येशू ख्रीष्टको बारेमा महत्त्वपूर्ण भनाईहरू

जन्म :

१. “उहाँ जसले मानिस बनाउनुभयो, उहाँ स्वयं मानिस बन्नुभयाे ।” - चार्ल्स स्पर्जन

२. “मानिसका पुत्रहरू परमेश्वरका पुत्रहरू बन्न सकून भनेर परमेश्वरको पुत्र मानिसको पुत्र हुनुभयो ।” - सी. एस. लुइस 

३. “येशू खराब मानिसहरूलाई असल बनाउन संसारमा आउनुभएन । उहाँ मरेका मानिसहरूलाई जीवित बनाउन संसारमा आउनुभयो !” - लियोनार्ड रेभेनहिल

४. “येशू विदा दिन आउनुभएन । उहाँ पापीहरूको लागि मर्नको लागि जन्मनुभएको थियो ।” - स्टीव लसन

५. “इतिहासमा हजारौं पटक, एउटा बालक राजा बनेको छ... तर एक पटक मात्र राजा बालक बन्नुभएको छ ।” - डेरिक जोन्सन

६. “जन्मेको बालक, क्रुसमा टाँगिएको ख्रीष्ट हुनुहुन्छ । रोइरहेको बालक, ‘यो समाप्त भयो’ भनी कराउनुहुने ख्रीष्ट हुनुहुन्छ । सुतिरहेको बच्चा, मृत्युबाट बौरी उठ्नुहुने ख्रीष्ट हुनुहुन्छ । ख्रीष्टको क्रुस र पुनरुत्थान बिना क्रिसमसको सुसमाचार अपूर्ण छ ।” - डस्टिन बेन्ज

७. “संसारमा सबै क्रिसमस उपहारहरू ख्रीष्टको उपस्थिति बिना कुनै मूल्यवान छैनन ।” - डेभिड यर्मिया

८. “हामीले क्रिसमसमा त्यो बच्चाको जन्म होइन, तर स्वयं परमेश्वरकाे देहधारणकाे बारेमा खुशीयाली मनाउँछौं ।” - रा. सी. स्प्रोल 

९. “ख्रीष्टको जन्मले परमेश्वरलाई मानिस कहाँ ल्यायो, ख्रीष्टको क्रुसले मानिसलाई परमेश्वर कहाँ ल्यायो ।”

१०. “२००० वर्षकाे इतिहासमा हाम्रो प्रभु र मुक्तिदाता येशू ख्रीष्टको जन्मले संसारमा जति प्रभाव पारेको छ, त्यति प्रभाव अरू कुनै जन्मले पारेको छैन ।”

११. “जब येशू पृथ्वीमा हुनुहुन्थ्यो, उहाँसँग कुनै पनि कुराकाे स्वामित्व थिएन । तर एकदिन, सबै कुराहरू ख्रीष्टको हुनेछ। सबै मानिसहरू, स्वर्गदूतहरू र ब्रह्माण्डका सबै शक्तिहरू उहाँको सामु झुक्नेछन ।”

१२. “म येशूमा विश्वास गर्दछु, किनभने यो बालकले मेरो जीवन परिवर्तन गर्यो । उहाँले मलाई मेरो सबैभन्दा अँध्यारो घडीमा आशा दिनुभयो । उहाँले मलाई नरकमा अनन्तकालबाट बचाउनुभयो । उहाँ मेरो मुटु भित्र बस्नुहुन्छ । उहाँ मेरो सबैभन्दा मिल्ने साथी हुनुहुन्छ !”

१३. “हरेक गलतलाई सहीमा परिणत गर्न येशूको जन्म भएको हो ।”

१४. “क्रिसमस रूखमुनि भएको उपहारहरूको बारेमा होइन तर रूखमा टाँगिनु भएको येशू उपहार बारेमा हाे । सत्य यो हो कि मानिसहरूले क्रिसमसलाई येशू ख्रीष्ट भन्दा बढी माया गर्छन ।”

१५. “मानिस चन्द्रमामा हिँड्दा इतिहासको सबैभन्दा महान क्षण थिएन, तर जब परमेश्वर पृथ्वीमा हिँड्नु भयो त्यो इतिहासको सबैभन्दा महान क्षण थियोे ।”

मृत्यु :

१६. “येशू शहीदको रूपमा मर्नुभएन, न त उदाहरणको रूपमा, तर प्रतिस्थापनको रूपमा मर्नुभयो ।” - एलेस्टर बेग

१७. “क्रुस एउटा पुलपिट थियो, जसमा ख्रीष्टले संसारलाई आफ्नो प्रेमको प्रचार गर्नुभयो ।” - अगस्टिन

