परमेश्वरको वेदीलाई अपमान नगर्नुहोस

 

1. परमेश्वरकाे अन्य सेवकहरूको आलोचना गर्नको लागि वेदीकाे प्रयोग गरेर परमेश्वरको वेदीलाई अपवित्र पार्ने गल्ती नगर्नुहोस, किनभने तपाईंलाई तिनीहरूको भन्दा धेरै अनुग्रह दिइएको छ ।

2. पापमा जीउने मानिसहरूलाई वेदीमा सेवा गर्न अनुमति दिएर परमेश्वरको वेदीलाई अपवित्र गर्ने गल्ती नगर्नुहोस ।

3. परमेश्वरको वेदीलाई आफ्नो लाभको लागि मानिसहरूलाई जबरजस्ती दिएर अपवित्र गर्ने गल्ती नगर्नुहोस ।

4. परमेश्वरको महिमा लुट्दै, उहाँको सट्टा तपाईंको बारेमा सेवा गरेर परमेश्वरको वेदीलाई अपवित्र गर्ने गल्ती नगर्नुहोस ।

5. मानिसहरूलाई सत्य बताउनको सट्टा तिनीहरूलाई खुसी पारेर परमेश्वरको वेदीलाई अपवित्र बनाउने गल्ती नगर्नुहोस ।

6. संसारिक वा भौतिक ज्ञानमा महान शिक्षा दिएर तर प्रभु र मुक्तिदाताको रूपमा तपाईंको सन्देशहरूमा येशूलाई हटाएर परमेश्वरको वेदीलाई अपवित्र बनाउने गल्ती नगर्नुहोस ।

तर यसको सट्टा, येशू ख्रीष्टलाई तपाईंको मुख्य कुने-ढुङ्गोकाे रूपमा परमेश्वरको राज्यको निर्माणकर्ता बन्नुहोस ।

* कहिँ तपाईंले पनि परमेश्वरको वेदीलाई अपमान गर्नुभएको त छैन ?

 पश्चाताप गर्नुहाेस !

यसकारण लेखिएको छ,

“के म मानिसहरूको निगाह खोज्दैछु, कि परमेश्वरको? अथवा के मैले मानिसहरूलाई खुशी पार्न खोज्दैछु? यदि मैले अझै मानिसहरूलाई खुशी पार्न कोसिस गरेको भए म ख्रीष्टको दास हुनेथिइनँ।” [गलाती १:१०]

“तर जसरी सुसमाचार हाम्रो जिम्मामा सुम्पनका निम्ति परमेश्वरले हामीलाई योग्य ठान्नुभयो, त्यसरी नै मानिसलाई प्रसन्न पार्न होइन, तर हाम्रो हृदय जाँच्नुहुने परमेश्वरलाई प्रसन्न पार्न हामी बोल्दछौं।” [१ थेसलोनिकी २:४]

तर पत्रुस र यूहन्नाले तिनीहरूलाई उत्तर दिए, “परमेश्वरको कुरा सुन्नुभन्दा तपाईंहरूको कुरा सुन्नु परमेश्वरको दृष्टिमा ठीक हो कि होइन तपाईंहरू आफै विचार गर्नुहोस ।” [प्रेरित ४:१९]

तर पत्रुस र प्रेरितहरूले भने, “हामीले मानिसहरूको होइन तर परमेश्वरको आज्ञा पालन गर्नैपर्छ।” [प्रेरित ५:२९]

“यसैकारण चाहे हामी शरीरमै होऔं, चाहे अलग रहौं, उहाँलाई प्रसन्न तुल्याउनु नै हाम्रो लक्ष्य हुन्छ। 

किनकि हामी सबै ख्रीष्टका न्याय-आसनको सामुन्ने खड़ा हुनुपर्छ, यसरी शरीरमा हुँदा आफूले गरेबमोजिम हरेकले असल वा खराब प्रतिफल पाउनेछ।” [२ कोरिन्थी ५:९-१०]

“मानिसहरूलाई खुशी पार्नेले झैँ आँखाको अगि मात्र देखावटी काम नगर, तर ख्रीष्टका दासहरूझैँ साँचो हृदयले परमेश्वरको इच्छा पूरा गर। 

मानिसहरूका निम्ति होइन, तर प्रभुको निम्ति जस्तै गरी सदिच्छाले सेवा गर, 

यो जानेर कि चाहे त्यो कमारा होस, चाहे फुक्का, जसले असल काम गर्दछ, त्यसले प्रभुबाट सोहीबमोजिम पाउनेछ।” [एफिसी ६:६-८]

तिनीहरूले आफ्ना चेलाहरूलाई हेरोदी दलका मानिसहरूसँग उहाँकहाँ पठाए। तिनीहरूले भने, “हे गुरुज्यू, हामी जान्दछौं, तपाईं सत्य हुनुहुन्छ, र परमेश्वरको मार्ग साँचो गरी सिकाउनुहुन्छ, र तपाईं कसैको भय मान्नुहुन्न, किनकि तपाईं मानिसहरूका मुख हेरेर काम गर्नुहुन्न।” [मत्ती २२:१६]

“यहूदी त्यो हो, जो भित्री रूपले यहूदी हो, र साँचो खतनाचाहिँ हृदयको कुरो हो, यो आत्मिक कुरा हो, लिखित व्यवस्थाको कुरा होइन। यस्तो मानिसको प्रशंसा मानिसहरूबाट होइन, तर परमेश्वरबाट हुन्छ।” [रोमी २:२९]

“कमारा हो, प्रत्येक कुरामा यस संसारका आफ्ना मालिकहरूलाई आँखाका अगाडि खुशी तुल्याउने मात्र होइन, तर साँचो हृदयले प्रभुको डर राखेर तिनीहरूका अधीनमा बस।” [कलस्सी ३:२२]

“त्यो घराना प्रेरितहरू र अगमवक्ताहरूको जगमाथि बसालेर निर्माण भएको छ, र ख्रीष्ट येशू आफैचाहिँ मुख्य कुने-ढुङ्गो हुनुहुन्छ। 

उहाँमा पूरै घर ठीकसँग एकैसाथ जोडिएर प्रभुमा एउटै पवित्र मन्दिर हुनलाई बढ्दैजान्छ। 

अनि पवित्र आत्मामा परमेश्वरको वासस्थान हुनलाई तिमीहरू पनि उहाँमा एकसाथ निर्माण हुँदैजान्छौ।” [एफिसी २:२०-२२]