आरमागेडोनमा भएका प्रमुख ३४ युद्धहरू

 

बाइबलमा, आरमागेडोनले प्रकाशको पुस्तकमा अभिलेख गरिएझैं परमेश्वर र दुष्ट शक्तिहरू बीचको भविष्यको अन्तिम युद्धलाई जनाउँछ । आरमागेडोन हिब्रू हर मगिद्दोको अपभ्रंश हो र यसको शाब्दिक अर्थ “मगिद्दोको पहाड” हो, जुन युद्धको भविष्यवाणी गरिएको स्थान हो ।

 ४००० वर्षको इतिहासभरि, मेगिद्दोको पुरानो स्थल र इजरेल उपत्यकाको छेउछाउका क्षेत्रहरूमा कम्तिमा ३४ वटा रक्तपातपूर्ण द्वन्द्वहरू लडिएका छन् । इजिप्टियनहरू, कनानीहरू, इजरायलीहरू, मिद्यानीहरू, अमालेकाइटहरू, फिलिस्टिनहरू, हसमोनियाहरू, ग्रीकहरू, रोमीहरू, मुस्लिमहरू, क्रुसेडरहरू, माम्लुकहरू, मंगोलहरू, फ्रान्सेलीहरू, ओटोम्यानहरू, बेलायतीहरू, अष्ट्रेलियाहरू, जर्मनहरू, अरबहरू र इजरायलीहरू सबै यहाँ लडे र मरेका छन् । लडाइँ गर्ने सेनापति र नेताहरूको नाम इतिहासभर घुमिरहन्छ । जस्तैः थुटमोस तेस्रो, डेबोरा र बाराक, सिसेरा, गिदोन, शाऊल र जोनाथन, शिशक, येहू, जोराम, जेजेबेल, जोसिया, एन्टिओकस, टोलेमी, भेस्पासियन, सलादिन, नेपोलियन, एलेनबी इत्यादि यी नामहरू सबैभन्दा प्रसिद्ध मध्ये केही हुन् ।

१. पेपी प्रथम र विद्रोहीहरू (ईसा पूर्व २३५०)

प्रारम्भिक इजिप्टियन अभियानको समय हो ।

२. थुटमोस तृतीय र कनानीहरू (ईसा पूर्व १४७९)

विस्तृत रूपमा रेकर्ड गरिएको पहिलो युद्ध हाे ।

३. आमेनहोटेप द्वितीय र बस्तीहरू (ईसा पूर्व १४३०)

इजिप्टको पुन: कब्जा भयो ।

४. बिरिडिया र लबायु (ईसा पूर्व १३६०)

अमर्ना कालको द्वन्द्व हाे ।

५. डेबोरा/बराक र सिसेरा (ईसा पूर्व ११२५)

कनानीहरूमाथि डेबोरा र बाराक विजय भए । [न्यायकर्ता ४:१५]

६. गिदोन र मिद्यानीहरू (ईसा पूर्व १०९०)

मिद्यानीहरूमाथि गिदोनको विजय भयो । [न्यायकर्ता ७ अध्याय]

७. शाऊल र पलिश्तीहरू (ईसा पूर्व १०१६)

गिल्बो पर्वतमा शाऊल र उनका छोराहरूको मृत्यु भयो । [१ शमूएल ३१:८]

८. शोशेन्क र त्यस क्षेत्र (ईसा पूर्व ९२५)

फारो शिशकको आक्रमण भयो ।

९. येहू र योराम/अहज्याह (ईसा पूर्व ८४१)

जेज्रिल उपत्यका विद्रोह भयो ।

१०. नेको द्वितीय र योशियाह (ईसा पूर्व ६०९)

राजा योशियाहको मृत्यु भयो । [२ राजा २३:२९-३०; २ इतिहास ३५:२२]

११. फारसीहरू र बेबिलोनीहरू (ईसा पूर्व ५३०)

क्षेत्रीय नियन्त्रण मुख्य कारण हाे ।

१२. अलेक्ज्याण्डर द ग्रेट र फारस (ईसा पूर्व ३३२)

लेभान्टको विजय हासिल गरे ।

१३. टोलेमी र एन्टिगोनस (ईसा पूर्व ३१२)

उत्तराधिकारी युद्धहरू मुख्य कारण हाे ।

१४. एन्टियोकस तृतीय र टोलेमी चौथो (ईसा पूर्व २१८)

सेल्युसिड-टोलेमिक युद्ध ।

१५. म्याकाबीज र एन्टियोकस चौथो (ईसा पूर्व १६५)