१८. “आदमको पापद्वारा, सबै मानिसहरूलाई दोष लगाइन्छ । ख्रीष्टको आज्ञाकारिताद्वारा, धार्मिकता सबै विश्वासीहरूलाई लगाइन्छ ।” - रड रोजेनब्लाड

१९. “‘क्रुसबाट तल आउनुहोस...’ भन्दै अविश्वासीहरूको भीडले कलवरीमा उहाँलाई गिल्ला गरे । उहाँले त्यो चमत्कार प्रदर्शन गर्न सक्नुहुन्थ्याे । तर उहाँलाई सुरु देखि अन्त थाहा थियो र उहाँ पिताको योजना प्रति वफादार हुन चाहानु हुन्थ्यो । त्यो उदाहरण हामीबाट हराउनु हुँदैन ।” - एल्डर रासबन्द

२०. “उहाँ (येशू ख्रीष्ट) हाम्रो बलिदान, हाम्रो मुक्तिदाता, हाम्रो विकल्प, हाम्रो निश्चय, हाम्रो शिर, हाम्रो साथी, हाम्रो प्रभु, हाम्रो जीवन, हाम्रो सबै बन्न आउनुभयाे ।” - चार्ल्स एच स्पर्जन

२१. “परमेश्वरले क्रूसमा आफ्नो प्रेम प्रमाणित गर्नुभयो । जब ख्रीष्ट झुण्डिनुभयो, रगत बगाउनुभयो र मर्नुभयो, त्यो परमेश्वरले संसारलाई भन्नुभएको थियो, ‘म तिमीलाई माया गर्छु’ ।” - बिली ग्राहम

२२. “ख्रीष्टले मात्र न्याय सन्तुष्ट गर्नुभयो । ख्रीष्टले मात्र  क्रोधलाई फर्काउनुभयो । ख्रीष्टले मात्र पापलाई जित्नुभयो । ख्रीष्टले मात्र मृत्युलाई पराजित गर्नुभयो । ख्रीष्टले मात्र स्वर्ग खोल्नुभयो । ख्रीष्टले मात्र बाटो हुनुहुन्छ ।” - डस्टिन बेन्ज

२३. “उहाँको [येशू] प्रारम्भिक तीस वर्षमा, उहाँलाई गिरफ्तार गरियो, यातना दिइयो र दुई अपराधीहरूसँग क्रूसमा टाँगियो । उहाँको मृत्यु कथाको अन्त्य भएको हुन सक्छ, तर त्यसपछि पुनरुत्थान आयो र यससँगै ख्रीष्टियन विश्वासको जग खडा भयो ।” - रानी एलिजाबेथ द्वितीय

२४. “जब हामी परमेश्वरको अनुहार हेर्छौं, तब हामी उहाँको महिमालाई देख्छौं, तर जब हामी क्रसलाई हेर्छौं, तब हामी उहाँको हृदयलाई देख्छौं ।”

बाइबल :

२५. “बाइबल एउटै पुस्तक हो, जुन एक लेखकद्वारा लेखिएको, एउटै विषय येशू ख्रीष्ट हुनुहुन्छ र परमेश्वरले मुक्ति उहाँद्वारा प्रदान गर्नुहुन्छ ।” - एलिस्टेयर बेग

२६. “हामी बाइबलकाे सबै पुस्तकहरूमा येशू ख्रीष्टलाई भेट्टाउँछौं । पुरानो नियममा उहाँको बारेमा भविष्यवाणी गरिएको छ, सुसमाचारहरूमा उहाँ प्रकटलाई गरिएको छ, प्रेरितहरूमा उहाँलाई प्रचार गरिएको छ, पत्रहरूमा उहाँलाई व्याख्या गरिएको छ, र प्रकाशमा उहाँको आशा गरिएको छ ।” - एलिस्टेयर बेग 

२७. “सबै बाइबल अध्ययनको अन्तिम लक्ष्य ज्ञानको बृद्धि होइन तर पवित्रता र ख्रीष्ट समानतामा बृद्धि हो ।” - जोन म्याकार्थर

२८. “मलाई बाइबलका सबै सिद्धान्तहरू थाहा हुन सक्छ, तर जबसम्म मैले ख्रीष्टलाई चिनेको छैन, तब त्यहाँ मलाई कसैले बचाउन सक्ने छैन ।” - चार्ल्स एच स्पर्जन

स्वर्ग र नरक :

२९. “येशू ख्रीष्टको नाम नरकको आतंक, स्वर्गको आनन्द र पृथ्वीको आशा हो ।” - चार्ल्स स्पर्जियन चार्ल्स

३०. “ख्रीष्टले नरकको खतरा हटाउनुभयो र हामीलाई स्वर्गको आशा दिनुभयो ।” - जोन म्याकआर्थर

