मण्डली भित्रकाे झुठो परमेश्वरहरू

 

 आधुनिक मण्डली सुनको बाछोको लागि चरन बनेको छ । आज मण्डलीहरूमा रहेका सबैभन्दा मोटा झूटा परमेश्वरहरू यहाँ छन,

1. मनोरञ्जनको परमेश्वर ।

2. अभिलाषाकाे परमेश्वर ।

3. समृद्धिको परमेश्वर ।

4. संयोगको परमेश्वर ।

5. परिस्थितिको परमेश्वर ।

6. सकारात्मक शब्दहरूको परमेश्वर ।

7. व्यक्तिगत खुशीको परमेश्वर ।

8. राम्रो भावनाको परमेश्वर ।

9. सम्झौताको परमेश्वर ।

10. खुशीको परमेश्वर ।

11. असल परमेश्वर ।

12. यस संसारको परमेश्वर ।

13. नामको परमेश्वर ।

14. सम्प्रदायकाे परमेश्वर ।

वर्तमान समयमा यी झूटा परमेश्वरहरू मण्डलीहरूमा उपासना गरिन्छ ।

साँचो परमेश्वरलाई चिन्न तपाईंले बाइबल पढ्नुपर्छ । बाइबलको परमेश्वरको उपासना गर्न असफल हुँदा झूटा परमेश्वरको मूर्तिपूजा गर्न जान्छ ।

जुन मण्डलीले बाइबललाई आफ्नो प्राथमिक उद्देश्यबाट हटाउँछ, त्यसले मूर्तिपूजाको लागि ढोका खोलेको छ र चाँडै नै येशू ख्रीष्टको नाम प्रयोग गरेर झूटा परमेश्वरको सेवकाई बन्नेछ । (२ कोरिन्थी ११:४; २ कोरिन्थी ११:१३; फिलिप्पी ३:१८-१९)

यदि तिनीहरूले बाइबल प्रयोग गरेमा, यो तिनीहरूको झूटा देवताको लागि प्रशंसाको प्रमाणको रूपमा हुनेछ ।

हामी मध्ये कसैलाई मूर्तिपूजाबाट जोगाउनु भनेको पवित्र बाइबललाई बुझ्नु हो, जसले साँचो परमेश्वरलाई धेरै विस्तारमा वर्णन गर्दछ ।

 होशियार र बुद्धिमान बन्नुहाेस !

वास्तवमा मुर्तिपूजा भनेको कुनै कुराकाे आकृति बनाएर पुज्नु मात्रै हाेईन। तर मुर्तिपूजा भनेको कुनै व्यक्ति, वस्तु, रूपैयाँ-पैसा, दर्शनशास्त्र अथवा मूल्य-मान्यतालाई परमेश्वरकाे स्थानमा राख्नु अनि परमेश्वरभन्दा त्यस्ता कुराहरूमा बढी भर पर्नु, भराेसा गर्नु र प्रेम गर्नु हो। यसकारण परमेश्वरलाई भन्दा बढ्ता प्रेम गरेको जुनसुकै चीज परमेश्वरकाे दृष्टिमा मुर्ति हाे।

तसर्थ रूपैयाँ-पैसाको लाेभ, आदर-सम्मानकाे लाेभ, शक्ति-अधिकारकाे लाेभ, महत्त्वकांक्षाकाे लाेभ, सफलताको लाेभ, शैक्षिक उपलब्धिको लाेभ र यस्तै अन्य साँसारिक कुराहरूकाे लाेभ मुर्तिपूजा हाे। 

“आजभाेलिका ख्रीष्टियनहरूले रूपैयाँ-पैसा, आदर-सम्मान, शक्ति-अधिकार, महत्त्वकांक्षा, सफलता, शैक्षिक उपलब्धि र यस्तै अन्य मुर्तिहरूकाे सेवा मात्र गर्ने हाेइन, तिनीहरूले येशूलाई भन्दा आफ्नाे स्थानीय मण्डली, सम्प्रदाय, सिद्धान्त र मण्डलीमा हुने सेवाहरूलाई बढी प्रेम गर्दछन, र विश्वासको नाउँमा यस्ता कुराहरूलाई तिनीहरूले मुर्तिहरूमा रूपान्तरित गर्दैछन।” - जाेन स्टाेट

यसकारण लेखिएको छ,

“मबाहेक अरू कुनै देवता-देवीहरू नमान्नू। 

आफ्ना निम्ति खोपेर कुनै किसिमको मूर्ति नबनाउनू, माथि आकाश अथवा तल पृथ्वी वा तल पानीमा भएको कुनै कुराको आकारको प्रतिमूर्ति नबनाउनू। 

तिनीहरूका सामु ननिहुरनू, तिनीहरूको पूजा नगर्नू, किनकि म परमप्रभु तिमीहरूका परमेश्वर डाह गर्ने परमेश्वर हुँ। मेरो अवहेलना गर्ने पिता-पुर्खाका अधर्मको दण्ड उनीहरूका सन्तानहरूलाई उनीहरूका तेस्रो र चौथो पुस्तासम्म दिनेछु, तर मलाई प्रेम गर्ने र मेरा आज्ञाहरू पालन गर्नेहरूका हजारौँ पुस्तामाथि म कृपा गर्नेछु।” [प्रस्थान २०:२-६]

“तब हामी परमेश्‍वरका सन्‍तान भएका हुनाले, परमेश्‍वर सुन, चाँदी वा पत्‍थरजस्‍तै हो भनी हामीले ठान्‍नुहुँदैन– यिनीहरूचाहिँ मान्‍छेका कला र कल्‍पनाका प्रतिरूप मात्र हुन।” [प्रेरित १७:२९]

“बुद्धिमान छु भन्‍ने दाबी गरे तापनि तिनीहरू मूर्खै भए, र तिनीहरूले विनाशी मानिस, चराचुरुङ्गी, चारखुट्टे जनावर र घस्रने जीवहरूका मूर्तिका रूपसँग अविनाशी परमेश्‍वरको महिमा साटफेर गरे।” [रोमी १:२२-२३]

“यसकारण तिमीहरूमा जो सांसारिक स्‍वभावका कुराहरू छन तिनलाई मार: व्‍यभिचार, अशुद्धता, कामुकता, खराब इच्‍छा र लोभ, जो मूर्तिपूजा हो।” [कलस्सी ३:५]

“किनकि यो त तिमीहरू निश्‍चय नै जान, कि कुनै व्‍यभिचारी कि अशुद्ध मानिस अथवा लोभी मानिसलाई (जो मूर्तिपूजक हो) ख्रीष्‍ट र परमेश्‍वरको राज्‍यमा कुनै उत्तराधिकार छैन।” [एफिसी ५:५]

“यसकारण मेरा प्रिय हो, मूर्तिपूजाबाट अलग बस।” [१ कोरिन्थी १०:१४]

“साना बालकहरू, आफू-आफूलाई मूर्तिहरूबाट जोगाएर राख।” [१ यूहन्ना ५:२१]

Sources :

1. https://graceambassadors.com/tradition/12-false-gods-worshipped-in-churches 

2. https://www.facebook.com/100010827875490/posts/2026903714347205/

3. https://www.google.com/amp/s/tradersblog.semwealth.com/modern-day-golden-calves/amp/

4. https://canadianbibleguy.com/2017/09/05/top-10-false-gods-of-today/