दुई ब्वाँसोको कथा

 

एकपटक एकजना बृद्ध व्यक्तिले आफ्नाे नातिलाई जीवन सम्बन्धि केहि शिक्षा दिने उद्देश्यले एउटा कथा भने, “मेरो नाति, हरेक मानिस भित्र दुई ब्वाँसाहरूकाे बिचमा सधैं लडाइँ चलिरहन्छ। एक ब्वाँसाेकाे नाम “दुष्ट” हाे। जसमा क्रोध, ईर्ष्या, शोक, पश्चाताप, लोभ, अहंकार, आत्म-दया, दोष, आक्रोश, हीनता, झूट, घमण्ड, श्रेष्ठता, छल र अहंकार छ।

र अर्काे ब्वाँसाेकाे नाम “असल” हाे। जसमा आनन्द, शान्ति, प्रेम, आशा, नम्रता, दया, परोपकार, समानुभूति, संयम, करुण,  भलाई, उदार, विश्वास र सत्य छ। याे लडाइँ तिमी भित्र मात्रै हाेईन, तर अरु हरेक व्यक्ति भित्र पनि चलिरहेको हुन्छ।”

याे कुरा सुनेपछि त्यो बालकले केही समय साेँचेपछि बडो उत्सुकताकाे साथ साेध्याे, “हजुरबुबा, त्यसाे भए अब ती दुई ब्वाँसाहरूमध्ये कसले जित्छ?”

तब ती हजुरबुबाले नम्रताकाे साथ जवाफ दिए, “तिमिले जसलाई धेरै खाना खुवाउँछाै!”

वास्तवमा आज यस संसारको हरेक महादेश, हरेक देश, हरेक भाषा, हरेक धर्म, हरेक जाती, हरेक वर्ण, हरेक बर्गका मानिसहरूकाे जीवन भित्र यही दुई ब्वाँसाहरूकाे बिचमा सधै नै भयानक लडाइँ चलिरहेको हुन्छ।

आफ्नो रोजाइको स्वतन्त्रतालाई प्रयोग गरेर, तपाईंले कुन ब्वाँसोलाई खुवाउन चाहनुहुन्छ भन्ने जीवन परिवर्तन गर्ने निर्णय गर्न सक्नुहुन्छ। क्रोध, ईर्ष्या, शोक, पश्चाताप, लोभ, अहंकार, आत्म-दया, दोष, आक्रोश, हीनता, झूट, घमण्ड, श्रेष्ठता, छल र अहंकारको भोको ब्वाँसोलाई के तपाईंले खुवाउनुहुन्छ? यो दुष्ट ब्वाँसो तपाइँको भित्री आलोचक पनि हो। जसले तपाईंलाई तिमी असफल भएका छाै भनी भन्छ, जसले तिमी केही पनि हाेईनाैँ, तिमीलाई कसैले माया गर्दैन वा तिमीलाई बुझ्दैन भनेर भन्छ। यो ब्वाँसो तपाईंको निराशा, तपाईंको व्याकुलता, र तपाईंको कम आत्म-सम्मानको प्रतिनिधित्व हो। के तपाई यो ब्वाँसोलाई खुवाउन चाहनुहुन्छ? के तपाइँ पहिले नै उसलाई खुवाउँदै हुनुहुन्छ?

दुष्ट ब्वाँसोकाे खानाकाे आपूर्ति बन्द गरेर, असल ब्वाँसोलाई असल भाेजन खुवाउन छनौट गर्न सक्नुहुन्छ। जब तपाइँले तपाइँ भित्र उत्पन्न नकारात्मक भावनाहरुलाई पहिचान गर्न सक्नुहुन्छ, तपाइँ त्यसमा संलग्न हुन वा ध्यान दिन जारी राख्नु पर्दैन। तपाईंले ध्यान दिन भनेको दुष्ट ब्वाँसोको लागि संकेत हो कि तपाईंले उसलाई खाना दिन रुचि राख्नुहुन्न। तब त्यो दुष्ट ब्वाँसोले आफ्नो शक्ति र सामर्थ्य गुमाउन केहि समय लाग्न सक्छ, अन्ततः तपाईंकाे असहाय विचार र भावनाहरूले आत्मसमर्पण गर्नेछन। एकचोटि तपाईंले तिनीहरूलाई वास्ता गर्न छाेड्नु भयो भने, तिनीहरू अन्ततः टाढा जान्छन।

त्यसोभए अर्को ब्वाँसोको बारेमा के हुन्छ?