३१. “हामी एकसाथ ‘ख्रीष्टको दुलही’ र ‘शैतानको प्रेमिका’ हुन सक्दैनौं ।” - टाभ्रस ग्रे

३२. “येशु ख्रीष्ट क्रूसमा उहाँको मृत्युद्वारा हाम्रा लागि स्वर्गको ढोका खोलिदिनुभयो ।” - बिली ग्राहम

३३. “येशू स्वर्गको लागि राम्रो बाटो होइन, न त उत्तम बाटो हो । तर उहाँ मात्रै स्वर्ग जाने बाटो हुनुहुन्छ ।” - स्टीभ लवसन

ईश्वरत्व :

३४. “कसैले पनि परमेश्वरलाई देखेको छैन, तर जब येशू ख्रीष्ट आउनुभयो उहाँले हामीलाई परमेश्वर कस्तो हुनुहुन्छ भनेर देखाउनुभयो ।” - ए. डब्ल्यू. टोजर

३५. “ईश्वरत्व घटाएर होइन, मानवता थपेर परमेश्वर मानिस हुनुभयो ।” - एलस्टर बेग 

३६. “ख्रीष्टको जन्मको अर्थ परमेश्वरले हामीलाई हाम्रो पापमा छोड्न इन्कार गर्नुभयो ।” - डस्टिन बेन्जे

३७. “जब येशू मरियममा गर्भवती हुनुभयो, परमेश्वर मानव जातिमा प्रवेश गर्नुभयो । अनन्त ईश्वरत्व पापरहित मानवतासँग जोडिनु भयाे । नम्रताकाे साथमा सार्वभौमसत्ता । कमजोरीकाे साथमा सर्वशक्तिमान । अचम्मको अद्भुत !” - स्टिभन लसन

३८. “मृत्युले येशू मानव हुनुहुन्थ्यो भन्ने प्रमाण थियो । पुनरुत्थानले उहाँ परमेश्वर हुनुहुन्छ भन्ने प्रमाण थियो ।”

सुसमाचार :

३९. “युवाहरूलाई भन्नुहोस, गरिबहरूलाई भन्नुहोस, बृद्धहरूलाई भन्नुहोस, अज्ञानीहरूलाई भन्नुहोस, बिरामीहरूलाई भन्नुहोस, मर्न लागेकाहरूलाई भन्नुहोस, तिनीहरू सबैलाई ख्रीष्टको बारेमा सबै बताउनुहोस ।” - जे. सी. रायल

४०. “यदि तपाईंको हृदय ख्रीष्टलाई नचिनेका मानिसहरूको लागि दुख्दैन भने, तपाईं स्वयंले ख्रीष्टलाई नचिनेको हुन सक्छ ।” - बर्क पार्सन्स

४१. “यदि येशू ख्रीष्टले तपाईंलाई बाइबल अनुसार जिउन उत्प्रेरित गर्न पर्याप्त बल दिँदैन भने, तपाईंले उहाँलाई अझैसम्म पुर्णतः चिन्नुहुन्न ।” - पाउल वाशर

४२. “ख्रीष्ट बाहिर, म केवल एक पापी हुँ तर ख्रीष्टमा, म मुक्ति पाएको व्यक्ति हुँ । ख्रीष्ट बाहिर, म खाली छु तर ख्रीष्टमा, म पूर्ण छु । ख्रीष्ट बाहिर, म कमजोर छु तर ख्रीष्टमा, म बलियो छु ।

ख्रीष्ट बाहिर, म सक्दिन तर ख्रीष्टमा, म सक्षम छु । ख्रीष्ट बाहिर, म पराजित भएको छु तर ख्रीष्टमा, म पहिले नै विजयी छु । ख्रीष्टमा, यी शब्दहरू कति अर्थपूर्ण छन । उहाँको मृत्युलाई हाम्रो मृत्युको रूपमा स्वीकार गरेर हामी प्रभुसँगको सम्बन्धमा प्रवेश गर्छौं ।” - वाचम्यान नी

४३. “येशूले आफ्नो सिद्ध जीवन सिद्ध बलिदानको रूपमा सिद्ध तरिकाले परमेश्वरको सिद्ध क्रोधलाई पूर्ण रूपमा सन्तुष्ट पार्नको लागि दिनुभयो ।” - जस्टिन पीटर्स

४४. “हरेक घुँडा येशूकाे अघि झुक्नेछ । कि त यो जीवनमा प्रभु र मुक्तिदाताको रूपमा वा भविष्यमा अभियोजक र न्यायाधीशको रूपमा । तर हरेक त घुँडा झुक्नेछ ।” - स्टिभन लसन

