बच्चाहरू, प्रार्थना र अनुशासन

 

1. आफ्नाे बच्चाहरूको लागि सधै प्रार्थना गर्नुहोस, किनकि शैतान आफ्नाे काममा व्यस्त छ । यदि शैतानले हाम्रो बच्चाहरूलाई कब्जामा लिन सफल भयाे भने आउने पिढीहरूलाई आफ्नाे कब्जामा लिन सफल हुनेछ भनेर उसलाई राम्रो ज्ञान छ ।

2. यदि हामीले आफ्नाे छोरा-छोरीहरूलाई परमेश्वरको सत्यताको हातहतियारहरूले सुसज्जित पारेनाैँ भने, शैतानले तिनीहरूलाई आफ्नो झूटहरूले सुसज्जित पार्नेछ ।

3. यदि तपाईंले आफ्नो बच्चाहरूलाई येशूको अनुशासन र शिक्षा सिकाउनुभएन भने, शैतानले तिनीहरूलाई विकासवाद, अनैतिकता, जादुटुना, दुष्टता, बोक्सीविद्या... ईत्यादी सिकाउनेछ ।

4. बुद्धिमान बुबा-आमाले आफ्नाे छाेरा-छाेरीलाई कसरी राम्रो कामकाे लागि  प्रशंसा साथै इनाम र नराम्रो काममा ताड़ना साथै सुझाव दिने भनेर राम्रोसँग जानेका हुन्छन ।

5. मुर्ख बुबा-आमाले आफ्नो छाेरा-छाेरीहरूकाे निम्ति धन-सम्पत्ति मात्रै थुपार्छन, बुद्धिमान बुबा-आमाले आफ्नो छाेरा-छाेरीहरूलाई सृष्टिकर्ता परमेश्वरलाई चिनाउँछन । - एक यहुदी उखान

6. यदि तपाईंका बच्चाहरूले सबै बिषयमा A+ ल्याउँछन, कलेज जान्छन, प्रशस्त धन-सम्पत्तिहरू पनि जाेड्छन, तर येशू ख्रीष्टलाई कहिल्यै भेट्दैनन भने ती सबै कामहरू बेकार हुनेछन ।

7. बच्चाहरू हामीलाई निकै र महत्त्वपूर्ण कामबाट विचलित पार्नेहरू हाेईनन, तर तिनीहरू नै सबैभन्दा महत्त्वपूर्ण काम हुन । - सि. एस. लुईस

8. आमाको हृदय बच्चाको विद्यालय कोठा हो । - हेनरी वार्ड बिचर

9. तपाईंको बच्चाको व्यवहार र मनोवृत्ति तपाईंले उसलाई कसरी हुर्काउनुहुन्छ त्यसमा भर पर्छ ।

घर पहिलो विद्यालय हो र अभिभावक पहिलो शिक्षक हुन ।

10. प्रिय आमाहरू, तपाईंले आफ्नो घरमा आफ्नो जीवन बर्बाद गरिरहनुभएको छैन । तपाईं राष्ट्रको सबैभन्दा राम्रो र सबैभन्दा प्रभावशाली भविष्य बनाउने काममा संलग्न हुनुहुन्छ ।

जब तपाईंले सानो बच्चालाई आफ्नो काखमा राख्न समय निकाल्नुहुन्छ, तपाईं एक शक्तिशाली शक्तिको प्रयोग गर्नुहुन्छ । तपाईंले केहि राम्रो काम मात्रै हाेईन, तर त्यो भन्दा पनि उत्कृष्ट काम गर्दै हुनुहुन्छ । तपाईं परमेश्वरकाे हृदयकाे निकै नजिक हुनुहुन्छ ।

11. तपाईंको बच्चाहरू व्यावसायिक खेलाडी बन्ने सम्भावना ०.०२९६% छ । तर तपाईंको बच्चा येशू ख्रीष्टको अगाडि उभिने सम्भावना १००% छ । त्यसैले तिनीहरूलाई मण्डलीमा लैजानुहोस । किनकि मण्डली भनेको अनन्तकालकाे निम्ति तैयार हुने ठाउँ हाे ।

12. यदि हामीले आफ्नाे छाेरा-छाेरीहरूलाई बलमा आँखा लगाउन सिकाउँछाै, तर उनीहरूलाई बाइबल र येशू ख्रीष्टमा आँखा लगाउन सिकाउन असफल भएमा, हामी एक बुबा-आमाकाे रूपमा असफल भएको छाैँ । [२ तिमाेथी ३:१५, १:५, भजन ७१:५, १७, व्यवस्था ४:९-१०]

