0 नम्बरको महत्त्व

 

 एक पटक कक्षा काेठामा ९ नम्बरले बिना कारण ८ नम्बरलाई थप्पड हान्याे ।

८ नम्बर रुन थाल्यो र सोध्यो, “मलाई किन थप्पड हानेकाे ?”

९ नम्बरले जवाफ दियो, “म तिमी भन्दा ठूलो र शक्तिशाली छु, म जे पनि गर्न सक्छु, त्यसैले मैले तिमीलाई थप्पड हानेकाे हुँ।”

८ नम्बरले त्यो जवाफ सुनेपछि उसले पनि ७ नम्बरलाई थप्पड हान्याे ।

उही कार्य ७ नम्बरबाट १ नम्बरसम्म तल अन्य संख्याहरूद्वारा दोहोर्याइयाे ।

अब १ नम्बरको पालो आयो, र उसले कसलाई बदला लिने भनेर सोच्न थाल्यो । किनकि ० को कुनै मुल्य, मान्यता र महत्त्व नै छैन ।

१ ले ० लाई हेर्दै भन्यो, “थप्पड खाने सबैको मूल्य थियो। तर तिम्रो कुनै मुल्य नभएकोले म तिमीलाई थप्पड हान्न गइरहेको छैन।”

तब हँसिलो अनुहारको साथ ० ले १ लाई भन्यो, “तपाईं गलत हुनुहुन्छ। यदि हामीसँगै गयौं भने, तपाईंले जो कोही कहाँ गएर तिनीहरूलाई थप्पड हान्न सक्नुहुन्छ। किनकि अब तपाईं र म १० काे शक्ति हाैँ।”

त्यसपछि १ नम्बरले ० नम्बर थप्पड नहान्ने निर्णय गर्याे र उसलाई उठायाे र मायाले अँगालो हालेर आफ्नो छेउमा बस्न दियो। अब नम्बर १ को शक्ति १० भयो, जुन सबै संख्याहरुमा उच्चतम थियो। अब ऊ कक्षाको सबैभन्दा ठूलो नम्बर बन्यो।

यसरी अन्य सबै संख्याहरूले यसको शक्ति पहिचान गरे र ऊ संख्याको राजा बन्छ।

शिक्षा :

* वास्तविक जीवनमा काँधमा कसैको कोमल स्पर्श पनि काफी हुन्छ। हामी नजिक छौ वा टाढा छौ यसले फरक पार्दैन, तर आत्माको सम्बन्ध अन्तर्गत अद्वितीय र बहुमूल्य निकटताको अनुभूति मात्र पर्याप्त छ। त्यसैले कर्मको रूपमा कसैको हृदयमा आफ्नो ठाउँ स्थापना गर्नुहोस, कसैको दिमागमा स्वत: स्थापित हुनेछ।

* हामीले कहिले पनि तल्लो व्यक्तिहरूलाई निरुत्साहित गर्नु हुँदैन बरु उनीहरूलाई राम्रोसँग सँगै हुन मद्दत गर्नुहोस।

* बाइबलकाे इतिहास साक्षी छ, जब परमेश्वरले कुनै मानिसलाई बाेलाउनु हुन्छ, तब त्यसलाई पहिले ० बनाउनु हुन्छ। त्याे परिस्थितिमा उसले याे पनि जान्नेछ कि परमेश्वर नम्बर १ हुनुहुन्छ। जब परमेश्वर उसको अगाडि आउनुहुन्छ, तब उसको मुल्य अचम्म तरिकाले बढ्छ। अब १ काे पछाडि जति ० थप्छाैँ, त्यति ० काे महत्त्व बढ्दै जानेछ। ० , १, १०, १००, १०००, १००००, १०००००, १००००००, १०००००००...। 

यसकारण लेखिएको छ,

“मानिस के हो, र तपाईं त्यसको वास्ता राख्नुहुन्छ? मानिसको छोरो के हो, र तपाईं त्यसको फिक्री गर्नुहुन्छ? 

तपाईंले त्यसलाई स्वर्गीय प्राणीहरूभन्दा केही मात्र सानो बनाउनुभयो, र त्यसलाई महिमा र आदरको मुकुट पहिराउनुभएको छ। 

आफ्नो हातका कामहरूमाथि तपाईंले त्यसलाई शासक बनाउनुभएको छ। सबै थोक तपाईंले त्यसका पैतालामुनि राखिदिनुभएको छ।” [भजनसंग्रह ८:४-६]

Sources :

1. https://ravikugupta.wordpress.com/2022/10/27/slap-game/

2. https://www.linkedin.com/posts/deepu-damodharan-8b072244_once-9-slapped-8-for-no-reason-8-been-told-activity-6948481119423995906-wqx1

3. https://www.facebook.com/share/p/ppkk1qHxMR9AHTA4/?mibextid=oFDknk

4. https://youtu.be/kqI8BL0AKX0?si=2FFRZ95RbiXHh_xF

5. https://www.facebook.com/reel/1259880965203741/?app=fbl