बाइबलमा ६ र्‍याप्चरहरू

 

बाइबलमा छ वटा र्‍याप्चरहरू रेकर्ड गरिएका छन् । तीमध्ये तीन पुरानो नियममा भएका थिए र तीन नयाँ नियममा पूरा हुनेछन् ।

१. पहिलो र्‍याप्चर

पहिलो र्‍याप्चर नूहको समयमा जलप्रलय आउनुभन्दा पहिले हनोकलाई स्वर्गमा उठाई लगिएको थियो । [उत्पत्ति ५:२४, हिब्रू ११:५-६, यहूदा १:१४-१५]

“हनोक परमेश्वरको साथसाथ हिँड्थे । अनि उनी अलप भए, किनभने परमेश्वरले उनलाई उठाइलानुभयो ।” [उत्पत्ति ५:२४]

२. दोस्रो र्‍याप्चर

दोस्रो र्‍याप्चर एलियालाई अग्निमय रथ र घोड़ाहरू जिउँदै लगिएको थियो । [२ राजा २:११-१४, २ राजा ८:१-६]

“जब तिनीहरू कुरा गर्दै अगि हिँड़िरहेका थिए, तब एक्कासि एउटा अग्निमय रथ र घोड़ाहरू देखा परे, र दुईलाई एक-अर्काबाट अलग गरे, र एलिया भुमरीमा माथि स्वर्गतिर लगिए ।” [२ राजा २:११-१४]

३. तेस्रो र्‍याप्चर

तेस्रो र्‍याप्चर पुरानो नियमका सन्तहरू (अब्राहाम, सारा, इसहाक, याकूब, यूसुफ र अन्य) मृत्युबाट बौरी उठेको थियो, जब येशूले कलवरीको क्रूसमा ठूलो स्वरमा कराउनुभएको थियो । ती सन्तहरूको चिहानहरू खोलिए र तिनीहरूको महिमित शरीर उठ्यो र धेरैलाई देखा पर्यो । 

“तब येशू फेरि ठूलो सोरले कराउनुभयो र आफ्नो आत्मा त्याग्नुभयो । त्यसै घड़ी मन्दिरको पर्दा टुप्पादेखि फेदसम्म दुई भाग भएर च्यातियो, र जमिन काँप्न लाग्यो, र चट्टानहरू फुटे । चिहानहरू उघारिए, र सुतिगएका धेरै सन्तहरूका मृत शरीर जीवित भई उठे, र तिनीहरू चिहानहरूबाट निस्के, र मृतकबाट येशूको पुनरुत्थान भएपछि तिनीहरू पवित्र सहरमा प्रवेश गरे र धेरैकहाँ देखा परे ।” [मत्ती २७:५०-५३]

यी पुरानो करारका सन्तहरूलाई समयको पर्दाभन्दा बाहिर लैजानका लागि, तिनीहरूका पापहरू पूर्ण रूपमा मेटाउनुपर्थ्यो । पुरानो नियममा पशुको रगतले कहिल्यै त्यसो गर्न सकेन । यसले तिनीहरूका पापहरूलाई अस्थायी रूपमा ढाक्थ्यो र परमेश्वरको सामु आफ्नो स्वच्छता कायम राख्न तिनीहरूले सधैं हरेक वर्ष बलिदान चढाउनुपर्थ्यो । तिनीहरूले त्यो “सिद्ध बलिदान” आउने प्रतीक्षा गर्नुपर्थ्यो, “परमेश्वरको थुमा” जसले संसारको पापहरू उठाइलैजानुहुन्छ । येशूको बहुमूल्य रगतले अन्ततः तिनीहरूलाई पापको दोषबाट मुक्त गर्‍यो । येशू क्रूसमा मर्नुभएपछि मानवजातिको सबै पाप समस्या समाधान भयो । [यूहन्ना ३:१६]

४. चौथो र्‍याप्चर 

चौथो र्‍याप्चर त्यतिबेला भयो जब हाम्रा प्रभु येशू ख्रीष्ट आफैं स्वर्गमा उक्लनुभयो, जसरी प्रेरितको पुस्तक १:९-११ मा लेखिएको छ ।

“उहाँले यो कुरा भन्नुभएपछि, तिनीहरूले हेर्दाहेर्दै उहाँ उँभो उचालिनुभयो, र बादलमा उहाँ तिनीहरूका दृष्टिबाट लोप हुनुभयो । जब तिनीहरूले उहाँ जाँदैगर्नुभएको एकटक आकाशतिर हेरिरहेका थिए, तब अचानक सेतो पोशाक लाएका दुई जना मानिस तिनीहरूका नजिक खड़ा भए । तिनीहरूले भने, ‘गालीलका मानिस हो, तिमीहरू किन आकाशतिर हेर्दै उभिरहेका छौ ? यही येशू, जो तिमीहरूबाट स्वर्गमा लगिनुभयो, अहिले जसरी तिमीहरूले उहाँलाई स्वर्गमा जानुभएको देख्यौ, त्यसरी नै उहाँ फेरि आउनुहुनेछ’ ।” [प्रेरित १:९-११]

