राष्ट्रको लागि प्रार्थनाहरू

1. इस्राएलको तर्फबाट मोशाले मध्यस्थता गर्छन । [प्रस्थान ३२:९-१४, ३०-३४]

2. खतरामा परेको राष्ट्रको लागि राजा आसाले प्रार्थना गर्छन । [२ इतिहास १४:११]

3. दानियलले इस्राएलको लागि प्रार्थना गर्छन । [दानिएल ९ अध्याय]

4. सुलेमानकाे समर्पणको प्रार्थना । [१ राजा ८:२२-५३]

5. सुलेमानकाे समर्पणको प्रार्थना । [२ इतिहास ६:१२-४२]

6. मोशाको प्रार्थना । [भजन ९० अध्याय]

7. हामीलाई फेरि जागृत पार्न प्रार्थना । [भजन ८५ अध्याय]

8. यर्मियाको प्रार्थना । [यर्मिया २०:७-१८]

9. नहेम्याहको प्रार्थना । [नहेम्याह १:४-११]

10. होशेको प्रार्थना । [होशे ६:१-३]

* राष्ट्रको लागि १० प्रार्थनाहरू पुरानो नियमबाट हुन । आफ्नो देशको लागि प्रार्थना गर्दा यी धर्मशास्त्रका पदहरू पढ्नुहोस र परमेश्वरसँग प्रार्थना गर्नुहोस । हाम्रो राष्ट्रको नीति र नेताहरूमा परमेश्वरको बुद्धि र धार्मिकता स्पष्ट होस भनेर बिन्ती गर्नुहाेस ।

राष्ट्रको लागि १० प्रार्थना पहलहरू :

1. यस राष्ट्रलाई शासन गर्न नेताहरूले परमेश्वरको बुद्धि खोजून  भनी प्रार्थना गर्नुहोस ।

2. राष्ट्रका सबै नागरिकहरूको लागि शान्ति र सुरक्षाको लागि प्रार्थना गर्नुहोस ।

3. प्रार्थना गर्नुहोस कि राष्ट्रले परमेश्वरलाई सबै आशीषको स्रोतको रूपमा सम्मान र स्वीकार गरोस ।

4. देशभरिका मानिसहरूले येशू ख्रीष्टको सुसमाचारको सन्देश स्वीकार गरून भनेर प्रार्थना गर्नुहोस ।

5. प्रार्थना गर्नुहोस कि मानिसहरूले एक राष्ट्रको रूपमा परमेश्वरको वचन अध्ययन गरून ।

6. यस राष्ट्रमा बलियो परिवार निर्माण गर्ने र परमेश्वरको डर मान्ने बालबालिका हुर्काउने प्राथमिकता होस भनेर प्रार्थना गर्नुहोस । 

7. लागूपदार्थ र मदिरा सेवन, हिंसा, अपराध, गर्भपतन आदि जस्ता सामाजिक कुरीतिहरू विरुद्ध प्रार्थना गर्नुहोस ।

8. देशका अनाथ, विधवा, दरिद्र र विपन्नहरूको लागि प्रार्थना गर्नुहोस ।

9. प्रार्थना गर्नुहोस कि राम्रो शिक्षा र बलियो ख्रीष्टियन मूल्यमान्यताहरू हाम्रा आगामी पुस्ताका लागि जग बनून ।

10. जिम्मेवार मनोरञ्जन मिडिया र पत्रकारिताको लागि प्रार्थना गर्नुहोस, ताकि तिनीहरूले न्यायलाई कायम राखून र मानवीय मर्यादा र राम्रो नैतिक जीवनशैलीलाई प्रवर्द्धन गरून ।

* के तपाईंले आफ्नो देशको लागि प्रार्थना गर्नुहुन्छ ?

