प्रभाव पार्ने व्यक्ति

 

 बेलायतमा एक महान वैज्ञानिक थिए, जसको नाम डा. जोन टेन्डल थियो । जो भौतिक तथा रसायन विज्ञानसँग सम्बन्धी एक दक्ष र पोख्त वैज्ञानिक थिए । उनलाई कसैले एकपल्ट यसरी प्रश्न गर्यो, 

“महाशय, के तपाईं मलाई भन्न सक्नुहुन्छ, कि तपाईंको जीवनमा तपाईंलाई प्रभाव पार्न सक्ने अति प्रभावशाली व्यक्ति को थिए ?”

डा. जोन टेन्डलले झट्टपट्ट नअड्किकन यसरी जवाफ दिए, 

“मेरो जीवनमा मलाई अति नै प्रभाव पार्ने व्यक्ति चाँहि मेरो एकजना मित्र थिए । उनी सारा जीवनभरि मेरो घरमा काम गर्ने एक बृद्ध नोकर हुन ।”

प्रश्नकर्ताले फेरि प्रश्न गरे, 

“त्यो कसरी सम्भव भयो ?”

डा. जोहन टेन्डलले स्पष्ट पार्दै भने, 

“प्रत्येक दिन बिहान ती मित्रले मेरो कोठाको ढोका ढक्ढकाउँथे र मलाई भन्थे, ‘महाशय सात बजिसक्यो । कृपया उठ्नुहोस, किनकि आजको दिनमा तपाईंले महान काम गर्नु परेको छ’ ।”

* के तपाईंको जीवनमा पनी काेही प्रभावशाली व्यक्ति या केही प्रभावशाली दर्शन या लक्ष्य छ ?

यसकारण भनिन्छ, तपाईंको दर्शन यस्तो हाेस, जसले तपाईंकाे निद्रा भगाओस ।

* के महान काम गर्नुपर्ने दिन आज नै हाेईन र ?

* याे नयाँ सालमा तपाईंले पनि केही महान काम गर्नु परेको छ ।

प्रियः मित्रहरू हो, यदि तपाईं परमेश्वर र मण्डलीको सेवा गर्दै हुनुहुन्छ भने, तपाईंको प्रत्येक दिन अति महत्वपूर्ण र अर्थपूर्ण छ । तपाईंले प्रत्येक दिन महान काम गर्नु पर्ने हुन्छ अर्थात तपाईंको प्रत्येक दिन अति मुल्यवान छ ।

यसकारण भनिएको छ,

“तपाईंको जीवनमा दुईवटा महत्त्वपूर्ण दिनहरू छन । तपाईं जन्मेको दिन र तपाईंले किन जन्मनु भयाे भनेर पत्ता लगाउनु भएको दिन हो ।” - मार्क ट्वेन

Source :
दर्पण छाँया - २, तिमाेथी राई, प्रकाशन काल : फेब्रुअरी २०१८, पृष्ठ नं. ४५-४६