सेल्युसिड विरुद्ध विद्रोह ।

१६. पोम्पी र एरिस्टोबुलस (ईसा पूर्व ६३)

रोमन हस्तक्षेप भयो ।

१७. ग्याबिनियस र अलेक्ज्याण्डर (ईसा पूर्व ५५)

रोमन र हास्मोनियन बिचमा लडाइँ भयो ।

१८. हेरोद र एन्टिगोनस (ईसा पूर्व ३९)

हेरोद महानको उदय भयाे ।

१९. भेस्पासियन र यहूदी विद्रोहीहरू (६७ ईस्वी संवत्)

रोमन दमन भयो ।

२०. इख्शीदीहरू र अब्बासीहरू (९४० ईस्वी संवत्)

इस्लामिक समयकाल हाे ।

२१. इख्शिदिदहरू र हमदानीहरू (९४६ ईस्वी संवत्)

क्षेत्रीय शक्ति संघर्ष थियो ।

२२. बाइजान्टिन र फातिमिदहरू (९७५ ईस्वी संवत्)

बाइजान्टिनले पुन: कब्जा गरे ।

२३. मौदुद र क्रुसेडरहरू (१११३ ईस्वी संवत्)

क्रुसेडर लडाई थियोे ।

२४. सलादिन र डाबुरियान्स (११८२ ईस्वी संवत्)

सलादिनको उदय भयाे ।

२५. सलादिन र क्रुसेडरहरू (११८२ ईस्वी संवत्)

क्षेत्रीय झडप थियो ।

२६. सलादिन र क्रुसेडरहरू (११८३ ईस्वी संवत्)

ऐन जालुद नजिकै भएको थियोे ।

२७. सलादिन र क्रुसेडरहरू (११८७ ईस्वी संवत्)

हात्तिनको सुरुवाती युद्ध थियोे ।

२८. क्रुसेडरहरू र मुस्लिमहरू (१२१७ ईस्वी संवत्)

हंगेरी क्रुसेडरहरू थिए ।

२९. अय्युबिडहरू र क्रुसेडरहरू (१२४७ ईस्वी संवत्)

क्षेत्रीय लडाई थियोे ।

३०. माम्लुके र मंगोलहरू (१२६० ईस्वी संवत्)

ऐन जलुतको युद्ध थियोे ।

३१. माम्लुक्स र हस्पिटलरहरू (१२६३ ईस्वी संवत्)

मामलुक विस्तार थियोे ।

३२. माम्लुकेस र टेम्प्लरहरू (१२६४ ईस्वी संवत्)

मामलुक विस्तार थियोे ।

३३. नेपोलियन र ओटोमनहरू (१७९९ ईस्वी संवत्)

ताबोर पर्वतको युद्ध थियो ।

३४. एलेनबी र ओटोमन (१९१८ ईस्वी संवत्)

प्रथम विश्वयुद्ध थियोे । यस समय बेलायत विजय भएको थियोे ।

आरमागेडोनले सम्भवतः मगिद्दो पहाडको वरिपरि केन्द्रित इस्राएलको इतिहासमा भएका धेरै युद्धहरूलाई जनाउँछ । यो कर्मेल पर्वतको पनि त्यही स्थान हो, जहाँ एलियाको बालका अगमवक्ताहरूसँगको प्रसिद्ध भिडन्त भएको थियो । धेरैजसो मानिसहरूको विश्वासको विपरीत, आरमागेडोनको युद्ध रूस, चीन र इजरायल जस्ता राजनीतिक शक्तिहरू बीचको सामान्य युद्ध होइन । बरु, यो ख्रीष्ट, शैतान र तिनीहरूका अनुयायीहरू बीचको अन्तिम युद्ध हो ।

आरमागेडोनको युद्धले मानव सरकार र परमेश्वरबीचको अन्तिम युद्धलाई बुझाउँछ । “आरमागेडोन” शब्द बाइबलमा प्रकाश १६:१६ मा एक पटक मात्र पाइन्छ । यसले राष्ट्रहरू बीचको युद्धलाई होइन तर परमेश्वर र “सारा पृथ्वीका राजाहरू” बीचको युद्धलाई बुझाउँछ । [प्रकाश १६:१४] यी सरकारहरू र उनीहरूका समर्थकहरूले अहिले पनि परमेश्वरको शासनको अधीनमा बस्न अस्वीकार गरेर उहाँको विरोध गर्छन् । [भजन २:२ ] आरमागेडोनको युद्धले मानव शासनको अन्त्य गर्नेछ । परमेश्वरले मानव शासनको अन्त्य गर्न आरमागेडोनको युद्ध प्रयोग गर्नुहुनेछ । [दानियल २:४४]

आरमागेडोन एउटा वास्तविक ठाउँ हो, जसले पृथ्वीको कुनै पनि ठाउँभन्दा धेरै लडाइँ र रक्तपात देखेको छ । यसकारण सर विन्स्टन चर्चिलले भनेका छन, 

 “मानव द्वन्द्वको क्षेत्रमा यति थोरै ठाउँमा यति धेरै पटक लडिएको छैन !”