४५. “येशू बहस जित्न आउनुभएन, उहाँ आफ्ना मानिसहरूलाई जित्न आउनुभयो । येशुले कुनै प्रश्नको जवाफ दिनुभएन, उहाँले व्यक्तिलाई जवाफ दिनुभयो । येशूले कहिल्यै तर्क जित्न खोज्नुभएन, उहाँले व्यक्तित्व जित्न खोज्नुभयाे ।” - रवि जकारियास 

४६. “यदि तपाईंले उहाँको बारेमा अरूलाई बताउनुभएको छैन भने तपाईंले वास्तवमा येशूलाई कहिल्यै भेट्टाउनुभएको छैन ।” - चार्ल्स एच स्पर्जन

४७. “यदि तपाईंले वर्षको अन्य ११ महिनाको तुलनामा डिसेम्बरमा येशूको बारेमा धेरै कुरा गर्नुभयो भने, तपाईं एक मनताताे ‘क्रिश्चियन’ हुन सक्नुहुन्छ ।”

४८. “ख्रीष्ट पापबाट मुक्त गर्ने मुक्तिदाता हुनुहुन्छ, तर  पाप गर्नकाे लागि मानिसको मुक्तिदाता हुनुहुन्न ।” - जे. सी. राइल

 

४९. “प्रभु येशू, तपाईं मेरो धार्मिकता हुनुहुन्छ, म तपाईंको पाप हुँ । तपाईंले जे मेरो थियो त्यो तपाईंमा लिनुभयो तर जे तपाईंको थियो त्यो मलाई राख्नुभयो । ताकि तपाईंं जे हुनुहुन्थ्यो, त्यो म बन्न सकूँ ।” - मार्टिन लुथर

५०. “येशूले दयाविना क्रोधको कचौरा पिउनुभयो, ताकि हामीले क्रोधविना दयाको कचौरा पिउन सकौं ।” - जे ओस्वाल्ड स्यान्डर्स

५१. “ख्रीष्ट प्राप्त गर्नुहोस र सबै प्राप्त गर्नुहोस, ख्रीष्ट गुमाउनुहाेस र सबैलाई गुमाउनुहाेस ।” - थोमस ब्रुक्स

५२. “येशू ख्रीष्टमा हामी अनन्तकालदेखि चुनिएका छौं, ठिक समयमा स्वीकार गरिएका छौं, र अनन्तकालको लागि एकताबद्ध भएका छौं ।” - डाइट्रिच बोनहोफर

५३. “क्रुस इजरायलले तिनीहरूको भविष्यवाणी गरिएको मसीहलाई अस्वीकार गरेको प्रमाण हो ।

तर हाम्रो लागि यो क्रुस हाम्रो मुक्तिको लागि महिमित सुसमाचार हो ।” - जस्टिन जोनसन

५४. “येशूलाई मर्न कसले सुम्पियो ? पैसाको लागि यहुदा होइन, डरको कारणले पिलातस होइन, ईर्ष्याको लागि यहूदी होइन, तर पिताकाे प्रेमको कारणले हाे ।” - जोन म्याकार्थर

५५. “यदि तपाईंसँग अरूलाई स्वर्गमा ल्याउने कुनै इच्छा छैन भने, तपाईं आफैं त्यहाँ जाँदै हुनुहुन्न ।” - चार्ल्स स्पर्जन

 

५६. “धेरै कुराहरूमा (भाषा, संस्कृति, भेषभुषा, रूपरङ्ग, रहनसहन र खानपान) पुर्वेली र पश्चिमेली मानिसहरूमा निकै भिन्नताहरू छन, तर एउटा कुरामा विश्वका सबै मानिसहरूमा समानता छ, र त्यो समानता हाे - ‘हाम्राे पापी स्वभावकाे अवस्था !’ हामी सबैलाई यही पाप र पाप स्वभावबाट छुटकारा गर्ने वाला उद्दारकर्ता प्रभु येशू ख्रीष्टकाे आवश्यकता छ !” - वाचमैन नी

५७. “ख्रीष्ट परमेश्वरका पुत्र हुनुहुन्छ जो पापीहरूको छुटकाराको लागि मर्नुभयो र तीन दिन पछि पुनरुत्थान हुनुभयो । यो ब्रह्माण्डको सबैभन्दा ठूलो सत्य हो । म ख्रीष्टमा मेरो विश्वासको कारण मर्छु ।” - वाचम्यान नी

५८. “यदि मैले आफैलाई जाँचें भने, म आफैलाई पुर्णतया अपवित्र पाउँछु र यस कुराले मलाई स्तब्ध पार्छ ।

तर जब म आफै भित्र ख्रीष्टलाई हेर्छु, तब म पूर्णतया पवित्र छु भनी पाउँछु ।” - मार्टिन लुथर

