मैले एक पटक आगोलाई सोधे, “आगो, के तिमी सबैभन्दा शक्तिशाली छौ ?” आगोले जवाफ दियो, “होइन, म भन्दा पानी शक्तिशाली छ । जब यसले मलाई छुन्छ, म बाफमा परिणत हुन्छु ।”
त्यसैले मैले पानीलाई सोधें, “पानी, के तिमी सबैभन्दा शक्तिशाली छौ ?” पानीले जवाफ दियो, “होइन, म भन्दा सूर्य शक्तिशाली छ । जब यो चम्किन्छ, म वाष्पीकरण हुन्छु ।”
त्यसपछि मैले सूर्यतिर फर्केर भने, “सूर्य, के तिमी सबैभन्दा शक्तिशाली छौ ?” सूर्यले भन्यो, “होइन, म भन्दा बादल शक्तिशाली छ । यसले मलाई पृथ्वीको अनुहारबाट लुकाउन सक्छ ।”
मैले बादललाई सोधें, “बादल, के तिमी सबैभन्दा शक्तिशाली छौ ?” बादलले जवाफ दियो, “होइन, म भन्दा हावा धेरै शक्तिशाली छ । यसले मलाई जहाँ मन लाग्छ त्यहाँ लैजान्छ ।”
त्यसैले मैले हावालाई सोधें, “हावा, के तिमी सबैभन्दा शक्तिशाली छौ ?” हावाले जवाफ दियो, “होइन, म भन्दा पहाड शक्तिशाली छ । जब म त्यसलाई ठोक्काउँछु, म टुक्रा-टुक्रा हुन्छु ।”
म पहाडको अगाडि उभिएर भनेँ, “त्यसो भए तिमी सबैभन्दा शक्तिशाली छौ ?” पहाडले जवाफ दियो, “होइन, म भन्दा मानिस शक्तिशाली छ । उसले मलाई आकार दिन सक्छ, मलाई जित्न सक्छ, मलाई नष्ट पनि गर्न सक्छ ।”
त्यसपछि मैले मानिसलाई सोधें, “मानिस, के तिमी सबैभन्दा शक्तिशाली छौ ?”
मानिसले इमानदारीपूर्वक जवाफ दियो, “होइन, म भन्दा मृत्यु शक्तिशाली छ । यसबाट कोही पनि उम्कन सक्दैन ।”
त्यसैले अन्ततः म मृत्युकहाँ गएँ र सोधें, “मृत्यु, के तिमी सबैभन्दा शक्तिशाली छौ ?”
मृत्युले जवाफ दियो, “शताब्दीऔं देखि, म विश्वास गर्थें कि म शक्तिशाली छु । राजाहरू मेरो अगाडि ढले । साम्राज्यहरू मेरो सामु झुके । कसैले पनि मलाई कहिल्यै हराएको छैन । एक दिन मैले एक जना मानिसलाई मारे । मैले उसलाई चिहानमा बन्द गरें । तर तीन दिन पछि... ऊ फेरि बौरी उठ्यो । उसले मलाई पराजित गर्यो । म उसलाई समात्न सकिन । म उसलाई जित्न सकिन । त्यो मानिस येशू ख्रीष्ट हुनुहुन्छ । उहाँ मृत्युबाट बौरी उठ्नुभयो । उहाँले चिहानलाई जित्नुभयो । उहाँले मृत्युलाई सधैंको लागि जित्नुभयो र उहाँ मार्फत मात्र तिमीले अनन्त जीवन पाउनेछौ ।”
त्यसैले मेरा प्रीय दाजुभाइ तथा दिदीबहिनीहरू,
* येशू ख्रीष्टको बारेमा कहिल्यै नलजाउनुहोस् ।
* उहाँमा आशा कहिल्यै नगुमाउनुहोस् ।
* अनि जसले उहाँलाई अहिलेसम्म ग्रहण गरेका छैनन्, म तपाईंलाई राजाहरूका राजा र प्रभुहरूका प्रभु प्रभु येशू ख्रीष्टलाई पछ्याउन प्रेम पूर्वक निमन्त्रणा गर्दछु ।
* मृत्यु सबैभन्दा शक्तिशाली छैन, तर येशू ख्रीष्ट शक्तिशाली हुनुहुन्छ !
