जोन वेस्लीको डायरी

 

 याे घटना १७०० को दशकको अन्त्यतिरकाे हाे । जोन वेस्लीको एक महिनाकाे प्रचार तालिकाकाे बारेमा उनको डायरीको एक पृष्ठमा यस्तो लेखिएको थियोे ।

1. आइतबार बिहान, मे ५ मा सेन्ट एन मण्डलीमा प्रचार गरे । उनलाई अब फेरि त्यहाँ नआउन भनियो ।

2. आइतबार दिउँसो, मे ५ मा सेन्ट जोन्स मण्डलीमा प्रचार गरे । उनलाई डिकनहरूले भने, “बाहिर निस्कनुहोस र बाहिर बस्नुहोस ।”

3. आइतबार बिहान, मे १२ मा सेन्ट जुड्स मण्डलीमा प्रचार गरे । उनलाई त्यहाँ पनि नफर्कन भनियो ।

4. आइतबार दिउँसो, मे १२ मा सेन्ट जर्ज मण्डलीमा प्रचार गरे । उनलाई फेरि त्यहाँबाट पनि निकालियो ।

5. आइतबार बिहान, मे १९ मा सेन्ट समवडी एल्स मण्डलीमा प्रचार गरे । डिकनहरूले विशेष बैठक बोलाए र उनलाई भने कि तपाईं फेरि फर्कन सक्नुहुन्न ।

6. आइतबार दिउँसो, मे १९ मा सडकमा प्रचार गरे । उनलाई सडकबाट पनि निकालियो ।

7. आइतबार बिहान, मे २६ मा घाँसे मैदानमा प्रचार गरे, सेवाको क्रममा गोरुलाई छाडिएको कारण उनलाई घाँसे मैदानबाट धपाइयो ।

8. आइतबार बिहान, जुन २ मा शहरको छेउमा प्रचार गरियो, उनलाई राजमार्गबाट ​​निकालियो ।

9. आइतबार दिउँसो, जुन २ मा दिउँसोको सेवामा चरनमा प्रचार गर्दा, १०,००० मानिसहरूले उनको प्रचारलाई सुन्न आए ।

कहिलेकाहीँ हामीले असफलता ठानेका कुराहरू वास्तवमा सफलताको चरण हुन ।

मेथोडिज्मका संस्थापक वेस्लीलाई इङ्गल्याण्डका मण्डलीहरूबाट नियमित रूपमा निकालिन्थ्यो, किनभने परमेश्वरको अनुग्रहको असाधारण प्रकृतिको उनको धारणालाई धेरै कट्टरपन्थी मानिन्थ्यो । 

हो, जोन वेस्लीलाई उनको समयमा कट्टरपन्थी मानिन्थ्यो । तर सत्य कुरा के हो भने, हाम्रो काम मानिसहरूलाई खुशी पार्नु होइन तर परमेश्वरप्रति आज्ञाकारी हुनु हो ।

येशूलाई कति पटक गिल्ला गरियो, उपहास गरियो र निर्दयी रूपमा प्रश्न गरियो ? के हामीले त्योभन्दा कम आशा गर्नु पर्छ ?

जोन वेस्लीको डायरीको एक पृष्ठबाट हामीले याे कुरा सिक्छाैँ कि हामीले विश्वास गरेको र गर्न बोलाइएको कुरामा दृढ रहने, अटल रहने, कहिल्यै हार नमान्ने हुनुपर्छ । हामीले सक्दो सबैलाई याे सत्य बाँड्नु र प्रस्ताव गर्नु पर्छ कि परमेश्वरको मुल अनुग्रह, त्यो निःशर्त प्रेम जुन हामीले कमाएका छैनौं, न त योग्य नै छौं । यद्यपि बाँकी संसारले यसलाई बुझ्न वा स्वीकार नगर्न सक्छ ।

 

* तपाईंकाे प्रचार मानिसलाई प्रसन्न पार्ने या परमेश्वरलाई प्रसन्न पार्ने कुन किसिमको छ ?

