जोन वेस्लीका महत्त्वपूर्ण भनाईहरू

 

1. जति सक्दो राम्रो गर, जति सक्दो माध्यमबाट गर, जति सक्दो तरिकाले गर, जति सक्दो ठाउँमा गर, जति सक्दो समयमा गर, जति सक्दो धेरै मानिसहरूलाई गर, जति सक्दो धेरै गर ।

2. तपाईंका शब्दहरू तपाईंको हृदयको वास्तविक तस्वीर बनून ।

3. सबै अवस्थामा, मण्डलीको न्याय धर्मशास्त्रद्वारा हुनुपर्छ, तर धर्मशास्त्रलाई मण्डलीद्वारा होइन ।

4. पृथ्वीमा तपाईंको एउटै काम छ - आत्माहरू बचाउनु ।

5. के हामी एकैनासले सोच्न सक्दैनौं र एकैनासले प्रेम गर्न सक्दैनौं ? के हामी एकै मनका नहुन सक्छौं, यद्यपि हामी एकै विचारका छैनौं ? निस्सन्देह, हामी सक्छौं । यहाँ परमेश्वरका सबै सन्तानहरू एकताबद्ध हुन सक्छन, तथापि साना भिन्नताहरूको बावजुद ।

6. सबैभन्दा राम्रो त हामीसँग परमेश्वर हुनुहुन्छ ।

7. परमेश्वर बाहेक कुनै पनि कुराले तपाईंको आत्मालाई सन्तुष्ट पार्न सक्दैन ।

8. सावधान रहनुहोस किताबहरूमा अल्झिएर नजानुहोस ! एक औंस प्रेम, एक पाउन्ड ज्ञान भन्दा मूल्यवान छ ।

9. धर्मीकरणद्वारा हामी पापको दोषबाट बचाइन्छौं... पवित्रीकरणद्वारा हामी पापको शक्ति र जराबाट बचाइन्छौं ।

10. परमेश्वरले तपाईंलाई जे सुम्पनुभएको छ, त्यसलाई राम्रो काममा, सबै सम्भव भलाइमा, हरेक सम्भावित चरण र वर्गमा प्रयोग गर्नुहोस ।

11. जो कोही स्वर्गमा ख्रीष्टसँग राज्य गर्न चाहन्छ, उसले पृथ्वीमा ख्रीष्टले शासन गर्नै पर्छ ।

12. मण्डलीले धर्म परिवर्तन गरेर होइन, तर चेला बनाएर संसार परिवर्तन गर्छ ।

13. मैले कहिल्यै पन्ध्र मिनेटभन्दा बढी चिन्ता वा डर अनुभव गरेको छैन । जब जब मलाई डरलाग्दो भावनाहरूले घेरिएको महसुस हुन्छ, म मेरा आँखा बन्द गर्छु र परमेश्वरलाई धन्यवाद दिन्छु कि उहाँ अझै पनि सिंहासनमा हुनुहुन्छ र सबै कुरामाथि शासन गर्दै हुनुहुन्छ र मेरो जीवनका मामिलाहरूमा उहाँको नियन्त्रणमा म सान्त्वना पाउँछु ।

14. मलाई एक सय प्रचारकहरू दिनुहोस, जो पाप बाहेक अरू केहीबाट डराउँदैनन र परमेश्वर बाहेक अरू केही चाहँदैनन, र मलाई वास्ता छैन कि तिनीहरू पादरी हुन वा साधारण, तिनीहरूले मात्र नर्कको ढोका हल्लाउनेछन र पृथ्वीमा स्वर्गको राज्य स्थापना गर्नेछन ।

15. प्रभु, म अब मेरो होइन, तर तपाईंको हुँ । मलाई तपाईंले चाहेको कुरामा राख्नुहोस, मलाई जससँग चाहनुहुन्छ त्यही दर्जा दिनुहोस । तपाईंद्वारा कार्यरत हुन दिनुहोस वा तपाईंको लागि अलग राखियोस, तपाईंको लागि उच्च पारियोस वा तपाईंद्वारा होच्याइयोस । मलाई सबै कुरा दिनुहोस, मलाई केही पनि नहोस, म स्वतन्त्रतापूर्वक र हृदयदेखि सबै कुरा तपाईंको खुशी र निपटानमा अर्पण गर्दछु । र अब, हे महिमामय र धन्य परमेश्वर, पिता, पुत्र र पवित्र आत्मा, तपाईं मेरो हुनुहुन्छ र म तपाईंको हुँ । त्यसो होस । आमेन ।

16. तिमीले सोचे जस्तो नसोचेकोमा कसैलाई दोषी नठान । हरेकले आफ्नो लागि सोच्ने पूर्ण र स्वतन्त्र स्वतन्त्रताको आनन्द लिन देऊ । हरेकले आफ्नो निर्णय आफैं प्रयोग गरोस, किनकि हरेकले परमेश्वरलाई आफ्नो लेखा दिनुपर्छ । सतावटको भावनाको लागि कुनै पनि दृष्टिकोणलाई घृणा गर, कुनै पनि प्रकारको वा हदसम्म, यदि तिमीले कुनै मानिसलाई सत्यमा तर्क गर्न वा मनाउन सक्दैनौ भने, कहिल्यै पनि कुनै मानिसलाई त्यसमा जबरजस्ती गर्ने प्रयास नगर । यदि प्रेमले उसलाई आउन बाध्य पार्दैन भने, उसलाई सबैको न्यायकर्ता परमेश्वरमा छोडिदेऊ ।