यसकारण लेखिएको छ,
“हाम्रा परमेश्वर बचाउनुहुने परमेश्वर हुनुहुन्छ, र परमप्रभु परमेश्वरमा नै मृत्युबाट मुक्ति छ।” [भजनसंग्रह ६८:२०]
जब मैले उहाँलाई देखें, तब म मरेतुल्य भएर उहाँका पाउमा परें। तर उहाँले आफ्नो दाहिने बाहुली यसो भनेर ममाथि राख्नुभयो, “नडराऊ, आदि र अन्त्य र जीवितचाहिँ म नै हुँ। म मरेको थिएँ। हेर, म सदासर्वदाको निम्ति जीवित छु, अनि मृत्यु र पातालका साँचाहरू मसित छन्।” [प्रकाश १:१७-१८]
येशूले तिनलाई भन्नुभयो, “पुनरुत्थान र जीवन म नै हुँ। मलाई विश्वास गर्ने मर्यो भने पनि जीवित हुनेछ।
अनि जिउने र ममाथि विश्वास गर्ने प्रत्येक कहिल्यै मर्नेछैन। के तिमी यो विश्वास गर्छ्यौ?” [यूहन्ना ११:२५-२६]
“अब केही समयपछि संसारले मलाई कहिल्यै देख्नेछैन, तर तिमीहरूले मलाई देख्नेछौ। म जीवित भएको हुनाले, तिमीहरू पनि जीवित रहनेछौ।” [यूहन्ना १४:१९]
“हामी जान्दछौं कि ख्रीष्ट मरेकाहरूबाट जीवित भएर फेरि मर्नुहुनेछैन। अब उसो उहाँमाथि मृत्युको राज्य हुँदैन।” [रोमी ६:९]
“कि स्वर्गमा, पृथ्वीमाथि र पृथ्वीमुनि भएको हरेक प्राणीले येशूको नाउँमा घुँड़ा टेक्नुपर्छ।” [फिलिप्पी २:१०]
“यदि हामी बाँच्छौं भने प्रभुकै निम्ति बाँच्छौं, र मर्छौं भने प्रभुकै निम्ति मर्छौं।
चाहे हामी बाँचौं, चाहे मरौं, हामी प्रभुकै हौं। यसैको निम्ति ख्रीष्ट मर्नुभयो र फेरि जीवित हुनुभयो, कि उहाँ मरेकाहरू र जीवितहरू दुवैका प्रभु होऊन्।” [रोमी १४:८-९]
“किनभने दुर्बलतामा उहाँ क्रूसमा टाँगिनुभयो, तर परमेश्वरको शक्तिमा उहाँ जीवित हुनुहुन्छ। यसरी हामी उहाँसँग दुर्बल हुन्छौं, तर तिमीहरूसँगको हाम्रो व्यवहारमा परमेश्वरको शक्तिद्वारा हामी उहाँसँग जिउनेछौं।” [२ कोरिन्थी १३:४]
जब विनाशीले अविनाशी र मरणशीलले अमरत्व धारण गर्छ, तब लेखिएको त्यो वचन पूरा हुनेछ, “मृत्यु विजयमा निलिएको छ।”
“ए मृत्यु, तेरो विजय कहाँ? ए मृत्यु, तेरो खील कहाँ?”
मृत्युको खील पाप हो, र पापको शक्ति व्यवस्था हो।
तर परमेश्वरलाई धन्यवाद होस्, जसले हामीलाई हाम्रा प्रभु येशू ख्रीष्टद्वारा विजय दिनुहुन्छ। [१ कोरिन्थी १५:५४-५७]
Source :
https://www.facebook.com/1815695849/posts/pfbid02vss6rcE1kdhoGYndFjhGigMW4EduGAqUvkTZXJDtknzCsfSZEHrjr7ckZbFfGWrsl/
No comments:
Post a Comment