प्रेम र क्षमाकाे स्वभाव

 एक जना मानिसले सर्पलाई आगोमा जलिरहेकाे देखे र त्यसलाई आगोबाट निकाल्ने निर्णय गरे । जब उनले त्यसो गरे, तब सर्पले उनलाई भयानक पीडाकाे साथ तोक्याे । मानिसले त्याे सर्पलाई फ्याँकिदियो र त्याे फेरि आगोमा खस्यो ।

त्यसपछि मानिसले वरपर हेर्यो र एउटा लठ्ठी फेला पार्यो र त्यसले सर्पलाई आगोबाट बाहिर निकाल्न प्रयोग गर्‍यो ।

त्याे दृश्य हेरिरहेको एउटा मानिस नजिक आयो र भन्यो,

“त्यो सर्पले तपाईंलाई डस्यो । तर तपाईंले किन अझै पनि त्यसलाई बचाउन खोज्दै हुनुहुन्छ ?”

त्याे मानिसले जवाफ दियो,

“सर्पको स्वभाव भनेको डस्नु हो, तर त्यसले मेरो मद्दत गर्ने स्वभावलाई परिवर्तन गर्न सक्दैन ।”

* कसैले तपाईंलाई हानि पुर्‍याउँछ भनेर मात्र आफ्नो स्वभाव परिवर्तन नगर्नुहोस । आफ्नो असल मन नगुमाउ, तर सावधानी अपनाउनुहाेस ।

* याे नयाँ सालमा तपाईंले कुनै असल काम गर्दा तपाईंलाई डस्न आउने अनगिन्ती हुनेछन, तर तपाईंको काम तिनीहरूलाई प्रेम गर्नु हाे । तिनीहरूको बिराेधले तपाईंको प्रेम गर्ने स्वभाव तथा असल गुणलाई बदल्न सक्दैन ।

येशूले हामीलाई त्याे उत्तम उदाहरण दिएर जानुभएको छ । उहाँको आफुलाई हानी पुर्‍याउनेहरूलाई पनि प्रेम गर्नुभयो र तिनीहरूलाई क्षमा पनि दिनुभयो ।

यसकारण लेखिएको छ,

“आफ्ना आफन्तहरूसित बदला लिन नखोज र इबी नराख, तर आफ्नो छिमेकीलाई आफैलाई झैँ प्रेम गर। म परमप्रभु हुँ।” [लेवीहरू १९:१८]

“तिमीहरूले यसो भनेको सुनेका छौ, ‘तिम्रो छिमेकीलाई प्रेम गर, र तिम्रो शत्रुलाई घृणा गर।’   

तर म तिमीहरूलाई भन्दछु, आफ्ना शत्रुहरूलाई प्रेम गर, र तिमीहरूलाई सताउनेहरूका निम्ति प्रार्थना गर।” [मत्ती ५:४३-४४]

अनि येशूले भन्नुभयो, “हे पिता, यिनीहरूलाई क्षमा गर्नुहोस, किनकि यिनीहरूले के गर्दैछन सो जान्दैनन।” [लूका २३:३४]

Sources :

1. https://www.linkedin.com/posts/michael-leidelmeyer-3555684_a-man-saw-a-snake-being-burned-to-death-and-activity-7118566162531065856-gLgW 

2. https://www.facebook.com/345547566043019/posts/970167616914341/?app=fbl