मिनेट र एक पैसा

 

एकजना मानिस परमेश्वरसँग कुरा गर्न पहाडको टुप्पोमा गए।

मानिसले सोध्यो, “परमेश्वर, तपाईंको निम्ति लाखौं वर्ष के हो?”

परमेश्वरले भन्नुभयो, “एक मिनेट।”

त्यसपछि मानिसले सोध्यो, “तपाईंको निम्ति एक अरब रूपैयाँ के हो?”

परमेश्वरले भन्नुभयो, “एक पैसा।”

त्यसपछि मानिसले भन्यो, “ठिक छ, परमेश्वर... के तपाईंले मलाई त्याे एक पैसा दिनसक्नुहुन्छ?”

परमेश्वरले भन्नुभयो, “अवश्य दिनेछु, तर... एक मिनेट पर्ख है।”

नैतिक पाठ :

1. कसैले पनि परमेश्वरलाई परीक्षामा पारेर सफल हुन सक्दैन। उहाँ सर्वज्ञ परमेश्वर हुनुहुन्छ।

2. याे दृष्टान्तले हाम्रो परमेश्वर कति महान हुनुहुन्छ भनेर सोच्न मद्दत गर्छ। किनकि परमेश्वरको लागि एक अरब रूपैयाँ, एक पैसा जस्तै हो र लाखौं वर्ष, एक सेकेन्ड जस्तै हो। यसैले जब हामी प्रार्थना गर्छौं, तब हामी किन यति डरपोक हुन्छौं? यदि तपाईंको सृष्टिकर्ता परमेश्वर सर्वशक्तिमान हुनुहुन्छ भने आफ्नो लक्ष्य या दर्शन पनि महान बनाउनुहाेस!

यसकारण लेखिएको छ,

“मस्साहमा झैँ तिमीहरूले परमप्रभु तिमीहरूका परमेश्वरको परीक्षा नगर।” [व्यवस्था ६:१६]

येशूले त्यसलाई जवाफ दिनुभयो, “यसो भनिएको छ, 'तैंले परमप्रभु आफ्ना परमेश्वरको परीक्षा नगर्नू'।” [लूका ४:१२]

“तर प्रिय हो, यो एउटा कुरा नभुल, कि प्रभुको निम्ति एक दिन हजार वर्षझैँ र हजार वर्ष एक दिनझैँ हुन्छ।” [२ पत्रुस ३:८]

“यसकारण साहससँग अनुग्रहको सिंहासन नजिक जाऔं, र खाँचोको समयमा सहायता पाउनलाई कृपा र अनुग्रह प्राप्त गर्न सकौं।” [हिब्रू ४:१६]

“जसले मलाई शक्ति दिनुहुन्छ, उहाँमा नै म सब कुरा गर्न सक्छु। 

मेरा परमेश्वरले आफ्नो महिमामा उहाँको सम्पत्तिअनुसार तिमीहरूको हरेक खाँचो ख्रीष्ट येशूमा पूरा गरिदिनुहुनेछ।” [फिलिप्पी ४:१३, १९]

Sources :

1. https://nowandme.com/on-gods-time-a-man-walked-to-the-top-1mzu-NRklS6XNrx

2. https://theupdevo.com/2016/10/28/god-how-much-is-a-million-dollars-to-you/

परमेश्वरसँग माग

 

1. मैले परमेश्वरसँग बल मागेँ, तर उहाँले मलाई बलियो बनाउन कठिनाइहरू दिनुभयो।

2. मैले परमेश्वरसँग बुद्धि मागेँ, तर उहाँले मलाई समस्याहरू दिनुभयो, ताकि ती समस्याहरू समाधान गर्न सकूँ।

3. मैले परमेश्वरसँग समृद्धि मागेँ, तर उहाँले मलाई काम गर्न स्वास्थ शरिर र दिमाग दिनुभयो।

