तपाईंको पास्टरको लागि प्रार्थना

 

1. आत्मिक सुरक्षा

 परमेश्वर पिता, मेरो पास्टरलाई शैतानको आक्रमणबाट बचाउनुहोस । दैनिकी जीवनमा आउने परीक्षामा विजयी हुन तपाईंको सामर्थ्य दिनुहोस ।

2. शूद्ध हृदय

 परमेश्वर पिता, कृपया मेरो पास्टरलाई पापको छलबाट बचाउनुहोस, जुन हामी सबैलाई लाग्ने सम्भावना छ । उहाँलाई पापबाट बचाउनुहोस ।

3. आत्मिक उत्साह

 परमेश्वर पिता, मेरो पास्टरलाई तपाईंको आत्माको शक्तिले उत्साहित बनाउनुहोस । उहाँको आत्मा ख्रीष्टको प्रेमले ताजा होस ।

4. बुद्धि

 परमेश्वर पिता, मेरो पास्टरलाई तपाईंको बुद्धि दिनुहोस । बाटो स्पष्ट नभए पनि उहाँलाई कसरी जाने भनेर जान्न मद्दत गर्नुहोस ।

5. सैद्धान्तिक वफादारी

 परमेश्वर पिता, म मेरो पास्टरको लागि प्रार्थना गर्छु कि तपाईंले उहाँलाई वचनमा दृढतापूर्वक पक्रिराख्न मद्दत गर्नुहोस, जब अरू सबैले उहाँलाई वचन छोड्न भन्छन ।

6. स्वस्थ्य

 परमेश्वर पिता, कृपया मेरो पास्टरलाई अलौकिक शक्ति दिनुहोस । उहाँलाई रोहरूबाट बचाउनुहोस ।

7. बलियो विवाह

 परमेश्वर पिता, कृपया मेरो पास्टरलाई अलौकिक रूपमा स्वस्थ विवाह दिनुहोस । उहाँ र उहाँकी श्रीमती बीचको बन्धनलाई बलियो बनाउनुहोस । उहाँहरू दुवैलाई सेवकाईमा प्रोत्साहन दिनुहोस ।

* पास्टरीय सेवा अरू कुनै व्यवसायभन्दा फरक व्यवसाय हो । यो खतरनाक बाेलावट हो । याे एउटा पवित्र बाेलावट हाे । तपाईंले आफ्नो पास्टरकाे निम्ति यसरी प्रार्थना गर्ने सक्नुहुनेछ । पास्टरहरूको लागि प्रार्थना गर्न सिक्नुहोस, यो तपाईंले तिनीहरूलाई दिन सक्ने उत्तम उपहारहरू मध्ये एक हो ।

खतरनाक पास्टरीय तथ्याङ्क : 

९७% पास्टरहरूलाई उनीहरूका विश्वसनीय साथीहरूले धोका दिएका छन, झूटा आरोप लगाएका छन, वा चोट पुर्‍याएका छन; ५०% पास्टरहरूको विवाह सम्बन्ध विच्छेदमा टुङ्गिन्छ; ७०% पास्टरहरूले डिप्रेसनको सामना गर्छन; प्रत्येक वर्ष ७,००० चर्चहरू बन्द हुन्छन; प्रत्येक महिना १,७०० पास्टरहरूले राजीनामा दिन्छन; ८०% पास्टरहरू निराश महसुस गर्छन; ९४% पास्टर परिवारहरूले सेवकाईको दबाब महसुस गर्छन; ७८% पास्टरहरूको कुनै नजिकको साथी छैन; ९०% पास्टरहरूले हप्तामा ५५-७५ घण्टा काम गर्ने रिपोर्ट गर्छन, या त कुनै तलब छैन, वा कुनै तलब वृद्धि छैन; र केवल १०% ले वास्तवमा पास्टरलाई अवकाश दिन्छन । (डा. बिल पुर्विस द्वारा)

हाम्रा पास्टरहरूका लागि प्रार्थना गर्नुहोस । कुनै पनि पास्टरको लागि प्रार्थना सबैभन्दा ठूलो सहयोग हो ।

“कुनै पनि मण्डलीमा परमेश्वरको एक शक्तिशाली मानिस पास्टर छन र आफ्नो पास्टरको लागिको मूल्य तिर्न तयार छन भने त्यो मूल्य ठूलो तलब होइन, तर ठूलो प्रार्थना हो ।” - आर.ए. टोरे

* तपाईंको पास्टरको सेवाको लागि प्रार्थना गर्नुहोस ।

 * तपाईंको पास्टरको प्रभुसँगको सम्बन्धको लागि प्रार्थना गर्नुहोस ।

 * तपाईंको पास्टरको मण्डली र समुदायसँगको सम्बन्धको लागि प्रार्थना गर्नुहोस ।

 * तपाईंको पास्टरको नेतृत्व, मार्गदर्शन र निर्देशनको लागि प्रार्थना गर्नुहोस ।

 * तपाईंको पास्टरको सुरक्षा, स्वास्थ्य र पूर्णताको लागि प्रार्थना गर्नुहोस ।

 * तपाईंको पास्टरको व्यवस्थापन र प्राथमिकताहरूको लागि प्रार्थना गर्नुहोस ।

 * तपाईंको पास्टरको परिवारको लागि प्रार्थना गर्नुहोस ।

यसकारण लेखिएको छ,

“आफ्ना अगुवाहरूको सम्झना राख, जसले परमेश्वरको वचन तिमीहरूलाई सुनाए। तिनीहरूका जीवनको परिणामलाई ध्यान देओ, र तिनीहरूका विश्वासको अनुकरण गर।” [हिब्रू १३:७]

