घमण्ड प्रति एक ख्रीष्टियनकाे नजर

 

1. जब हामी आफूलाई अरू मानिसहरूकाे सट्टामा परमेश्वरसँग तुलना गर्छौं, तब घमण्डबाट भाग्छ।

2. घमण्डले सधैं [आफूलाई] अरूभन्दा माथि राख्छ र परिणामस्वरूप [आफैलाई] तिनीहरूबाट अलग गर्छ। याे जस्तो अहंकारी र घमण्डी मान्छे अरू कोही छैन।

3. घमण्ड भनेको धनी बन्ने चाहनामा होइन, तर आफ्नो छिमेकीभन्दा धनी हुन चाहनु हो। यो ध्यान दिन चाहने होइन तर सबैभन्दा बढी ध्यान दिन चाहनेमा हो। यो चीजहरू पाउन चाहने होइन तर अरू भन्दा धेरै चीजहरू चाहनुमा हो।

4. त्यहाँ एक समय आएको हुन सक्छ जब घमण्ड तपाईंको जीवनको केन्द्र थियो। तपाईं आफ्नो, आफ्नो शक्ति, इच्छा, र उद्देश्य को महत्वाकांक्षी विचार थियो, तर अब त्यो परिवर्तन हुन थाल्छ... जब हामीले नयाँ जन्म लिन्छाैँ।

5. घमण्ड आफैलाई हेर्दा आउँछ, नम्रता परमेश्वरलाई हेरेर आउँछ।

6. घमण्ड असफलतासंग जोडिएको छ, सफलतासँग होइन। बाइबलले भन्छ, “संसारमा भएका सबै कुराहरू - शरीरको अभिलाषा, आँखाको अभिलाषा, र जीवनको घमण्ड पिताबाट होइन तर संसारको हो” (१ यूहन्ना २:१६)।

7. हामीले राम्रो काम गरेको कुरामा घमण्ड गर्नु गलत होइन, बाइबलले हामीलाई लगनशील हुन र सक्दो गर्न आग्रह गर्छ। बाइबलले भन्छ, “मलाई थाहा छ कि मानिसहरूको लागि.. तिनीहरूको सबै परिश्रममा सन्तुष्टि पाउन भन्दा राम्रो अरू केही छैन - यो परमेश्वरको वरदान हो” (उपदेशक 3:12-13)। तर जब हामी आफ्नो सफलताको सम्पूर्ण श्रेय आफै लिन्छौं र हामी सबैभन्दा राम्रो छौं भन्ने सोच्न थाल्छौं, तब घमण्ड विषालु कुरामा परिणत हुन्छ।

8. घमण्ड पाप हो, यसको नतिजाहरूकाे बारेमा अन्धाे नबन्नुहाेस।

9. घमण्ड पाप बन्छ, जब यो अहंकार र आत्मकेन्द्रिततामा परिणत हुन्छ।

10. जब घमण्डले हाम्रो जीवनलाई नियन्त्रण गर्छ, हामी सोच्दछौं कि हामी अरू भन्दा राम्रो छौं। घमण्डी मानिसहरूलाई पनि अरूको लागि थोरै माया वा दया हुन्छ, र केवल आफ्नो रुचि छ। सबैभन्दा बढि, एक घमण्डी व्यक्तिले सोच्दछ कि उनीहरुलाई परमेश्वरकाे लागि थोरै आवश्यकता छ, उनीहरुको बाटो सधैं राम्रो छ भन्ने विश्वास गर्दछ। यसैले घमण्ड लगभग हरेक अन्य पापको जरा हो, किनकि हामी सोच्दछौं कि हामी परमेश्वरको मार्गलाई बेवास्ता गर्न सक्छौं। याे कुनै अचम्मको कुरा होइन कि बाइबलले भन्छ, “परमप्रभुले सबै घमण्डी हृदयलाई घृणा गर्नुहुन्छ” (हितोपदेश १६:५)।

- बिली ग्राहम