4. मैले परमेश्वरसँग साहस मागेँ, तर उहाँले मलाई खतराहरू दिनुभयो ताकि म ती खतराहरूलाई जित्न सकुँ।

5. मैले परमेश्वरसँग धैर्यता मागेँ, तर उहाँले मलाई पर्खन बाध्य भएको परिस्थितिमा राख्नुभयो।

6. मैले परमेश्वरसँग प्रेम मागेँ, तर उहाँले मलाई समस्यामा परेका मानिसहरूलाई मद्दत गर्ने अवसर दिनुभयो। 

7. मैले परमेश्वरसँग सहारा मागेँ, तर उहाँले मलाई अनगिन्ती अवसर दिनुभयो।

मैले चाहेको केहि पनि पाएको छैन, तर मलाई चाहिने सबै कुराहरू पाएँ। मलाई मेरो सबै प्रार्थनाको जवाफ दिइएको छ।

* सायद, हामीले गरेका अनगिन्ती प्रार्थनाहरूकाे जवाफ अझैसम्म पाएका छैनौं हाेला, तर सत्य याे पनि हाे कि परमेश्वरले हामीले कहिल्यै नमागेका अनगिन्ती प्रार्थनाहरूकाे जवाफ दिईसक्नुभएको छ। परमेश्वरमा भराेसा गर्नुहाेस!

यसकारण लेखिएको छ,

“हामी अविश्वासी छौं भने, उहाँ विश्वासयोग्य रहनुहुनेछ, किनकि उहाँले आफैलाई इन्कार गर्न सक्नुहुन्न।” [२ तिमोथी २:१३]

“तर मेरो धार्मिक जनचाहिँ विश्वासद्वारा बाँच्नेछ, र यदि ऊ पछि हट्छ भनेता म उसँग खुशी हुनेछैनँ।

तर हामी पछि हट्ने र विनाश पारिनेहरूमध्येका होइनौं, तर विश्वास गरी बचाइएकाहरूमध्येका हौं।” [हिब्रू १०:३८]

“यदि तिनीहरूमध्ये कसैकसैले विश्वास गरेनन भने, के भयो त? के तिनीहरूको अविश्वासले परमेश्वरको विश्वासयोग्यतालाई रद्द तुल्याउँछ र?” [रोमी ३:३]

“भाइ हो, होश गर, तिमीहरूमध्ये कसैमा भएको दुष्ट र अविश्वासी हृदयले तिमीहरूलाई जीवित परमेश्वरबाट टाढ़ा नलैजाओस। 

जबसम्म "आजको दिन" भन्ने कुरा छ, तबसम्म एउटाले अर्कालाई अर्ती देओ, र पापको छलछामले तिमीहरू कसैको हृदय कठोर नहोस।” [हिब्रू ३:१२]

“बदली हुन नसक्ने यी दुई कुराहरूमा परमेश्वर असत्य ठहरिनु असम्भव छ। यसैकारण हामी शरण लिनेहरूले हाम्रा सामु राखिदिएको आशा प्राप्त गर्ने ठूलो हौसला पाएका छौं।” [हिब्रू ६:१८]

Sources :

1. https://www.linkedin.com/posts/dr-khaled-aboeldahab-59814845_i-asked-for-strength-and-god-gave-me-difficulties-activity-7191043102160121858-X-Sr
2. https://up.uncommonpursuit.net/t/i-asked-for-strength-and-god-gave-me-difficulties/396
3. https://www.bestenglishquotes4u.com/2015/06/i-asked-for-strength-and-god-gave-me.html?m=1

युवा सेवकहरूले ध्यान दिनुपर्ने महत्त्वपूर्ण कुराहरू

 

 1. जो कोही पनि गिर्न सक्छ। म फेरि दोहोर्‍याउँछु, सेवकहरू कोही पनि गिर्न सक्छ। याे कुरा कहिल्यै नबिर्सनुहोस!

