जोन वेस्लीको बारेमा महत्त्वपूर्ण जानकारीहरू

 

1. ५ वर्षको उमेरमा, उनी आफ्नो परिवारको घरमा लागेको आगलागीबाट बल्लतल्ल बाँचे ।

2. उनकी आमाले आफ्ना १९ बच्चाहरू प्रत्येकसँग हप्ताको एक दिन बिताउँथे । उनले आफ्ना प्रत्येक बच्चाहरूलाई एक-एक गरी पाठ सिकाइन र नैतिकता सिकाइन । जोन वेस्लीले भने, “मैले इङ्गल्याण्डका सबै धर्मशास्त्रीहरूबाट भन्दा मेरी आमाबाट ख्रीष्टियन विश्वासको बारेमा बढी सिकेँ ।”

3. अक्सफोर्ड विश्वविद्यालयमा विद्यार्थीको रूपमा, जोन वेस्ली र उनका भाइ चार्ल्स वेस्लीले द होली क्लबको सह-स्थापना गरे, जुन विद्यार्थीहरूको समूह थियो जसले आफ्नो व्यक्तिगत पवित्रताको बारेमा व्यवस्थित हुन प्रयास गर्थे । क्लबका सदस्यहरूले उपवास बस्थे, प्रभुभोज ग्रहण गर्थे, नयाँ नियमको अध्ययन गर्थे, र कैदीहरू र बिरामीहरूलाई भेट्थे ।

4. १७३५ मा, ३२ वर्षको उमेरमा, उनी जहाजबाट अमेरिका गए । उनी उपनिवेशहरूमा दुई वर्ष प्रचार गर्दै बसे । यद्यपि उनी अमेरिकामा दुखी थिए, त्यो यात्राले उनको जीवन र धेरै अमेरिकीहरूको धार्मिक अभ्यासहरू परिवर्तन गर्यो ।

5. अमेरिका जाँदै गरेको जहाजमा, उनी २६ मोराभियनहरूसँग परिचित भए, जसको आनन्द र परमेश्वरप्रतिको भक्तिले उनलाई प्रेरित गर्यो । मूल रूपमा चेक गणराज्यको बोहेमियाका, मोराभियनहरू औपनिवेशिक कालमा अमेरिका बसाइँ सरेका थिए । अमेरिका जाँदै गरेको जहाजमा उनीहरूको निडरताले उनको आत्मिक जीवनलाई ठुलो प्रभाव पारेको थियो ।

6. जोन वेस्लीको अमेरिकामा एक युवतीसँग इन्गेजमेन्ट भएको थियो तर उनले त्यो तोडिन र उनले अर्कैसँग विवाह गरिन । जोनले उनको संगतिमा सेवा गर्न अस्वीकार गरे र उनको पतिले उनीमाथि मुद्दा हाल्यो ।

7. जोन वेस्लीले विश्वासको कमीसँग संघर्ष गरे र १७३८ मा सेवकाई छोड्ने विचार गरे । एक मोराभियन साथीले उनलाई “विश्वासकाे प्रचार गर, जबसम्म तिमीसँग थाेरै विश्वास छ” भनेर सल्लाह दिए ।

8. त्यही वर्ष, वेस्लीले इङ्गल्याण्डको एल्डर्सगेटमा मोराभियनहरूले आमन्त्रित गरेको जागृति बैठकमा धार्मिक जागरण अनुभव गरे - “नयाँ जन्म” भयो । बाइबलमा मार्टिन लुथरको टिप्पणी पढ्दा, वेस्लीले वर्णन गरे कि कसरी उनको हृदय अनौठो रूपमा परिवर्तन भएको थियो । “मलाई लाग्यो कि म ख्रीष्टमा भरोसा गर्छु, मुक्तिको लागि ख्रीष्टमा मात्र; र मलाई आश्वासन दिइएको थियो कि उहाँले मेरा पापहरू हटाइदिनुभएको छ र मलाई पाप र मृत्युको व्यवस्थाबाट बचाउनुभएको छ ।”