आरमागेडोनको युद्धको बारेमा बिल्ली ग्राहमले पनि भनेका छन्,

 “बाइबलले अर्को महान् युद्धको आगमनको स्पष्ट भविष्यवाणी गरेको छ । यो संसारले कहिल्यै नदेखेको कुनै पनि कुरालाई ग्रहण गर्ने युद्ध हुनेछ । यसले संसारका अधिकांश राष्ट्रहरूलाई अँगाल्नेछ; र यसको केन्द्रबिन्दु मध्य पूर्वमा हुनेछ, जहाँ संसारका सेनाहरू एक दिन मगिद्दो पर्वतमा केन्द्रित भएर आफूलाई तैनाथ गर्नेछन् । यो महान् युद्धलाई आरमागेडोनको युद्ध भनिएको छ । सभ्यतालाई नष्ट गर्न सक्ने यो भयानक युद्धको बीचमा प्रभु येशू ख्रीष्ट संसारका राष्ट्रहरूको न्याय गर्न र आफ्नो गौरवशाली राज्य स्थापना गर्न महिमा र शक्तिमा यस पृथ्वीमा फर्कनुहुनेछ ।”

प्रमुख ऐतिहासिक घटनाहरू र भविष्यवाणीको कारण याे स्थान निकै महत्वपुर्ण छ । इतिहासभरि नै मगिद्दो र यिज्रेल उपत्यकाहरू सभ्यताको बाटो निर्धारण गर्ने लडाइहरूको लागि मुख्य स्थान थियोे । यो कुनै अचम्मको कुरा होइन कि प्रकाशको पुस्तक लेखकले आरमागेडोन, असल र खराब बीचको अन्तिम लडाई पनि यस क्षेत्रमा हुनेछ भनेर विश्वास गरे ! भविष्यमा, मेगिडोको मैदान र नजिकैको एसड्रेलनको मैदान पनि आरमागेडोनको युद्धको केन्द्रबिन्दु हुनेछ ।

इजरायलको जेज्रेल उपत्यकामा अवस्थित मगिद्दोको दक्षिणमा इजिप्ट र उत्तरमा मेसोपोटामिया (आधुनिक इरान/इराक) वा अनातोलिया (आधुनिक टर्की), बीस सहरहरूको मनमोहक साइट, साथै उत्तर-दक्षिण र पूर्व-पश्चिम जाने सडकहरूको रणनीतिक संगममा अवस्थित छ । जोसँग मगिद्दोको नियन्त्रण थियो, उसले प्रमुख व्यापारिक मार्गहरू नियन्त्रण गर्‍यो ।

क्षेत्र वरपरको इतिहासबाट सिक्न सकिने एउटा पाठ सैन्य र व्यापारिक मार्गहरूमा रणनीतिक उपस्थिति कायम राख्नुको महत्त्व हो । हामी यो पनि देख्छौं कि, हतियार र प्रविधि सहस्राब्दीमा परिवर्तन भएको छ, तर रणनीतिहरू प्रायः परिवर्तन भएका छैनन् । प्रायः यस्ता स्थानहरूमा लडाइएका लडाइहरूमा प्रयोग गरिएका रणनीतिहरू विभिन्न युगहरूमा विभिन्न कमाण्डरहरू र विभिन्न सेनाहरूले दोहोर्याउँछन् । 

विगत ४००० वर्षको दौडान यस क्षेत्रबाट आएका लगभग हरेक आक्रमणकारी सेनाले मगिद्दो र यिज्रेल उपत्यकाको नियन्त्रणको लागि लडाइँ लडे । एकमात्र अपवाद अलेक्ज्याण्डर द ग्रेटको सेना थियो, जसले लड्नु पर्दैन किनभने यस क्षेत्रले पहिले उहाँलाई आत्मसमर्पण गर्यो ।