 2. अभिषेकले परीक्षाहरू, प्रलोभनहरू र आक्रमणहरूबाट सुरक्षा गर्दैन। याे कुरा कहिल्यै नबिर्सनुहोस!

 3. नियमित व्यक्तिगत परमेश्वरसँग एकान्तवासले तपाईंलाई बलियो राख्छ। याे कुरा कहिल्यै नबिर्सनुहोस!

 4. तपाईंको शक्ति या बल परमेश्वरको वचन हो। यसलाई दैनिक अध्ययन र मनन गर्नुहोस। याे कुरा कहिल्यै नबिर्सनुहोस!

 5. घृणाभावलाई छोड्नुहोस। घृणाभावकाे निम्ति मर्नुहाेस।  घृणाभाव जो कोहीबाट पनि आउन सक्छ, त्याे तपाईंको श्रीमतीबाट पनि आउन सक्छ।

 6. आफ्नो गोप्य स्थानलाई प्राथमिकता दिनुहोस। सेवकहरूको हैसियतमा अनावश्यक भेटघाट, अनावश्यक तर्कबितर्क र भौतारिने काम नगर्नुहोस, यसले तपाईंलाई अलमलमा पार्ने र तपाईंको बहुमुल्य समयलाई बर्बाद गर्ने काम मात्रै गर्नेछ। 

 7. पुरानो बानीहरू नबिर्सनुहोस। तपाईंले पुरानो समयमा संघर्ष गर्नुहुने बानीहरूलाई नबिर्सनुहोस। 

 8. आफ्ना कमजोरीहरूलाई क्रुसमा ठोकिरहनुहोस। यो निकै महत्वपूर्ण छ!

 9. सेवकाई अघि परिवारलाई पनि ध्यान दिनुहाेस। यदि तपाईंको श्रीमती खुसी छैन भने, सबै सेवाहरू रद्द गर्नुहोस र ती समस्याहरू पहिले समाधान गर्नुहोस। 

 10. आफ्ना छोराछोरीलाई धेरै नपुल्पुल्याउनु हाेस अर्थात हदभन्दा बढी माया नगर्नुहोस। तिनीहरूमाथि थप उत्कृष्ट अनुशासन लागू गर्नुहोस। 

 11. दिन नसक्नेहरूका लागि आशिषकाे कारण बन्न नछोड्नुहोस। तपाईंलाई आशिष पाउन या माग्न हाेईन, तर आशिष दिन बोलाईएकाे छ र तपाईंलाई सेवा गर्नेहरू प्रति सधै धन्यवादी बन्नुहाेस। तपाईं सबैको पिता हुनुहुन्छ।

 12. आफ्नो वचनमा स्थिर रहनुहोस। परमेश्वरकाे वचनहरूलाई सधैं आफ्नो हृदयमा राख्नुहोस। 

 13. तपाईंले पनि गल्ती गर्न सक्नुहुन्छ। त्यस परिस्थितिमा आफैलाई नमार्नुहाेस, तर ती गल्तीहरूदेखि पाठ सिक्नुहाेस र निरन्तर आफ्नो लक्ष्यतिर अगाडि बढाउनुहोस।

 14. तपाईंलाई बाेलाउन सक्ने र क्रममा राख्ने आवाजहरू छन। त्यसकारण एल्डरहरू, डिकनहरू र डिकोनेसहरू महत्त्वपूर्ण छन।

 15. अन्तमा : बुद्धिमा प्रार्थना गर्नुहाेस! अन्य भाषाहरूमा परमेश्वरकाे आराधना गर्नुहाेस! पवित्र आत्मामा प्रार्थना गर्नुहाेस!