५९. “येशू ख्रीष्टलाई चिन्नु जीवनको सबैभन्दा ठूलो आनन्द हो, उहाँलाई पछ्याउनु हाम्रो सबैभन्दा ठूलो खोज हाे, उहाँको महिमा गर्नु हाम्रो सबैभन्दा ठूलो लक्ष्य हो ।” - स्टिभन लसन

६०. “प्रभु येशू ख्रीष्टको सुसमाचार बाहेक संसारको रोगहरूको कुनै उपचार छैन ।” - जोसेफ फिल्डिंग स्मिथ

६१. “यदि येशूले तपाईंको जीवन परिवर्तन गर्नुभएको छैन भने, तपाईंले भेट्नुभएको येशू अर्को येशू हुनुहुन्थ्यो ।” - स्टीवन लसन

६२. “...ती राष्ट्रहरू मात्र धन्य हुन्छन् जसका परमेश्वर परमप्रभु हुनुहुन्छ ।” - अब्राहम लिंकन

 

६३. “सत्य चाहने जो कोही पनि येशूकहाँ पुग्छ ।” - जोनी केस

६४. धर्मले भन्छ, “यदि पहिले तिमीले आफ्नाे जीवनलाई बदल्याै भने हामीसँग जाेडिन सक्छौ ।”

येशूले भन्नुहुन्छ, “म कहाँ आऊ, मलाई पछ्याऊ र मैले तिम्रो जीवनलाई बढल्नेछु ।”

६५. “क्रूसमा टाँगिएको थुमामा विश्वास गर्नेहरू, न्यायकाे दिनमा सिंहकाे सामना गर्नुपर्दैन ।”

६६. “यदि तपाईंले आदमबाटकाे मूल पापलाई स्वीकार गर्नुहुन्न भने, तपाईंले येशू ख्रीष्टबाट प्राप्त धार्मिकतालाई पनि दावी गर्न सक्नुहुनेछैन !”

६७. “मानिस आफ्नो सर्वश्रेष्ठ रूपमा तब फर्कन सक्छ, जब ऊ बाइबल र येशू ख्रीष्टसँग सम्बन्ध जाेड्नमा सफल हुँदछ !”

दाेस्राे आगमन :

६८. “हाम्रो आशा संसारलाई बनाउनुमा छैन, तर हाम्रो आशा येशू ख्रीष्टको दाेस्राे आगमनमा छ ।” - जोन म्याकार्थर

६९. “येशूको पहिलो आगमनमा, उहाँ संसारको सामु परीक्षणमा खडा हुनुभयो । उहाँको दोस्रो आगमनमा, संसार उहाँको सामु परीक्षणमा खडा हुनेछ ।” - स्टीव लसन

७०. “पहिलो पटक उहाँ आउनुभएपछि उहाँको लागि कुनै ठाउँ थिएन । दाेस्राे पटक उहाँ आउनुभयो भने सारा संसारले उहाँको महिमा राख्न सक्नेछैन ।” - जोन म्याकआर्थर

७१. “तपाईंले ख्रीष्टलाई जति धेरै प्रेम गर्नुहुन्छ, त्यति नै तपाईंले यस दुष्ट संसारलाई घृणा गर्नुहुनेछ ।” - स्टिभन लसन

७२. “रुसी भालु गुर्राउँन सक्छ, चिनियाँ ड्र्यागनले आगो फाल्न सक्छ तर चाँडै र चाँडै हामीले यहूदाको सिंहको गर्जन सुन्नेछौं !” - डे वेट स्टेन

७३. “येशू हिजो मर्नुभयो, आज बिहान उठ्नुभयो, र आज दिउँसो फर्केर आउनुभएको जस्तो जीवन बिताउनु पर्छ ।” - एड्रियन रोजर्स

७४. “ख्रीष्ट हिजो मर्नु भयो, आज चिहानबाट बौरी उठ्नु भयो र भोलि फर्केर आउनुभएको जस्तो जीवन बिताउनुहोस ।” - थियोडोर एप

७५. “ख्रीष्ट हिजो मर्नुभयाे, आज बिहान उठ्नुभयाे र भोलि फर्केर आउँदै हुनुहुन्छ झैं प्रचार गर्नहाेस र जिउनुहोस ।” - मार्टिन लुथर

७६. “जहाँ आज नीरोले शासन गर्छन्, त्यहाँ ख्रीष्टले सधैंभरि शासन गर्नुहुनेछ !" - पत्रुस (येशूकाे चेला)

