येशू ख्रीष्टकाे शिक्षाकाे केन्द्रविन्दु प्रेम र क्षमा

 एक व्यक्तिले आफु मर्नुभन्दा केही दिन अघि मात्र आफ्नाे अंगरक्षक जनरल बर्नाडलाई भन्छन,

“बर्नाड ! तिमीलाई थाहा छ, अलेक्ज्यान्डर महान, जुलियस सिजर, चार्सम्यान र मैले कति युद्ध गर्याैँ । अहिले हामी संसारकाे मुल्यांकनमा कहाँ छाैँ ? हाम्रा अनुयायी काेहि पनि छैनन तर येशू ख्रीष्टले कुनै साम्राज्य जित्नु भएन, कसैको कुभलाे गर्नु भएन, सधै प्रेम र सदभावनाकाे सन्देश दिनु भयो । आफ्नाे हत्या गर्नेहरूलाई पनि क्षमा गरिदिनुभयाे। आज हाम्रा अनुयायी एकजना पनि छैनन । उहाँका करोडौं अनुयायीहरू छन र तिनीहरू उहाँको निम्ति मर्न पनि तयार हुन्छन । बर्नाड ! प्रेम र युद्धमा त्यति ठुलो चिरस्थायी फरक हुन्छ भन्ने सत्य बल्ल अहिले आएर थाहा पाएँ ।”

यति भन्दाभन्दै उनी जस्ताे कठाेर सम्राटका पनि नेत्रहरु रसाए । याे भावपुर्ण अभिव्यक्ति इतिहासको महान साम्राज्य विजेता नेपाेलियन वाेनापार्टकाे हाे । 

नेपोलियनकाे याे बिचारलाई केवल वक्तृत्वकलाको रूपमा व्याख्या गर्न गाह्रो छ । अविश्वसनीय अन्तर्दृष्टिका साथ, नेपोलियनले येशू ख्रीष्टले कसरी जित्नुभयो भनेर देखे । यो बल प्रयोग गरेर होइन, तर हृदय जितेर भएको थियो । येशू ख्रीष्टकाे शिक्षाकाे केन्द्रविन्दु प्रेम र क्षमा थियोे । 

येशू ख्रीष्टकाे प्रेम र क्षमाकाे शिक्षाको प्रभावले इतिहासको सबैभन्दा शक्तिशाली राेमन साम्राज्यलाई ख्रीष्टियन विश्वासमा परिवर्तन गर्याे ।

येशू ख्रीष्टकाे प्रेम र क्षमाकाे शिक्षाको प्रभावले युरोप र अमेरिका महादेशकाे सभ्यतालाई नै परिवर्तन गर्याे ।

येशू ख्रीष्टकाे प्रेम र क्षमाकाे शिक्षाको प्रभावले महात्मा गान्धीले भारतबाट अंग्रेजहरूलाई भगाउन सफल भए ।

येशू ख्रीष्टकाे प्रेम र क्षमाकाे शिक्षाको प्रभावले भारतकाे नागाल्याण्डमा मान्छेको मासु खाने जातिबाट सभ्य समाजमा परिवर्तन गर्याे ।

येशू ख्रीष्टकाे प्रेम र क्षमाकाे शिक्षाको प्रभावले संसारका अनगिन्ती मानिसहरूलाई दिनप्रतिदिन परिवर्तन गरिरहेकाे छ ।

येशू ख्रीष्टकाे प्रेम र क्षमाकाे शिक्षाले संसारकाे थुप्रै क्षेत्रमा प्रभाव पारेको इतिहास साक्षी छ ।

* के तपाईंको हृदयलाई येशू ख्रीष्टकाे प्रेम र क्षमाले जीतेकाे छ ?

* के तपाईंको शिक्षाको जग पनि प्रेम र क्षमा हाे ?