“सारा प्रार्थना र निवेदनसाथ सब समय पवित्र आत्मामा प्रार्थना गर। यस उद्देश्यले लगनशील र सतर्क भएर सबै सन्तहरूका निम्ति प्रार्थना गरिरहो। 

मेरो निम्ति पनि प्रार्थना गर, कि जब म आफ्नो मुख खोल्छु तब मलाई वचन दिइओस, र म निर्भयतासाथ सुसमाचारको रहस्य घोषणा गर्न सकूँ, 

जसको निम्ति म साङ्लाले बाँधिएको एक राजदूत हुँ, र जसरी मैले बोल्नुपर्ने हो, त्यसरी म साहससँग बोल्न सकूँ।” [एफिसी ६:१८-२०]

“अनि मेरो हृदयले रुचाएका गोठालाहरू म तिमीहरूलाई दिनेछु, जसले तिमीहरूलाई ज्ञान र बुद्धिसित डोर्याउनेछन।” [यर्मिया ३:१५]

“तर भाइ हो, हामी तिमीहरूलाई आग्रहपूर्वक बिन्ती गर्दछौं, कि तिमीहरूका माझमा परिश्रम गर्नेहरू, जो प्रभुमा अगुवाहरू हुन् र तिमीहरूलाई चेताउनी दिन्छन्, तिनको आदर गर, र तिनीहरूका कामको खातिर तिनीहरूलाई प्रेमसाथ अति उच्च आदर गर। तिमीहरू आपसमा मेलमिलापमा बस।” [१ थेसलोनिकी ५:१२-१३]

“अन्त्यमा भाइ हो, हाम्रा निम्ति प्रार्थना गर, ताकि प्रभुको वचन शीघ्रतासाथ फैलिओस र विजयी होस, जसरी तिमीहरूका माझमा भएको पनि थियो, र भ्रष्ट र दुष्ट मानिसहरूबाट हामी छुटकारा पाउन सकौं, किनकि सबैसित विश्वास हुँदैन।” [२ थेसलोनिकी ३:१-२]

“अनि उहाँका वरदानहरूचाहिँ यी नै थिए, कि कोही प्रेरितहरू, कोही अगमवक्ताहरू, कोही प्रचारकहरू, कोही मण्डलीका पास्टरहरू र कोही शिक्षकहरू बनून, कि ख्रीष्टको शरीर निर्माण होस् र सेवाको काम गर्न सन्तहरू सुसज्जित होऊन।” [एफिसी ४:११-१२]

“भाइ हो, हाम्रा प्रभु येशू ख्रीष्ट र पवित्र आत्माको प्रेमद्वारा मेरो निम्ति परमेश्वरसँग प्रार्थना गर्न मसँग घोर प्रयत्न गर भनी म तिमीहरूलाई आग्रहपूर्वक बिन्ती गर्दछु, 

कि म यहूदियाका अविश्वासीहरूबाट मुक्त हुन सकूँ, र यरूशलेमको निम्ति मेरो सेवा सन्तहरूलाई ग्रहणयोग्य होस।” [रोमी १५:३०-३१]

“सतर्क भएर धन्यवादसहित स्थिर भई प्रार्थनामा लागिरहो। 

हाम्रा निम्ति पनि प्रार्थना गर, ताकि ख्रीष्टको त्यो रहस्य प्रचार गर्नलाई परमेश्वरले हामीलाई वचनको निम्ति एउटा ढोका खोलिदेऊन, जसको निम्ति म थुनामा परेको छु, र मैले बोल्नुपर्ने वचन खुलस्त पार्न सकूँ।” [कलस्सी ४:२-४]

 “हो, म रमाउनेछु। किनकि म जान्दछु कि तिमीहरूका प्रार्थना र येशू ख्रीष्टका आत्माको सहायताले यो मेरो छुटकाराको निम्ति हुन आउनेछ।” [फिलिप्पी १:१९]

“हाम्रो निम्ति प्रार्थना गर। हामीलाई निश्चय छ कि हाम्रो विवेक स्वच्छ छ, र सबै कुरा ईमानदारीसाथ गर्ने हाम्रो अभिलाषा छ।” [हिब्रू १३:१८]

Sources :

1. https://pin.it/3yw6AWRNs

2. https://pin.it/6QT8RHGst

3. https://www.facebook.com/234971440030199/posts/pfbid0wqzjbo5mSzSxNesjj8vBVDRswptfAgHq6KHzhdiGBFeLxJucLJQxgque1BpKdkFpl/?app=fbl

4. https://theblazingcenter.com/2017/03/pray-for-your-pastor.html

5. https://picheaplace.com/how-to-pray-for-your-pastor/

6. https://oneexceptionallife.com/pray-for-your-pastor/

7. https://enjoyingthejourney.org/7-things-to-pray-for-your-pastor/

8. https://www.lifeloveandjesus.com/20-ways-to-pray-for-your-pastor/

9. https://destinyimpactchurch.org/pray-for-your-pastor/

10. https://www.fbcfairdale.org/2023/09/05/six-ways-to-pray-for-your-pastors/

11. https://dailydosewithdrshermaine.wordpress.com/2017/10/10/pray-for-your-pastor/

12. https://news.sosevents.org/2017/10/01/pray-for-your-pastor/

13. https://dunkirkbaptist.org/praying-for-your-pastor-church-leaders/

14. https://thepurposefulmom.com/7-prayers-for-your-pastor.html

15. https://garmentsofsplendor.com/prayers-for-pastors/

16. https://senselessramblingsofthemindless.com/2017/07/24/prayers-for-our-pastors/

17. https://wellspringchristianministries.org/pray-for-your-pastor/amp/