* मानिसहरूले सुन्न चाहेको कुरा प्रचार नगर्नुहाेस, तर मानिसहरूले सुन्नुपर्ने कुरा प्रचार गर्नुहोस ।

* तपाईंले अनन्तकाल कसरी बिताउने भन्ने कुरामा वास्ता राख्ने पास्टरले, तपाईंले सुन्न चाहनुभएको कुरा होइन तर तपाईंले सुन्न आवश्यक पर्ने कुरा प्रचार गर्नेछ ।

* प्रिय पास्टर, यदि तपाईं विश्वासघात या त्यागको लागि तयार हुनुहुन्न भने, तपाईं सेवाको लागि तयार हुनुहुन्न ।

* हामीलाई त्यस्ता प्रचारकहरूको आवश्यकता छ जो सदस्यहरू गुमाउने डरभन्दा बढी परमेश्वरको डर मान्छन ।

* यदि कुनै पास्टरले धर्मशास्त्रको सम्पूर्ण सत्य प्रचार गर्न चाहन्छ भने, उसले केही सदस्यहरू गुमाउन तयार हुनुपर्छ । सत्यका धेरै कम साथीहरू हुन्छन ।

* प्रिय पास्टर, तपाईं कमजोर भएको कारणले आक्रमणमा पर्नुभएको हाेईन, तर तपाईंसँग केही विस्फोटक छ जसकाे कारण तपाईं आक्रमणमा पर्नुभएको हाे ।

* हामीलाई त्यस्ता प्रचारकहरूको आवश्यकता छ जसले प्रचार गर्छन कि नरक अझै तातो छ, स्वर्ग अझै वास्तविक छ, पाप अझै गलत छ, बाइबल परमेश्वरको वचन हो र येशू मुक्तिको एक मात्र बाटो हुनुहुन्छ ।

यसकारण लेखिएको छ,

तर पत्रुस र प्रेरितहरूले भने, “हामीले मानिसहरूको होइन तर परमेश्वरको आज्ञा पालन गर्नैपर्छ।” [प्रेरित ५:२९]

“के म मानिसहरूको निगाह खोज्दैछु, कि परमेश्वरको? अथवा के मैले मानिसहरूलाई खुशी पार्न खोज्दैछु? यदि मैले अझै मानिसहरूलाई खुशी पार्न कोसिस गरेको भए म ख्रीष्टको दास हुनेथिइनँ।” [गलाती १:१०]

“तिमीहरू जे गर्छौ दिलोज्यानले गर्ने गर, मानिसको होइन, तर प्रभुको सेवा गरेजस्तै।” [कलस्सी ३:२३]

“तर जसरी सुसमाचार हाम्रो जिम्मामा सुम्पनका निम्ति परमेश्वरले हामीलाई योग्य ठान्नुभयो, त्यसरी नै मानिसलाई प्रसन्न पार्न होइन, तर हाम्रो हृदय जाँच्नुहुने परमेश्वरलाई प्रसन्न पार्न हामी बोल्दछौं।” [१ थेसलोनिकी २:४]

“यस संसारको ढाँचामा नचल, तर आफ्नो मनमा नयाँ भई पूर्ण रूपले परिवर्तित होओ, र परमेश्वरको असल, ग्रहणयोग्य र सिद्ध इच्छा के हो, त्यो तिमीहरूले जाँच्न सक।” [रोमी १२:२]

Sources :

1. https://mylifeinourfathersworld.com/2021/03/13/a-page-from-john-wesleys-diary-late-1700s/

2. https://sumc.org/blog/john-wesleys-diary/

3. https://bible.org/illustration/diary-john-wesley

4. https://www.sermonindex.net/modules/newbb/viewtopic.php?topic_id=52275&forum=35

5. https://www.facebook.com/100064602587304/posts/pfbid02MBUZHrit8kd4uAsUnvKktKKVnGiZRubKpphmqJehf5EaAbRzL4BzPTd6DM6WDxr9l/?app=fbl

7. https://www.facebook.com/100044311125267/posts/pfbid0DjmaXw9win9ovAVuqR3Ypz3CkyT8bQD4VduBj6wtjk3KZkhNz3J6zoUxRC8QJb6Dl/?app=fbl