७७. “येशूको राज्य जनताले अपेक्षा गरेको जस्तो थिएन । उहाँले ‘परमेश्वरको राज्य’ भन्ने वाक्यांशलाई फरक अर्थमा प्रयोग गर्नुभयाे । उहाँको राज्य यस संसारको थिएन [यूहन्ना १८:३६]। यो संसारका राज्यहरू जस्तो थिएन । यो परमेश्वरको राज्य थियो, एक अलौकिक(आत्मिक) राज्य ! यो धेरै मानिसहरूको लागि अदृश्य थियो [यूहन्ना ३:३३], यो पवित्र आत्मा बिना बुझ्न वा अनुभव गर्न सकिँदैन [पद ६]। परमेश्वर आत्मा हुनुहुन्छ, र परमेश्वरको राज्य एक आत्मिक राज्य हो ।” - टम हारपर

७८. “हाम्रो आशा नयाँ वर्षमा होइन, तर सबै कुरा नयाँ बनाउनुहुनेमा छ ।” 

७९. “जब येशु फर्किन्छन् तब हरेक सेलिब्रेटी नामहीन हुनेछन्, हरेक करोडपति पेनिलेस हुनेछन्, हरेक राजनीतिज्ञ शक्तिहीन हुनेछन् !”

सेवक :

८०. “मुक्ति सित्तैमा छ तर ख्रीष्टलाई पछ्याउनको लागि तपाईंले ठुलो मुल्य तिर्नुपर्नेछ ।” - स्टीव लसन

८१. “तिनीहरूले हाम्रा मालिकलाई काँडाको मुकुट दिए, हामी किन गुलाबको मुकुटको आशा गर्छौं ?” - मार्टिन लुथर

८२. “हामीलाई अरू ख्रीष्टियानहरू जस्तै बन्न बोलाइएको छैन, तर हामीलाई ख्रीष्ट जस्तै हुन बोलाइएको छ ।” - स्टेसी एल. सान्चेज

८३. “यदि तपाईं येशू जस्तै बन्न चाहनुहुन्छ भने, सम्झनुहोस्, उहाँसँग उजाडस्थान थियो, गेतसमनी थियो र यहूदा थियो ।” - लियोनार्ड रेभेनहिल

८४. “येशूलाई पछ्याउनको लागि मेरो धेरै सिकाइले आफैलाई नपछ्याउन सिकेको छु ।” - बर्क पार्सन्स

वैज्ञानिक :

८५. एक नास्तिकले एकपल्ट मलाई भने, “तिम्रो परमेश्वर किन आउँनुहुन्न र हामीलाई शारीरिक रूपमा आफूलाई देखाउनुहुन्न ?” 

मैले जवाफ दिएँ, “उहाँले त्यस्तै गर्नुभयो र उनीहरूले उहाँलाई क्रुसमा टाँगे ।” - केन हाम

८६. “पुरानो नियममा येशू ख्रीष्टमा पूरा भएको मसीहको ३०० भन्दा बढी सन्दर्भहरू छन् । यी भविष्यवाणीहरू मध्ये केवल ८ मा सम्भावनाको विज्ञान प्रयोग गरेर गणनाहरूले सबै ८ भविष्यवाणीहरू १० (१७ औं शुन्य), वा १०० क्वाड्रिलियन (१ पछि १५ शून्य) मा १ पूरा गर्न सक्ने सम्भावना देखाउँदछ ।” - फ्रिट्ज रिडेनौर 

८७. “आफ्नो दुष्टता नजानेर परमेश्‍वरलाई चिन्नुले घमण्डी बनाउँछ । परमेश्‍वरलाई नचिनेर हाम्रो आफ्नै दुष्टता जान्‍दा निराश बनाउँछ । येशू ख्रीष्टलाई चिन्नुले सन्तुलनलाई प्रहार गर्दछ किनभने उहाँले हामीलाई परमेश्वर र हाम्रो आफ्नै दुष्टता देखाउनुहुन्छ ।” - ब्लेस पास्कल

८८. “म येशू ख्रीष्टमा विश्वास गर्छु जसरी म सूर्यमा विश्वास गर्छु, किनभने म यसलाई देख्न सक्छु भनेर होईन, तर यसको माध्यमबाट म अरू सबै कुरा देख्न सक्छु ।” - सी. एस. लुईस

८९. “येशू हामीलाई जीवनका प्रश्नहरूको जवाफ बताउन आउनुभएन, तर उहाँ स्वयं जवाफ बनेर आउनुभयो ।” - तिमोथी केलर

९०. “म एक ख्रीष्टियन हुँ, भन्नुको अर्थ येशू ख्रीष्टको ईश्वरत्वमा विश्वास गर्नु हाे ।” - अगस्टिन लुइस काउची

९१. “हामी पतनको कारणले मरिरहेका छौं । र हाम्रो एक मात्र आशा ख्रीष्ट हुनुहुन्छ ।” - जोन सी. सानफोर्ड 

