न्यायको दिनको बारेमा महत्त्वपूर्ण भनाईहरू

 

१. न्यायको दिन, तपाईंले स्वीकार गर्नुहोस् वा नगर्नुहोस्, हामी सबै न्यायको त्यो भयानक दिनमा जानेछौं ।

२. परमेश्वरको न्यायको दिनले पृथ्वीलाई हल्लाउनेछ । घमण्ड तल झारिनेछ, अहंकारी पतन हुनेछ, दुष्टताको न्याय गरिनेछ । परमेश्वरले जे घोषणा गर्नुभएको छ त्यो पुरा भएर जानेछ । [यशैया १३]

३. न्यायको दिनमा कुनै बहाना चल्नेछैन । दोस्रो मौका दिइने छैन । अरू कसैले दोष लिन सक्दैन । येशूलाई अहिले अस्वीकार गर्नु भनेको उहाँ बिना अनन्तकालको सामना गर्नु हो ।

४. न्यायको दिन, तपाईं जतिसुकै लोकप्रिय भए पनि, तपाईंले कमाएको धनसम्पत्ति अर्थहीन हुनेछ । तपाईंको विचार, संस्कृति, जाति वा धर्मले कुनै फरक पार्दैन । त्यो दिन येशू ख्रीष्टसँगको व्यक्तिगत सम्बन्ध मात्र महत्त्वपूर्ण हुनेछ !

५. न्यायको दिनमा धेरै छक्क पर्नेछन्, किनभने... सर्वशक्तिमान परमेश्वर र उहाँको क्रोधको गम्भीरता सिकाउन र प्रचार गर्न पास्टरहरू असफल भए !

६. न्यायको दिन, लोकप्रियताले तपाईंलाई बचाउने छैन । धन र सम्पत्तिले तपाईंलाई बचाउने छैन । यस संसारले प्रशंसा गर्ने सबै कुरा अर्थहीन रूपमा पर्दाफास हुनेछ । तपाईंको विचार टिक्ने छैन । तपाईंको संस्कृतिले तपाईंलाई बहाना बनाउने छैन । तपाईंको जाति वा धर्मले तपाईंको रक्षा गर्ने छैन । त्यो दिन, केवल एउटा कुराले मात्र फरक पार्नेछ, मण्डलीमा उपस्थिति होइन, राम्रो मनसाय होइन तर येशू ख्रीष्टसँग व्यक्तिगत सम्बन्ध !

७. न्यायको दिन, लोकप्रियताले तपाईंलाई ढाक्नेछैन, धनले तपाईंलाई बचाउने छैन, संस्कृतिले तपाईंलाई बहाना बनाउने छैन, धर्मले तपाईंलाई बचाउने छैन । त्यो दिन, केवल एउटा कुराले मात्र फरक पार्नेछ, येशू ख्रीष्टसँगको व्यक्तिगत सम्बन्ध !

८. यो पुस्ता, परमेश्वरसँग पटक्कै डराउँदैन । मानिसहरू आफूले चाहेको तरिकाले बाँचिरहेका छन्, मानौं कुनै न्याय छैन । सुसमाचारलाई मजाकको रूपमा नलिनुहोस् । नरक वास्तविक छ । येशू स्वर्ग जाने एक मात्र बाटो हुनुहुन्छ ।

९. संसारले पृथ्वीको विपरीत परिस्थितिलाई सामान्य भन्छ । तर परमेश्वरले यसलाई न्यायको अगाडि चेतावनी भन्नुहुन्छ । “किनकि त्यस बेला यस्तो महासङ्कष्ट हुनेछ... ।” [मत्ती २४:२१] चेतावनी बिना कहिल्यै न्याय आउँदैन ।

१०. न्यायको दिनमा मानिसको याे उखान पनि समाप्त हुनेछ, “जसले गर्याे धर्म, उसको फुट्याे कर्म”, “जसले गर्छ पापैपाप, उसको हुन्छ फलिफाफ”

११. जीवन एउटा परीक्षा हो र यसको नतिजा न्यायको दिन घोषणा गरिनेछ । यसलाई पास गर्न कडा परिश्रम गर्नुहोस् किनभने असफलताको अवस्थामा पुन: प्रकट हुने कुनै सम्भावना हुँदैन ।

१२. हामी त्यस्तो पुस्तामा बाँचिरहेका छौं जहाँ परमेश्वरको डर त्यागिएको छ, यो सोचेर धोका दिइएको छ कि त्यहाँ कुनै न्याय छैन, कुनै अनन्तता छैन, कुनै जवाफदेहिता छैन ।

तैपनि समयका संकेतहरू पहिलेभन्दा धेरै ठूलो स्वरमा चिच्याइरहेका छन् - यी अन्तिम दिनहरू हुन्, र न्यायाधीश ढोकामा उभिरहेका छन् ।

१३. “प्रत्येक मानिस आफ्नो कर्मको मूल्य अनुसार अनन्त दण्ड वा मुक्तिमा जान्छ ।” - सेन्ट जस्टिन मार्टेयर्स