५. पाँचौं र्‍याप्चर

पाँचौं र्‍याप्चर भनेको १ थेस्सलोनिकी ४:१६-१८ र १ कोरिन्थी १५:५१-५४ मा उल्लेख गरिएको कुरा हो, जुन पेन्तिकोसको दिनदेखि सात मण्डली युगको सीमानामा आजसम्म बाँचेका सबै साँचो बाइबल विश्वासी ख्रीष्टियनहरूसँग सम्बन्धित छ ।

विश्वासीहरूको यो निकाय एफिसस, स्मुर्ना, पर्गामम, थिआटीरा, सार्डिस, फिलाडेल्फिया र लाउडिकिया मण्डली युगहरूमा सुसमाचारको लागि मरेका सन्तहरू मिलेर बनेको छ, साथै हाम्रो युग, लाउडिकिया मण्डली युगमा अझै पनि रहेका जीवित सन्तहरू पनि मिलेर बनेको छ । यी सबै सन्तहरू प्रभुलाई आकाशमा भेट्ने छन् जब र्‍याप्चरको समय आउँछ । 

“हेर, म तिमीहरूलाई एउटा रहस्य भन्दछु, हामी सबै सुत्दैनौं, तर हामी सबैको परिवर्तन हुनेछ, एकै क्षणमा, आँखाको एक निमेषमा, तुरहीको आखिरी आवाजमा । किनभने, तुरही बज्नेछ, र मृतकहरू अविनाशी भएर जीवित हुनेछन् । अनि हाम्रोचाहिँ परिवर्तन हुनेछ ।

किनकि यस विनाशी स्वभावले अविनाशी, र यस मरणशील शरीरले अमरत्व धारण गर्नुपर्छ ।” [१ कोरिन्थी १५:५१-५३]

“किनकि प्रभु स्वयम् हुकुमको गर्जनसित, प्रधान स्वर्गदूतको आवाज र परमेश्वरका तुरहीको सोरसित स्वर्गबाट ओर्लनुहुनेछ, र ख्रीष्टमा मरेकाहरूचाहिँ पहिले बौरिउठ्नेछन् । 

तब हामी बाँचिरहेका र छोडिएकाहरू प्रभुलाई आकाशमा भेट्न तिनीहरूका साथसाथै बादलमा उठाइलगिनेछौं, र यसरी हामी सधैँ प्रभुसँग रहनेछौं । 

यसैकारण एकले-अर्कोलाई यी वचनहरूले सान्त्वना देओ ।” [१ थेसलोनिकी ४:१३-१८]

६. छैटौं र्‍याप्चर 

छैटौं र्‍याप्चर तब हुनेछ जब प्रकाश ११ का दुई साक्षीहरू (मोशा र एलिया) १,४४,००० यहूदीहरूलाई येशू ख्रीष्टको सुसमाचारमा फिर्ता बोलाउन इस्राएलमा आएका हुनेछन् । याद गर्नुहोस् कि अन्यजातिहरूको पूर्णता पूरा नभएसम्म यहूदीहरू यस सत्यप्रति अन्धा थिए । मोशा र एलिया इस्राएलमा येशू ख्रीष्ट तिनीहरूको साँचो मसीह हुनुहुन्छ भन्ने बारेमा गवाही दिन आउनेछन् । तिनीहरूले आफ्नो सेवकाईपछि चिन्ह र आश्चर्यकर्महरू देखाउनेछन् । ख्रीष्ट विरोधीले यी दुई अगमवक्ताहरूलाई घृणा गर्नेछ र तिनीहरूलाई मार्नेछ, तर परमेश्वरले तिनीहरूलाई तीन दिनपछि फेरि उठाउनुहुनेछ र स्वर्गमा उठाइनेछ । [प्रकाश ११:३-१२]

“अनि तिनीहरूले स्वर्गबाट यस्तो एउटा ठूलो आवाज सुने, ‘यता माथि आओ ।’ र तिनीहरूका शत्रुहरूले हेर्दाहेर्दै तिनीहरू बादलमा स्वर्गतिर गए ।” [प्रकाश ११:१२]

Sources :

1. http://endtimemessage.info/rapture.html

2. https://faithalone.org/blog/six-raptures/

3. https://www.thelivinggospel.org/studies/end-times/rapture-of-the-church/raptures-in-the-bible

4. https://jesusplusnothing.com/series/post/bible-study-seven-pictures-types-coming-rapture

5. https://blowthetrumpet.com.au/types-of-the-rapture-in-the-bible/

6. https://www.anchoredinword.com/rapture-7-bible-events/

7. https://www.facebook.com/groups/409350267378961/permalink/1384860829827895/?app=fbl

8. https://www.instagram.com/p/DI6epqyz3BZ/?img_index=19&igsh=ajMxNzJqbHA0Nnd5

9. https://www.slideserve.com/mairi/8-raptures-in-the-bible