जसरी तपाईं दुष्ट ब्वाँसोसँग व्यवहार गर्नुहुन्छ, यो आवश्यक छ कि तपाईंले आफ्नो छनौटको स्वतन्त्रता प्रयोग गर्नुहोस र आनन्द, शान्ति, प्रेम, आशा, नम्रता, दया, परोपकार, समानुभूति, संयम, करुणा, भलाई, उदार, विश्वास र सत्यले त्याे असल ब्वाँसोलाई पोषण गर्ने निर्णय गर्नुहोस। हामी प्रायः आफ्नो पूर्ति र खुशीको लागि बाह्य वस्तुहरू हेर्छौं। जस्तैः नयाँ जागिर, सम्बन्ध, एक भव्य छुट्टी, एकदम नयाँ जुत्ता, एक गिलास रक्सी, आदि तर यसले अन्ततः हामीलाई निराशा र खालिपन मात्रै महसुस गराउनेछ। यसले क्षणिक सन्तुष्टि ल्याउन सक्छ, यो दीर्घकालीन कायम राख्न व्यावहारिक छैन।

तपाईं साँचो र दिगो आनन्द र खुसी पाउन बाह्य चीजहरूमा निर्भर हुनुको सट्टा भित्र सक्रिय हुन छनौट गरेर आउँछ। तपाईंसँग खुसी हुन आवश्यक पर्ने सबै कुराहरू पहिले नै तपाईं भित्रै छन। खुसीको अनुभूति र अनुभव असल ब्वाँसोलाई भित्रबाट खुवाउँदा आउँछ। जब ऊ ठूलो र बलियो हुँदै जान्छ, ऊ जीवनका चुनौतीहरू सामना गर्न अझ राम्रोसँग सुसज्जित हुनेछ। यदि तपाईंले उसलाई मात्र खुवाउन छनौट गर्नुभयो भने, उसले सधैं जित्नेछ।

याे कथाको दुई ब्वाँसाहरूले मानिसको दुई स्वभावलाई देखाउँछ। जसरी यहाँ दुईवटा ब्वाँसाहरूले आपसमा लडिरहेका छन, त्यसरी नै मानिसको हृदय भित्री दुई स्वभावहरू भित्र पनि सधै द्वन्द्व चलिरहेको हुन्छ। दुवै ब्वाँसो मृत्युको लागि लडिरहेका छन। एउटै लडाई मेरो, तपाई भित्र र अरु सबै मानिसहरु भित्र पनि चलिरहेको छ। याे लडाइँबाट काेहि अछुत छैन।

यो दृष्टान्तले हरेक मानिसले सामना गर्नुपर्ने लडाइको शक्तिशाली अनुभवलाई प्रकट गर्दछ। तपाई जस्तोसुकै व्यक्ति हुनुहुन्छ वा तपाईले कस्तो प्रकारको जीवन बिताउनुहुन्छ, तपाईले आफ्नो जीवनको कुनै न कुनै बिन्दुमा दुई परस्पर विरोधी भावनाहरूसँग लडिरहेको पाउनुहुनेछ। याे भयानक लडाइँमा तपाईंले जसलाई बढी भाेजन खुवाउनुहुन्छ त्यसैले लडाइँ जित्नेछ।

* परमेश्वरकाे वचन बाइबलमा याे दुष्ट ब्वाँसाेलाई पापमय स्वभाव, पुरानो मनुष्यत्व, र शारीरिकता भनिएको छ, भने असल ब्वाँसाेलाई नयाँ स्वभाव, नयाँ मनुष्यत्व, र नयाँ सृष्टि भनिएको छ।

