प्रार्थनाकाे बारेमा महत्त्वपूर्ण भनाईहरू

 

“प्रार्थना एउटा लिङ्क हो जसले हामीलाई परमेश्वरसँग जोड्छ ।” - एबी सिम्पसन

“प्रार्थना भनेको तपाईं र परमेश्वरकाे बीचको दुईतर्फी कुराकानी हो।” - बिली ग्राहम

“प्रार्थना भनेको मानिसको आत्माले आफ्नो स्वर्गीय पिताको काखमा सास फेर्नु हो।” - थोमस वाटसन

“प्रार्थनाले परमेश्वरको अनिच्छालाई जित्नु होइन, तर उहाँको इच्छालाई समात्नु हो।” - मार्टिन लुथर

“साँचो प्रार्थना न केवल मानसिक व्यायाम हो, न त स्वर प्रदर्शन। यो त्यो भन्दा धेरै गहिरो छ - यो स्वर्ग र पृथ्वी को सृष्टिकर्ता संग एक आध्यात्मिक लेनदेन हो।” - चार्ल्स स्पर्जन

“प्रार्थना, ख्रीष्ट बिना हामी केहि गर्न सक्दैनौं भन्ने खुला स्वीकार हो। प्रार्थना भनेको हामीलाई चाहिने सहायता प्रदान गर्नुहुनेछ भन्ने विश्वासमा हामी आफैंबाट परमेश्वरतिर फर्कनु हो। प्रार्थनाले हामीलाई खाँचोमा परेको रूपमा नम्र बनाउँछ र परमेश्वरलाई धनीको रूपमा उच्च पार्छ।” - जोन पाइपर

“यदि तपाईं प्रार्थनाको लागि अपरिचित हुनुहुन्छ भने, तपाईं मानव जातिलाई ज्ञात शक्तिको सबैभन्दा ठूलो स्रोतको लागि अपरिचित हुनुहुन्छ।” - बिली सन्डे

“प्रार्थनाले परमेश्वरको कानलाई प्रसन्न तुल्याउँछ; यसले उहाँको हृदय पगाल्छ र हात खोल्छ। परमेश्वरले प्रार्थना गर्ने आत्मालाई इन्कार गर्न सक्नुहुन्न।” - थोमस वाटसन

“जीवनको सबैभन्दा ठूलो त्रासदी अनुत्तरित प्रार्थना होइन, तर प्रस्ताव नगरिएको प्रार्थना हो।” - एफ. बी. मेयर

“प्रार्थना एक विनिमय हो। हामी हाम्रा बोझ, चिन्ता र पाप परमेश्वरको हातमा छोड्छौं। हामी खुशीको तेल र प्रशंसाको लुगा लिएर आउछौं।” - एफ. बी. मेयर

“प्रार्थना भनेको हाम्रो इच्छालाई परमेश्वरकाे इच्छासँग मिलाउने आत्मिक स्वास-प्रश्वास हाे।”

“परमेश्वरले सुन्न समय निकाल्नेहरूसँग बोल्नुहुन्छ, र प्रार्थना गर्न समय निकाल्नेहरूलाई उहाँले सुन्नुहुन्छ।”

“प्रार्थना एक भ्रमित दिमाग, एक थकित आत्मा, एक रोग, र टुक्रिएको हृदयको लागी उपचार हो।”

“प्रार्थनालाई जिब्रोभन्दा हृदयको आवश्यकता हुन्छ।” - एडम क्लार्क

“प्रार्थनामा हृदय बिना शब्दहरू भन्दा शब्द बिनाको हृदय हुनु राम्रो हो।” - जोन बुन्यान

“हामी जहाँ पुग्न सक्दैनौं त्यहाँ हाम्रो प्रार्थना पुग्छन, यसर्थ जब हामी प्रार्थना गर्छौ, तब कुनै ढोका, सिमाना वा कुनै पनि जेलका भित्ताले हामीलाई  छेक्न सक्दैनन।” - ब्रदर एन्ड्रयु

“प्रार्थना भनेको तपाईंले शैतानलाई पराजित गर्ने, हराएकोमा पुग्ने, विश्वासदेखि पछि फर्केकाहरूलाई पुनर्स्थापित गर्ने, सन्तहरूलाई बलियो बनाउने, मिसनरीहरूलाई बाहिर पठाउने, बिरामीहरूलाई निको पार्ने, असम्भव कामहरू गर्ने, र परमेश्वरको इच्छालाई थाहा पाउने तरिका हो।” - डेविट जेरमाया

