नेता र अगुवाको बीचको भिन्नता

 

१. शक्ति र उद्देश्य 

नेता प्रायः शक्तिद्वारा प्रेरित हुन्छ । नेताले कहिलेकाहीँ अरूको सेवा गर्ने स्पष्ट दृष्टिकोण बिना पद वा अधिकार खोज्छ ।

अगुवा उद्देश्यद्वारा प्रेरित हुन्छ । ऊसँग दृष्टिकोण हुन्छ, लक्ष्यको भावना हुन्छ, र उसले अरूको सेवा र सशक्तिकरण गर्न खोज्छ ।

२. अल्पकालीन लक्ष्यहरू र दीर्घकालीन दृष्टिकोण 

नेताले चुनावदेखि चुनावसम्मको छोटो अवधिको सोच हुन्छ, पदमा रहन वा अनुग्रह प्राप्त गर्नमा केन्द्रित हुन्छ । नेताहरू अर्को चुनावको बारेमा मात्र चिन्तित छन् ।

अगुवाले पुस्तागत रूपमा सोच्दछ । तिनीहरू भविष्यको लागि निर्माण गर्छन्, विरासत सिर्जना गर्ने लक्ष्य राख्छन् । अगुवाहरू अर्को पुस्ताको बारेमा चिन्तित हुन्छन् ।

३. स्वार्थ र सेवा 

नेता प्रायः आफ्नो स्वार्थ वा आफ्नो पार्टीको स्वार्थ हेर्दै सेवा पाउन खोज्छ ।

अगुवा अरूको सेवा गर्न र मानिसहरूको जीवनमा परिवर्तन ल्याउन खोज्छ ।

४. लोकप्रियता संचालित र सिद्धान्त संचालित 

नेता लोकप्रियता र जनमतबाट निर्देशित हुन्छ । उनीहरूले भोट वा समर्थन प्राप्त गर्न पद परिवर्तन गर्न सक्छन् ।

अगुवा सिद्धान्त, मूल्यमान्यता र इमानदारीद्वारा निर्देशित हुन्छ । तिनीहरू अलोकप्रिय भए पनि सही कुरा गर्छन् ।

५. बनेको र जन्मेको 

नेतालाई तालिम दिन वा नियुक्त गर्न सकिन्छ, तर त्यसले उनीहरूलाई साँचो अगुवा बनाउँदैन । यसकारण नेताहरू, अगुवा हुन सक्दैनन् !

अगुवाहरू क्षमता लिएर जन्मेका हुन्छन् तर तिनीहरूलाई विकसित गर्नुपर्छ । ती सबैसँग नेतृत्व क्षमता हुन्छ ।

६. कार्यक्रमहरू र दर्शन

नेता कार्यक्रमहरूमा ध्यान केन्द्रित गर्दछ । 

अगुवा दर्शनमा ध्यान केन्द्रित गर्दछ ।

७. अर्को चुनावको सुरक्षा र अर्को पुस्ताको सुरक्षा

नेताको प्राथमिकता अर्को चुनाव सुरक्षित गर्नु हो । 

अगुवाको प्राथमिकता अर्को पुस्ता सुरक्षित गर्नु हो ।

८. वाचा र उद्देश्य

नेता वाचाहरूमा व्यस्त हुन्छ । तिनीहरू वाचाहरूमा अल्झिएका हुन्छन्, त्यसैले उनीहरू वाचा गरिरहन्छन् ।

अगुवा उद्देश्य तथा लक्ष्य प्राप्तिमा व्यस्त हुन्छ ।

९. पद जोगाउने र पद प्रतिस्थापन

नेताले आफ्नो राजनीतिक पद जोगाउने बारेमा सोच्दछ । 

अगुवाले आफ्नो पद लिनको लागि प्रतिस्थापन तयार गर्ने बारेमा सोच्दछ ।

१०. आफ्नो पुस्ता र अर्को पुस्ता

नेताले आफ्नो पुस्तामाथि शक्ति खोज्छ । 

अगुवाले अर्को पुस्तालाई सशक्त बनाउन खोज्छ ।

* राष्ट्रहरूलाई नेताहरू होइन, तर अगुवाहरू चाहिन्छ ।

* तपाईंले कसलाई पछ्याउँदै हुनुहुन्छ ? नेता या अगुवा ??

* “नेतृत्व नियन्त्रणको बारेमा होइन तर सेवाको बारेमा हो । यो हेरफेरको बारेमा होइन तर प्रेरणाको बारेमा हो । साँचो अगुवाहरूले अनुयायीहरू खोज्दैनन्; तिनीहरू अरूलाई अगुवा बन्न प्रेरित गर्छन् ।” - डा. माइल्स मुनरो

* सेवक हृदयको साथ नेतृत्व गर्नुहोस् ।

यस चुनावमा नेताहरूले तपाईंको भोट माग्दा सोध्नुपर्ने प्रश्नहरू :

१. मेरा बच्चाहरूको लागि तपाईंको दृष्टिकोण के छ ?

 नेतासँग जवाफ हुनेछैन किनभने उसलाई तपाईंका छोराछोरीका छोराछोरीहरूमा कुनै चासो छैन । नेता केवल सत्तामा रहन, पद जोगाउन र अर्को चुनाव जित्न मात्र चिन्तित हुन्छ ।

२. हाम्रो देश तथा समाजको लागि तपाईंको उद्देश्य र जोश के हो ?

३. नेतृत्वका सिद्धान्तहरू के के हुन्, जसलाई तपाईंले भविष्यमा उल्लङ्घन गर्नुहुने हुनेछैन ?

* भोट एउटा भरोसा हो र भरोसाको बारेमा पक्कै पनि प्रश्न उठ्नेछ !

* के तपाईंले चुनावमा नेताहरूले भोट माग्न आउँदा प्रश्नहरु सोध्नुहुनेछ ?

Sources :

1. https://www.facebook.com/100026399614923/posts/877613063128673/?app=fbl

2. https://www.facebook.com/100056995815919/posts/1206120737964442/?app=fbl

3. https://www.facebook.com/share/v/1Dpfj8MMuu/

4. https://taxila.in/blog/top-10-best-qualities-for-great-leader/

5. https://share.google/1PtHfryMhhsjSCJVc