यसकारण लेखिएको छ,

“किनकि पापमय स्‍वभावका लालसा पवित्र आत्‍माको विरुद्ध हुन्‍छन, अनि पवित्र आत्‍माको इच्‍छा पापमय स्‍वभावको विरुद्ध। तिमी जे गर्न चाहन्‍छौ त्‍यसबाट तिमीहरूलाई रोक्‍नका निम्‍ति यीचाहिँ एक-अर्काको विरुद्धमा हुन्‍छन।” [गलाती 5:17]

“किनभने पापमय स्‍वभावअनुसार चल्‍नेहरूले शरीरका कुरामा मन लगाउँछन्‌, तर आत्‍माअनुसार चल्‍नेहरूले आत्‍माका कुरामा मन लगाउँछन। किनभने, पापमय स्‍वभावमा मन लगाउनुचाहिँ मृत्‍यु हो, तर पवित्र आत्‍मामा मन लगाउनु जीवन र शान्‍ति हो।

किनभने पापमय शरीरतिर लागेको मनचाहिँ परमेश्‍वरप्रति शत्रुता हो। परमेश्‍वरका व्‍यवस्‍थाको अधीनमा त्‍यो हुँदैन, न त त्‍यो कहिल्‍यै हुन सक्‍छ। पापमय स्‍वभावको वशमा हुनेहरूले परमेश्‍वरलाई प्रसन्‍न पार्न सक्‍दैनन।” [रोमी 8:5-8]

“किनकि मलाई थाहा छ, कि ममा, अर्थात मेरो पापमय स्‍वभावमा केही असल कुराले वास गर्दैन। जे असल छ, त्‍यो गर्ने इच्‍छा ममा छ, तर म त्‍यो पूरा गर्न सक्‍दिनँ। किनभने असल काम जो म गर्न चाहन्‍छु, त्‍यो म गर्दिनँ, तर दुष्‍ट काम, जो म गर्न चाहन्‍नँ, त्‍यही म गर्ने गर्छु। अब म जो इच्‍छा गर्दिनँ, त्‍यही गर्छु भने त्‍यो गर्ने म होइनँ, तर मभित्र वास गर्ने पाप हो।

यसरी एउटा नियमले काम गरेको म पाउँछु। जब म भलो गर्न चाहन्‍छु, तब दुष्‍टतालाई मेरो नजिकै उपस्‍थित पाउँछु। किनकि म मेरो अन्‍तस्‍करणमा परमेश्‍वरको व्‍यवस्‍थामा आनन्‍दित हुन्‍छु, तर मेरा अङ्गहरूमा अर्को नियमले मेरो मनमा रहेको नियमसँग युद्ध गर्दछु, र मेरा अङ्गहरूमा वास गर्ने पापको नियमले मलाई बन्‍धनमा पार्दछ।” [रोमी 7:18-23]

“छली लालसाहरूद्वारा भ्रष्‍ट भएका तिमीहरूको अगाडिको जीवनको ढाँचासँग सम्‍बन्‍धित तिमीहरूको पुरानो स्‍वभाव त्‍याग।

र आफ्‍नो भित्री वर्तावमा नयाँ होओ, र परमेश्‍वरको स्‍वरूपमा साँचो धार्मिकता र पवित्रतामा सृष्‍टि भएको नयाँ स्‍वभावलाई धारण गर।” [एफिसी 4:22-24]

“एउटाले अर्कालाई नढाँट, किनकि पुरानो स्‍वभाव त्‍यसका चलनसमेत तिमीहरूले त्‍यागेका छौ, र नयाँ स्‍वभाव धारण गरेका छौ, जो आफ्‍नो सृष्‍टिकर्ताको रूपअनुसार ज्ञानमा नयाँ भइरहेको छ।” [कलस्सी 3:9-10]

Sources :
1. https://thekidshouldseethis.com/post/two-wolves-fighting-in-my-heart#:~:text=An%20elder%2C%20talking%20to%20a,%E2%80%9CThe%20one%20I%20feed.%E2%80%9D

2. https://www.urbanbalance.com/the-story-of-two-wolves/
3. https://www.google.com/amp/s/www.claritychi.com/the-cherokee-two-wolves-story-and-the-power-of-mindset/