नरकभन्दा डरलाग्दो के छ ?

 

एकपटक एकजना प्रचारले मण्डलीमा नरककाे बारेमा प्रचार गरे।

प्रवचन पछि, एकजना विश्वासीले उहाँलाई सोधे, “तपाईंलाई थाहा छ, नरकभन्दा डरलाग्दो के छ?”

उनीसँग त्यसको जवाफ थिएन।

यसकारण उनले भने, “नरककाे आगाेकाे अथाह कुण्डमा खसेको कल्पना गर्नुहोस। जहाँ आगाे कहिल्यै निभ्दैन र किरा कहिल्यै मर्दैन। तब त्यहाँबाट तपाईंको बच्चा तपाईंको छेउमा खस्छ र चिच्याउछ, ‘तपाईंले मलाई किन भन्नुभएन’ !?”

* म नरककाे बारेमा प्रचार गर्छु, किनकि म त्यहाँ गइरहेको छैन, र म तपाईंलाई त्यहाँ गएको हेर्न चाहन्न!

मानिसले सत्य स्विकार गराेस या नगराेस, तर सत्य बताउने हाम्रो कर्तव्य हाे। स्वर्ग र नरक वास्तवमा सत्य छ। यसकारण हामी याे सत्य अरूलाई बताउन बाध्य छाैँ।

यसकारण लेखिएको छ,

“यदि तिम्रो हातले तिमीलाई बाधा दिन्‍छ भने त्‍यसलाई काटिदेऊ। दुई हात भएर नरकको ननिभ्‍ने आगोमा जानुभन्‍दा डुँड़ो भएर जीवनमा पस्‍नु तिम्रो निम्‍ति असल हो।

नरकमा त न कीराहरू मर्दछन, न आगो नै निभ्‍दछ।

अनि तिम्रो खुट्टाले तिमीलाई बाधा दिन्‍छ भने त्‍यसलाई काटिदेऊ। दुई खुट्टा भएर नरकमा फालिनुभन्‍दा त खोरन्‍डो भएर जीवनमा पस्‍नु तिम्रो निम्‍ति असल हो।

नरकमा न कीराहरू मर्दछन, न आगो नै निभ्‍दछ।

यदि तिम्रो आँखाले तिमीलाई बाधा दिन्‍छ भने त्‍यसलाई झिकेर फालिदेऊ। दुई आँखा भएर नरकमा फालिनुभन्‍दा त एक आँखा भएर परमेश्‍वरको राज्‍यमा पस्‍नु तिम्रो निम्‍ति असल हो।

नरकमा न कीरा मर्दछन, न आगो नै निभ्‍दछ।”

[मर्कुस 9:43-48]

“उसले भन्‍यो, ‘पिता, यसैकारण म तपाईंलाई बिन्‍ती गर्दछु, तपाईंले त्‍यसलाई मेरा बाबुको घरमा पठाइदिनुहोस,

किनभने मेरा पाँच भाइ छन, र त्‍यसले तिनीहरूलाई चेताउनी देओस्‌, नत्रता तिनीहरू पनि यस कष्‍टको ठाउँमा आउलान।’

तर अब्राहामले भने, ‘तिनीहरूका साथमा मोशा र अगमवक्ताहरूका पुस्‍तक छन। तिनीहरूले ती सुनून।’

तर उसले भन्‍यो, ‘होइन, पिता अब्राहाम, मरेकाबाट कोही एक जना तिनीहरूकहाँ गयो भनेता तिनीहरूले पश्‍चात्ताप गर्नेछन।’

उनले उसलाई भने, ‘मोशा र अगमवक्ताहरूका कुरा तिनीहरूले सुन्‍दैनन भने, मृतकहरूबाट कोही जीवित भए पनि तिनीहरूले विश्‍वास गर्नेछैनन’।”

[लूका 16:27-31]