भौगोलिक महत्व : इजिप्ट र मेसोपोटामिया बीचको मुख्य मार्गमा अवरोधको रूपमा, मगिद्दोलाई नियन्त्रण गर्ने जो कोहीले पनि सामान्यतया यस क्षेत्रलाई नियन्त्रण गर्थ्यो । अफ्रिका र एसियालाई जोड्ने प्राचीन भिया मारिस व्यापार मार्गमा यसको रणनीतिक स्थितिले गर्दा यसलाई “आरमागेडोन” (हार मगिद्दो) भनेर चिनिन थाल्यो, जुन असल र खराब बीचको अन्तिम युद्धको भविष्यवाणी गरिएको स्थल हो । 

अन्तिम युद्ध (आरमागेडोन) : प्रकाशको पुस्तकले यस क्षेत्रलाई परमेश्वर र दुष्टको शक्तिहरू बीचको अन्तिम, निर्णायक द्वन्द्वको लागि भेला हुने ठाउँको रूपमा पहिचान गर्दछ ।

प्रकाशको भविष्यवाणी व्याख्याअनुसार, जुन हाम्रो विचार हो, आरमागेडोनको युद्ध भविष्यमा, महा सङ्कष्टको अन्त्य नजिकै एक वास्तविक युद्ध हुनेछ । शैतानी प्रभावहरूले पृथ्वीका राजाहरूलाई यरूशलेममा पूर्ण आक्रमणको लागि आफ्ना सेनाहरू जम्मा गर्न प्रेरित गर्नेछ । ख्रीष्ट विरोधीले यसको नेतृत्व गर्नेछ । [प्रकाश १६:१३-१६] येशू ख्रीष्ट स्वर्गका सेनाहरूसहित पृथ्वीमा फर्कनुहुनेछ । [मत्ती २५:३१; प्रकाश १९:१४] उहाँको खुट्टा जैतून डाँडामा उभिनेछ । [जकरिया १४:४] उहाँले दुष्ट शक्तिहरूलाई पराजित गर्नुहुनेछ । [प्रकाश १९:१५-१६] उहाँले ख्रीष्ट विरोधी र झूटा अगमवक्तालाई आगोको कुण्डमा फ्याँक्नुहुनेछ । [प्रकाश १९:२०] उहाँले शैतानलाई बाँध्नुहुनेछ र उहाँले पृथ्वीमा १,००० वर्षको लागि आफ्नो राज्य स्थापना गर्नुहुनेछ । [प्रकाश २०:१-६] आरमागेडोनमा प्रभु येशू ख्रीष्टले “सर्वशक्तिमान परमेश्वरको क्रोधको कोल कुल्चनुहुन्छ” [प्रकाश १९:१५], र सबै कुरा ठीक हुनेछ ।

यसकारण लेखिएको छ,

“तब छैटौँ स्वर्गदूतले आफ्नो कचौरो महानदी यूफ्रेटिसमा खन्याए, र नदीको पानी सुकिहाल्यो र पूर्वबाट आउने राजाहरूका निम्ति मार्ग तयार भयो । 

तब मैले अजिङ्गरको मुखबाट, त्यस पशुको मुखबाट र झूटो अगमवक्ताको मुखबाट भ्यागुताहरूजस्ता तीन वटा घृणित आत्माहरू निस्किरहेका देखें । 

तिनीहरू चमत्कार देखाउने दुष्टात्माहरू हुन् । तिनीहरू समस्त संसारका राजाहरूकहाँ जाँदछन्, र सर्वशक्तिमान् परमेश्वरको महान् दिनमा युद्ध गर्नलाई तिनीहरूलाई भेला गर्छन् । 

‘हेर, म चोरजस्तै आउनेछु । त्यो धन्य हो, जो जागा रहन्छ र आफ्नो वस्त्रको रक्षा गर्छ । नत्रता त्यो नाङ्गै हिँड्नेछ, र त्यसको नग्नता देखिनेछ ।’ 

तिनीहरूले राजाहरूलाई त्यस ठाउँमा भेला गरे जसलाई हिब्रू भाषामा आर-मागेड्डोन भनिन्छ ।” [प्रकाश १६:१२-१६]

Sources :

1. https://bibleinterp.arizona.edu/articles/2001/cli258001

2. https://biblearchaeology.org/research/conquest-of-canaan/3084-megiddo-the-place-of-battles

3. https://www.amazingfacts.org/study/daily-devotional/is-the-battle-of-armageddon-only-a-spiritual-idea/

4. https://www.gotquestions.org/battle-Armageddon.html

5. https://billygraham.org/answers/what-is-the-battle-of-armageddon

6. https://en.wikipedia.org/wiki/Battle_of_Megiddo_(15th_century_BC)