“दिनको सबैभन्दा मीठो समय हो जब तपाईं प्रार्थना गर्नुहुन्छ। किनकी तपाईले तपाईलाई सबैभन्दा धेरै माया गर्ने व्यक्तिसँग कुरा गर्दै हुनुहुन्छ।”

“यदि तपाईं समस्यामा हुँदा मात्र प्रार्थना गर्नुहुन्छ भने, तपाईं समस्यामा हुनुहुन्छ।”

“परमेश्वरले तपाईलाई जहाँ उहाँ चाहनुहुन्छ त्यहाँ लैजानुहुन्छ, तर तपाईले उहाँसँग दिनहुँ कुरा गर्नुपर्छ कि उहाँ तपाई कहाँ जान चाहनुहुन्छ। कुञ्जी प्रार्थना हो।”

“प्रार्थनाले परमेश्वरलाई परिवर्तन गर्दैन, तर यसले प्रार्थना गर्नेलाई परिवर्तन गर्दछ।”

“धेरै मानिसहरू प्रार्थना गर्दैनन किनभने तिनीहरूले प्रार्थना बिना बाँच्न सिकेका छन।”

“जब हामी काम गर्दछाैँ, तब हामी आफैले नै काम गरिरहेका हुनेछाैँ,
तर जब हामीले प्रार्थना गर्दछौं, तब परमेश्वरले काम गर्नुहुनेछ।”

“कुनै पनि चीज आशिष हो, जसले हामीलाई प्रार्थना गराउँछ।”
- चार्ल्स स्पर्जन

“जब एक ख्रीष्टियनले अन्य ख्रीष्टियनसँग संगति त्याग्छ, शैतान मुस्कुराउँछ, जब उसले बाइबल अध्ययन गर्न छोड्छ, शैतान हाँस्छ। जब उसले प्रार्थना गर्न छोड्छ, शैतान खुशीले कराउँछ।” - कोरी टेन बूम

“तपाईंले प्रार्थना र विश्वास बिना आफ्नो हृदय बढ्ने आशा गरे जस्तै हावा र पानी बिना बिरुवा बढ्ने आशा गर्न सक्नुहुन्छ।” - चार्ल्स स्पर्जन

“जति धेरै पटक हामीले हाम्रा सामान्य क्षणहरूमा परमेश्वरलाई निम्तो दिन्छौं, त्यति नै हाम्रा आँखा र हृदयले उहाँलाई काम गरिरहेको देख्नेछन।”

“प्रार्थना बिनाको दिन आशिष बिनाको दिन हो, र प्रार्थना बिनाको जीवन शक्ति बिनाको जीवन हो।” - एडविन हार्वे

“जहाँ धेरै प्रार्थना छ, त्यहाँ आत्मा धेरै हुनेछ; जहाँ आत्मा धेरै हुन्छ, त्यहाँ निरन्तर प्रार्थना हुनेछ।” - एन्ड्रयू मरे

“परमेश्वरको हरेक महान आन्दोलनलाई घुँडा टेकेको व्यक्तित्वमा पत्ता लगाउन सकिन्छ।” - डीएल मुडी

“दश मध्ये नौ, व्यक्तिगत प्रार्थनाको बेवास्तामा हामी परमेश्वरबाट टाढा जान्छाैँ।” - चार्ल्स स्पर्जन

“प्रार्थना प्रमुख हतियार हो। यदि हामीले यसलाई अझ बढी प्रयोग गर्यौं भने हामी धेरै बुद्धिमानी हुनुपर्छ।” - चार्ल्स स्पर्जन

“प्रार्थना पवित्रताको रहस्य हो।” - आर. सि. स्प्रुल

“पापसँग लड्ने सबैभन्दा राम्रो तरिका हाम्रो घुँडामा छ।” - थोमस वाट्सन

“शैतानले तपाइँको प्रार्थनालाई सीमित गर्न खोज्छ किनभने उसलाई थाहा छ तपाइँको प्रार्थनाले उसलाई सीमित गर्नेछ।”

“जब हामी प्रार्थना गर्दैनौं, हामी लडाई छोड्छौं। प्रार्थनाले ख्रीष्टियनको कवचलाई उज्यालो राख्छ। अनि आफ्नो घुँडामा सबैभन्दा कमजोर संतलाई देख्दा शैतान काँप्छ।” - विलियम काउपर

“बारम्बार प्रार्थना गर्नुहोस, किनकि प्रार्थना आत्माको लागि ढाल हो, परमेश्वरको लागि बलिदान हो, र शैतानको लागि कोर्रा हो।” - जोन बुन्यान