13. यदि हामीले आफ्ना छोराछोरीहरूलाई येशू ख्रीष्टलाई पछ्याउन सिकाउँदैनौं भने, संसारले तिनीहरूलाई येशू ख्रीष्टलाई नपछ्याउन सिकाउनेछन ।

14. बिग्रेको जवानलाई पछि सुधार्न खाेज्नुभन्दा, अहिले नै बच्चाहरूलाई बलियो बनाउनकाे निम्ति मेहनत गर्न सजिलो छ । 

15. आफ्नो बच्चालाई प्रार्थना गर्न सिकाउनुहोस । तपाईं जीवनभर उनीहरूको वरिपरि हुनुहुन्न, तर परमेश्वरले अवश्य हुनुहुनेछ ।

16. यदि हामीले हाम्रा छोराछोरीहरूलाई परमेश्वर को हुनुहुन्छ भनेर सिकाउँदैनौं भने, अरू कसैले उनीहरूलाई त्यो सबै कुरा सिकाउनेछ जुन उहाँ होइन ।

17. मानिसहरूले एक महिलालाई सोधे, “तपाईंले आफ्नो बच्चालाई स्मार्ट फाेनहरूसँग खेल्नुको सट्टा पढ्न कसरी राजी गर्नुभयो ?”

उनले भनिन, “बालबालिकाले हाम्रो कुरा सुन्दैनन, तर हाम्रो नक्कल गर्छन ।”

तपाईंको चरित्रले तपाईंको शब्दहरू भन्दा बढी ठूलो स्वरमा प्रचार गरोस ।

18. प्रीय आमा, जब तपाईं एउटा बलियो परिवार निर्माण गर्नुहुन्छ, तब तपाईं राष्ट्र निर्माण गर्नुहुन्छ । तपाईं आउने पुस्ताहरूमा निर्माण गर्नुहुन्छ । तपाईं अनन्तकालको लागि निर्माण गर्दै हुनुहुन्छ । तपाईंको प्रभाव दूरगामी र शक्तिशाली छ ।

आमा - म राष्ट्र निर्माणको सबैभन्दा ठूलो ईश्वरीय राजवंश निर्माण कार्यक्रममा संलग्न छु ।

19. तपाईंका छोराछोरीले तपाईंलाई भन्न चाहेको कुरा सुन्नुहोस ।

यदि तपाईंले अहिले साना कुराहरू सुन्नुभएन भने, तिनीहरूले पछि ठूला कुराहरू पनि भन्ने छैनन ।

20. आमाबाबु हो, यदि तपाईं आफ्ना छोराछोरीहरूलाई साँच्चै प्रेम गर्नुहुन्छ भने, तपाईंले तिनीहरूलाई नरकको बारेमा चेतावनी दिनुहुनेछ र येशूको बारेमा बताउनुहुनेछ ।

छोराछोरीहरू, यदि तपाईं साँच्चै आफ्ना आमाबाबुलाई प्रेम गर्नुहुन्छ भने, तपाईंले तिनीहरूलाई नरकको बारेमा चेतावनी दिनुहुनेछ र येशूको बारेमा बताउनुहुनेछ । 

प्रेमले चेतावनी दिन्छ, परिणाम जेसुकै होस ।

21. बच्चाहरूलाई त्यस्तो घरमा हुर्काउनु पर्छ, जहाँ पैसा भन्दा माया बढी महत्त्वपूर्ण हुन्छ । बच्चाहरूमा पैसा खर्च गर्नु भन्दा बच्चाहरूसँग समय बिताउनु धेरै महत्त्वपूर्ण छ ।

22. आफ्ना शिशुहरूलाई मण्डलीमा सधैं ल्याउनुहाेस । तिनीहरू कुनै अलमल्याउने कुरा होइनन । बच्चाहरू बिनाको मण्डली मर्न लागेको मण्डली हाे । 

23. यदि तपाईं आफ्ना छोराछोरीले परमेश्वरको सेवा गरेको चाहनुहुन्छ भने, तिनीहरूले तपाईंलाई परमेश्वरको सेवा गरिरहेको देख्नै पर्छ ।

24. अभिभावकत्व एउटा सेवा हो, यदि तपाईं परमेश्वरको लागि कुनै आत्मा जित्न सक्नुहुन्न भने कम्तिमा आफ्ना बच्चाहरूलाई उहाँको लागि जित्नुहोस । - फ्रान्सिस बोटवे

