सुरुदेखि नै सेचेल(एक आदिवासी प्रमुख) डेभिड लिभिङस्टोनले प्रचार गरेको ख्रीष्टियन सन्देशमा रुचि राख्थे । जब प्रमुखले सुसमाचारले उनलाई अनन्तकालको लागि मुक्ति दिनेछ भन्ने सुने, तब उनले लिभिङस्टोनलाई भने, “तिमीले मलाई चकित पार्छौ । यी शब्दहरूले मेरा सबै हड्डीहरू काँप्छन । ममा अब कुनै शक्ति छैन ।”
सेचेल र बाक्वेनहरूले बान्टुको सेचुआना बोली बोल्थे, र परमेश्वरको सही समयमा, रोबर्ट मोफट (एक साथी मिसनरी) ले सेचुआना भाषामा नयाँ नियम अनुवाद र प्रकाशित गरेका थिए । जब प्रमुखलाई बाइबल प्रस्तुत गरियो, उनले डेभिड लिभिङस्टोनको परमेश्वरलाई बुझ्ने प्रयास गर्दै यसका पानाहरू खोलेर हेरे । केही समय नबित्दै, उनले झूटा देवताहरूको पूजालाई अस्वीकार गरे र येशू ख्रीष्टलाई आफ्नो मुक्तिदाता, आफ्ना पापहरूको उद्धारकर्ताको रूपमा स्वीकार गरे ।
सेचेललाई अनुशासनकाे बारेमा शिक्षा दिँदै गर्दा, डेभिड लिभिङस्टोनले अफ्रिकी जनजातिहरूमा ख्रीष्टियन विश्वास फैलाउनको लागि सबैभन्दा ठूलो बाधा पत्ता लगाए - बहुविवाह । एक अफ्रिकी पुरुषलाई उसको नजिकको परिवारमा भएका श्रीमती र छोराछोरीको संख्याको लागि सम्मान गरिन्थ्यो । सेचेलले आफ्ना पाँच श्रीमतीहरूमध्ये चारको बारेमा के गर्ने भनेर महिनौंसम्म संघर्ष गरे । अन्ततः उनले आफ्नो परम्पराको सट्टा येशू र बाइबलको शिक्षालाई पछ्याउने निर्णय गरे । सेचेलले आफ्ना चार श्रीमतीहरूसँगको वैवाहिक बन्धन तोडे र उपहारहरू दिएपछि, तिनीहरूलाई उनीहरूको परिवारमा घर पठाए ।
बाक्वेनहरूमाझ कस्तो कोलाहल ! अस्वीकृत पत्नीहरू विचलित भए, युवतीहरूका बुबाहरू क्रोधित भए र अन्य अफ्रिकी पुरुषहरूले जोडदार रूपमा घोषणा गरे, “सेचेल, हामी कहिल्यै पनि तपाईंको नयाँ परमेश्वरलाई पछ्याउने छैनौं ! उहाँले तपाईंलाई आफ्ना सुन्दर पत्नीहरू त्याग्न लगाउनुभयो !”
अन्य आदिवासीहरूको विरोधको बावजुद, प्रमुख सेचेल र उनका सबै छोराछोरीहरूले ख्रीष्टको शरीरमा पानीको बप्तिस्मा लिए, जब उनको जनजातिले जिज्ञासा र आश्चर्यका साथ हेरिरहेको थिए ।
Sources :
1. https://lightfeatherstoriesw.home.blog/2023/09/08/these-words-make-my-bones-to-shake/
2. https://www.facebook.com/groups/123755984449068/permalink/3217564978401471/
No comments:
Post a Comment