र्‍याप्चरको लागि योग्यताहरू

 

 येशू आफ्ना चेलाहरूसँग कुरा गर्दै गर्दा तिनीहरूले उहाँको आगमन र संसारको अन्त्यको संकेत दिने चिन्हहरू सोधे । [मत्ती २४:३] मत्ती २४ मा येशूले तिनीहरूलाई चिन्हहरू दिनुभयो तर मिति तोक्नबाट चेतावनी दिनुभयो किनभने अन्त कहिले हुनेछ भन्ने कुरा परमेश्वर पितालाई मात्र थाहा छ । [मत्ती २४:३६]

नजिकबाट अवलोकन गर्दा ख्रीष्टले दिनुभएका चिन्हहरू सुरु भइसकेका छन् भन्ने देखाउँछ । यसको लागि, हामीले प्रभुसँग रहन योग्य हुन र संसारमा आउने सङ्कष्टहरूबाट बच्न हामीमा हुनुपर्ने गुणहरू जान्नुपर्छ । हामी सबैलाई थाहा छ, पृथ्वीमा सबै जना र्‍याप्चर हुनेछैनन्, त्यसैले त्यहाँ सर्तहरू छन् । र्‍याप्चरको भाग हुनको लागि तलको केही बाइबलीय सर्तहरू/योग्यताहरू हुनुपर्नेछ ।

१. तपाईं ख्रीष्टमा हुनुपर्छ ।

 ख्रीष्टमा हुनु भनेको उहाँमा विश्वास गर्नु हो, उहाँ मर्नुभयो र फेरि बौरी उठ्नुभयो भन्ने विश्वास गर्नु हो । यदि यो अवस्थामा हामी छौं भने वचनले प्रतिज्ञा गरेको छ कि येशूमा सुतेकाहरू उहाँको आगमनमा भाग लिनेछन् । [१ थेसलोनिकी ४:१४] उहाँको आगमनमा जीवित रहेकाहरूलाई छोडिनेछैन । तिनीहरू र्‍याप्चरको समयमा हावामा ख्रीष्टलाई भेट्न सुत्नेहरूसँगै उठाइनेछन् । [१ थेसलोनिकी ४:१७, २ कोरिन्थी ५:१७-१८] कसैले पनि नयाँ गरी जन्म नलिएसम्म परमेश्वरको राज्य देख्न सक्दैन । [यूहन्ना ३:३,५, १ पत्रुस १:२३]

२. तपाईं ख्रीष्टको हुनुपर्छ ।

 ख्रीष्टको हुनु भनेको हामी उहाँको बन्नु हो । जब तपाईंले उहाँलाई आफ्नो जीवनमा ग्रहण गर्नुभयो, तब तपाईंले मुक्ति पाउनु भयो । ख्रीष्टमा भएकाहरूले मात्र शरीरलाई यसको स्नेह र वासनासहित क्रूसमा टाँगेका छन् । [गलाती ५:२४] त्यस्तो व्यक्तिमा व्यभिचार जस्तो शारीरिक वासनाको चाहना हुनेछैन, जुन परमेश्वरले भन्नुभएको थियो कि जसले त्यसमा लिप्त हुन्छन् तिनीहरूले उहाँको राज्य देख्ने छैनन् । [१ कोरिन्थी ६:९-१०, १५:२३]

३. पवित्र आत्मा हुनुपर्छ ।

 पानी र आत्माबाट जन्मनु बाहेक हामीसँग पवित्र आत्मा हुनुपर्छ । रोमी ८:९ ले भन्छ, “यदि साँच्चै परमेश्वरका आत्मा तिमीहरूमा वास गर्नुहुन्छ भने, तिमीहरू पापमय स्वभावमा होइन, तर पवित्र आत्मामा हुन्छौ । तर कुनै मानिसमा ख्रीष्टका आत्मा हुनुहुन्न भनेता त्यो उहाँको हुँदैहोइन ।” पवित्र आत्माले हामीलाई “मुक्तिको दिनको लागि” छाप लगाउनुहुन्छ [एफिसी ४:३०] त्यसैले हामी प्रभुद्वारा उठाइनेछौं ।

४. तपाईं पवित्र आत्मामा बाँच्नुपर्छ र हिँड्नुपर्छ ।

 आत्मामा हिंड्नु भनेको पवित्र आत्माद्वारा नियन्त्रित हुनु हो । उहाँले तपाईंलाई कहिल्यै बहकाउनु हुनेछैन र पापमा फस्नुहुनेछैन । जब तपाईं आत्मामा जिउनुहुन्छ, गलाती ५:१९-२१, १६, २५ मा सूचीबद्ध शरीरका कामहरू तपाईंको जीवनमा प्रकट हुनेछैनन् । ती कुराहरूले धेरैलाई र्‍याप्चरपछि परमेश्वरको राज्य देख्नबाट रोक्नेछ ।