“शैतानको एउटा चिन्ता भनेको ख्रीष्टियनहरूलाई प्रार्थना गर्नबाट रोक्नु हो। ऊ प्रार्थनाविहीन अध्ययन, प्रार्थनाविहीन काम र प्रार्थनाविहीन धर्मबाट डराउँदैन। ऊ हाम्रो परिश्रममा हाँस्छ, हाम्रो बुद्धिको उपहास गर्छ, तर हामीले प्रार्थना गर्दा काँप्छ।” - शमूएल चाडविक

“प्रार्थना सबै परीक्षाहरू विरुद्धको उत्तम कवच हो।”

“शैतानलाई थाहा छ कि एक घन्टाको घनिष्ठ संगति, प्रार्थनामा ईश्वरसँग हृदयस्पर्शी कुराकानीले, उसले वर्षैपिच्छे निर्माण गरेको कुरालाई हटाउन सक्षम छ।” - फ्लेवल

“प्रार्थना चर्चको बलियो पर्खाल र किल्ला हो; यो एक राम्रो ख्रीष्टियन हतियार हो।” - मार्टिन लुथर

“मानिसहरूले हाम्रो अपीललाई अस्वीकार गर्न सक्छन, हाम्रो सन्देशलाई अस्वीकार गर्न सक्छन, हाम्रो तर्कको विरोध गर्न सक्छन, हाम्रा व्यक्तिहरूलाई घृणा गर्न सक्छन, तर तिनीहरू हाम्रो प्रार्थनाको विरुद्ध असहाय छन।” - जे सिडलो ब्याक्सटर

“परमेश्वरले तपाईंको शंका, क्रोध, डर, शोक, भ्रम र प्रश्नहरू सम्हाल्न सक्नुहुन्छ। तपाईंले प्रार्थनामा उहाँकहाँ सबै कुरा ल्याउन सक्नुहुन्छ।” - रिक वारेन

“प्रार्थनाले ईश्वरीय मानिस बनाउँछ, र उसमा ख्रीष्टको मन, नम्रता, आत्मसमर्पण, सेवा, दया र प्रार्थनाको दिमाग राख्छ। यदि हामी साँच्चै प्रार्थना गर्छौं भने, हामी परमेश्वर जस्तै बन्नेछौं, नत्र हामीले प्रार्थना गर्न छोड्नेछौं।” - ई. एम. बाेन्डस

“शत्रुको सबैभन्दा ठूलो आक्रमण भनेको तपाईलाई व्यस्त बनाउनु हो, तपाईलाई हतारमा पार्नु हो, तपाईलाई कराउने बनाउनु हाे, तपाईलाई विचलित बनाउनु हो, परमेश्वरका मानिसहरू र परमेश्वरको मण्डलीलाई यति धेरै हल्ला र गतिविधिले भर्नु हो कि त्यहाँ प्रार्थनाको लागि कुनै ठाउँ छैन। परमेश्वरसँग एक्लै बस्नको लागी कुनै ठाउँ छैन। मौन बस्ने ठाउँ छैन। ध्यान गर्ने ठाउँ छैन।” - पल वाशर

“कुनै पनि मानिस आफ्नो प्रार्थना जीवन भन्दा ठूलो छैन। प्रार्थना नगर्ने पास्टर खेलिरहेका छन; प्रार्थना नगर्ने मानिसहरू भटकिरहेका छन। हामीसँग धेरै आयोजकहरू छन, तर थोरै ताडना दिनेहरू छन; धेरै खेलाडीहरू र तिर्नेहरू छन, तर थोरै प्रार्थना गर्नेहरू छन; धेरै गायकहरू छन, तर थोरै अधिनतामा बस्नेहरू छन; धेरै पास्टरहरू छन, तर थोरै मल्लयुद्द गर्नेहरू छन; धेरै डर छन, तर थोरै आँसु छन; धेरै फेसन छ, तर थोरै जोश छ; धेरै हस्तक्षेपकर्ताहरू छन, तर थोरै मध्यस्थकर्ताहरू छन; धेरै लेखकहरू छन, तर थोरै आत्मिक लडाकुहरू छन। यदि यी कुराहरूमा असफल छाैँ भने हामी सबै ठाउँमा असफल हुनेछौं।” - लियोनार्ड रेभेनहिल