येशू ख्रीष्टकाे प्रेम र क्षमाकाे बारेमा बाइबलमा यसरी लेखिएको छ,

“तिमीहरूले यसो भनेको सुनेका छौ, तिम्रो छिमेकीलाई प्रेम गर, र तिम्रो शत्रुलाई घृणा गर।

तर म तिमीहरूलाई भन्दछु, आफ्ना शत्रुहरूलाई प्रेम गर, र तिमीहरूलाई सताउनेहरूका निम्ति प्रार्थना गर,   

र तिमीहरू स्वर्गमा हुनुहुने आफ्ना पिताका छोराहरू हुनेछौ। उहाँले दुष्ट र सज्जन दुवैलाई सूर्यको ताप दिनुहुन्छ, र धर्मी र पापी दुवैलाई वृष्टि दिनुहुन्छ।” [मत्ती ५:४३-४५, ४६-४८]

“किनकि तिमीहरूले मानिसहरूका अपराध क्षमा गर्यौ भने तिमीहरूका स्वर्गमा हुनुहुने पिताले पनि तिमीहरूलाई क्षमा गर्नुहुनेछ।   

तर तिमीहरूले मानिसहरूका अपराध क्षमा गरेनौ भने तिमीहरूका पिताले तिमीहरूका अपराध क्षमा गर्नुहुनेछैन।” [मत्ती ६:१४-१५]

तब उहाँकहाँ आएर पत्रुसले भने, “प्रभु, मेरो भाइले कति पल्ट मेरो विरुद्धमा अपराध गरे मैले त्यसलाई क्षमा गर्ने? के सात पल्टसम्म?”

येशूले तिनलाई भन्नुभयो, “म तिमीलाई भन्दछु, सात पल्ट होइन, तर सत्तरी गुणा सात पल्ट।” [मत्ती १८:२१-२२]

“तर तिमी सुन्नेहरूलाई म भन्दछु, आफ्ना शत्रुलाई प्रेम गर, र घृणा गर्नेहरूलाई भलाइ गर,  

सराप्नेहरूलाई आशीर्वाद देओ, दुर्व्यवहार गर्नेहरूका निम्ति प्रार्थना गर।  

तर आफ्ना शत्रुहरूलाई प्रेम गर, र तिनीहरूको भलाइ गर। फेरि पाउने आशा नराखी ऋण देओ, र तिमीहरूको इनाम ठूलो हुनेछ, अनि तिमी सर्वोच्चका सन्तान ठहरिनेछौ, किनकि उहाँ बैगुनी र स्वार्थीमाथि कृपालु हुनुहुन्छ।  

तिमीहरूका पिता कृपालु हुनुभएझैँ, तिमीहरू पनि कृपालु होओ।” [लूका ६:२७,२८,३५,३६]

“आफ्नो विषयमा होशियार बस। तिम्रो भाइले अपराध गर्यो भने त्यसलाई हप्काऊ, र त्यसले पछुतो गर्यो भने तिमीले त्यसलाई क्षमा गर।  

यदि तिम्रो भाइले दिनमा सात पल्ट तिम्रो विरुद्धमा अपराध गर्यो, र सातै पल्ट तिमीकहाँ फर्किआएर ‘म पछुतो गर्छु’ भन्यो भने, तिमीले त्यसलाई क्षमा गर्नू।” [लूका १७:३-४]

अनि येशूले भन्नुभयो, “हे पिता, यिनीहरूलाई क्षमा गर्नुहोस, किनकि यिनीहरूले के गर्दैछन सो जान्दैनन।” [लूका २३:३४]

“आफ्ना मित्रहरूका लागि आफ्नो प्राण अर्पण गरिदिनुभन्दा ठूलो प्रेम अरू कसैको हुँदैन। 

म तिमीहरूलाई जे आज्ञा गर्दछु, ती तिमीहरूले गर्यौ भने, तिमीहरू मेरा मित्र हौ।” [यूहन्ना १५:१३-१४]

Sources :

1. https://justjesus.typepad.com/blog/2009/11/napoleon-bonaparte-and-jesus-christ.html

2. https://substitutionalist.com/jesus-christ-is-no-mere-man/

3. https://www.goodreads.com/quotes/111826-alexander-caesar-charlemagne-and-i-have-founded-empires-but-on

4. https://jasonbybee.com/2009/06/03/founded-upon-love/

5. https://www.newdaychurch.com.au/more-about-jesus/

6. https://marioncheek.wordpress.com/2014/05/18/what-did-napoleon-bonaparte-say-about-jesus/

7. https://captainjamesdavis.wordpress.com/2015/05/17/napoleon-bonapartes-testimony-of-jesus-christ-and-christianity/