1. घमण्ड भनेको आफूलाई सर्वेसर्वा सम्झने भाव वा गुण हो। अरु भन्दा आफू श्रेष्ठ हुँ भन्ने उच्च गर्वको भाव हो।
2. धन-सम्पत्ति, विद्या, बुद्धि, रुप, सौन्दर्य, कला, सीप, पद, प्रतिष्ठा ईत्यादीबाट घमण्ड उत्पन्न हुन्छ।
3. घमण्ड भनेको नकारात्मक स्वभावको एक तत्व हो। घमण्डले आफ्नो मात्र आत्म-सम्मान, सुख-सुबिधा र प्रगति हेर्छ।
4. घमण्डको अन्तिम सत्य भनेको पतन नै हो। उदाहरणको रुपमा लुसिफर र फाराे राजालाई लिन सक्छौ ।
5. जहाँ घमण्ड हुन्छ, त्यहाँ प्रेम भाव हुँदैन। अविवेक र अज्ञानताबाटै घमण्डको जन्म हुन्छ।
6. जबसम्म मनमा घमण्ड रहन्छ, तबसम्म शान्ति प्राप्त हुँदैन। त्यसैले घमण्डलाई त्याग्नुपर्दछ।
7. प्रेम, नम्रता र सदाचारले भरिएको भद्र, शालिन र सरल जीवन जीउन सक्नु नै जीवन जिउने साँचो तरिका हो।
म घमण्डी हुँदा के हुन्छ ?
1. म चिनारी चाहन्छु।
2. म आफूलाई अरूसँग तुलना गर्छु।
3. म आफैलाई धेरै उच्च मान्छु।
4. म प्रशंसाको योग्य महसुस गर्छु।
5. म निर्दयी र कठोर हुन थाल्छु।
6. म मानिसहरूको कुरा सुन्दिन।
7. म अरूलाई बेवास्ता गर्छु।
घमण्डकाे विभिन्न रूपहरु :
1. आत्म-प्रशंसा ~ “मलाई हेर्नुहोस !”
2. आत्म-निर्भरता ~ “म यो गर्न सक्छु !”
3. आत्म-महिमा ~ “के म महान देखिन्न ?”
4. आत्म-ध्यान ~ “मेरो कुरा सुन !”
5. आत्म-प्रमाणीकरण ~ “म सही छु !”
6. आत्म-खोजी ~ “मलाई मेरो दिनुहोस !”
7. आत्म-पूजा ~ “मेरो प्रशंसा गर्नुहोस !”
घमण्डले के गर्छ ?
1. घमण्डले धाेका दिन्छ। (ओबदिया 1:3)
2. घमण्डले आत्मिक अन्धो बनाउँछ। (मत्ती 13:15-16)
3. घमण्डले विचारहरूमा हाम्रो नेतृत्वलाई समाप्त गर्दछ। (भजनसंग्रह 10:4)
4. घमण्डले अन्य पापहरू तिर लान्छ। (भजनसंग्रह 73:6-8)
5. घमण्डलाई परमेश्वरले सहनुहुन्न। (भजनसंग्रह 101: 4-5)
6. घमण्डले विपत्ति ल्याउँछ। (यशैया 3:9)
7. घमण्डीहरूलाई परमेश्वरले विरोध गर्नुहुन्छ। (1 पत्रुस 5:5)
8. घमण्डले मेरो सम्बन्धहरूलाई विष बनाउँछ । (याकुब ४:१)
9. घमण्डले मेरो जीवनलाई दूषित बनाउँछ । (याकुब ४:१)
10. घमण्डले मेरो जीवनमा चिन्ता उत्पन्न गर्छ । (याकुब ४:२)
11. घमण्डले मेरो प्रार्थनालाई लुट्छ । (याकुब ४:३)
12. घमण्डले परमेश्वरको शत्रु बनाउँछ । (याकुब ४:४-५)
13. घमण्डले मेरो आत्मिक वृद्धिलाई रोक्छ । (याकुब ४:६)
यसकारण लेखिएको छ -
“सर्वनाशको अघि अभिमान र पतनको अघि घमण्डी आत्मा आउँछ।”
[हितोपदेश 16:18]
No comments:
Post a Comment