9. इङ्गल्याण्डमा, जोन वेस्लीले मेथोडिज्ममा नयाँ विश्वास परिवर्तन गर्नेहरूलाई फेलोशिप समूह, जवाफदेहिता समूह र बाइबल अध्ययन समूहमा संगठित गरे । उनले नयाँ घुमन्ते प्रचारकहरूलाई पनि तालिम दिए । ग्रेट ब्रिटेनमा मेथोडिस्ट समाजहरू गठन भए । अमेरिकामा, उनले मानिसहरूको समूहलाई भेला गर्न सक्ने ठाउँमा दिनको दुई देखि चार पटक प्रचार गरे ।

10. वेस्लीको मृत्यु १७९१ मा ८७ वर्षको उमेरमा भयो । उनले उपनिवेशहरूको सात पटक भ्रमण गरेका थिए र लगभग १८,००० प्रवचन दिएका थिए ।

11. जोन वेस्ली एक नियुक्त एङ्ग्लिकन सेवक थिए, जसले इङ्गल्याण्ड र संयुक्त राज्य अमेरिकामा मिसनरीको रूपमा सेवा गरे, १७०० को दशकमा ख्रीष्टियन विश्वास फैलाए र गरिब, बिरामी र जेलमा परेकाहरूलाई भेटे । उनले आत्मिक अनुशासनको सन्देश प्रचार गरे । नयाँ संसारका उपनिवेशहरूमा, जिज्ञासु बसोबास गर्नेहरू र मूल निवासी अमेरिकीहरू जोन वेस्लीको भजन सुन्न, प्रार्थना गर्न र प्रचार सुन्न माइलौं टाढाबाट भेला हुन्थे ।

12. वेस्लीले आफ्नो अमेरिकी यात्रालाई पूर्णतया असफलताको रूपमा हेरे । “म भारतीयहरूलाई आत्मिक परिवर्तन गर्न अमेरिका गएको थिएँ,” उनले पछि लेखे, “... तर, ओ ! कसले मेरो आत्मिक परिवर्तन गर्नेछ ?” शान्तिप्रिय आदिवासी अमेरिकी जनजातिका सदस्यहरू उनका श्रोताहरूमा थिए ।

13. वेस्ली एक घुमन्ते प्रचारक थिए, जसले स्थानीय मण्डलीमा उपस्थित नभएका मानिसहरूलाई भेट्न आलोपालो भ्रमण गर्थे र यस मोडेलमा अन्य मेथोडिस्ट सेवकहरूलाई तालिम दिन्थे । उनले मानिसहरूलाई तिनीहरू जहाँ थिए - खेतहरू, जेलहरू र बिरामी ओछ्यानमा भेट्थे । अमेरिकी उपनिवेशहरूमा शिविर बैठकहरू गर्ने मेथोडिस्ट घुमन्ते प्रचारकहरू ख्रीष्टियन उपासनाको एक अद्वितीय रूप थिए ।

14. जोन वेस्लीले उपनिवेशहरूको बाटोमा जर्ज ह्वाइटफिल्डलाई भेटे । ह्वाइटफिल्ड र वेस्लीले १७२०-१७६० को दशकमा द ग्रेट अवेकनिङ अफ क्रिश्चियन स्पिरिचुअल लाइफको स्थापना गरे ।

15. महान जागृतिको समयमा वेस्लीको सन्देश व्यवस्थामा भारी थियो । जर्ज ह्वाइटफिल्डको सन्देशले परमेश्वरको अनुग्रहको प्रचार गरे । “तिमीहरूले नयाँ जन्म लिनुपर्छ” ह्वाइटफिल्डको मुख्य पद थियो र मानिसहरूले तुरुन्तै प्रतिक्रिया दिए ।

16. उनका भाइ चार्ल्स वेस्लीले ६०,००० भन्दा बढी भजन लेखे । गायन मेथोडिस्ट मण्डली सेवाहरूको एक महत्त्वपूर्ण भाग बनेको छ ।

17. जोन वेस्लीले आफ्नो घुमन्ते प्रचारमा प्रत्येक वर्ष २०,००० माइलसम्म यात्रा गर्थे, सुन्ने सबैलाई आत्माले भरिएको सन्देश प्रचार गर्थे र आफ्नो शिविर बैठकहरूमा धेरै आत्माहरूलाई जित्थे । मेथोडिस्टहरूले सधैं परमेश्वरसँगको व्यक्तिगत सम्बन्धबाट उत्पन्न हुने मिसन कार्यलाई जोड दिएका छन ।