25. संसारले आफ्ना बच्चाहरूलाई अनुयायी बनाउनु अघि नै उनीहरूलाई योद्धा बनाउनुहोस ।

26. प्रार्थना बिनाका विद्यालयहरू, अनुशासन बिनाका घरहरू, वचन बिनाका मण्डलीहरू, येशू बिनाका हृदयहरू, र हामी किन यस्तो खराब आकारमा छौं भनेर सोच्दछौं । [भजन ३३:१२, हितोपदेश १७:११, प्रकाश ३:१४-२१, हितोपदेश ११:२१, यर्मिया ६:१४, ८:११, हाेशे ४:६]

27. संसारले आफैंलाई पछ्याउन सिकाउनु अघि आफ्नो बच्चाहरूलाई येशूलाई पछ्याउन सिकाउनुहोस ।

28. एक असल बुबा सय शिक्षकको बराबर हुन्छ । - जीन-ज्याक्स रुसो

29. तपाईंले सक्दो राम्रो गर्नुहाेस, तब हामीले गर्न नसक्ने काम परमेश्वरले गर्नुहुनेछ । - सेन्ट जोन बोस्को

यसकारण लेखिएको छ,

“बालकलाई ऊ हिँड्नुपर्ने बाटोमा तालीम देऊ, र वृद्धावस्‍थासम्‍म ऊ त्‍यसबाट तर्किएर जाँदैन।” [हितोपदेश २२:६]

“तिमीहरूले परमप्रभु आफ्‍ना परमेश्‍वरलाई आफ्‍नो सारा हृदयले आफ्‍नो सारा प्राणले र आफ्‍नो सारा शक्तिले प्रेम गर।

मैले आज तिमीहरूलाई सुनाएका आज्ञाहरू आफ्‍नो मनमा राख। ती तिमीहरूले आफ्‍ना छोराछोरीहरूलाई होशियारीसाथ सिकाओ। घरमा बस्‍दा, बाटोमा हिँड्दा, ढल्‍केर सुत्‍दा र उठ्दा तिनको चर्चा गर।

ती आफ्‍ना हातमा चिन्‍हको लागि कसिराख। ती तिमीहरूको निधारमा बाँधिराख। ती आफ्‍ना घरका द्वारको चौकोस र मूल ढोकाहरूमा लेख।” [व्यवस्थायवस्था ६:५-९]

“बुबा हो, आफ्‍ना छोराछोरीलाई रीस नउठाओ, तर तिनीहरूलाई प्रभुको अनुशासन र शिक्षामा हुर्काओ।” [एफिसी ६:४]

“किनभने ती आज्ञाहरू बत्ती, र अर्तीचाहिँ ज्‍योति हुन, र ताड़नाको लागि गरिने हप्‍काइहरू जीवनका मार्ग हुन।” [हितोपदेश ६:२३]

“सुधारको छड़ीले बुद्धि प्रदान गर्छ, तर छाडा छोड़ेको छोराले आफ्‍नी आमाको बेइज्‍जत गर्छ।” [हितोपदेश २९:१५]

“बुद्धिमान छोराले आफ्‍ना बाबुलाई खुशी तुल्‍याउँछ, तर मूर्ख छोराले आफ्‍नी आमालाई पिरोल्‍छ।” [हितोपदेश १०:१]

“छड़ी नचलाउने बाबुले आफ्‍नो छोरालाई घृणा गर्छ, तर त्‍यसलाई प्रेम गर्ने बाबुले होशियारीसाथ त्‍यसलाई ताड़ना दिन्‍छ।” [हितोपदेश १३:२४, २२:१५, १९:१८, २३:१३-१४, २०:३०, २९:१५, हिब्रू १२:७-११]

“अब हे स्‍त्री हो, परमप्रभुको वचन सुन, उहाँको मुखको वचन सुन्‍न तिमीहरूका कान खोल। तिमीहरूका छोरीहरूलाई शोक गर्न र एक-अर्कालाई विलाप गर्न सिकाइदेओ।

हाम्रा बालकहरूलाई गल्‍लीदेखि, र हाम्रा जवानहरूलाई चोकहरूदेखि मृत्‍युले नाश गरेको छ। त्‍यो हाम्रा झ्‍यालहरूसम्‍मै चढ़ेर आएको छ र हाम्रा किल्‍लाहरूभित्र पसेको छ।” [यर्मिया ९:२०-२१]

“मेरा प्रजा ज्ञानको कमीले गर्दा नष्ट भएका छन। तिमीहरूले ज्ञानलाई इन्कार गरेका हुनाले, म पनि तिमीहरूलाई मेरा पूजाहारी हुनदेखि इन्कार गर्नेछु। तिमीहरूले आफ्ना परमेश्वरको व्यवस्थालाई बेवास्ता गरेका हुनाले, म पनि तिमीहरूका छोराछोरीको बेवास्ता गर्नेछु।” [होशे ४:६]