के म एक दिन बेलायतकी महारानी हुनेछु ?

 

रानी भिक्टोरिया सानी केटी छँदा, उनी एक दिन बेलायतकी महारानी बन्ने थिइन भन्ने कुरा उनलाई थाहा थिएन । तिनीहरूले सबै परिचारिकाहरूलाई यसो भने, “अहिले यी नानीलाई केही पनि नभन्नू; उनको बाल्यावस्था नबिगारिदिनू; उनी रानी हुनेछिन भनी उनलाई नभन्नू।”

उनलाई पुतली(गुडिया) हरूसँग खेल्न साह्रै मन पर्दथ्यो । एक दिन परिवारका तस्वीरहरू हेर्दा उनले आफू नै बेलायतको सिंहासनको अर्को उत्तराधिकारी भएको कुरा थाहा पाइन । उनले परिचारिकालाई सोधिन, “के यो साँचो हो ? के म रानी हुनेछु ?” तिनीहरू केहीबेर त चुप लागे, तर अन्तमा तिनीहरूले उनलाई भन्नै पर्यो । “हो, यो अत्यन्त साँचो हो, एक दिन हजुर रानी हुनुहुनेछ ।” त्यो दिनदेखि पुतलीसँग खेल्ने कार्य बन्द भयो । “म रानी हुनेछु,” उनले भनिन, “म अबदेखि यी अनावश्यक कुराहरूसँग मेरो समय बर्बाद पार्नेछैनँ।” अनि उनी बेलायत देशको इतिहासकै असल रानी बनिन ।

कुरा अविश्वसनीय छ, तर परमेश्वरले सारा विश्वकाे सृष्टि गर्नुकाे उद्देश्य, मानिसलाई बनाउनुकाे उद्देश्य र बाइबल लेख्नुकाे उद्देश्य मानिसलाई आउनेवाला संसार (नयाँ आकाश र नयाँ पृथ्वी र नयाँ यरूशलेम) काे निम्ति राजाहरूकाे निर्माण गर्नु थियोे । यसकारण मण्डली भविष्यको राजाहरू तैयार हुने स्थान हाे । विजयी मण्डली भविष्यकाे राजाहरूकाे झुन्ड हाे । जसको कान छ, त्यसले सुनाेस ।

कुनै मगन्तेलाई खाना दिइनेछ भनेर भनिन्छ भने, उसले त्यो कुरा विश्वास गर्नेछ । तर ऊ राजा हुनेछ भनेर उसलाई भनिन्छ भने, उसले त्यो कुरा विश्वास गर्नेछैन । यसरी नै हामी परमेश्वरले हाम्रा पापहरू क्षमा गर्नुभएको छ भनी हामी सजिलै विश्वास गर्न सक्दछौं । तर कसरी हामी विजयी हुन र उहाँको सिंहासनका सहभागी हुन सक्दछौं त ? याे कुरा आज धेरै विश्वासीहरूकाे निम्ति अविश्वसनीय कुरा नै हाे ।

त्यो सिंहासनको वरिपरि एउटा इन्द्रेणी थियो (प्रकाश ४:३) । अति धेरै कमजोरीहरू भएका हामी कमजोर मानव प्राणीहरू कसरी त्यो सिंहासनको सामु आउन सक्दछौं भन्ने प्रश्न उठ्दछ । 

त्यो इन्द्रेणीले परमेश्वरको जवाफ हामीलाई भन्दछ, यो उहाँको करार हो । जसरी परमेश्वरले त्यो देश अब्राहामलाई दिने प्रतिज्ञा गर्नुभयो र इस्राएल हठी, कठोर र विद्रोही भए तापनि, परमेश्वरले तिनीहरूलाई ८४ वटा देशहरूबाट त्यो देशमा फर्काएर ल्याउनुभएको छ, त्यसरी नै उहाँले हामीसँग गर्नुभएको करारप्रति पनि उहाँ विश्वासयोग्य रहनुहुनेछ ।

