हराएकोलाई फिर्ता ल्याउँनु

 

 जब मण्डलीको बोर्डको एक सदस्य पापमा परे, पास्टरले बोर्डका अन्य सदस्यहरूलाई बोलाए । माया र करुणाका साथ उहाँले तिनीहरूलाई याे दुःखको कथा सुनाए ।

त्यसपछि उनले यो प्रश्न सोधे, “यदि तपाइँ हाम्रो भाइ जस्तै परीक्षामा परेको भए, तपाइँ के गर्नुहुने थियो ?”

पहिलो मानिसले परीक्षाको सामना गर्न सक्ने आफ्नो क्षमतामा विश्वस्त हुँदै भन्यो, “म त्यो पापमा कहिल्यै हार मान्ने थिइनँ ।”

अरु धेरैले पनि यस्तै अभिव्यक्ति दिए ।

अन्तमा, बोर्डको एक सदस्यले अरूकाे आत्मिक परिपक्वताको लागि सम्मान गरे, र भने, “पास्टर, म मेरो हृदयमा महसुस गर्छु कि यदि मलाई उहाँ जस्तै परीक्षा र जाँच गरिएको भए, म सायद उनी भन्दा धेरै तल गिर्ने थिएँ ।”

तब त्यहाँ धेरै मौनता छायाे ।

तब पास्टरले भने, “तपाईं मात्र एक हुनुहुन्छ, जो मसँग हाम्रो गल्ती गर्ने भाइसँग कुरा गर्न र उसलाई संगतिमा पुनर्स्थापित गर्ने प्रयास गर्न सक्नुहुन्छ ।”

* के मानिसहरूलाई नरकमा जानबाट राेक्नु र त्याे मार्गबाट बाहिर निकाल्नु हाम्रो काम तथा कर्तव्य होईन र ?

यसकारण लेखिएको छ,

“अरूलाई आगोबाट तानी निकालेर बचाओ, कसै-कसैलाई दया देखाउँदा होशियार गर, पापमय स्वभावद्वारा अपवित्र भएका वस्त्रसमेत घृणा गर।” [यहूदा १:२३]

“पर्खाल निर्माण गरिदिने र देश मद्वारा नष्ट नहोस भनी देशको लागि मेरो सामुन्ने धाँदोमा उभिदिने एक जना मानिस तिनीहरूका बीचमा मैले हेरें, तर मैले कोही पनि पाइनँ।” [इजकिएल २२:३०]

“यस आशामा कि मेरो आफ्नै यहूदी जातिलाई डाही बनाउन सकूँ, र तीमध्ये कसै-कसैलाई बचाउन सकूँ।” [रोमी ११:१४]

“किनभने म मानिसहरूबाट स्वतन्त्र भए तापनि अझ धेरैलाई जित्न सकूँ भनेर मैले आफैलाई सबैको दास तुल्याएँ। 

यहूदीहरूलाई जितूँ भनेर यहूदीहरूका निम्ति म यहूदीजस्तै बनें। व्यवस्थाको अधीनमा रहनेहरूलाई जितूँ भनेर म आफै व्यवस्थाको अधीनमा नभए तापनि व्यवस्थाको अधीनमा भएकाहरूका निम्ति व्यवस्थाकै अधीनमा रहेजस्तै भएँ। 

व्यवस्थाको बाहिर हुनेहरूलाई जित्न सकूँ भनेर म आफै परमेश्वरको व्यवस्थाबाट बाहिर नभई तर ख्रीष्टको व्यवस्थाको अधीनमा रही व्यवस्थाको बाहिर हुनेहरूझैं बनें। 

दुर्बलहरूलाई जितूँ भनेर दुर्बलहरूका निम्ति म दुर्बल बनें। सब प्रकारका उपायले कसै न कसैलाई बचाउन सकूँ भनेर सबैका निम्ति म सब थोक बनें। 

सुसमाचारका आशिषहरूको सहभागी हुन सकूँ भनेर सुसमाचारकै खातिर म यी सब थोक गर्दछु।” [१ कोरिन्थी ९:१९-२३]

Sources :

1. https://www.facebook.com/100070945574252/posts/pfbid038JbYPSQVrFVSqKyxasex32PKziZqYDamgjD5PjpzaK61LpVpmKkKxfa2Z8YGc6cgl/?app=fbl

2. https://www.facebook.com/100007341160225/posts/pfbid032wEoSsJ8uYp5X7sVypPKMrPvn9bpfDWqSfTmgFo2eFWKaeoSgnpmPXBkwgzAiDpVl/?app=fbl

3. https://www.facebook.com/100070945574252/posts/pfbid02sddb1V9hqKkBkugKDaBmh859xh4WnGftty7Vd5THSZenjxTxbwQ3XaZTGexzQTHil/?app=fbl