अन्तिम दिनहरूमा मण्डलीका विशेषताहरू

 

१. अन्तिम दिनहरूमा, मण्डली झूटा विश्वासीहरूले भरिएको हुनेछ । 

२. अन्तिम दिनहरूमा, मण्डली झूटा शिक्षकहरूले भरिएको हुनेछ । 

३. यी झूटा विश्वासीहरू, झूटा शिक्षकहरू र झूटा शिक्षाहरूबाट कसरी बच्ने ?

१. अन्तिम दिनहरूमा, मण्डली झूटा विश्वासीहरूले भरिएको हुनेछ । [२ तिमोथी ३:२-५]

 यी झूटा विश्वासीहरूकाे विशेषताहरू हुन ।

 1. आफैलाई मात्र माया गर्ने, 

 2. रुपियाँपैसाको मोह गर्ने, 

 3. घमण्डी, 

 4. हठी, 

 5. अरूको बदनाम गर्ने, 

 6. आमा-बुबाको आज्ञापालन नगर्ने, 

 7. बैगुनी,

 8. अपवित्र, 

 9. स्वाभाविक प्रेमरहितका, 

 10. खुशी पार्न नसकिने, 

 11. अरूको बदख्वाइँ गर्ने, 

 12. दुराचारी, 

 13. क्रूर, 

 14. असल कुरालाई घृणा गर्ने, 

 15. विश्वासघाती, 

 16. उत्ताउला, 

 17. अहङ्कारले फुलेका, 

 18. परमेश्वरलाई भन्दा सुख-विलासलाई प्रेम गर्ने, 

 19. भक्तिको भेषचाहिँ लिने, तर त्यसको शक्तिलाई इन्कार गर्ने हुन्छन ।

म्याकडोनाल्डले यी मानिसहरूको बारेमा यसो भने,

 “बाहिरबाट हेर्दा यी मानिसहरू धार्मिक देखिन्छन । तिनीहरू ख्रीष्टियन भएको दाबी गर्छन, तर तिनीहरूको कार्यले तिनीहरूको शब्दहरू भन्दा ठूलो स्वरमा बोल्छ । तिनीहरूको अधार्मिक व्यवहारले, तिनीहरूले झूट बाँचिरहेका छन भनेर देखाउँछन । तिनीहरूको जीवनमा परमेश्वरको शक्तिको कुनै प्रमाण छैन । सुधार भएको भए तापनि, नयाँ जन्म कहिल्यै भएको थिएन ।”

वेमाउथले अनुवाद गर्छन,

 “तिनीहरूले धार्मिकताको बनावटी विश्वास कायम राख्नेछन र यसको शक्तिलाई बहिष्कार गर्नेछन ।” 

त्यस्तै गरी मोफ्याट भन्छन,

 “यद्यपि तिनीहरूले धर्मको एक रूप कायम राख्छन, तिनीहरूको शक्तिको रूपमा यसको साथ कुनै सम्बन्ध हुनेछैन ।”

फिलिप्सले यसलाई भन्छन,

 “तिनीहरूले 'धर्म' को मोहरा कायम राख्नेछन तर तिनीहरूको आचरणले यसको वैधतालाई अस्वीकार गर्नेछ ।” तिनीहरू धार्मिक हुन चाहन्छन र एकै समयमा आफ्ना पापहरू पनि राख्न चाहन्छन । [प्रकाश ३:१४-२२]

हिबर्ट चेतावनी दिन्छन, 

 “यो धर्मत्यागी मसीहीजगतको डरलाग्दो चित्रण हो, ख्रीष्टियन धर्मको नाममा लुकेको नयाँ मूर्ति हाे ।”

२. अन्तिम दिनहरूमा, मण्डली झूटा शिक्षकहरूले भरिएको हुनेछ । [२ तिमोथी ३:६-९]

यी झूटा शिक्षकहरू र झूटा शिक्षाहरूकाे विशेषताहरू हुन ।

 1. झूटा शिक्षकहरू भ्रामक हुन्छन । (पद ६) 

 2. झूटा शिक्षकहरूले मानिसहरूमाथि “नियन्त्रण” गर्न खोज्छन । (पद ६)

