के तपाईं विवाहित हुनुहुन्छ या विवाह गर्ने साेँचमा हुनुहुन्छ?
यदि हो भने, विवाह भनिने विद्यालयमा तपाईंलाई स्वागत छ,
1. विवाहको विद्यालय एक मात्र ठाउँ हो, जहाँ मानिसहरूले यसलाई सुरु गर्नु अघि प्रमाण-पत्र प्राप्त हुन्छ।
2. यो एउटा विद्यालय हो, जहाँ तपाइँ कहिल्यै स्नातक अध्ययन पूरा गर्न सक्नुहुन्न।
3. याे विश्राम बिनाको विद्यालय हाे।
4. यो विद्यालय भर्ना भएपछि कसैले पनि बिचमा कक्षा छाेड्न पाउँदैन।
5. याे विद्यालयमा तपाईं जीवनको हरेक दिन उपस्थित हुनुपर्नेछ।
6. यो एउटा विद्यालय हो, जहाँ बिरामी हुँदा विश्राम र कुनै बिदा पाईदैन।
7. याे विद्यालयको संस्थापक परमेश्वर स्वयं हुनुहुन्छ।
8. याे विद्यालयकाे जग प्रेम हाे।
9. याे विद्यालयकाे पर्खालहरू भरोसाबाट बनेका छन।
10. याे विद्यालयकाे ढोका स्वीकृतिबाट बनेको छ।
11. याे विद्यालयकाे झ्यालहरू बुझाईबाट बनाइएकाे छ।
12. याे विद्यालयकाे फर्निचरहरू आशीर्वादबाट बनाइएको छ।
13. याे विद्यालयकाे छानाहरू विश्वासबाट बनेको छ।
14. याे कुरा सधै याद राख्नुहाेस, कि तपाई केवल एक विद्यार्थी मात्रै हुनुहुन्छ, तर प्रधानाध्यापक होइन।
15. याे विद्यालयकाे प्रधानाध्यापक येशू ख्रीष्ट हुनुहुन्छ।
16. यो विद्यालय सबैभन्दा सुरक्षित ठाउँ हो, भनी सधै याद गर्नुहोस। यसैले जब आँधीबेहरी आउँछ, त्यस समयमा मूर्ख नहुनुहोस र बाहिर नभाग्नुहोस।
17. आफ्नो दिनको कार्यभार पूरा नगरी, कहिल्यै सुत्न नजानुहोस।
18. आफ्नो सहपाठीसँग कुराकानी गर्नुहोस, र प्रिन्सिपलसँग पनि कुराकानी गर्नुहोस।
19. यदि तपाइँ तपाइँको सहपाठीमा केहि कमीहरू या गल्तीहरू फेला पार्नुभयो भने तपाइँ निराश नहुनुहाेस। याद गर्नुहोस, तपाइँको सहपाठी पनि एक विद्यार्थी मात्र हो, अध्ययन पूरा गरेको व्यक्ति होइन। सम्बन्ध समाप्त भएको छैन, त्यसलाई चुनौतीको रूपमा लिनुहोस र त्यसमा सँगै काम गर्नुहोस। परमेश्वरले उनलाई समयसँगै सहि मार्गदर्शन दिनुहुनेछ, भनी सम्झनुहोस।
20. दैनिक अध्ययन गर्न नबिर्सनुहोस, तपाईंको बाइबल (मुख्य पाठ्यपुस्तक) लाई पढ्ने मात्रै नगर्नुहोस, तर त्यसलाई गहन रूपमा अध्ययन गर्नुहोस। प्रत्येक दिन काेठाबाट सुरु गर्नुहोस, र त्यसै गरी अन्त्य पनि गर्नुहोस।
सधै ख्याल गर्नुहाेस:
कहिलेकाहीँ तपाईलाई कक्षामा उपस्थित नभएको जस्तो लाग्न सक्छ, तर पनि तपाईले निरन्तरता दिनुपर्छ। जब याे विद्यालय छोड्ने परिक्षा प्रबल हुँदै जान्छ, तब त्यसलाई निरन्तरता दिन प्रभुमा साहस, सामर्थ्य र अनुग्रह खोज्नुहोस।
कतिपय जाँच र परीक्षाहरू कठिन हुन सक्छन, तर याद गर्नुहोस प्रधानाध्यापकलाई थाहा छ कि तपाईंले कति सहन सक्नुहुन्छ। तर अझै, यो कुनै पनि विद्यालयभन्दा राम्रो छ। यो पृथ्वीमा सबै भन्दा राम्रो विद्यालयहरू मध्ये एक हो। हरेक दिनको पाठकाे समाप्तिसँगै आनन्द, शान्ति र खुशीहरू पनि थपिँदै जानेछ।
यस विद्यालयमा थुप्रै विषयहरू पढाइन्छ, तर पनि प्रेम मुख्य विषय हो। यसको बारेमा बर्षाैँकाे सिद्धान्त पछि, अब तपाइँसँग यसलाई अभ्यास गर्ने मौका छ।
सधै सम्झनुहाेस :
कसैबाट प्रेम पाउनु राम्रो कुरा हो, तर सबैलाई प्रेम गर्न पाउनु सबैभन्दा ठूलो सुअवसर हो। विवाह प्रेमको ठाउँ हो, त्यसैले आफ्नो जीवनसाथीलाई प्रेम गर्नुहोस।
जब तपाईं याे सत्यको विषयमा आवाज उठाउन परीक्षामा पर्नुहुन्छ, तब प्रेमलाई तपाईंको मुख समात्न दिनुहोस। प्रेमले घमण्ड र स्वार्थलाई पराजित गरोस, र तपाईंको घरमा प्रेमले शासन गरोस।
कुनै पनि प्रेमलाई बाँधेर नराख्नुहोस, तर सबै बाटोबाट जान दिनुहोस। प्रेम गर्नुहोस, जस्तो कि यो तपाईंकाे निम्ति बाँच्नको लागि एक मात्र आशा हो, र यो हो पनि!
मेरो प्रीय साथीहरू, अनुभवको याे आवाज सुन्नुहोस।
* विवाह एउटा विद्यालय हो, जुन परमेश्वरले हामीलाई जान्न आवश्यक चीजहरू सिकाउन प्रयोग गर्नुहुन्छ। जहाँ अनन्तकालकाे निम्ति हाम्रो चरित्र र व्यक्तित्वकाे निर्माण हुन्छ।
No comments:
Post a Comment