समाज

1. चाहिएन मलाई तिम्रो समाज,

    जहाँ परमेश्वरकाे सिद्ध इच्छालाई भन्दा,

    मानिसको विचारलाई महत्त्व दिईन्छ !

2. चाहिएन मलाई तिम्रो समाज,

    जहाँ सत्यतालाई भन्दा,

   असत्यतालाई महत्त्व दिईन्छ !

3. चाहिएन मलाई तिम्रो समाज,

    जहाँ परमेश्वरकाे आदेशलाई भन्दा,

    मानिसले स्थापना गरेको परम्परालाई महत्त्व दिईन्छ !

4. चाहिएन मलाई तिम्रो समाज,

    जहाँ परमेश्वरमाथि हाेईन,

    तर धन, बल र ज्ञानमाथि भराेसा गरिन्छ !

5. चाहिएन मलाई तिम्रो समाज,

    जहाँ आत्मिकतालाई हाेईन,

    तर शारीरिक, भाैतिक र जातीय याेग्यतालाई महत्त्वकाे साथ हेरिन्छ !

6. चाहिएन मलाई तिम्रो समाज,

    जहाँ आफ्नाे स्वार्थ पूरा गराउनकाे लागि,

   चाँखे थापेर बसिन्छ !

7. चाहिएन मलाई तिम्रो समाज,

    जहाँ परमेश्वरमाथि भराेसा गर्न छाेडेर,

    आफ्नाे माग पूरा गर्न सरकारसँग धर्ना र र्‍याली गरिन्छ !

8. चाहिएन मलाई तिम्रो समाज,

    जहाँ परमेश्वरलाई महिमा/प्रशंसा दिनुकाे सट्टा,

    नाशवान मानिसहरूकाे महिमा/प्रशंसा गरिन्छ !

9. चाहिएन मलाई तिम्रो समाज,

    जहाँ आत्मिक उन्नति हुनुको साटो,

    आत्मिक फुट र पतन हुँदै गइरहेको छ !

10. चाहिएन मलाई तिम्रो समाज,

      किनकि मलाई सृष्टि अघि नै चुन्नुहुने र आफ्नाे बहुमुल्य रगतले किन्नुहुने

      प्रभु येशू ख्रीष्ट मेराे साथमा हुनुहुन्छ !

11. चाहिएन मलाई तिम्रो समाज,

      किनकि म, कुनै मानिसले बनाएको मण्डलीमा हाेईन,

     तर स्वयम येशूले चट्टानमाथि बनाउनुभएको मण्डलीसँग जाेडिएकाे छु !

12. चाहिएन मलाई तिम्रो समाज,

      किनकि परमेश्वर स्वयमले मलाई आफ्नाे हातमा लिएर,

      अनन्तकालिन राज्यको हकदार हुनकाे निम्ति तैयार पार्दै हुनुहुन्छ !

* आ-आफ्ना कमजोरीहरूलाई पहिचान गरेर, आफ्नाे समाज र आफ्नाे मण्डलीलाई सुधार गराैँ !

#समाज #ख्रीष्टियन #मण्डली #तिताे #सत्य