येशू ख्रीष्टको द्वैधताको रहस्य

 

१. येशू आफ्नी आमाको तर्फबाट मानिसको पुत्र हुनुहुन्थ्यो, तर उहाँ आफ्नो पिताको तर्फबाट परमेश्वरको पुत्र हुनुहुन्छ ।

२. येशू आफ्नी आमाको तर्फबाट अब्राहामको सन्तान हुनुहुन्थ्यो, तर उहाँ आफ्ना पिताको तर्फबाट अब्राहामभन्दा पहिले हुनुहुन्छ ।

३. येशू आफ्नी आमाको तर्फबाट दाऊदको सन्तान हुनुहुन्थ्यो, तर उहाँ आफ्ना पिताको तर्फबाट दाऊदको जरा हुनुहुन्छ ।

४. येशू आफ्नी आमाको तर्फबाट सीमित हुनुहुन्थ्यो, तर उहाँ पिताको तर्फबाट असीमित हुनुहुन्छ ।

५. येशू आफ्नी आमाको तर्फबाट स्वाभाविक हुनुहुन्थ्यो, तर उहाँ पिताको तर्फबाट अलौकिक हुनुहुन्छ ।

६. येशू आफ्नी आमाको तर्फबाट शारीरिक रूपमा हुनुहुन्थ्यो, तर उहाँ पिताको तर्फबाट आत्मिक रूपमा हुनुहुन्छ ।

७. येशू आफ्नी आमाको तर्फबाट क्षणिक हुनुहुन्थ्यो, तर उहाँ पिताको तर्फबाट उहाँ अनन्त हुनुहुन्छ ।

८. येशू आफ्नी आमाको तर्फबाट ६ फिट अग्लो हुनुहुन्थ्यो, तर उहाँले आफ्नो पिताको तर्फबाट सबै ठाउँ भरिपुर्ण हुनुहुन्छ ।

९. येशूले आफ्नी आमाको तर्फबाट वचन प्रचार गर्नुभयो, तर उहाँ पिताको तर्फबाट वचन हुनुहुन्छ ।

१०. येशू आफ्नी आमाको तर्फबाट समुद्रको किनारमा हिँड्नुभयो, तर उहाँ आफ्नो पिताको तर्फबाट समुद्रमा हिँड्नुभयो ।

११. येशू आफ्नी आमाको तर्फबाट ३३ वर्षको हुनुहुन्थ्यो, तर उहाँ पिताको तर्फबाट सबैभन्दा प्राचीन हुनुहुन्छ ।

१२. येशू आफ्नी आमाको तर्फबाट भोको हुनुहुन्थ्यो, तर उहाँले आफ्नो पिताको तर्फबाट दुईवटा माछा र ५ वटा रोटीले ५,००० जनालाई खुवाउनुभयो ।

१३. येशू आफ्नी आमाको तर्फबाट थाक्नुभयो, तर उहाँ पिताको तर्फबाट हामीलाई आराम दिनुहुन्छ ।

१४. येशूले आफ्नी आमाको तर्फबाट गेतसमनीको बगैंचामा प्रार्थना गर्नुभयो, तर उहाँले आफ्नो पिताको तर्फबाट हाम्रा प्रार्थनाहरूको जवाफ दिनुहुन्छ ।

१५. येशू आफ्नी आमाको तर्फबाट क्रूसमा मर्नुभयो, तर उहाँ आफ्नो पिताको तर्फबाट सधैंको निम्ति जीवित हुनुभयो ।

१६. येशूले आफ्नी आमाको तर्फबाट आफ्नो शरीर पाउनुभएको थियो, तर उहाँले पिताको तर्फबाट रगत पाउनुभयो ।

* येशू ख्रीष्टको द्वैधताको प्रकाश नपाएसम्म तपाईंले उहाँको ईश्वरत्वलाई कहिल्यै बुझ्नुहुनेछैन !

* के तपाईंले येशू ख्रीष्टको द्वैधता (द्विविभाजन) अर्थात मनुष्यत्व र ईश्वरत्वको बिचको भिन्नता पत्ता लगाउनुभयो ?

यसकारण लेखिएको छ,

“किनकि उहाँको आफ्नो सारा पूर्णता ख्रीष्टमा वास गरेकोमा परमेश्वर प्रसन्न हुनुभयो, र परमेश्वरले उहाँका क्रूसको रगतद्वारा शान्ति गराएर पृथ्वीको होस् वा स्वर्गको होस्, उहाँद्वारा नै सबै थोकलाई आफूसँग मिलापमा ल्याउनुभयो।” [कलस्सी १:१९-२०]

“कि प्रेममा एकसाथ बाँधिएर तिनीहरूका हृदय प्रोत्साहित होऊन्, र पक्का समझका परिपूर्णताको सम्पत्ति र परमेश्वरका रहस्यको ज्ञान, अर्थात् ख्रीष्टलाई प्राप्त गरून्। 

उहाँमा नै ज्ञान र बुद्धिका सारा सम्पत्ति लुकेका छन्।” [कलस्सी २:२-३]

“किनकि ख्रीष्टमा ईश्वरत्वको सारा परिपूर्णता शरीरमा वास गर्दछ, र उहाँमा नै जीवनको परिपूर्णतामा तिमीहरू आइपुगेका छौ। उहाँ नै समस्त शासन र अधिकारको शिर हुनुहुन्छ।” [कलस्सी २:९-१०]

“हेर, कन्याले गर्भधारण गर्नेछिन्, र तिनले एउटा पुत्र जन्माउनेछिन्, र उहाँको नाउँ इम्मानुएल राखिनेछ,” जसको अर्थ हो, “परमेश्वर हामीहरूसँग।” [मत्ती १:२३, यशैया ७:१४] 

“त्यस दिन तिमीहरूले जान्नेछौ, कि म मेरा पितामा छु, र तिमीहरू ममा, र म तिमीहरूमा छु।” [यूहन्ना १४:२०, १७:२१, १०:३८, १४:९-१०]

“हामी स्वीकार गर्दछौं, कि हाम्रो विश्वासको रहस्य अति महान् छ: उहाँ स्वयम् शरीरमा प्रकट हुनुभयो, पवित्र आत्माद्वारा धर्मी ठहरिनुभयो, स्वर्गदूतहरूबाट देखिनुभयो, जाति-जातिहरूका माझमा प्रचारिनुभयो, संसारमा विश्वास गरिनुभयो, महिमामा माथि उचालिनुभयो।” [१ तिमोथी ३:१६]

“अर्थात् स्वयम् ख्रीष्टमा हुनुभएर परमेश्वरले संसारलाई आफूसँग मिलापमा ल्याउँदैहुनुहुन्थ्यो। तिनीहरूका अपराधका लेखा नलिएर मिलाप गराउने कामको सन्देश उहाँले हामीलाई सुम्पिदिनुभएको छ।” [२ कोरिन्थी ५:१९]

“हामी जान्दछौं, कि परमेश्वरका पुत्र आउनुभएको छ, जो सत्य हुनुहुन्छ। उहाँलाई चिन्न सकौं भनेर उहाँले हामीलाई समझ दिनुभएको छ। जो सत्य हुनुहुन्छ, हामी उहाँमा छौं, अर्थात् उहाँका पुत्र येशू ख्रीष्टमा। उहाँ नै साँचो परमेश्वर र अनन्त जीवन हुनुहुन्छ।” [१ यूहन्ना ५:२०]

Source :

https://www.facebook.com/100044234149189/posts/875288403955623/