यसकारण लेखिएको छ,

तब परमप्रभु राती तिनीकहाँ देखा परेर तिनलाई भन्नुभयो: “मैले तेरो प्रार्थना सुनें, र यो स्थान मेरो निम्ति बलिदानको ठाउँ चुनें। 

जब म आकाशको ढोका थुन्छु र पानी पर्दैन, अथवा देशलाई नष्ट गर्न भनी सलहहरूलाई आज्ञा दिन्छु, अथवा मेरो प्रजामाथि विपत्ति पठाउँछु, 

यदि मेरो आफ्नै नाउँ दिइएको मेरो प्रजाले आफैलाई नम्र पारेर प्रार्थना गर्छ, र मलाई खोजेर आफ्ना दुष्ट चालहरूबाट फर्कन्छ, तब म स्वर्गबाट तिनीहरूको प्रार्थना सुन्नेछु, र तिनीहरूका पाप क्षमा गर्नेछु, र तिनीहरूको देशलाई म स्वस्थ्य पार्नेछु।” [२ इतिहास ७:१२-१४]

“त्यो जाति धन्यको हो, जसको परमेश्वर परमप्रभु हुनुहुन्छ, ती मानिसहरू, जसलाई आफ्नो उत्तराधिकारको निम्ति उहाँले चुन्नुभयो।” [भजनसंग्रह ३३:१२, ३७:१-११]

“धार्मिकताले देशलाई उचाल्छ, तर पाप गर्नुचाहिँ कुनै पनि जातिको लागि बेइज्जती हो।” [हितोपदेश १४:३४]

“उहाँले नै समय र ऋतुहरू परिवर्तन गर्नुहुन्छ। उहाँले राजाहरूलाई सिंहासनमा राख्नुहुन्छ र उनीहरूलाई अपदस्थ गर्नुहुन्छ। उहाँले समझदारहरूलाई बुद्धि दिनुहुन्छ अनि विवेकीहरूलाई ज्ञान दिनुहुन्छ।” [दानियल २:२१]

“मैले तिमीहरूलाई निर्वासित गरेको सहरको भलो चिताओ, र त्यसको निम्ति परमप्रभुसित प्रार्थना गर। किनभने त्यसको उन्नति भएकोमा नै तिमीहरूको उन्नति हुनेछ।” [यर्मिया २९:७]

“सर्वप्रथम म आग्रह गर्दछु, कि सबै मानिसहरूका निम्ति नम्र-निवेदन, प्रार्थना र मध्यस्थ-बिन्ती र धन्यवाद चढ़ाइऊन, 

राजाहरू र सबै उच्च पदमा भएकाहरूका निम्ति पनि, ताकि हामी निर्धक्क र शान्तिपूर्ण भएर हरप्रकारले धार्मिक र आदरणीय जीवन बिताउन सकौं।” [१ तिमोथी २:१-६, ८]

Sources :

1. https://prayerineverycity.com/2017/06/26/10-prayers-for-a-nation/

2. https://prayerineverycity.com/2014/10/27/10-prayers-for-a-nation-2/

3. https://www.crosswalk.com/faith/prayer/10-scriptures-to-pray-for-our-nation-and-our-leaders.html

4. https://graceinhisbeauty.com/praying-for-our-nation/

5. https://kristiwoods.net/a-prayer-for-our-nation/

6. https://www.divinedisclosures.com/prayer-for-the-nation/

7. https://www.hofzion.com/2024-retreat-preps/2024/day-10

8. https://www.newlifeconcord.com/blog/prayer-for-the-nation

9. https://eccelmira.org/articles/a-prayer-for-our-nation/

10. https://www.prayersfor.com/prayers/our-nation

11. https://deliberatechristian.com/10-prayer-points-for-your-land-or-country/

12. https://www.prayerdrive.org/resources/10-prayer-initiatives-for-usa/index.html

13. https://www.scribd.com/document/554655048/25-Best-Prayers-for-the-Nation-and-its-Leaders

14. https://arabahjoy.com/10-war-room-prayers-for-our-nation/

15. https://www.cru.org/us/en/train-and-grow/spiritual-growth/prayer/pray-for-country.html

16. https://www.kcm.org/real-help/prayer/pray/prayer-nations

17. https://www.danielfastjourney.com/blog/prayer-for-government-leaders-and-elections