18. युनाइटेड मेथोडिस्ट मण्डलीको एउटा मूल्य सहिष्णुता हो । मेथोडिस्ट सिद्धान्तले विश्वासीहरूको एउटै समुदाय भित्र पनि फरक-फरक दृष्टिकोणका सद्गुणहरूलाई स्वीकार गर्दछ ।

19. जोन वेस्लीको नवीकरण गरिएको विश्वास र अभ्यासको सन्देशले इङ्गल्याण्डमा पूर्वाग्रह र सतावटको सामना गर्यो । भीडले उनलाई ढुङ्गा प्रहार गर्यो र स्थानिय प्रशासनहरूले हिंसा रोक्न विरलै प्रयास गरे । अमेरिकी उपनिवेशवादीहरू वेस्लीको सन्देश स्वीकार गर्न विभाजित थिए । लेखकहरूले जोन र चार्ल्स वेस्लीको मेथोडिज्म दुवैको निन्दा पनि गरे । यी परीक्षाहरूको सामना गर्दा दुई भाइहरू साहसी र शान्त रहे ।

20. उनका परिष्कृत प्रवचनहरू र आत्मिक मार्गदर्शन टिप्पणीहरू आज धर्मशास्त्रीहरूले प्रशंसा गर्छन । उनका प्रवचनहरूको आधारभूत सन्देश यो थियो कि मुक्तिको लागि आवश्यक पर्ने सबै कुरा ख्रीष्टमा विश्वास हो, तैपनि अनुशासन र सेवाको जीवनले हामीलाई परमेश्वरलाई जान्न र पछ्याउन मद्दत गर्दछ । मानिसहरूलाई नयाँ आत्मिक जागरण दिनुको साथै, वेस्लीका मेथोडिस्ट अभ्यासहरूले नयाँ, स्वतन्त्र देश - अमेरिकाको राजनीतिक विकासलाई प्रभाव पारे । मेथोडिस्टहरू मण्डली भवनहरू वा पुरानो प्रकारको आराधनाका रूपमा बाँधिएका थिएनन । यो नयाँ राष्ट्रको लागि नयाँ विश्वास थियो ।

* जोन वेस्ली (१७०३-१७९१) एक समर्पित सेवक थिए, जसले एङ्ग्लिकन सेवकको रूपमा सुरुवात गरे, त्यसपछि इङ्गल्याण्ड र औपनिवेशिक अमेरिकामा मेथोडिस्ट मण्डली स्थापना गरे । मेथोडिस्ट सिद्धान्तले परमेश्वरलाई पछ्याउने उत्तम तरिका वा विधि खोज्ने सल्लाह दियो । वेस्लीका आमाबाबुले बाल्यकालमा सिकाएको चेला विश्वासले जोन वेस्लीलाई परमेश्वरको सेवा गर्ने जीवनको लागि तयार पार्यो । प्रार्थना, बाइबल पठन र पारिवारिक भक्ति उनको बाल्यकालको दैनिक भाग थियो । आफ्नो वयस्क जीवनको दौडान, उनले घुमन्ते प्रचारकको रूपमा यात्रा गरे, मेथोडिस्टहरूको सन्देश र ख्रीष्टियन जीवनमा महान जागृतिकाे आन्दोलन फैलाए । अमेरिका र इङ्गल्याण्डमा जोन वेस्लीको प्रचारले महान जागरणको सुरुवात गर्न मद्दत गर्‍यो र अमेरिकी ख्रीष्टियन विश्वासलाई आज हामीले महसुस नगर्ने तरिकाले परिवर्तन गर्‍यो ।

Sources :

1. https://www.christianity.com/wiki/people/10-things-you-need-to-know-about-john-wesley.html#google_vignette

2. https://www.facebook.com/100080333250588/posts/pfbid0WwqMtpirLN5fM1eyuq8dCfKq3qj4Luxg1GEEURjPDmLXS6scLWcV6X74zp5Se5pfl/?app=fbl