९२. “प्रत्येक जसको विश्वास छ, येशू परमेश्वरको पुत्र हुनुहुन्छ भन्ने व्यक्तिगत विश्वास छ, उसँग अनन्त जीवन छ, ऊ सधैंभरि बाँच्नेछ ।” - डोनाल्ड नुथ

९३. “म विश्वास गर्छु कि येशू ख्रीष्ट स्वर्गका बादलहरू लिएर संसारलाई धार्मिकतामा न्याय गर्न आउनुहुनेछ र उहाँमा विश्वास गर्नेहरूले परमेश्वरको अनुग्रहद्वारा अनन्त जीवनको उत्तराधिकारी हुनेछन् ।” - एडवर्ड डब्ल्यू. मोर्ली

९४. “यस संसारमा ख्रीष्टको मिसनको ईश्वरीयतामाथि प्रश्न उठाउन सकिँदैन । यो स्थापित सत्य हो कि ख्रीष्ट मृत्युबाट बौरी उठ्नुभएको छ । हामी सुसमाचारमा दिइएका सबै प्रतिज्ञाहरूमा पूर्ण रूपमा भरोसा गर्न सक्छौं ।” - लियोनहार्ड युलर

९५. “मानव जातिको मुक्तिको लागि... परमेश्वरमा, उहाँको अधिकारमा, ख्रीष्टको सिद्धान्तको सत्यतामा भविष्यको जीवनमा विश्वास गर्नुहोस् ।” - एन्ड्रे-मारी एम्पेरे

९६. “येशूले भन्नुभयो, एउटा नयाँ जन्म लिनुपर्छ, सानो बालकको रूपमा बन्नुपर्छ । तपाईंले कुनै पनि आलस्य, कुनै डर, कुनै पनि हठले तपाईंलाई आफ्नो कर्तव्यबाट टाढा राख्नु हुँदैन ।” - जर्ज वाशिंगटन कार्भर

९७. “...येशू परमेश्वर र मानिस दुवै हुनुहुन्छ । यो एक मात्र समाधान हो जुन अर्थपूर्ण छ ।” - जोन कार्सन लेनोक्स

९८. “सुन्दर शरद ऋतुको दिनमा उत्तरपश्चिममा पैदल यात्रा गर्दै मेरो मन पहिलेभन्दा अलि बढी सफा भयो... म [येशू ख्रीष्टमा] विश्वासी भएँ ।” - फ्रान्सिस कोलिन्स

९९. “... मृत्युले न्यायको विचार ल्याउँछ, यसले उहाँ [येशू ख्रीष्ट] को बारेमा ख्रीष्टियन विचारलाई पनि ल्याउँछ जो मर्नुभयो, र उहाँमा विश्वास गर्नेहरूको धर्मी ठहर्‍याउनको लागि फेरि जीवित हुनुभयो ।” - माइकल फराडे 

१००. “हरेक मानिसको हृदयमा परमेश्वरले आकार दिनुभएको रिक्तता हुन्छ, जुन केवल परमेश्वरले आफ्नो पुत्र येशू ख्रीष्ट मार्फत भर्न सक्नुहुन्छ ।” - ब्लेज पास्कल

१०१. “हाम्रो मुक्तिको लागि जतिसुकै जान्नु आवश्यक भए पनि, सुसमाचार (येशू ख्रीष्टकाे सन्देश) ले मानिसको मुक्तिको सम्पूर्ण रहस्यलाई साँच्चै समेट्छ र उजागर गर्छ ।” - रोबर्ट बोयल

१०२. “परमेश्वर एउटै हुनुहुन्छ, पिता, सदा जीवित, सर्वव्यापी, सर्वशक्तिमान, सर्वशक्तिमान, स्वर्ग र पृथ्वीको निर्माता, र परमेश्वर र मानिसको बीचमा एउटै मध्यस्थकर्ता, मनुष्य ख्रीष्ट येशू...।” - सर आइज्याक न्यूटन

१०३. “म एक ख्रीष्टियन हुँ... म विश्वास गर्छु... येशू ख्रीष्टको सेवामा मात्र... उहाँमा नै सबै शरणस्थान, सबै स्रोत छ ।” - जोहान्स केप्लर

१०४. “जति म प्रकृतिको अध्ययन गर्छु, त्यति नै म सृष्टिकर्ताको काममा छक्क पर्छु । उहाँको सबैभन्दा सानो प्राणीमा, परमेश्वरले असाधारण गुणहरू राख्नुभएको छ...।” - लुइस पास्टर

