शत्रुलाई क्षमा :

 

 हत्या प्रयासमा गोली हानेको केही समयपछि, पोप जोन पल द्वितीयले आफ्नो गोली हान्ने व्यक्तिको लागि यसरी क्षमाशील शब्दहरू प्रस्तुत गरे, “म हाम्रो ती भाईको लागि प्रार्थना गर्दछु जसले मलाई गोली हानेको थियो, र जसलाई मैले इमानदारीपूर्वक क्षमा गरेको छु । येशू ख्रीष्ट, पुजारी र पीडितसँग एकताबद्ध भएर, म मण्डली र संसारको लागि मेरो पीडा अर्पण गर्दछु ।”

१३ मे १९८१ मा, पोप जोन पल द्वितीयलाई भ्याटिकन सिटीको सेन्ट पिटर्स स्क्वायर पार गर्ने क्रममा मेहमेट अली आग्काले चार गोली हानेका थिए । दुई गोली पोपको पेटमा लाग्यो, एउटा उनको दाहिने हातमा र अर्को उनको देब्रे हातको चोर औंलामा लाग्यो । असह्य पीडामा, पोपलाई उनको सुरक्षा टोलीले बाँधेर लग्यो, र अत्यधिक रक्तस्रावको बावजुद, पोप बाँचे ।

निको भएपछि, डिसेम्बर १९८३ मा, पोपले जेलमा आफ्नो आक्रमणकारीलाई भेटे र क्षमादान दिए, उनको लागि प्रार्थना गरे र उनलाई आफ्नो “भाई” भनेर सम्बोधन गरे । साथै उनलाई सार्वजनिक रूपमा नै क्षमा पनि गरे । उनले भने कि येशू ख्रीष्टको शिक्षाले उनलाई गोली हानेकोमा अग्कालाई क्षमा गर्न निर्देशन दिएको थियो ।

इटालीको रेबिबिया जेलमा रहेको मेहमेट अली अग्काको कोठरीमा पोप आइपुग्दा, उनले आफ्नो सम्भावित हत्यारालाई आँखामा हेरे, हात मिलाए, र आग्काले जोन पल द्वितीयको हात चुम्बन गरे । दुवैले २१ मिनेटसम्म चुपचाप कुरा गरे । पोप जोन पल द्वितीयले भने, “हामीले के कुरा गर्यौं त्यो उनी र मेरो बीचमा गोप्य रहनेछ, मैले उनीसँग भाईको रूपमा कुरा गरें जसलाई मैले माफी दिएको छु, र जसमाथि मेरो पूर्ण विश्वास छ ।”

पोप जोन पल द्वितीयका अनुसार, “हामीले लामो समयसम्म कुरा गर्यौं । सबैले भनेझैं अली अग्का एक पेशेवर हत्यारा हुन । जसको अर्थ यो हत्या उनको पहल थिएन, अरू कसैले सोचेको थियो, अरू कसैले आदेश दिएको थियो ।” सम्भवतः, आग्काले १९७८ मा टर्कीमा एक अखबार सम्पादक अब्दी इपेकीको हत्या गरेपछि इटाली सरेका थिए ।

पोप जोन पल द्वितीयकाे क्षमाको कार्यलाई मेलमिलापको विषयवस्तुलाई मूर्त रूप दिने ख्रीष्टियन क्षमा र अनुग्रहको गहन उदाहरणको रूपमा हेरिएको थियो । उनको क्षमा व्यक्तिगत र निःशर्त थियो, जसलाई राजनीतिक र धार्मिक सीमाहरू पार गर्ने अनुग्रह र करुणाको शक्तिशाली उदाहरणको रूपमा हेरिएको थियो । क्षमा गर्ने उनको तत्परता एक प्रेरणादायी उदाहरण हो । याे अनुग्रहको एउटा अद्भुत कथा हो । अनुग्रह भनेको अयोग्य क्षमा हो । 

कथा यहाँ मात्रै समाप्त हुँदैन... केही बर्षपछि, गोलीकाण्डको २६ औं वार्षिकोत्सवमा (१३ मे २००७), उनी प्रति देखाईएकाे अनुग्रह, प्रेम र क्षमालाई देखेर आग्काले जेलमा रहँदा नै आफ्नो मुस्लिम धर्म त्यागे र ख्रीष्टियन धर्म अपनाए । 

इटालियन अदालतले उनले गरेको अपराधकाे निम्ति आग्कालाई आजीवन कारावासको सजाय सुनाएको थियोे । पाेपले २००० मा उनलाई माफी दिन अनुरोध गरे । अनुरोध स्वीकृत भयो । अन्ततः २०१० मा रिहा गरियो, त्यसपछि उनलाई टर्कीमा निर्वासित गरियो । डिसेम्बर २०१४ मा, उनी पुनः रोम फर्के, भ्याटिकन सिटीको भ्रमण गरे र पोपको चिहानमा दुई दर्जन सेतो गुलाब राखे ।

प्रेममा शक्ति छ, प्रेममा विजय छ । एउटा घृणाले हजाराैँ घृणालाई जन्माउँछ, एउटा प्रेमले हजारौं प्रेमलाई जन्माउँछ ।

* तपाईंले घृणा र प्रेम मध्ये कसलाई राेज्नुहुन्छ ?

