येशू ख्रीष्टको जन्मको बारेमा चकित पार्ने तथ्यहरू

 येशूको जन्मको कथा सबैलाई थाहा छ । बेथलेहेमको त्यो शान्त रातको पछाडि लुकेका सत्यहरू छन् जुन प्रायः छुटेका हुन्छन्, तर गहिरो अर्थले भरिएका हुन्छन् ।

१. येशूको जन्म डिसेम्बरमा भएको थिएन । इतिहासकारहरूका अनुसार उहाँको जन्म गर्मी मौसममा भएको थियो जब गोठालाहरूले रातमा आफ्नो बगालको हेरचाह गर्थे । येशूको जन्म गर्मीको अन्त्य वा शरद ऋतुको सुरुमा (अर्थात् सेप्टेम्बरमा) भएको हुन सक्छ । अवश्य पनि, येशूको जन्म मनाउने परम्परागत मिति डिसेम्बर २५ हो ।

२. त्यो डूँड़ काठको सुन्दर कोक्रो थिएन । यो त ढुङ्गाले बनेको खुवाउने डूँड़ थियो, जसले उहाँको विनम्र सुरुवातलाई देखाएको थियो ।

३. बाइबलमा “पौवा” शब्दले सम्भवतः पाहुना कोठालाई बुझाउँथ्यो, होटललाई होइन । जसको अर्थ उहाँको परिवारले आफन्तहरूबाट पनि अस्वीकृतिको सामना गर्नुपरेको थियो ।

४. ज्ञानी मानिसहरूले बालक येशूलाई डूँड़मा भेट्न गएका थिएनन, तर महिनौं वा वर्षौं पछि गएका थिए ।

५. बेथलेहेमको तारा राजाको आगमनको घोषणा गर्न परमेश्वरले रच्नुभएको दुर्लभ आकाशीय घटना हुन सक्छ ।

६. मरियमको आज्ञाकारिताले मानव इतिहास परिवर्तन गर्‍यो । उनले “हुन्छ” भनिन् जबकि उनलाई “हुँदैन” भन्न सजिलो हुने थियो ।

७. यूसुफको मौन विश्वासले धेरै कुरा बोल्यो । कुनै रेकर्ड गरिएका शब्दहरू थिएनन्, केवल धार्मिकताका कार्यहरू थिए ।

८. गोठालाहरू सामाजिक रूपमा बहिष्कृत थिए, तैपनि तिनीहरू सुसमाचार प्राप्त गर्ने पहिलो व्यक्ति थिए ।

९. सुन, सुगन्धित धूप र मूर्रको उपहार संयाेग मात्र थिएन, प्रत्येक उपहार येशूको राजत्व, ईश्वरत्व र बलिदानको प्रतीक थियो ।

१०. स्वर्ग हल्लियो, नर्क काँप्यो र भविष्यवाणी पूरा भयो, सृष्टिकर्ता मानवजातिलाई बचाउन आफ्नो सृष्टि मध्ये एक बन्नुभयो ।

* येशू ख्रीष्टको जन्म इतिहासको एउटा क्षण मात्र थिएन, यो त्यो क्षण थियो जसले इतिहासलाई सधैंको लागि परिवर्तन गर्यो ।

* येशू ख्रीष्टले इतिहासलाई मात्रै परिवर्तन गर्नुभएन, तर उहाँले मानिसको पापले बर्बाद पारेको जीवनलाई पनि परिवर्तन गर्न सक्नुहुन्छ ।

* के येशू ख्रीष्टले तपाईंको जीवन परिवर्तन गर्नुभयाे ?

Sources :

1. https://www.facebook.com/1815695849/posts/pfbid02Mt4d7B8eHgwBpprvvgpQiU3dRpCsvz67TxLCD1zyfi3utc7KzrcBYdnadXdmTD3tl/

2. https://www.quora.com/What-was-Jesus-manger-made-of-and-what-did-they-call-it

3. https://www.gotquestions.org/was-Jesus-born-in-September.html