प्रेरितहरूको विश्वासको सार

 

म विश्वास गर्दछु, एक परमेश्वर सर्वशक्तिमान पिता,
स्वर्ग र पृथ्वी सृष्टि गर्नुहुनेमाथि।

अनी उहाँका एकले पुत्र, हाम्रा प्रभु येशू ख्रीष्टमाथि, जो पवित्र आत्माको शक्तिद्वारा गर्भधारण हुनुभयो, कन्ये मरियमदेखि जन्मनुभयो, जसले पन्तियस पिलातसको अधीनमा दुःख भोग्नुभयो, जो क्रूसमा टाँगिनुभयो, मर्नुभयो अनि गाडिनुभयो, उहाँ नरकमा जानुभयाे, तेस्रो दिन उहाँ मृत्युबाट बौरी उठ्नुभयो, स्वर्गमा चढ़िजानुभयो, अनि सर्वशक्तिमान परमेश्वर पिताको दाहिने हातपट्टि बस्नुभएको छ, जहाँदेखि उहाँ जिउँदा र मरेकाहरूको न्याय गर्नलाई फेरि आउनुहुनेछ।

म विश्वास गर्दछु, पवित्र आत्मामाथि; पवित्र मण्डलीमाथि; पवित्रहरूको सङ्गतिमाथि; पाप मोचनमाथि, शरीरको पुनरुत्थानमाथि, र अजम्मरी जीवनमाथि।
आमिन ।

याे मण्डलीकाे आधारभूत सिद्धान्तहरूको अद्भुत सारांश हो। यसको अंग्रेजीमा धेरै संस्करणहरू अवस्थित छन र यसलाई धेरै चर्चहरू द्वारा प्रयोग गरिएको छ।

प्रेरितहरूको विश्वासको सार सम्भवतः नोस्टिकवाद (येशू पूर्ण रूपमा मानव थिएन भन्ने विश्वास) को विरोध गर्न उत्पत्ति भएको हो, तर चाँडै चर्चको केन्द्रीय सिद्धान्त बन्यो। यसको उत्पत्तिको सही मिति अज्ञात छ, यद्यपि यो कम्तिमा तेस्रो वा चौथो शताब्दी ईस्वी जत्तिकै पुरानो हो।

यो बप्तिस्मा, प्रार्थना, र आधारभूत माैखिक उपदेशमा प्रयोग गरिन्छ। यद्यपि अहिले पनि केही मानिसहरू छन जसले तर्क गर्छन कि प्रेरितहरूको विश्वासको सार बाइबलमा फेला पर्दैन।

तर प्रेरितहरूको विश्वासको सारले बाइबलीय आधारलाई संकेत गर्दछ। जाे यसप्रकार छ,

म विश्वास गर्दछु (हबकूक 2:4; रोमी 4:5)
एक परमेश्वर (व्यवस्था 6:4; 1 कोरिन्थी 8:6)
सर्वशक्तिमान (उत्पत्ति 17:1; 2 कोरिन्थी 6:18)
पिता (यशैया 64:7; मत्ती 5:45)
स्वर्ग र पृथ्वी सृष्टि गर्नुहुनेमाथि, (उत्पत्ति 1:1; राेमी 1:20)

अनि उहाँका एकले (भजन 2:7; यूहन्ना 1:14 )
पुत्र, (यशैया 7:14; मत्ती 3:17)
हाम्रा प्रभु  (यर्मिया 23:6 ; यूहन्ना 20:28)
येशू  (जकरिया 9:9 ; मत्ती 1:21)
ख्रीष्टमाथि, (दानियल 9:24 ; यूहन्ना 3:34)
जो पवित्र आत्माको शक्तिद्वारा (दानियल 2:45; मत्ती 1:20, लूका 1:35)
गर्भधारण हुनुभयो, (यर्मिया 31:22; लूका 1:31)
कन्ये मरियमदेखि (यशैया 7:14; लूका 1:43 )
जन्मनुभयो, (यशैया 9:6; यूहन्ना 1:14; लुका 2:7)
जसले पन्तियस पिलातसको अधीनमा (भजन 2:2; लूका 18:32; युहन्ना 19:16)
दुःख भोग्नुभयो, (यशैया 50:6; लूका 23:25 )
जो क्रूसमा टाँगिनुभयो, (भजन 22:17; यूहन्ना 3:14 )
मर्नुभयो  (दानियल 9:26; रोमी 5:8 )
अनि गाडिनुभयो, (यशैया 53:9; यूहन्ना 12:24 )
उहाँ नरकमा ओर्लिनुभयाे, (1 पत्रुस 3:19-20; भजन 16:10, 116:3, एफेसी 4:9)
तेस्रो दिन (होशे 6:2 ; मत्ती 26:32; प्रेरित 10:40-41)
उहाँ मृत्युबाट बौरी उठ्नुभयो, (यशैया 63:1; 2 तिमोथी 2:8)
स्वर्गमा चढ़िजानुभयो, (भजन 68:19; कल. 2:15, लुका 24: 51)
अनि सर्वशक्तिमान परमेश्वर पिताको दाहिने हातपट्टि बस्नुभएको छ, (भजन 110:1; मर्कुस 14:36, 16:19, हिब्रू 1:3)
जहाँदेखि उहाँ जिउँदा र मरेकाहरूको (दानियल 12:2; 1 कोरिन्थी 15:51)
न्याय गर्नलाई (भजन 98:9; प्रेरित 17:31; मत्ती 16:27)
फेरि आउनुहुनेछ। (यशैया 66:15; प्रेरित 1:11 )

म विश्वास गर्दछु, पवित्र आत्मामाथि; (जकरिया 12:10; यूहन्ना 15:26, प्रेरित 1:7-8)
पवित्र  (भजन 45:14; एफेसी 5:26-27)
मण्डलीमाथि; (भजन 22:26; मत्ती 16:18 )
पवित्रहरूको सङ्गतिमाथि; (प्रस्थान 19:5; प्रेरित 2:42, हिब्रू 10:25)
पाप क्षमामाथि, (भजन 32:1; प्रेरित 10:43, लुका 7:48, 1 युहन्ना 1:8-9)
शरीरको पुनरुत्थानमाथि, (यशैया 66:14; यूहन्ना 5:28; 1 काे. 15:51-54; 1 थेस. 4:13-18)
र अनन्त जीवनमाथि। (भजन 16:11; 1 पत्रुस 1:4; 1 युहन्ना 5:20, युहन्ना 3:16)
आमेन !  (भजन 72:19; 2 कोरिन्थी 1:20 )