* के तपाईंले आफ्नो परम शत्रुलाई पनि क्षमा दिन सक्नुहुन्छ ?

यसकारण लेखिएको छ,

अनि येशूले भन्नुभयो, “हे पिता, यिनीहरूलाई क्षमा गर्नुहोस, किनकि यिनीहरूले के गर्दैछन सो जान्दैनन।” [लूका २३:३४]

“तर तिमी सुन्नेहरूलाई म भन्दछु, आफ्ना शत्रुलाई प्रेम गर, र घृणा गर्नेहरूलाई भलाइ गर,  

सराप्नेहरूलाई आशीर्वाद देओ, दुर्व्यवहार गर्नेहरूका निम्ति प्रार्थना गर।  

तर आफ्ना शत्रुहरूलाई प्रेम गर, र तिनीहरूको भलाइ गर। फेरि पाउने आशा नराखी ऋण देओ, र तिमीहरूको इनाम ठूलो हुनेछ, अनि तिमी सर्वोच्चका सन्तान ठहरिनेछौ, किनकि उहाँ बैगुनी र स्वार्थीमाथि कृपालु हुनुहुन्छ।  

तिमीहरूका पिता कृपालु हुनुभएझैँ, तिमीहरू पनि कृपालु होओ।” [लूका ६:२७,२८,३५,३६]

“तिमीहरूले यसो भनेको सुनेका छौ, तिम्रो छिमेकीलाई प्रेम गर, र तिम्रो शत्रुलाई घृणा गर।

तर म तिमीहरूलाई भन्दछु, आफ्ना शत्रुहरूलाई प्रेम गर, र तिमीहरूलाई सताउनेहरूका निम्ति प्रार्थना गर,   

र तिमीहरू स्वर्गमा हुनुहुने आफ्ना पिताका छोराहरू हुनेछौ।” [मत्ती ५:४३-४८]

तब उहाँकहाँ आएर पत्रुसले भने, “प्रभु, मेरो भाइले कति पल्ट मेरो विरुद्धमा अपराध गरे मैले त्यसलाई क्षमा गर्ने? के सात पल्टसम्म?”

येशूले तिनलाई भन्नुभयो, “म तिमीलाई भन्दछु, सात पल्ट होइन, तर सत्तरी गुणा सात पल्ट।” [मत्ती १८:२१-२२]

“यदि तेरो शत्रु भोकाएको छ भने, त्यसलाई खान भोजन दे, यदि त्यो तिर्खाएको छ भने, त्यसलाई पिउन पानी दे। 

यसो गर्नाले तैंले त्यसको टाउकोमा जलिरहेको भुङ्ग्रो खन्याउनेछस, र परमप्रभुले तँलाई इनाम दिनुहुनेछ।” [हितोपदेश २५:२१-२२]

“किनकि परमेश्वरबाट जन्मेको हरेकले संसारमाथि विजय प्राप्त गर्छ, र संसारलाई जित्ने विजय हाम्रो विश्वास हो। 

संसारमाथि विजय प्राप्त गर्ने को हो? त्यही हो, जसले येशू ख्रीष्ट परमेश्वरका पुत्र हुनुहुन्छ भनी विश्वास गर्छ।” [१ यूहन्ना ५:४-५]

Sources :

1. https://en.m.wikipedia.org/wiki/Attempted_assassination_of_Pope_John_Paul_II

2. https://theunexpectedpastor.com/tag/pope-john-paul-ii-forgives-his-assassin/#:~:text=Just%20after%20Christmas%20in%201983,misbehaved%20I%20certainly%20forgave%20them.

3. https://time.com/archive/6697983/pope-john-paul-ii-forgives-his-would-be-assassin/

4. https://www.npr.org/sections/thetwo-way/2014/12/28/373648101/pope-john-paul-iis-would-be-assassin-lays-roses-at-his-tomb

5. https://www.vaticannews.va/en/pope/news/2025-08/mother-of-son-beheaded-by-isis-in-2014-meets-with-pope-leo.html

6. https://www.facebook.com/groups/425055381680083/permalink/1408170373368574/?app=fbl

7. https://www.facebook.com/100063566255513/posts/pfbid02ZTYSafBUgnFNeyz4M7LeqEgQpqUDURvfWAoD18HZPkYSPL42zT3MGEGfkvtFsWYHl/?app=fbl