कुखुराको बीचमा एउटा गरूड

 

कुनै समयको कुरा हो, एउटा ठूलो पहाडमा ४ वटा ठूला गरूडको अण्डा भएको चीलको गुँड थियो।

एक दिन, भूकम्पले पहाड हल्लियो र एउटा अण्डा तल उपत्यकामा रहेको कुखुरा फार्ममा गयो।

कुखुराहरूलाई थाहा थियो कि तिनीहरूले गरूडको अण्डालाई जोगाउनु पर्छ। अन्ततः गरूडको अण्डा निस्क्यो र एउटा सुन्दर गरूड जन्मियो।

कुखुरा भएकाले, कुखुराले गरूडलाई कुखुरा झैँ हुर्काए। गरूडले आफ्नो घर र परिवारलाई माया गर्दथ्यो तर उसको आत्मा त्यस कुरामा सन्तुष्ट भने थिएन।

एक दिन, गरूडले माथिको आकाशतिर हेर्यो र शक्तिशाली गरूडहरूको समूह माथि आकाश स्वतन्त्र रूपमा उडिरहेको देख्यो। “ओह !” गरूड करायो, “म पनि ती चराहरू जस्तै उड्न चाहन्छु।”

तर कुखुराले हाँस्दै भन्यो, “तिमी त्यसरी उड्न सक्दैनौ। तिमी कुखुरा हौ र कुखुराहरु उड्दैनन।” गरूडले आफ्नो वास्तविक परिवारलाई माथि हेरिरह्यो, ताकि ऊ पनि तिनीहरू जस्तै बन्न सक्छ कि!

प्रत्येक पटक गरूडले आफ्नो सपनाको बारेमा कुरा गर्यो, तर उसलाई भनियो कि यो गर्न सकिँदैन।

अब गरूडले पत्याउन सिकेको थियो। धेरै समयपछि, गरूडले सपना देख्न छोड्यो र कुखुराको रूपमा आफ्नो जीवन बिताउन जारी राख्यो।

अन्ततः कुखुराको रूपमा लामो जीवन पछि, गरूड मर्याे।

शिक्षा :
यदि तपाईंले अहिले नै आफ्नाे सत्यता खाेज्न र चिन्न सक्नुभएन भने जीवन र जीवनकाे उद्देश्य कहिल्यै भेट्टाउन सक्नुहुनेछैन। शैतान पनि मानिसले वास्तविकता नचिनाेस भनेर संसारका सबै मानिसहरूकाे आत्मिक आँखा अन्धाे बनाई दिएको छ।

तर मानिस सृष्टिको सर्वश्रेष्ठ प्रा‍णी हाे। परमेश्वरले मानिसलाई खान, पिउन र समय बिताउन पठाउनु भएको हाेईन, तर एक महान उद्देश्यले यस संसारमा सृष्टि गरेर पठाउनुभएको छ। परमेश्वरले हामी सबैको आत्मिक आँखा खाेलिदिनुभएको हाेस, ताकि हामीले जीवनकाे अर्थ र जीवनकाे उद्देश्य चिन्न सकाैँ।

यसैले एकजना  विद्वानले भनेका थिए,
“मानिस आफ्नाे सर्वश्रेष्ठ स्थानमा तबमात्र फर्कन सक्छ, जब उसले बाइबल र येशू ख्रीष्टसँग सम्बन्ध जाेड्न सफल हुँदछ।”

यसकारण लेखिएको छ,
“हाम्रा परमेश्‍वरका कोमल कृपाको कारणले, स्‍वर्गबाट बिहानको ज्‍योति हामीमाथि पर्नेछ,
र अन्‍धकार र मृत्‍युको छायामा बस्‍नेहरूलाई ज्‍योति मिल्‍नेछ, र हाम्रा पाउ शान्‍तिको बाटोतिर डोर्‍याइनेछन।”
[लूका 1:78-79]