१४. “जब आत्मा शरीरबाट निस्कन्छ, यो तुरुन्तै परमेश्वरले तोक्नुभएको ठाउँमा जान्छ, र त्यहाँ पुनरुत्थान र न्यायको प्रतीक्षा हुन्छ ।” - सेन्ट इरेनियस

१५. “त्यसैले, सबै आत्माहरू पाताल भित्र बन्द छन्, र त्यहाँ न्यायको दिन पर्खिरहेको छ, चाहे असल होस् वा खराब ।” - टर्टुलियन

१६. “धर्मीहरूको आत्मा परमेश्वरको हातमा हुन्छ... तर अधर्मीहरूलाई तिनीहरूको लागि तोकिएको ठाउँमा घिसारिन्छ ।” - सेन्ट हिप्पोलिटस

१७. “प्रत्येक व्यक्तिले आफूले गरेको काम अनुसारको फल पाउनको लागि यस जीवनबाट बिदा हुन्छ, चाहे त्यो राम्रो होस् वा नराम्रो ।” - अलेक्जान्ड्रियाको ओरिगेन

१८. “आत्मा शरीरबाट निस्केपछि, यसलाई न्यायको लागि लगिन्छ, र यसको काम अनुसार फल पाउँछ ।” - जेरुसेलमको सेन्ट सिरिल

१९. “जब हामी यो जीवनबाट बिदा हुन्छौं, हामीलाई तुरुन्तै न्यायमा लगिन्छ, र त्यहाँ हामीलाई कसैले पनि मद्दत गर्न सक्दैन ।” - सेन्ट जोन क्रिसोस्टोम 

२०. “जब मानिस मर्छ, उसको आत्माको तुरुन्तै न्याय हुन्छ, र उसले या त दण्ड या विश्राम पाउँछ ।” - हिप्पोको सेन्ट अगस्टिन 

२१. “न्यायको लागि तयार हुनुहोस्, भयानक न्यायको लागि, धार्मिक न्यायको लागि, एक र अन्तिम न्यायको लागि, जस पछि या त अनन्त आशिष हुनेछ या त अनन्त यातना हुनेछ...

दाजुभाइ तथा दिदीबहिनीहरू ! सोच्नुहोस्, सायद आज रात तपाईंको प्राण तपाईंबाट लिइनेछ [लूका १२:२०], र तपाईं नरकमा, यातनामा... सबै आगोमा जानु हुनेछ । त्यसैले, न्यायको लागि तयार हुनुहोस्, आजै तयारी सुरु गर्नुहोस्...

मण्डली जानुहोस्, आफ्ना पापहरूमाथि रुनुहोस्, उहाँसँगै मिलेर ठूलो डरका साथ न्यायको दिनको प्रतीक्षा गर्नुहोस् ।” - सेन्ट जोन क्रोनस्टाड

२२. “न्याय यही हो, कि ज्योति संसारमा आएको छ ।” - सन्त यूहन्ना [यूहन्ना ३:१९]

२३. “न्याय आउँदा समय रहनेछैन, र जब समय रहनेछैन, परिवर्तन असम्भव छ ।” - चार्ल्स एच. स्पर्जन 

२४. “येशू न्यायको सिंहासनमा बस्नुहुनेछ भन्ने तथ्य उहाँका शत्रुहरूको त्रास र उहाँका मानिसहरूको सान्त्वना हुनेछ ।” - जोन मरे

२५. “धेरै पास्टरहरूले मलाई सुसमाचारलाई यति गम्भीरतापूर्वक लिएकोमा आलोचना गर्छन् । तर के उनीहरू साँच्चै सोच्छन् कि न्यायको दिनमा, ख्रीष्टले मलाई यसो भन्दै सजाय दिनुहुनेछ, ‘लियोनार्ड, तिमीले मलाई धेरै गम्भीरतापूर्वक लियौ’ ?” - लियोनार्ड रेभेनहिल

२६. “त्यो न्यायको दिन थिएन, केवल एक बिहान हाे । यो त उत्कृष्ट र निष्पक्षताको सुनौलो बिहानी हो ।” - विलियम स्टाइरन

२७. “बाइबलमा ‘न्यायको दिनमा कुनै बहाना छैन’ भन्ने वाक्यांशको अर्थ सबै मानिसहरूलाई तिनीहरूको कार्य र विश्वासको लागि जवाफदेही बनाइनेछ, परमेश्वरको सत्यलाई अस्वीकार गर्ने कुनै वैध बचाउ बिना, किनकि परमेश्वरले आफ्नो अस्तित्वको पर्याप्त प्रमाण प्रदान गर्नुहुन्छ र मानिसहरूले सृष्टि, तिनीहरूको विवेक र धर्मशास्त्र मार्फत यसको प्रतिक्रिया दिने अपेक्षा गर्नुहुन्छ। परमेश्वरले सबैलाई उनीहरूले उजागर गरेको सत्यको आधारमा न्याय गर्नुहुनेछ, पाप वा अविश्वासको लागि कुनै बहाना छोड्नुहुन्न ।” [रोमी १:२०, हितोपदेश २४:१२]

