मण्डलीमा प्रचारकहरू र शिक्षकहरू किन अत्यावश्यक छ ?

 

प्रचार किन ?

1. शुभ समाचार घोषणा गर्न । [रोमी १०:१५]

2. श्रोतालाई सुधार गर्न । [१ थेसलाेनिकी ५:११]

3. श्रोतालाई सूचित गर्न । [मत्ती २८:१९-२०]

4. सत्य प्रस्तुत गर्न । [यूहन्ना ८:३२]

5. विश्वास उत्पादन गर्न । [रोमी १०:१७]

6. कुमार्गमा लाग्नेलाई हप्काउन । [२ तिमोथी ४:२]

7. त्रुटिलाई गलत प्रमाणित गर्न । [याकुब ५:१९-२०]

8. त्रुटिलाई पुनर्स्थापित गर्न । [याकूब ५:१६]

9. पापको नतिजा प्रकट गर्न । [रोमी ६:२३]

10. ख्रीष्टियन जीवनलाई प्रोत्साहन गर्न । [२ पत्रुस १:५-११]

11. दुःखमा परेकाहरूलाई सान्त्वना दिन । [रोमी १२:१५]

12. आत्माहरू बचाउन । [मर्कूस १६:१५-१६]

शिक्षा किन ?

1. त्रुटि पुनर्स्थापना गर्न । [याकुब ५:१६]

2. धार्मिकतामा निर्देशन दिन । [२ तिमोथी ३:१६-१७ प्रेरित १०:६ रोमी १:१७]

3. मानिसहरूलाई चेतावनी दिन । [१ पत्रुस ४:१७-१८, २ थेसलाेनीकी १:७-९]

4. अनियन्त्रितलाई पुनरुत्थान गर्न । [प्रेरित १३:१० प्रेरित ७:५१-५३]

5. सम्झनामा ल्याउन । [२ पत्रुस १:१२, १ तिमोथी ४:६]

6. मानिसहरूकाे गल्ती देखाउन । [२ कोरिन्थी ५:१०-११, प्रेरित २६:२८-२९]

7. मानिसहरूकाे चेतावनी दिन । [१ पत्रुस ४:१७, २ द १:७-९]

8. कमजोरहरूलाई सान्त्वना दिन । [१ थेसलाेनिकी ४:१८, ५:१४]

9. विश्वासयोग्य बन्नकाे लागि आग्रह गर्न । [प्रेरित २:४०, ११:२२-२३, १४:७२]

एक सेवकको लक्ष्य :

“न्यायकाे दिनमा, ‘मैले तपाइँलाई प्रचार गरेको सुनेको छु, तर तपाइँले मलाई सत्य भन्नुभएन’ भनेर केवल एक हराएको आत्माले भन्नु भन्दा, ‘हामीले तपाइँलाई प्रचार गरेको सुन्यौं, र तपाइँले हाम्रो भावनालाई चोट पुर्याउनुभयो’ भनेर मलाई हजारौंले भनेकाे चाहन्छु ।” - जोन टी. लुइस

* अनन्तकाललाई हेरेर वचन सुन्नुहोस र पालन गर्नुहोस ! 

यसकारण लेखिएको छ,

“किनकि यदि मैले सुसमाचार प्रचार गरें भने त्यसमा मैले घमण्ड गर्ने केही कारण छैन। किनकि यसो गर्न म बाध्य छु। यदि सुसमाचार प्रचार गरिनँ भने मलाई धिक्कार छ!” [१ कोरिन्थी ९:१६]

“पावल पूरा दुई वर्षसम्म आफ्नै खर्चमा रोममा बसे, र तिनीकहाँ आउनेहरू सबैलाई तिनले स्वागत गरे। 

तिनले खुल्लमखुल्ला र विनारोकटोक परमेश्वरका राज्यको प्रचार गर्थे, र प्रभु येशू ख्रीष्टको बारेमा शिक्षा दिन्थे।” [प्रेरित २८:३०-३१]

“वचन प्रचार गर, समय र बेसमयमा तत्पर बस, अर्ती देऊ, हप्काऊ, उत्साह देऊ र धैर्यमा र शिक्षा दिने कुरामा नचुक।” [२ तिमोथी ४:२]

