प्रेम, धन र सफलता

 

 एकपटक एउटा गाउँमा एउटी महिलाले तीनजना बृद्ध मानिसहरूलाई आफ्नो घरबाहिर बसिरहेको देखिन। तिनीहरू त्यहाँ धेरै समयदेखि बसिरहेका थिए।

 तिनले उनीहरूलाई चिनेनन। उनले भनिन, “म तपाईंहरूलाई चिन्दिन, तर मैले तपाईंहरूलाई यहाँ धेरै समयदेखि बसिरहेकाे देखे, र तपाईंहरूलाई भोक लागेको हुनुपर्छ। कृपया भित्र आउनुहोस र केहि भाेजन खानुहोस।”

 “के तपाईंको श्रीमान घरमा छन?” उनीहरुले सोधे। 

 उनले भनिन, “हुनुहुन्न, उहाँ केही कामले बाहिर जानुभएको छ।”

 “त्यसो भए हामी भित्र आउन सक्दैनौं।” उनीहरूले जवाफ दिए।

 त्यसपछि महिला घर भित्र पसिन। साँझ उनका श्रीमान घर आएपछि उनले दिनमा भएको सबै घटना भनिन।

 त्यसपछि उनकाे श्रीमानले भने, “अब म घरमा छु भनी उनीहरूलाई भन र उनीहरूलाई भित्र बोलाउ।” 

 तब फेरि महिला बाहिर गइन र ती बृद्ध मानिसहरूलाई भनिन, “मेरो श्रीमान घरमा हुनुहुन्छ। उहाँले सबैलाई आमन्त्रित गर्दै हुनुहुन्छ। कृपया भित्र आउनुहोस र हामीसँग केही खाना खानुहोस।”

 तर तिनीहरूले जवाफ दिए, “हामी सँगै घर भित्र जाँदैनौं।”  

 “किन यस्तो?” उनी जान्न चाहन्थिन। 

 तब एकजना बृद्ध मानिसले आफ्नो एक साथीलाई संकेत गर्दै भने, “उनको नाम धन हो। यदि उनी तिमीसँग गए भने तिम्रो घर सधैं धन-सम्पत्तिले भरिनेछ।”

 त्यसपछि अर्को बृद्ध मानिसलाई देखाउँदै उनले भने, “उनी सफलता हुन। यदि उनी तिमीसँग गए भने, तिमीले सुरु गरेको कुनै पनि काममा सधैं सफल हुनेछाै।”

 त्यसपछि उनले आफूलाई प्रेम भनेर चिनाए, र भने, “म तिम्रो साथमा गएँ भने तिम्रो घर सधै प्रेमले भरिनेछ।”

 त्यसपछि ती बृद्ध मानिसले थपे, “अब भित्र जाऊ र तिम्रो घरमा हामी मध्ये कुनचाहिँ चाहन्छाै, तिम्रो श्रीमानसँग छलफल गर।”

 महिला भित्र गइन र आफ्नो श्रीमानलाई सबै कुरा सुनाइन। श्रीमान एकदमै खुसी भए, र उनले भने, “कति राम्रो! त्यसो भए, हामीले धनलाई निम्तो गरौं। उहाँ आएर हाम्रो घर धन-सम्पत्तिले भरिदिनुहोस!”

 श्रीमती असहमत भइन, र भनिन, “मेरो प्रिय, हामीले सफलतालाई किन निम्तो नदिने?”

 बुहारीले पनि घरको अर्को कुनाबाट यी सबै कुराहरू सुनिरहेकी थिइन। उनले पनि भनिन, “के प्रेमलाई हाम्रो घरमा निम्तो दियौं भने राम्रो हुँदैन र? तब हाम्रो घर सधैंभरि प्रेमले भरिनेछ।'”

 याे सल्लाहमा श्रीमान श्रीमती पनि सहमत भए, र श्रीमानले आफ्नी श्रीमतीलाई भने, “हामी बुहारीको सल्लाह मानौं। बाहिर जाऊ र प्रेमलाई हाम्रो अतिथि बन्न आमन्त्रित गर।”

 महिला फेरि बाहिर गइन र ती तीन जना बृद्ध मानिसहरूलाई सोधिन, “तपाईंहरू मध्ये प्रेम काे हो? कृपया भित्र आउनुहोस र हाम्रो अतिथि बन्नुहोस।”

 तब प्रेम उठेर घर भित्र हिँड्न थाल्यो। त्यतिकैमा अरू दुई जना पनि उठेर उनको पछि लागे। 

 आश्चर्यचकित हुँदै महिलाले धन र सफलतालाई सोधिन, “मैले प्रेमलाई मात्र निम्तो दिएँ, तपाईंहरू पनि किन आउँदैहुनुहुन्छ?”

 बृद्धहरूले सँगै जवाफ दिए, “यदि तिमीले धन वा सफलतालाई निम्तो दिएको भए, हामी दुवै बाहिर बस्ने थियौं, तर तिमीले प्रेमलाई निम्तो दिएको हुनाले, उहाँ जहाँ जानुहुन्छ, हामी पनि उहाँसँगसँगै जान्छौं। किनकि जहाँ प्रेम छ, त्यहाँ धन र सफलताले पनि पछ्याउँछ!”

 ★ यदि तपाईं त्यो स्थानमा हुनुभएको भए, ती तीन बृद्ध मानिसहरू मध्ये कसलाई तपाईंको घरमा निम्ताे दिनुहुन्थ्याे?

 प्रेम बिनाको घर नरक समान हुन्छ।

 प्रेमले हाम्रो मानसिकता र व्यवहारलाई प्रभाव पार्छ, र करुणा, कृतज्ञता र आशावाद जस्ता गुणहरू पालनपोषण गर्दछ। 

 चाखलाग्दो कुरा के छ भने, प्रेमको पनि धन र सफलतासँग शक्तिशाली सम्बन्ध हुन्छ। प्रेमले हामीलाई आफैंमा र विश्वको भलाइमा विश्वास गर्न बल दिन्छ, धन र सफलताको लागि उर्वर भूमि सिर्जना गर्दछ।

 अन्तमा, जहाँ प्रेम हुन्छ, त्यहाँ धन र सफलता पछ्याउँछ भन्ने विश्वास सत्य हो। प्रेमले हाम्रो मानसिकतालाई परिवर्तन गर्छ, हाम्रा कार्यहरूलाई प्रभाव पार्छ र हाम्रो सम्बन्धलाई बलियो बनाउँछ। हाम्रो जीवनमा एक मार्गदर्शक शक्तिको रूपमा प्रेमलाई अँगालेर, हामी असीमित सम्भावनाहरूको संसारमा आफैलाई खोल्छौं। प्रेमलाई उत्प्रेरक बन्न दिनुहोस जसले धन र सफलतालाई आकर्षित गर्दछ, र हेर्नुहोस कि तपाईंको जीवन मापन भन्दा बाहिर समृद्ध भएको छ।

Sources :
1. http://www.inspirationpeak.com/cgi-bin/stories.cgi?record=106

2. https://vocal.media/motivation/wherever-there-is-love-wealth-and-success-will-follow