अन्य मानिसहरूको भनाई 

१०५. “म एक मानिसलाई चिन्छु र म तपाईंलाई भन्छु कि येशू ख्रीष्ट केवल मानिस होइन । उहाँ र संसारका प्रत्येक व्यक्तिको बीचमा तुलनाको कुनै सम्भव शब्द छैन । अलेक्ज्याण्डर, सीजर, शार्लेमेन र मैले साम्राज्यहरू स्थापना गरेका छौं । तर हामीले हाम्रो प्रतिभाको सिर्जनालाई केमा विश्राम गर्यौं ? बल माथि । येशू ख्रीष्टले प्रेममा आफ्नो साम्राज्य स्थापना गर्नुभयो; र यस घडीमा लाखौं मानिसहरू उनको लागि मर्नेछन ।” - नेपोलियन बोनापार्ट

१०६. “येशू एक राजा हुनुहुन्छ जसले पीडा र मृत्युद्वारा जित्नुहुन्छ । यो जस्तो अर्को कुनै राज्य छैन ।” - किम रिडलबर्गर

१०७. “म र सिजर, अलेक्जाण्डर महान र राजा फ्रेडरिक महानजस्ता मानिसहरूले महान राज्यहरू स्थापना गर्न प्रयास गरेका छौं, तर असफल भएका छौं । गालिलीका सिकर्मी (येशू ख्रीष्ट) ले एउटा राज्य स्थापना गर्नुभएको छ जुन कहिल्यै बितिजानेछैन र ती सिकर्मीले मेरो हृदय जित्नुभएको छ ।” - नेपोलियन

१०८. “मैले जितेका सबै राज्यहरू एकपछि अर्को गर्दै पतन हुँदै गयो, तर नासरतका येशूले शुरु गर्नुभएको राज्य बढ्दै गयो र संसारलाई ढाक्यो ।” - नेपोलियन बोनापार्ट

१०९. “येशू ख्रीष्ट प्रत्येक मानिसमा जन्मनु पर्छ ।” - महात्मा गान्धी

११०. “यदि म येशू ख्रीष्टको समयमा जन्मेको भए म मेरो रगतले उहाँको पाउ धोइदिन्थें, किनकि जब ख्रीष्टले कसैको हृदयलाई छुनुहुन्छ, त्यो परिवर्तन हुन्छ, जीवनका सबै पक्षहरू नवीकरण र पवित्र हुन्छन् ।” - स्वामी विवेकानन्द (Njanadeepam Vol.4, Page 500)

१११. “मसीह, नासरतका येशू, बाइबलले भनेझैं, उज्यालो प्रकाश जस्तै पवित्र, थुमा जस्तै निर्दोष, आत्माको जीवनको अनन्त भोजन, सत्यका प्रभु, उहाँ निश्चित रूपमा यहूदीहरू र अन्य जातिका आध्यात्मिक गुरु र राजा हुनुहुन्छ ।” - राजा राममोहन राय (ब्रह्मसमाजका संस्थापक)

११२. “क्रूसमा येशूको मृत्यु कुनै दुर्घटना थिएन । यो मानव जातिको मुक्तिको लागि परमेश्वरले निर्णय गर्नुभएको थियो ।” - श्री राजगोपालाचारी

११३. “म येशूलाई अँगालो हाल्छु र स्वीकार गर्छु जसलाई मैले मेरो जीवनमा लामो समयसम्म अस्वीकार गरेको थिएँ ।” - डा. सि. ई. एम. जाेआड 

११४. “परमेश्वर र बाइबल बिना, कसैले पनि संसारलाई राम्रोसँग शासन गर्न सक्दैन ।” - जर्ज वाशिंगटन

११५. “नाजरथका येशूले पैसा र हतियार बिना, अलेक्जेन्डर, सीजर, मोहम्मद र नेपोलियनभन्दा लाखौंलाई जित्नुभयो; विज्ञान र सिकाइ बिना उहाँले सबै दार्शनिक र विद्वानहरू संयुक्त रूपमा मानव र ईश्वरीय चीजहरूमा बढी प्रकाश पार्नुभयो ।

विद्यालयको अध्ययन बिना, उहाँले जीवनका यस्ता शब्दहरू बोल्नुभयो जुन पहिले र पछि कहिल्यै नबोलेको थियो ।

वक्ता वा कविको पहुँचभन्दा बाहिर रहेको प्रभावहरू उत्पादन गर्नुभयो; एक पङ्क्ति नलेखी, उहाँले प्राचीन र आधुनिक समयका महापुरुषहरूको सम्पूर्ण सेनाको भन्दा धेरै प्रवचन, भाषण, छलफल, कलाकृतिहरू, सिकेका मात्राहरू र प्रशंसाका मीठा गीतहरूको लागि धेरै कलमहरूमा विषयवस्तुहरू जुटाउनुभयो ।” - फिलिप शाफ