  - केनेथ कोपल्याण्ड

Sources :

1. https://lightfeatherstoriesw.home.blog/2020/06/21/15-words-of-wisdom-for-young-ministers-kenneth-copeland/

2. https://www.scribd.com/document/617417880/15-WISDOM-FOR-YOUNG-MINISTERS-KENNETH-COPELAND

3. https://www.facebook.com/101127488860423/posts/pfbid0eXqFdYm5s2S7KeLFPxjDkzse3vjjsgvdXmC1EJHHzXZRVY1QCX4Yq8EbSL7XLhaal/?app=fbl

हाकिम र अगुवा

 

1. हाकिमले सबै कुरा थाहा भएको महशुस गर्छ,
अगुवाले आफ्नो गल्तीहरू स्वीकार गर्छ।

2. हाकिमले मानिसहरूलाई के गर्ने भनेर आज्ञा दिन्छ,
अगुवाले कसरी गर्ने भनेर नमुना दिन्छ।

3. हाकिमको आलोचना मात्रै गर्दछ,
अगुवाले सल्लाहहरू दिन्छ।

4. हाकिमले छिटो कुरा मात्रै गर्छ र आदेश दिन्छ,
अगुवाले पूरा निर्देशन दिन्छ।

5. हाकिमले आदरकाे माग गर्दछ,
अगुवाले आदर कमाउँछ र ऊ सम्मानको योग्य पनि छ।

6. हाकिमले नियमहरूद्वारा धम्की दिएर शासन गर्न खाेज्छ,
अगुवाले मानवीय दया देखाउँछ।

7. हाकिम सुन्नमा मात्रै निर्भर गर्दछ,
अगुवाले स्वयं छानबिन गर्दछ।

* यसैले तपाईं हाकिम होइन, तर अगुवा बन्नुहोस!

यसकारण लेखिएको छ,
तर येशूले तिनीहरूलाई आफूकहाँ बोलाएर भन्नुभयो,
“तिमीहरूलाई थाहा नै छ, कि अन्यजातिका शासकहरूले तिनीहरूमाथि निरङ्कुश शासन गर्दछन, र ठूलाठालुहरूले तिनीहरूमाथि अधिकार जमाउँछन।  
तिमीहरूका बीचमा यस्तो हुनेछैन, तर जो तिमीहरूमा ठूलो हुने इच्छा गर्दछ, त्यो तिमीहरूको सेवक हुनुपर्छ।  
जो तिमीहरूमध्ये पहिलो हुने इच्छा गर्दछ, त्यो तिमीहरूको कमारो हुनुपर्छ, 
जसरी मानिसको पुत्र पनि सेवा पाउनलाई होइन तर सेवा गर्न र धेरैको छुटकाराको मोल स्वरूप आफ्नो प्राण दिन आयो।” [मत्ती २०:२५]

तिनीहरूका गोडा धोइसक्नुभएपछि आफ्नो बाहिरी वस्त्र लाएर उहाँ फेरि बस्नुभयो। तब उहाँले तिनीहरूलाई भन्नुभयो,  “के तिमीहरू जान्दछौ, मैले तिमीहरूका निम्ति के गरें?  
तिमीहरू मलाई 'गुरु र प्रभु' भन्दछौ, त्यो तिमीहरू ठीकै भन्दछौ, किनभने म उही हुँ। 
यदि तिमीहरूका प्रभु र गुरु भईकन मैले तिमीहरूका गोडा धोएको छु भने तिमीहरूले पनि एक-अर्काका गोडा धुनुपर्छ, 
किनकि मैले तिमीहरूलाई एउटा उदाहरण दिएको छु, र जसो मैले तिमीहरूका निम्ति गरें, तिमीहरूले पनि त्यसै गर।” [यूहन्ना १३:१२-१५]

#Boss Vs. #Leader 

Sources :

1. https://www.linkedin.com/posts/ritika-n-37b71a21a_be-a-leader-not-a-boss-a-boss-knows-everything-activity-7072508073533161472-4F2c
2. https://medium.com/@tasimbachirindo/be-a-leader-not-a-boss-fb53b4f7c23c