“म नआउञ्जेलसम्म धर्मशास्त्र पाठ गरी सुनाउनमा, प्रचार गर्नमा र शिक्षा दिनमा ध्यान देऊ।” [१ तिमोथी ४:१३]

“यी कुराहरूको घोषणा गर, पूरा अधिकारसहित अर्ती-उपदेश देऊ र हप्काऊ। कसैले तिम्रो अवहेलना नगरोस।” [तीतस २:१५]

“हे मेरा परमेश्वर, तपाईंको इच्छाबमोजिम गर्न म चाहन्छु, तपाईंको व्यवस्था मेरो हृदयभित्र छ।

म ठूलो सभामा उद्धारको सुसमाचार सुनाउँछु। मेरा ओठहरू म बन्द गर्दिनँ, हे परमप्रभु, तपाईंलाई यो थाहा छ। 

तपाईंको धार्मिकता म मेरो हृदयभित्र लुकाउँदिनँ। तपाईंको विश्वस्तता र तपाईंबाट हुने उद्धारको विषयमा म बोल्दछु। तपाईंको। तपाईंको प्रेम र तपाईंको सत्यता म ठूलो सभाबाट लुकाउँदिनँ।” [भजनसंग्रह ४०:८-१०]

“तर जसलाई विश्वास गरेकै छैनन् उहाँलाई मानिसहरूले कसरी पुकार्ने? जसको विषयमा सुनेकै छैनन् उहाँमाथि तिनीहरूले कसरी विश्वास गर्ने? र प्रचारकविना तिनीहरूले कसरी सुन्ने? 

र कसैले नपठाईकन मानिसहरूले कसरी प्रचार गर्ने? जस्तो लेखिएको छ, ‘सुसमाचार प्रचार गर्नेहरूका पाउ कति सुन्दर’!” [रोमी १०:१४-१५]

“तिमीहरूका खातिर मलाई दिइएको ईश्वरीय कार्यअनुसार परमेश्वरको वचन सम्पूर्ण रूपले प्रचार गर्न म धर्म-सेवक भएँ-- 

प्रत्येक मानिसलाई चेताउनी दिँदै, र प्रत्येक मानिसलाई सारा बुद्धिमा सिकाउँदै हामी उहाँलाई घोषणा गर्दछौं, यस हेतुले कि प्रत्येक मानिसलाई ख्रीष्टमा परिपक्व बनाई प्रस्तुत गर्न सकौं। 

मेरो अन्तस्करणमा उहाँले नै जोड़सँग प्रेरणा दिनुभएको शक्तिअनुसार म यसैको निम्ति कठोर परिश्रम गर्दछु।” [कलस्सी १:२५,२८,२९]

“किनकि तिमीहरूलाई थाहै छ, बाबुले आफ्ना छोरा-छोरीहरूलाई जस्तै गरी हामीले तिमीहरू प्रत्येकलाई कसरी अर्ती-उपदेश दिँदै र साहस पनि दिँदै तिमीहरूलाई आदेश दियौं, 

यस हेतुले कि तिमीहरूको चालचलन परमेश्वरको योग्य होस, जसले तिमीहरूलाई उहाँको आफ्नै राज्य र महिमामा बोलाउनुहुन्छ।” [१ थेसलोनिकी २:११-१२]

“भाइ हो, हामी तिमीहरूलाई अर्ती दिन्छौं कि अल्छेहरूलाई चेताउनी देओ। हरेस खानेहरूलाई दिलासा देओ। कमजोरीहरूलाई मदत गर। ती सबैसँग सहनशीलता देखाओ।” [१ थेसलोनिकी ५:१४]

“यी कर्तव्यहरू पालन गर। तिनीहरूमा नै लागिबस, ताकि तिम्रो प्रगति सबैले देखून। 

आफ्नो विषयमा र आफ्नो शिक्षाको विषयमा होशियार बस। यी कुरामा लागिरह। यसो गर्नाले तिमीले आफैलाई र सुन्नेहरूलाई समेत बचाउनेछौ।” [१ तिमोथी ४:१५-१६]