17. हामी आफ्नो न्याय गर्दा कठोर हुनुपर्छ र अरूको न्याय गर्दा दयालु हुनुपर्छ।

18. पढ्ने ख्रीष्टियनहरू बढ्ने ख्रीष्टियनहरू हुन । जब ख्रीष्टियनहरूले पढ्न छोड्छन, तब तिनीहरू बढ्न छोड्छन ।

19. मलाई डर छैन कि मेथोडिस्ट भनिने मानिसहरू युरोप वा अमेरिकामा कहिल्यै अस्तित्वमा रहने छैनन । तर मलाई डर छ कि तिनीहरू केवल एक मृत सम्प्रदायको रूपमा अवस्थित हुनेछन, शक्ति बिना धर्मको रूप लिएर । र यो निस्सन्देह हुनेछ जबसम्म तिनीहरूले पहिलो पटक सुरु गरेको सिद्धान्त, आत्मा र अनुशासन दुवैलाई बलियोसँग पक्रिराख्दैनन ।

20. मलाई सक्दो राम्रो गर्न देऊ, जति सक्दो धेरै मानिसहरूको लागि, किनकि म फेरि यो बाटोबाट हिँड्नेछैन ।

21. धेरै प्रार्थनाका साथ अगाडि बढ, अनि तिम्रो बाटो स्पष्ट पारिनेछ ।

22. प्रार्थनाको बेवास्ता पवित्रताको लागि ठूलो बाधा हो ।

23. प्रार्थना नै त्यस्तो ठाउँ हो जहाँ कार्य हुन्छ ।

24. प्रार्थना पवित्र इच्छाको भाषा भएजस्तै गीत गाउनु पवित्र आनन्दको भाषा हो ।

25. जबसम्म तपाईं आफ्नो कमजोरी र असहायता महसुस गर्नुहुन्छ, तबसम्म तपाईंले माथिबाट मद्दत पाउनुहुनेछ ।

26. मलाई एउटा किरा ल्याऊ जसले मानिसलाई बुझ्न सक्छ, अनि म तिमीलाई त्रिएक परमेश्वरलाई बुझ्न सक्ने मानिस देखाउनेछु ।

27. पैसा कहिल्यै मसँग रहँदैन। यदि त्यसो भयो भने यसले मलाई जलाउनेछ । म यसलाई सकेसम्म चाँडो आफ्नो हातबाट फ्याँकिदिन्छु, नत्रता यो मेरो हृदयमा प्रवेश गर्नेछ ।

28. होइन, म मेरो कति पैसा परमेश्वरलाई दिनेछु, तर परमेश्वरको कति पैसा म आफ्नो लागि राख्नेछु ? 

29. धनले स्वाभाविक रूपमा घमण्ड, संसारको प्रेम र ईसाई धर्मको विनाशकारी हरेक स्वभावलाई जन्म दिन्छ । 

30. जब कुनै मानिस क्रिश्चियन बन्छ, ऊ मेहनती, भरपर्दो र समृद्ध बन्छ । अब, यदि त्यो मानिसले, जब उसले सक्दो सबै पाउँछ र जति सक्छ बचाउँछ, उसले सक्दो सबै दिँदैन भने, त्यो मानिसको लागि भन्दा यहूदा इस्करियोतको लागि धेरै आशा छ ! 

31. के तपाईंलाई थाहा छैन कि परमेश्वरले तपाईंलाई त्यो पैसा (तपाईंको परिवारको लागि आवश्यक पर्ने चीजहरू भन्दा पनि) भोकाहरूलाई खुवाउन, नाङ्गोलाई लुगा लगाउन, परदेशी, विधवा, टुहुराटुहुरीलाई मद्दत गर्न र वास्तवमा, जहाँसम्म यो सम्भव छ, सबै मानवजातिको आवश्यकताहरू कम गर्न सुम्पनुभएको छ ? तपाईं कसरी, कसरी हिम्मत गर्नुहुन्छ, यसलाई अन्य कुनै उद्देश्यमा प्रयोग गरेर प्रभुलाई धोका दिन सक्नुहुन्छ ? 

32. हननिया र सफीराको पाप [प्रेरित ५:१-११] लाई अदनको बगैंचामा मानवताको पतन जस्तै माने । यो प्रारम्भिक मण्डलीको पहिलो परीक्षा थियो र पैसाको प्रेमलाई उनको प्रमुख शत्रुको रूपमा उजागर गर्दछ । त्यसकारण पैसाको प्रेम, अत्यधिक पैसा हुनु पनि, ख्रीष्टियनको लागि सधैं खतरा हो ।

33. धेरैजसो भन्ने गर्थे कि मेथोडिस्टहरूले धनको बारेमा आफ्नो आवश्यक शिक्षाको पहिलो दुई भागहरू (सकेसम्म कमाउनुहोस र सक्दो बचत गर्नुहोस) पालना गर्न असाधारण साबित भएका थिए, तर तेस्रोमा पूर्ण असफलता (सकेसम्म सबै दिनुहोस) ।

34. धनीहरूले गरिबहरूप्रति यति कम सहानुभूति देखाउनुको एउटा ठूलो कारण यो हो कि तिनीहरू उनीहरूलाई विरलै भेट्न जान्छन । 

Sources :

1. https://www.christianity.com/wiki/people/10-things-you-need-to-know-about-john-wesley.html#google_vignette

2. https://www.azquotes.com/author/15507-John_Wesley

3. https://makinghistorynow.wordpress.com/2021/01/22/feed-the-hungry-clothe-the-naked-john-wesley-and-justice-for-the-poor/