जड्याहा बुबा र दुई दाजुभाइकाे निर्णय

 दुई दाजुभाइहरु एक शहरमा बस्थे। उनीहरु मध्ये एक शहरको सबैभन्दा ठूलो प्रतिष्ठित व्यापारी थियो र अर्को प्राय जसाे नसामा रहने, मादक पदार्थ सेवन गर्ने, रिसालु, झगडालु र मान्छेहरू कुटदै हिँड्ने गर्दथ्याे। 

जब मानिसहरु उनीहरुको बारेमा थाहा पाए। उनीहरु सोच्थे कि किन दुई बीच धेरै फरक छ जब दुबै एउटै आमा बुबाको छोराहरू हुन, एउटै शिक्षा प्राप्त गरीरहेछन र ठ्याक्कै उस्तै वातावरणमा हुर्किए। केहि मानिसहरु पत्ता लगाउने निर्णय गरे र साँझ दुई दाजुभाइहरुको घर पुगे।

जब उनीहरु पहिलाेकाे घर पुगे, घर भित्र पस्ने बित्तिकै उनीहरु एक रक्सीले मातेको मान्छे देखे। उनीहरुले सोधे, “भाइ, तिमी किन यस्तो छौ? यो सब गर्नुको कारण के हो?”

“मेरो बुबा”, भाइले जवाफ दिए।

“बुबा! त्यो कसरी?” मानिसहरूले सोधे।

उसले भन्याे, “मेरो बुबा एक जड्याहा हुनुहुन्थ्यो, मेराे बुबा प्राय मेरी आमा र भाइलाइ दुबैलाई कुटपिट गर्दथे। घरमा झगडा गर्ने, काम नगर्ने, रिसालु स्वभाबकाे मेराे बुबा भइसकेपछि म पाे कस्ताे हुँला र?”

तब उनीहरु अर्को भाइकहाँ गए, उनी आफ्नो काममा व्यस्त थिए र केहि समयपछि उनीहरूसंग भेट्न आए र भने,

“माफ गर्नुहोस, मलाई आउन केहि समय लाग्यो। मलाई भन्नुहोस म कसरी मद्दत गर्न सक्छु?”

मानिसहरूले तिनलाई एउटै प्रश्न सोधे, “तपाइँ एक सम्मानित व्यापारी हुनुहुन्छ, तपाइँ प्रतिष्ठित हुनुहुन्छ, सबैले तपाइँको प्रशंसा गर्दछन, तपाइँको उपलब्धिहरुको कारण के हो?”

“मेरो बुबा” उनले जवाफ दिए।

मानिसहरु आश्चर्य मान्दै सोध्छन, “त्यो कसरी?”

“मेरो बुबा एक जड्याहा हुनुहुन्थ्यो, उनी रक्सी पिएर हामीलाई पिट्थे, म यो सबै चुपचाप हेरिरहन्थे। तब मैले निर्णय गरेको थिएँ कि म यो जस्तो हुन चाहन्न, मँ एक सभ्य, सम्मानित, असल र ठूलो मानिस हुनु पर्छ। र आज म त्याे बन्ने प्रयासमा छु र बनिरहेकाे छु, बनेकाे छु।” भाइले भन्याे।

शिक्षाः 

प्रिय पाठक मित्रहरू, हामीसँग सकारात्मक र नकारात्मक पक्ष हुन्छ। याे आवश्यक छ कि हामी सकारात्मक पक्षमा ध्यान केन्द्रित गराैं र त्यहाँबाट प्रेरित हाैँ।

* जड्याहा बन्नु भाग्य हाेईन, तर एक छनाेट हाे। यदि हामी एक छनाेटद्वारा जड्याहा बन्न सक्छौं भने एक छनाेटद्वारा नै त्यसलाई त्याग्न पनि सक्छौं!

Sources :

1. https://biggsuccess.com/2008/06/11/1-father-2-sons-3-lessons-for-all-of-us/?srsltid=AfmBOooNTL6QKfF81I5qCqzjNrm89qJHKN0Mg8Es0WsuKLitCZX8AiC4

2. https://www.linkedin.com/pulse/life-changing-story-2-twin-brothers-noah-dubale?utm_source=share&utm_medium=member_android&utm_campaign=share_via

3. https://www.pixstory.com/user/ourwellnesstribe/119236

4. https://lekhapadhi.com/2021/09/07/motivational-story-8/

रक्सी पिउने बुबाका दुई छोरा :

रक्सी पिउने बुबाका दुई छोराहरू जीवनमा संघर्ष गरिरहेका छन। एक रक्सी पिएर बसेका छन। अर्को सफल, महत्वाकांक्षी व्यवसायी बन्छ।

“तिमी किन यस्तो छौ?” भनेर सोध्दा दुबैले जवाफ दिए, “मेरो बुबा रक्सी पिउनुहुन्थ्यो।”

यो सबै निर्णयहरूको बारेमा हो। हामी आफ्नै मानसिकताले आफ्नै बाटो रोज्छौं।