२८. न्यायको दिनमा, तपाईं कति धनी हुनुहुन्थ्यो, तपाईं कति लोकप्रिय हुनुहुन्थ्यो, तपाईंले चलाउनुभएको कार, तपाईं बस्नुभएको घर, वा तपाईंले कति असल काम गर्नुभयो भन्ने कुराले फरक पार्दैन । त्यस दिन, येशू ख्रीष्टसँगको सम्बन्ध मात्र फरक पर्नेछ । यदि तपाईंले ख्रीष्टको क्रूसमा पाइने अनन्त जीवनको नि:शुल्क उपहारलाई अस्वीकार गर्नुभयो भने, तपाईंले आफ्नो पापको लागि नरकमा सधैंको लागि तिर्नुहुनेछ । ढिलो हुनु अघि पश्चात्ताप गर्नुहोस् र सुसमाचारमा विश्वास गर्नुहोस् । [यूहन्‍ना ३:३६]

२९. “हो, मेरो एकमात्र उद्देश्य तपाईंहरूको दिमाग, हृदय र आत्मालाई शुद्ध र न्यायको दिनको लागि ख्रीष्टलाई स्वीकार्य बनाउनु हो ।” - गिलियन डान्स

यसकारण लेखिएको छ,

“तिनीहरू परमप्रभुको सम्मुख गाउनेछन्, किनकि उहाँ आउनुहुन्छ, उहाँ पृथ्वीको न्याय गर्न आउनुहुन्छ । उहाँले संसारको न्याय धार्मिकतामा, र मानिसहरूको न्याय आफ्नो सत्यतामा गर्नुहुनेछ ।” [भजनसंग्रह ९६:१३]

“तिनीहरूले परमप्रभुको सम्मुख गाऊन् । किनकि उहाँ पृथ्वीको न्याय गर्न आउनुहुन्छ। उहाँले धार्मिकता र निष्पक्षतासाथ संसारका मानिसहरूको न्याय गर्नुहुनेछ ।” [भजनसंग्रह ९८:९]

“अनि धर्मात्मा र दुष्ट, परमेश्वरको सेवा गर्ने र उहाँको सेवा नगर्नेको भेद तिमीहरूले फेरि देख्नेछौ ।” [मलाकी ३:१८]

“यसकारण तोकिएको समयभन्दा अघि न्याय नगर, प्रभु आउञ्जेल पर्ख । उहाँले अँध्यारोमा लुकेका कुराहरूलाई प्रकाशमा ल्याउनुहुनेछ, र मानिसका हृदयका अभिप्रायहरू प्रकट गरिदिनुहुनेछ । तब हरेक मानिसले परमेश्वरबाट आफ्नो प्रशंसा पाउनेछ ।” [१ कोरिन्थी ४:५]

“तब मैले एउटा ठूलो सेतो सिंहासन र त्यसमाथि विराजमान हुनुहुनेलाई देखें । उहाँको सामुन्नेबाट पृथ्वी र आकाश भागेर गए, र तिनीहरूका निम्ति कतै ठाउँ पाइएन । 

मैले ठूला र साना सबै मृतकहरूलाई सिंहासनको सामुन्ने उभिरहेका देखें, र पुस्तकहरू खोलिए । अर्को एउटा पुस्तक पनि खोलियो, जो जीवनको पुस्तक हो । ती पुस्तकहरूमा लेखिएका कुरामुताबिक, तिनीहरूका कामअनुसार मृतकहरूको इन्साफ भयो । 

समुद्रले त्यसमा भएका मृतकहरू दिइहाल्यो, अनि मृत्यु र पातालले पनि तिनीहरूमा भएका मृतकहरू दिइहाले। तिनीहरू प्रत्येकको आ-आफ्ना कामअनुसार इन्साफ भयो । 

मृत्यु र पाताल अग्नि-कुण्डमा फालिए । यो अग्नि-कुण्ड दोस्रो मृत्यु हो । 

जसको नाउँ जीवनको पुस्तकमा लेखिएको भेट्टाइएन त्यो अग्नि-कुण्डमा फालियो ।” [प्रकाश २०:११-१५]

“यदि तँ भन्छस्, ‘हामीलाई त यसबारे केही थाहै भएन,’ के हृदय जाँच गर्नुहुनेले यो कुराको ख्याल राख्नुहुन्न र ? तेरो जीवन रक्षा गर्नुहुनेलाई यो कुरा थाहा हुँदैन र ? के उहाँले हरेक व्यक्तिलाई त्यसको कामअनुसार बदला दिनुहुन्न र ?” [हितोपदेश २४:१२]

Sources :

1. https://4marksofthechurch.com/particular-judgment/#top

2. https://www.azquotes.com/quotes/topics/judgment-day.html

3. https://www.goodreads.com/quotes/tag/judgement-day