स्मिथ विगलेसवर्थको भविष्यवाणी र सम्प्रदायहरूमा जागृति

 

 १९३० को दशकको अन्त्यतिर, दक्षिण अफ्रिकाका एक युवा पेन्टेकोस्टल सेवक डेभिड डु प्लेसिसले प्रसिद्ध स्मिथ विगलेसवर्थलाई उनको घरमा भेट गरे । आफ्नो कडा विश्वास र आश्चार्यकर्महरूका लागि परिचित, विगलेसवर्थ त्यस दिन असामान्य रूपमा बोझले भरिएकाे देखिन्थे । जब तिनीहरू सँगै बसिरहेका थिए, उनी अचानक गहिरो रूपमा रोए । त्यसपछि, कुनै चेतावनी बिना उनी उभिए, डेभिडको काँध समातेर ज्वालामय आँखाले उनलाई हेरिरहे । कोठा परमेश्वरको उपस्थितिले भरिएको थियो । त्यसपछि के भयो भने मण्डलीको इतिहासलाई आकार दिने भविष्यवाणीकाे शब्द थियो ।

विगलस्वर्थले आँसु र कम्पनका साथ घोषणा गरे कि डेभिड एक दिन विश्वका महान सम्प्रदायहरूका अगुवाहरूसामु उभिनेछन र पवित्र आत्माको बप्तिस्मा घोषणा गर्नेछन । उनले भने कि क्याथोलिक बिशपहरू, एङ्गलिकन पादरीहरू, ब्याप्टिस्ट सेवकहरू र अर्थोडक्स बरिस्ठ धर्मगुरूहरूले आफ्नो बीचमा पवित्र आत्माको शक्तिलाई स्वागत गर्नेछन । भ्याटिकनले पनि आफ्नो ढोका खोल्नेछ । उनले फेरि भने, पवित्र आत्मा पेन्टेकोस्टल मण्डलीहरूमा सीमित हुनेछैन । परमेश्वरले अवरोधहरू तोड्नुहुनेछ र ख्रीष्टको शरीरभरि भोका हृदयहरूमा आफ्नो आत्मा खन्याउनुहुनेछ । डेभिड यसको केन्द्रमा हुनेछन ।

त्यतिबेला, यस्तो भविष्यवाणी असम्भव देखिन्थ्यो । पेन्टेकोस्टलहरूलाई अझै पनि धेरैजसो परम्परागत मण्डलीहरूले अस्वीकार गरेका थिए । तर डेभिडले आफ्नो आत्मामा वचन बोकेका थिए । वर्षौं पछि, यो प्रकट हुन थाल्यो । उनलाई मण्डलीहरूको विश्व परिषदमा आमन्त्रित गरियो । उनले कार्डिनलहरू, सेमिनरी अध्यक्षहरू र सम्प्रदायका अगुवाहरूसँग भेटे । उनले नम्रता र स्पष्टताका साथ पवित्र आत्माकाे बप्तिस्माको पेन्टेकोस्टल सन्देश साझा गरे । आश्चार्यजनक रूपमा, धेरैलाई थप आत्मिक भोक लाग्न थाल्यो । पवित्र आत्मा सुरुमा नरम रूपमा, त्यसपछि त्यस्तो आगो कहिल्यै नदेखेका मण्डलीहरूमा शक्तिशाली रूपमा चल्न थाल्यो ।

यो कदमलाई क्यारिज्म्याटिक नवीकरणको रूपमा चिनिन थाल्यो र यो विश्वभरका एङ्गलिकन, क्याथोलिक, लुथरन, मेथोडिस्ट र ब्याप्टिस्ट मण्डलीहरूमा फैलियो । मानिसहरूले सार्वजनिक आराधनाहरूमा अन्य भाषाहरूमा बोले । शताब्दीयौं पुरानो पवित्रस्थानहरूमा निको पार्ने काम सुरु भयो । पवित्र आत्माले सैद्धान्तिक सीमाहरू र सम्प्रदायिक परम्पराहरूलाई पार गरेर हृदयहरूलाई प्रज्वलित गर्नुभयो । यस जागृतिको केन्द्रमा विगलेसवर्थले बोलेका मानिस उभिएका थिए, जसलाई अब मायालु रूपमा "श्री पेन्टेकोस्ट" भनेर चिनिन्छ । डेभिड डु प्लेसिस पेन्टेकोस्टलहरू र अन्य मण्डली बीच आत्मा-नेतृत्वकाे पुल बने ।

उनी प्रायः भन्थे कि विग्लेसवर्थको घरमा भएको एक क्षणले सबै कुरा परिवर्तन गरिदियो । यो उपाधि वा जागृतिको बारेमा थिएन । यो पवित्र आत्माले समर्पण गरिएका भाँडाहरू मार्फत के गर्न सक्नुहुन्छ भन्ने बारेमा थियो । रुवाइ र आगोको माध्यमबाट बोलिएको विग्लेसवर्थको भविष्यवाणी आश्चर्यजनक शुद्धताका साथ पूरा भयो । पवित्र आत्माले सम्प्रदायहरू पार गर्नुभयो र अरूको निम्ति रूनेहरूको लागि पुकार कहिल्यै रोकिएको छैन ।

यसकारण लेखिएको छ,

“तर पवित्र आत्मा तिमीहरूमा आउनुभएपछि तिमीहरूले शक्ति पाउनेछौ, र तिमीहरू यरूशलेममा, सारा यहूदियामा, सामरियामा र पृथ्वीको अन्तिम छेउसम्म मेरा साक्षी हुनेछौ।” [प्रेरित १:८]

* के तपाईं पनि पवित्र आत्माले भरिएर सारा संसारमा जीवित परमेश्वरकाे गवाही बन्न चाहानुहुन्छ ?

Sources :

1. https://smithwigglesworth.com/du-plessis-david-j/

2. https://en.m.wikipedia.org/wiki/David_du_Plessis

3. https://jonasclark.com/revolutionary-review/pentecostal-revival-history/david-du-plessis-smith-wigglesworth-and-charismatic-movement

4. https://ucuilorin.wordpress.com/wp-content/uploads/2018/03/the-smith-wigglesworth-prophecy-smith-wigglesworth-1.pdf

5. https://www.slideserve.com/wilmerv/thomas-ball-barratt-1862-1940-powerpoint-ppt-presentation

6. https://www.facebook.com/100055273670172/posts/pfbid0ZgBjUoyFkpvDj7yDGrpH8p2rurUi79qK2qycWyg9N3tfnQnfSui7wvwNjh6ANVffl/?app=fbl

7. https://www.facebook.com/100066798819192/posts/pfbid0TZh3Cf27nUEsRy8viZKXaBHvCe7JP3G1ZpsjJRBvgEH7wjQDsjmFEjptxBmVyPu3l/?app=fbl

8. https://www.facebook.com/groups/123755984449068/permalink/2414518742039436/?app=fbl