येशू ख्रीष्ट - पूर्ण परमेश्वर र पूर्ण मानव

१. येशू ख्रीष्टको देहधारणको रहस्य

 परमेश्वरका अनन्त पुत्र येशू ख्रीष्टले आफ्नो ईश्वरत्व नगुमाईकन मानव शरीर धारण गर्नुभयो ।

“परमेश्वरको स्वरूपमा भएर पनि उहाँले परमेश्वरको बराबरी हुने कुरालाई एउटा पक्रिराख्ने वस्तुजस्तो ठान्नुभएन । 

तर आफैलाई रित्त्याईकन कमाराको रूप धारण गरेर, तथा मनुष्य भएर जन्मनुभयो।” [फिलिप्पी २:६-७]

२. येशू ख्रीष्ट पूर्णतया आत्मामा परमेश्वर हुनुहुन्छ ।

 मानव रूपमा पनि, उहाँको ईश्वरीय आत्माले शक्ति देखाउनुभयो । जस्तैः 

प्रकृतिमाथि अधिकार थियो । 🌊 [मर्कूस ४:३९]

मानिसहरूको पाप क्षमा गर्नुभयो । 🙏 [मर्कूस २:५-७]

अनन्त जीवन दिने प्रतिज्ञा गर्नुभयो । 🔑 [यूहन्ना १०:२८]

३. येशू ख्रीष्ट पूर्ण रूपमा मानव शरीरमा हुनुहुन्छ ।

 येशूले वास्तविक मानव जीवनको अनुभव गर्नुभयो । जस्तैः उहाँले भोक 🍞, थकान 😴, शोक 😢, र मृत्यु ⚰️ सबै सहनु भयो, तैपनि उहाँले कहिल्यै पाप गर्नुभएन । [१ पत्रुस २:२२]

४. एकताबद्ध 

 येशू ख्रीष्ट एक व्यक्ति हुनुहुन्छ, तर उहाँमा दुई स्वभावहरू छन, अर्थात : पूर्ण रूपमा परमेश्वर र पूर्ण रूपमा मानिस !

यो उत्तम मिलनले परमेश्वर र मानवता बीचको खाडललाई कम गर्छ ।

५. यो किन महत्त्वपूर्ण छ ?

 * संसारको पाप केवल परमेश्वरले मात्र बोक्न सक्नुहुन्छ ।

 * मानिसले मात्र हाम्रो प्रतिनिधित्व गर्न सक्छ ।

 * येशूले मात्र हामीलाई परमेश्वरकहाँ ढुक्क भएर साहसको साथ जान अनुमति दिनुहुन्छ ।

* जब उहाँ मर्नुभयो, उहाँले आफू पूर्ण रूपमा मानिस भएको प्रमाणित गर्नुभयो ।

जब उहाँ फेरि बौरी उठ्नुभयो, उहाँले आफू पूर्ण रूपमा परमेश्वर भएको प्रमाणित गर्नुभयो ।

* ख्रीष्टको मानवताको अर्थ उहाँ हामीलाई बचाउन इच्छुक हुनुहुन्छ । ख्रीष्टको ईश्वरत्वको अर्थ उहाँ हामीलाई बचाउन सक्षम हुनुहुन्छ । इच्छुक र सक्षम दुवै हामीलाई त्यही चाहिन्छ र येशूमा हामीसँग त्यही छ । - न्यान्सी डेमोस वोल्गेमुथ

यसकारण लेखिएको छ,

“आदिमा वचन हुनुहुन्थ्यो, वचन परमेश्वरसँग हुनुहुन्थ्यो, अनि वचन परमेश्वर हुनुहुन्थ्यो। 

अनि वचन देहधारी हुनुभयो, र अनुग्रह र सत्यताले पूर्ण भई हाम्रा बीचमा वास गर्नुभयो। हामीले उहाँको महिमा देख्यौं, जुन महिमा पिताबाट आउनुभएको एकमात्र पुत्रको जस्तो थियो ।” [यूहन्ना १:१,१४]

“स्वरूपमा मानिसजस्तै भएर आफैलाई होच्याउनुभयो, र मृत्युसम्मै, अर्थात् क्रूसको मृत्युसम्मै आज्ञाकारी रहनुभयो। 

त्यसैकारण परमेश्वरले उहाँलाई अति उच्च पार्नुभयो, र उहाँलाई त्यो नाउँ प्रदान गर्नुभयो, जो हरेक नाउँभन्दा उच्च छ, कि स्वर्गमा, पृथ्वीमाथि र पृथ्वीमुनि भएको हरेक प्राणीले येशूको नाउँमा घुँड़ा टेक्नुपर्छ, र हरेक जिब्रोले परमेश्वर पिताका महिमाको निम्ति येशू ख्रीष्टलाई प्रभु भनी स्वीकार गर्नुपर्छ।” [फिलिप्पी २:६-११]

“उहाँले कुनै पाप गर्नुभएन, र उहाँको मुखमा कुनै छलको कुरा पाइएन।” [१ पत्रुस २:२२]

“किनकि हाम्रा प्रधान पूजाहारी हाम्रो दुर्बलतामा हामीसँग सहानुभूति देखाउन नसक्ने हुनुहुन्न। तर हामीजस्तै उहाँ सबै कुरामा परीक्षित हुनुभयो, र पनि पापरहित हुनुहुन्थ्यो।

यसकारण साहससँग अनुग्रहको सिंहासन नजिक जाऔं, र खाँचोको समयमा सहायता पाउनलाई कृपा र अनुग्रह प्राप्त गर्न सकौं।” [हिब्रू ४:१५-१६]

येशूले तिनलाई भन्नुभयो, “बाटो, सत्य र जीवन म नै हुँ। मद्वारा बाहेक कोही पनि पिताकहाँ आउन सक्दैन।” [यूहन्ना १४:६]

Sources :

1. https://www.facebook.com/1815695849/posts/10226108683303014/

2. https://prezi.com/lnrufgncirvx/christ-is-fully-god-fully-man/

3. https://paulnatekin.com/jesus-is-he-god-jehovahs-witnesses/