जोन वेस्ली र जर्ज ह्वाइटफिल्डको बिचमा विवाद

 

 सन १७४० मा जर्ज ह्वाइटफिल्डले अमेरिकाको विभिन्न भागहरूमा प्रचार गर्दै एउटा महान जागृति ल्याए । आफ्नो परिश्रमहरू पछि उनी बेलायत फर्किने निर्णय गरे र सन १७४१ मार्च महिना उनी बेलायत फर्किए । उनी बेलायतमा आउँदा एउटा सिद्धान्तको विवादलाई पनि साथमा ल्याएर आएका थिए । जोन वेस्ली र होली क्लबको सदस्यहरूसँग “अघिबाटै चुनिनु” भन्ने सिद्धान्तमा जर्ज ह्वाइटफिल्डको धारणाहरू फरक थिए । ह्वाइटफिल्ड अमेरिकाको सेवामा रहँदा त्यहाँका क्याल्भिनिजम सिद्धान्तको प्रभावमा परेर त्यो सिद्धान्तको पक्षमा लड्ने एउटा सिपाही भएर उनी बेलायत आएका थिए ।

जोन वेस्ली र जर्ज ह्वाइटफिल्डको बिचमा विवाद चर्कियो । जर्ज ह्वाइटफिल्डको विवादको उत्तर दिने गरी जोन वेस्लीले “सित्तैको अनुग्रह” भन्ने किताब प्रकाशन गरे । अर्मेनियनिजम सिद्धान्तलाई पछ्याउने जोन वेस्ली पनि आफ्नो विश्वासमा अडिग रहे । अन्तमा दुई जना दाजुभाइहरू एक-अर्काबाट छुट्टिए ।

तर समयले हन्टिङटनको अधिकृत सेलिनाद्वारा दुई जना बिचको बिछोडलाई निको पार्यो । जर्ज ह्वाइटफिल्डले आफ्नो साथीलाई लेखे, “परमेश्वरले हाम्रो एकताको बाधाको रूपमा रहेको सबै कुरालाई हटाइदिउन, हाम्रो सबै विवादहरू अन्त भएको होस र हामी दुवैले येशूको बारेमा र उहाँ क्रूसमा टाँगिएको बारेमा बाहेक अरू कुनै कुराको बारेमा बातचित नगरौं... म सधैं जति प्रेम तिमीलाई गरेँ त्यति नै धेरै प्रेम अहिले पनि गर्दै छु ।”

सन १७५६ मा ह्वाइटफिल्ड लन्डनमा ट्याबरनेकल मण्डली खोलेर सेवामा अगाडि बढ्दै गए । सन १७७० सेप्टेम्बर ३० तारिखमा ह्वाइटफिल्डको निधन हुँदा ह्वाइटफिल्डले इच्छा गरे अनुसार नै ट्याबरनेकल मण्डलीमा भएको अन्तिम संस्कारको सेवामा जोन वेस्लीले प्रचार गरे ।

त्यो सेवाको पछिल्लो दिन एउटी स्त्रीले वेस्लीकहाँ आएर सोधे, “जर्ज ह्वाइटफिल्डलाई स्वर्गमा भेट्न सकिन्छ भन्ने आशा तपाईंलाई छ त ?” 

तुरुन्तै जोन वेस्लीले जवाफ दिएर भने, “होइन महोदय !”

चकित भएकी ती स्त्रीले भनिन, “ओहो, तपाईं त्यस्तो भन्नुहुन्छ भनेर नै म डराएकी थिएँ ।”

जोन वेस्लीले फेरि भने, “मलाई गलत नबुझ्नुहोस, परमेश्वरको महिमाको आकाशमा जर्ज ह्वाइटफिल्ड ताराजस्तो अति चम्किलो हुनुहुन्थ्यो र उहाँ सिंहासनको यति नजिक उभिनुहुन्छ कि म जस्तै सानाहरूभन्दा पनि सानो मानिसले उहाँको एक झलक पनि देख्न सक्दैन ।”

यसरी बिछोड निको भयो र त्यसको दाग पनि रहेन । दुवै जना आफ्नै क्षेत्रमा महान काम गरेका मानिसहरू थिए ।

* फरक सिद्धान्त या मत भएको व्यक्ति प्रति तपाईंको व्यवहार कस्तो हुनेछ ?

Source :

पुस्तक : “जोन वेस्ली”, प्रकाशक : ट्याबरनेकल अफ गड मिनिस्ट्रीज, पहिलो प्रकाशन : वि.सं. २०८० (सन २०२३), अनुवादक : के.एम.दास, पृ.सं. ५४-५७

ह्वाइटफिल्ड vs. जोन र चार्ल्स वेस्ली

विभाजित गर्ने दुई विषयमा प्रचार र प्रकाशन गरेका थिए: पूर्वनिर्धारण (परमेश्वरले मानिसहरूको अनन्त भाग्य पूर्वनिर्धारित गर्नुहुन्छ कि हुनुहुन्न) र पूर्णता (यस जीवनमा पापरहितता प्राप्त गर्न सकिन्छ कि सकिँदैन)।
https://christianhistoryinstitute.org/magazine/article/wesley-vs-whitefield