“मानिसले अध्ययन गर्न सक्छ किनभने उसको दिमाग ज्ञानको भोको छ, बाइबलको ज्ञान पनि। तर ऊ प्रार्थना गर्छ किनभने उहाँको आत्मा परमेश्वरको भोको छ।” - लियोनार्ड रेभेनहिल

“प्रार्थना भनेको युद्धको तयारी होइन; यो लडाई हो!” - लियोनार्ड रेभेनहिल

“प्रार्थना भनेको परमेश्वरको उद्देश्यसँग आफूलाई पङ्क्तिबद्ध गर्नु हो।” - ई. स्टेनली जोन्स

“प्रार्थनाले मानिसलाई पापबाट रोकिदिनेछ, वा पापले मानिसलाई प्रार्थना गर्नबाट रोकिनेछ।” - जोन बुन्यान

“प्रार्थना र पाप एउटै हृदयमा सँगै बस्ने छैन । प्रार्थनाले पापलाई नष्ट गर्नेछ, वा पापले प्रार्थनालाई निसास्नेछ।” - जेसी राइल

“मलाई लाग्छ कि केहि महान प्रार्थना भनेको प्रार्थना हो, जहाँ तपाइँ एक शब्द पनि बोल्नुहुन्न वा केहि माग्नु हुन्न।” - ई. डब्लु. टाेजर

“ख्रीष्टियन जीवन उच्च छैन। मसँग गहिरो निराशाको क्षणहरू छन। मैले आँखामा आँसु लिएर प्रार्थनामा परमेश्वरकहाँ यसरी जानु पर्छ, 'हे परमेश्वर, मलाई माफ गर्नुहोस' वा 'मलाई मद्दत गर्नुहोस।'” - बिली ग्राहम

“धनी त्यो व्यक्ति हो जसको प्रार्थना गर्ने साथी हुन्छ।” - जेनिस ह्युजेस

“परमेश्वरकाे हरेक महान काम या जागृतिलाई घुँडा टेकेको व्यक्तित्वमा पत्ता लगाउन सकिन्छ।” - डी. एल. मूडी

“तपाईलाई प्रार्थनाको मूल्य थाहा छ: यो सबै मूल्य भन्दा पर बहुमूल्य छ। यसलाई कहिल्यै बेवास्ता नगर्नुहोस।” - थॉमस बक्सटन

“प्रार्थनाले परमेश्वरको योजनालाई समात्छ र उहाँको इच्छा र पृथ्वीमा यसको उपलब्धि बीचको लिङ्क बन्छ। अचम्मका कुराहरू हुन्छन, र हामीलाई पवित्र आत्माको प्रार्थनाको माध्यम बन्ने सुअवसर दिइएको छ।” - एलिजाबेथ इलियट

“परमेश्वरले विश्वास गर्ने प्रार्थनाको जवाफ दिनु बाहेक केहि गर्नुहुन्न।” - चार्ल्स वेस्ली

“पवित्र आत्माद्दाराकाे प्रार्थना सुन र चाँदीको खजानाभन्दा धेरै बहुमूल्य छ।” - जोन बुन्यान

“प्रार्थना सोध्नु होइन। प्रार्थना भनेको परमेश्वरको हातमा, उहाँको स्वभावमा, र हाम्रो हृदयको गहिराइमा उहाँको आवाज सुन्नु हो।” - मदर टेरेसा

“राष्ट्रहरूलाई आफ्नो खुट्टामा फर्काउन, हामीले पहिले घुँडा टेक्नु पर्छ।” - बिली ग्राहम

“बिहानको समयमा, प्रार्थना एउटा कुञ्जी हो जसले हामीलाई परमेश्वरको कृपा र आशिषहरूको खजाना खोल्छ; साँझमा, त्यो कुञ्जी हो जसले हामीलाई उहाँको सुरक्षा र संरक्षणमा बन्द गर्दछ।” - बिली ग्राहम

“के प्रार्थना तपाईको स्टेयरिङ ह्वील हो कि तपाईको स्पेयर टायर?” - कोरी टेन बूम

“यदि मेरो आफ्‍नै नाउँ दिइएको मेरो प्रजाले आफैलाई नम्र पारेर प्रार्थना गर्छ, र मलाई खोजेर आफ्‍ना दुष्‍ट चालहरूबाट फर्कन्‍छ, तब म स्‍वर्गबाट तिनीहरूको प्रार्थना सुन्‍नेछु, र तिनीहरूका पाप क्षमा गर्नेछु, र तिनीहरूको देशलाई म स्वास्थ्य पार्नेछु।”
[२ इतिहास 7:14]