 3. झूटा शिक्षकहरूले प्रायः महिलाहरूमाथि आफ्नो आक्रमण केन्द्रित गर्छन । (पद ६)

 4. झूटा शिक्षकहरूले द्रुत समाधानको आश्वासन दिँदै मानिसहरूका समस्याहरूको सिकार बनाउँछन । (पद ६)

 5. झूटा शिक्षकहरूले सधैं नयाँ सत्यको खोजीमा रहेकाहरूलाई आफ्नो शिकार बनाउँछन । (पद ७)

 6. झूटा शिक्षकहरूले सत्यको विरोध गर्छन र परमेश्वर र ईश्वरीय सेवकहरू विरुद्ध विद्रोह गर्न उक्साउँछन । (पद ८)

 7. झूटा शिक्षकहरूले प्रायः झूटा र गलत चमत्कारहरू गर्छन । (पद ८)

 [प्रस्थान ८:१६-१९, मत्ती २४:२४-२५, २ थेसलोनिकी २:९-१०, २ तिमोथी ३:१७]

 8. झूटा शिक्षकहरू नयाँजन्म नभएका हुन्छन र त्यसैले तिनीहरूको सोच नयाँजन्म नभएको हुन्छ । (पद ८) [१ कोरिन्थी २:१४]

 9. झूटा शिक्षकहरू अन्ततः पर्दाफास हुनेछन । (पद ९)

* यी आखिरी दिनहरूमा, झूटा शिक्षकहरू र झूटा शिक्षाहरू सामान्य हुनेछन । हामी यसबाट सचेत हुनुपर्छ ।

३. यी झूटा विश्वासीहरू, झूटा शिक्षकहरू र झूटा शिक्षाहरूबाट कसरी बच्ने ?

1. हामीले हाम्रो मुक्तिको जाँच गर्नुपर्छ ।

[२ कोरिन्थी १३:५, मत्ती ७:२१-२३, १ यूहन्ना ५:१३, ३:९-१०]

 * के तपाईंमा साँचो मुक्तिको चिन्हहरू छन ?

2. हामीले यो सुनिश्चित गर्नुपर्छ कि ख्रीष्ट अझै पनि हाम्रो पहिलो प्रेम हुनुहुन्छ । [प्रकाश २:४-५]

 * के ख्रीष्ट अझै पनि तपाईंको पहिलो प्रेम हुनुहुन्छ ? यदि होइन भने, तपाईंको जीवनमा के पहिलो स्थान लिइरहेको छ ?

3. हामीले धर्मशास्त्र मार्फत सबै कुराको परीक्षण गर्नुपर्छ—चमत्कार, शिक्षा, आदि । [प्रेरित १७:११, २ तिमोथी ३:१६-१७]

 * के बेरियाकाे मण्डली जस्तै तपाईं हरेक कुरा परमेश्वरकाे वचन अनुसार जाँच गर्नुहुन्छ ?

 4. हामीले मण्डलीमा दृढ रहन, प्रेम गर्न र सेवा गर्न हाम्रो आह्वानलाई बुझ्नुपर्छ । [मत्ती १६:१८, एफिसी ५:२५-२७]

 * के तपाईं विश्वासीपूर्वक उनको सेवा गर्दै हुनुहुन्छ ? वा तपाईं उहाँसँग निराश र वाक्क भइसक्नुभएको छ ?

यसकारण लेखिएको छ,

“झूटा अगमवक्ताहरूदेखि होशियार बस, जो तिमीहरूकहाँ भेड़ाको भेषमा आउँछन, तर भित्रपट्टि चाहिँ डरलाग्दा ब्वाँसाहरूजस्ता हुन्छन।   

तिनीहरूका फलबाट तिमीहरूले तिनीहरूलाई चिन्नेछौ। के काँढ़ाका बोटबाट अंगूर अथवा सिउँड़ीबाट अञ्जीर टिपिन्छ र?   

त्यसै गरी हरेक असल रूखले असल फल फलाउँछ। तर खराब रूखले खराब फल फलाउँछ।” [मत्ती ७:१५-१७]

Source :

https://bible.org/seriespage/8-church-last-days-2-timothy-31-9