अब्राहम लिंकनबाट उनको छोराको शिक्षकलाई पत्र

 

श्रीमान प्रधानाध्यापक,
आज मेरो छोरोकाे स्कुल सुरु हुन्छ। यो सबै उसको लागि केहि समयको निम्ति अनौठो र नयाँ हुन गइरहेको छ र म चाहन्छु कि तपाईंले उहाँलाई नम्र व्यवहार गर्नुहुन्छ। यो एक साहसिक कार्य हो, जसले उसलाई महाद्वीपहरूमा लैजान सक्छ। सम्भवतः युद्ध, त्रासदी र दुःख समावेश गर्ने सबै साहसिक कार्यहरू। यो जीवन जिउन विश्वास, प्रेम र साहस चाहिन्छ।

त्यसैले प्रिय शिक्षक, कृपया उसको हात समातेर उनलाई थाहा हुने कुराहरू सिकाउनुहोस। यदि तपाईं सक्नुहुन्छ भने नम्रतापूर्वक उसलाई सिकाउनुहोस। हरेक शत्रुको बिचमा एक मित्र पनि हुन्छ भनी उसलाई सिकाउनुहोस। उसले जान्नुपर्दछ कि सबै मानिसहरू न्यायी छैनन, सबै मानिसहरू सत्य छैनन। तर उसलाई यो पनि सिकाउनुहोस कि हरेक बदमाशको लागि एक नायक हुन्छ, प्रत्येक स्वार्थी र भ्रष्ट राजनीतिज्ञको लागि एक समर्पित निष्ठावान नेता हुन्छ।

यदि तपाइँ सक्नुहुन्छ भने उसलाई सिकाउनुहोस, परिश्रम गरी कमाएको 10 सेन्ट, सित्तैमा पाएको एक डलरभन्दा बढी मूल्यवान हुन्छ। उसलाई सिकाउनुहोस, विद्यालयमा शिक्षकलाई धोका दिनुभन्दा फेल हुनु धेरै सम्मानजनक छ। उसले विजय र पराजय भनेको के हो, राम्ररी बुझोस।

उसलाई नम्र मानिसहरूसँग नम्र हुन, कठोर मानिसहरूसँग कठोर हुन सिकाउनुहोस। यदि तपाईं सक्नुहुन्छ भने उसलाई ईर्ष्याबाट टाढा लैजानुहोस र उसलाई शान्त हाँसोको रहस्य सिकाउनुहोस। उसलाई दुःख र कष्टमय अवस्थामा पनि खुशी रहन सक्ने र  कहिलेकाहीँ आँखाबाट आँसु झर्नु लाजमर्दो कुरो होइन भनी सिकाउनुहाेस। उसलाई सिकाउनुहोस कि असफलतामा पनि महिमा र सफलतामा पनि निराशा हुन सक्छ। उसलाई निन्दाको उपहास गर्न सिकाउनुहोस।

उसलाई किताबका आश्चार्यहरू सिकाउनुहोस। उसलाई आकाशमा उडिरहेका चराहरू, घमाइलो दिनमा भुन्भुनाइरहेका माहुरीहरू र पहाडी काखमा फुलेका फूलहरूको गहिरो रहस्यहरू बुझ्न केही समय दिनुहोस। यदि सबैले उसलाई गलत छन भने पनि उसलाई आफ्नै विचारहरूमा विश्वास गर्न सिकाउनुहोस।

मेरो छोरा जतातिर भीड छ, त्यसलाई पछ्याउने प्रवृत्तिको नहोस। उसलाई सबैको कुरा सुन्न सिकाउनुहोस, तर उसलाई सत्यको पर्दामा सुनेको कुरालाई राम्ररी छुट्याउन सक्ने होओस र राम्रोलाई मात्र लिन सिकाउनुहोस।

उसलाई आफ्नो प्रतिभा र बुद्धिलाई उच्चतम बोलीकर्तालाई बेच्न सिकाउनुहोस तर उसको आफ्नाे हृदय र आत्माकाे कुनै मुल्य नलगाओस। उसलाई अधीर हुने हिम्मत होस, उसलाई धैर्यवान बन्न दिनुहोस। उसलाई आफैमा सर्वाेत्तम विश्वास राख्न सिकाउनुहोस, किनकि तब उसले सधैं मानवजातिमा, परमेश्वरमा सर्वाेत्तम विश्वास राख्नेछ।

यो मेरो आदेश हो, शिक्षक ! तर तपाईले कति उत्तम गर्न सक्नुहुन्छ, ध्यान दिनुहोस, ऊ सानो राम्रो केटा हो र ऊ मेरो छोरो हो।
धन्यवाद !
- अब्राहम लिङ्कन, ह्वाइट हाउस, वासिङ्टन