५. तपाईं पवित्र हुनुपर्छ ।

 वचनले भन्छ, परमेश्वरको राज्य हेर्न चाहने जो कोहीले पनि पवित्रता धारण गर्नुपर्छ । हिब्रू १२:१४ ले भन्छ कि पवित्रता बिना, परमेश्वरलाई उहाँको राज्यमा देख्न असम्भव छ । [प्रकाश २०:४-६]

६. तपाईं असल हुनुपर्छ ।

 र्‍याप्चरको समयमा लिनुपर्ने भलाइ र दया पनि एक पूर्वशर्त हो । परमेश्वर भलाइलाई प्रेम गर्नुहुन्छ किनभने यसले उहाँलाई महिमा दिन्छ । यूहन्ना ५:२८-२९ ले भन्छ कि असल गर्नेहरू जीवनमा पुनरुत्थान हुनेछन् र दुष्ट काम गर्नेहरू दण्डमा पर्नेछन् । [हिब्रू ५:२८-२९]

७. तपाईं योग्य हुनुपर्छ ।

 ख्रीष्टले हामीलाई सधैं जागा रहन र प्रार्थना गर्न सल्लाह दिनुभएको छ ताकि हामी संसारमा आउने समस्याबाट बच्न योग्य ठहरिन सकौं । [लूका २१:३६] जागा रहेर र प्रार्थना गरेर हामी परीक्षामा पर्नबाट जाेगाउनेछ । [मत्ती २६:४१]

८. तपाईं मण्डलीमा हुनुपर्छ ।

 मण्डलीले केवल भौतिक भवनलाई मात्र होइन तर ख्रीष्टको शरीरलाई पनि जनाउँछ । यसको अर्थ तपाईं ख्रीष्टको शरीरका मानिसहरूमा गनिनुहुन्छ । [कलस्सी १:१८, २४, १ कोरिन्थी १२:१३, एफेसी १:२०-२३, ४:४-६, ५:२६-२७]

९. तपाईं शुद्ध हुनुपर्छ ।

 यूहन्नाले आफ्नो पत्रमा ख्रीष्टको आगमनको बारेमा कुरा गरे र भने कि जसले आफूलाई शुद्ध पारेका छन् तिनीहरूले ख्रीष्टको आगमनको हिस्सा हुने आशा राख्छन् । [१ यूहन्ना ३:२-३]

१०. तपाईं दाग वा चाउरीपना बिनाको हुनुपर्छ ।

 वचनले भनेझैं ख्रीष्टले आफूलाई दाग, चाउरी वा त्यस्तै कुनै पनि कुरा बिनाको गौरवशाली मण्डली प्रस्तुत गर्नुहुनेछ । यसको अर्थ जो कोहीसँग दाग, पाप छ वा अझै पनि क्षतिपूर्ति गर्न बाँकी छ भने उसलाई योग्य ठानिने छैन । [एफिसी ५:२७]

११. तपाईंको मन शुद्ध हुनुपर्छ ।

 व्यक्तिविशेषको रूपमा र ख्रीष्टको शरीरको रूपमा हामीले आफूलाई सधैं शुद्ध गर्नुपर्छ ताकि हामी र्‍याप्चर उडानमा भाग लिन योग्य हुन सकौं । र्‍याप्चरमा भाग लिने आशा भएका सबैले आफूलाई शुद्ध गर्नुपर्छ । [१ यूहन्ना ३:२-३] सबै ख्रीष्टियनहरूले निरन्तर आफ्ना लुगाहरू धुनुपर्छ, र तिनीहरूलाई थुमाको रगतमा सेतो बनाउनुपर्छ । [प्रकाश ७:१४, २ पत्रुस ३:१, भजन २४:३-४]

१२. तपाईं ज्योतिमा हिंड्नुपर्छ ।

 ख्रीष्ट ज्योतिको स्रोत र संसारको ज्योति हुनुहुन्छ । उहाँलाई पछ्याउने र उहाँमा हिँड्ने जो कोही पापको अन्धकारमा हिँड्नेछैन जसले धेरैलाई र्‍याप्चरबाट बञ्चित गराउनेछ । [यूहन्ना ८:१२, १ यूहन्ना १:६-७, कलस्सी २:६]

Sources :

1. https://www.facebook.com/100051091938560/posts/2681373012086600/?app=fbl

2. https://www.nairaland.com/3941172/rapture-purpose-qualification

3. https://christianforums.net/threads/qualifications-for-rapture.34422/

4. https://tnwcfan.org/15-qualifications-for-the-rapture/

5. https://bummyla.wordpress.com/2017/02/28/qualifications-for-rapture/

6. https://www.facebook.com/100009460208693/posts/4857807191211240/?app=fbl

7. https://www.facebook.com/groups/216423514765881/permalink/877115722029987/