स्वर्गमा यी सातवटा रङ्गहरूको सुन्दर इन्द्रेणीले घेरिएको सिंहासन थियो र त्योचाहिँ यूहन्नाले देखेका पहिलो कुरा थियो । यूहन्नाले यसो भनिरहेका थिए, “हे प्रभु, कसरी हामी त्यति उच्चमा उचालिनेछौं ? हो प्रभु, म बुझ्दछु, तपाईं अति प्रेमी र कृपालु हुनुहुन्छ । तपाईं पापहरू क्षमा गर्न सक्नुहुन्छ । म त्यो विश्वास गर्दछु । यो कुरा विश्वास गर्नमा मलाई कुनै कठिनाइ छैन, किनकि तपाईं अत्यन्त अनुग्रही र कृपालु हुनुहुन्छ । तर तपाईंले कसरी मलाई त्यति उच्चमा उचाल्न सक्नुहुन्छ ? म अति मूर्ख र कमजोर छु । म राजा हुनेछु भनी म कसरी विश्वास गर्न सक्दछु र ?”

तर प्रभुको जवाफ यस्तो थियो, “यूहन्ना, मेरो इन्द्रेणीलाई हेर त । यो तिम्रो कारणले होइन, तर मेरै करारको कारणले हो ।” उहाँ करार पालन गर्नुहुने परमेश्वर हुनुहुन्छ । उहाँले भन्नुभएको कुरा पूरा पनि गर्नुहुनेछ ।

परमेश्वरले हामीलाई भविष्यकाे राजाहरू बनाउन कलबरी क्रुसमा आफ्नो प्राण अर्पण गर्नुभयो र पापकाे मुल्य तिरेर हामीलाई पापबाट स्वतन्त्र बनाउनुभयाे । हामीलाई पापबाट शुद्ध र पवित्र बनाउनुभयाे । आफ्नो सन्तान बनाउनुभयाे । पवित्र आत्मा र पवित्र आत्माकाे वरदानहरू र फलहरू दिनुभएको छ । हाम्रो आत्मिक उन्नति र मार्गदर्शनकाे निम्ति पवित्र वचन (बाइबल) दिनुभएको छ । आफ्नो अभिषिक्त सेवकहरू पनि दिनुभएको छ ।

यसकारण लेखिएको छ,

“यसकारण भाइहरूहो, आफ्नो बोलावट र चुनाउ पक्‍का गर्न बढ़ी प्रयत्न गर; किनकि तिमीहरूले यी कुराहरू गर्‍यौ भने तिमीहरूले कहिल्यै ठेस खानेछैनौ।” [२पत्रु. १:१०] KJV

“तिमीहरूलाई बोलाउनुहुने विश्वासयोग्य हुनुहुन्छ उहाँले यो गर्नुहुनेछ।” [१ थेस्सलोनिकी ५:२४] KJV

“यसकारण जान: परमप्रभु तिम्रा परमेश्‍वर, उहाँ नै परमेश्‍वर हुनुहुन्छ, एक विश्‍वासयोग्य ईश्‍वर; उहाँलाई प्रेम गर्नेहरू र उहाँका आज्ञाहरू पालन गर्नेहरूसित उहाँले हजार पुस्तासम्म आफ्नो वाचा र करुणा कायम राख्नुहुन्छ।” [व्यवस्था ७:९] KJV

“...उहाँ जसले हामीलाई प्रेम गर्नुभयो र आफ्नै रगतमा हामीलाई हाम्रा पापहरूबाट धुनुभयो, अनि हामीलाई परमेश्‍वर र आफ्ना पिताका निम्ति राजाहरू र पूजाहारीहरू बनाउनुभयो, उहाँलाई नै महिमा र प्रभुत्व सदासर्वदा भइरहोस! आमेन!” [प्रकाश १:५-६] KJV

“जसले जय पाउँछ, उसैलाई म मेरो सिंहासनमाथि मसँग बस्‍न दिनेछु, जसरी मैले पनि जय पाएँ, र मेरा पितासँग उहाँको सिंहासनमाथि बसें।” [प्रकाश ३:२१] KJV

“तब राजाले आफ्नो दाहिने हातपट्टि हुनेहरूलाई भन्नेछन: मेरा पिताका धन्य जनहरूहो, आओ, संसारको उत्पत्तिदेखि तिमीहरूका निम्ति तयार पारिएको राज्यको अधिकारी होओ।” [मत्ती २५:३४] KJV

“तर परमप्रधानका पवित्र जनहरूले त्यो राज्य पाउनेछन, र त्यो राज्य सदाका निम्ति, अँ, सदा-सर्वदाका निम्ति आफ्नो अधिकारमा लिनेछन।” [दानिय. ७:१८] KJV