एक पास्टरले आफ्नो घरको ढोका बन्द गर्न लागेका थिए । तर एक मातेको व्यक्तिले बिन्ती गरे, “पास्टर, म तपाईंलाई एउटा महत्त्वपूर्ण कुरा देखाउन चाहन्छु, तपाईंले त्यो हेर्नु पर्छ !”
पास्टरले भने, “मध्यरात भयो, अब तिमी घर जानुपर्छ ।”
तर मातेको मान्छेले जिद्दी गर्यो, “चिहानमा केही आवाजहरू आईरहेका छन् । त्यसैले म यहाँ आएको हुँ । म कसम खान्छु !”
“बकवास ! मरेकाहरू अब कुरा गरिरहेका छन् !” भन्दै पास्टरले ती मातेको मान्छेलाई घर लैजान बाहिर निस्किए ।
चिहानको बाटो भएर फर्किंदै गर्दा, बार भत्काएर आँप चोर्न गएका दुई युवाहरूले आपसमा यस्तो भन्दै आँप बाँड्दै थिए, “एउटा मेरो लागि... एउटा तिम्रो लागि...।”
बारको परिधिमा आइपुग्ने बित्तिकै, पछाडिबाट आइरहेको मातेको व्यक्तिले रूखमुनिको अँध्यारोतिर औंल्याउँदै बिस्तारै पास्टरलाई भन्यो, “के तपाईंले आवाज सुन्नु भयो ?”
पास्टरले हतार हतार उसलाई बारमा अडेस लागेर पिपलको हाँगामुनि ताने । तिनीहरू कान थामेर बसे । तब “एउटा मेरो लागि... एउटा तिम्रो लागि...।” यी दुईवटा आवाजहरू निरन्तर बजिरहेका थिए ।
पास्टरको दिमागमा विचारहरू बन्न थाले । मातेको अनुहारको भावले उनीहरूको निष्कर्ष समान थियो भनेर पुष्टि गर्यो ।
पास्टरले फुसफुसाउँदै भने, “यो त शैतान र परमेश्वरले मानिसहरूलाई विभाजन गर्दै हुनुहुन्छ । तपाईं सही हुनुहुन्थ्यो, न्यायको दिन आइपुगेको छ ।”
यसैबीच, दुई युवाहरूले आँप बाँडेर सिध्याए । तब एक जनाले बिस्तारै सुस्केरा हाल्यो, “अब गनेर सकियो !”
तर अर्कोलाई बार बाहिर, पिपलको रूखमुनि खसेका दुईवटा आँपहरू याद आए ।
उसले कुरा काट्यो र भन्यो, “पर्ख, तिनीहरू सकिएका छैनन्... । बार बाहिर अरु दुईवटा छन् ।”
पास्टर र मातेको मान्छेको आँखा बन्द भयो, कानहरू सुन्न भए ।
अर्को आवाजले सोध्यो, “कुन दुई ?”
उसले भन्यो, “पिपलको रूखमुनि दुई वटा छन् !”
वाक्य पूरा हुँदासम्म, पास्टर र मातेको मान्छे त्यहीँबाट भागिसकेका थिए ।
* यदि आज न्यायको दिन भएको भए, के तपाईं त्यस घडीको लागि तयार हुनुहुन्थ्यो ?
यसकारण लेखिएको छ,
“जब मानिसको पुत्र सारा स्वर्गदूतहरूसँग आफ्नो महिमामा आउनेछ, तब ऊ आफ्नो महिमामय सिंहासनमा बस्नेछ ।
र उसको सामुन्ने सबै जातिहरू भेला हुनेछन्, र जसरी गोठालाले भेड़ा र बाख्रालाई छुट्ट्याउँछ, त्यसरी नै उसले तिनीहरूलाई एउटालाई अर्काबाट अलग गर्नेछ ।
उसले भेड़ाहरूलाई आफ्नो दाहिनेपट्टि, र बाख्राहरूलाई देब्रेपट्टि राख्नेछ ।” [मत्ती २५:३१-३३]
“युगको अन्त्यमा यस्तै हुनेछ, स्वर्गदूतहरूले आएर दुष्टहरूलाई धर्मीहरूका बीचबाट छुट्ट्याउनेछन् ।” [मत्ती १३:४९]
“यसकारण दुष्टहरू न्यायको दिनमा टिक्नेछैनन्, र पापीहरूले धर्मीहरूको सभामा स्थान पाउनेछैनन् ।” [भजनसंग्रह १:५]
“उहाँको निफन्ने नाङ्लो उहाँकै हातमा छ, र उहाँले आफ्ना खलालाई पूरै सफा पार्नुहुनेछ, र आफ्नो गहूँ धनसारमा जम्मा गर्नुहुनेछ, तर भुसजति चाहिँ ननिभ्ने आगोमा जलाउनुहुनेछ ।” [मत्ती ३:१२]
Source :
https://steemit.com/story300words/@ebitularmbert/a-short-story-judgement-day
No comments:
Post a Comment