मण्डलीका सदस्यहरूले बुझ्नु पर्ने कुराहरू

 

1. जब तपाईं मण्डलीकाे सेवा तथा संगति छुटाउनुहुन्छ, तब तपाईं बाहेक अरू कसैलाई असर गर्दैन । [१ कोरिन्थी १६:१९-२४, मत्ती १८:२०, हिब्रू १०:१९-२५]

2. जब तपाईं मण्डलीकाे सेवा गर्ने अवसरबाट हट्नुहुन्छ, तब परमेश्वरले तपाईंलाई आफ्नो समयमा प्रतिस्थापन गर्नुहुन्छ, जहाँ तपाईं “अयोग्य” बन्नुहुनेछ। [याेना १:१, एफिसी २:१०, १ राजा १८-१९ अध्याय]

3. जब तपाईं जानाजानी मण्डलीकाे सेवकाईमा आर्थिक रूपमा साथ दिन इन्कार गर्नुहुन्छ, तब परमेश्वरले तपाईंको ठाउँमा अरू उत्तम र गम्भीर दाताहरूलाई खडा गर्नुहुनेछ । [हाग्गै १:१, प्रेरित १:८, मत्ती २८:१८-२०, १ कोरिन्थी १:१८]

4. जब तपाईं मण्डलीसँग लड्न थाल्नुहुन्छ, तब परमेश्वरले तपाईंलाई आफ्नो “शत्रु” को रूपमा देख्नुहुन्छ । [१ शमूएल १७:५०-५३,

लूका १०:१९, उत्पत्ति ३:१५]

5. जब तपाईंले मण्डली छोड्नुहुन्छ, तब तपाईंकाे ठाउँमा धेरै गम्भीर, समर्पित र आत्मिक मानिसहरू मण्डली भित्र आउँछन । [१ युहन्ना २:१९, लूका १९:१०; १५:३१-३२]

6. जब तपाईंले मण्डलीमा दिईने भेटीहरू सेवाकाे काममा खर्च नगरेर आफ्नो व्यक्तिगत खर्चमा मात्रै प्रयोग गर्नुहुन्छ, तब परमेश्वरकाे अनुग्रहले तपाईंको मण्डलीको लागि काम गर्न छोड्नेछ । [मलाकी ३:८-११, मत्ती ५:४५]

7. जब तपाईं मण्डली सेवाकाे समयावधिमा अन्य सदस्यहरु वा अन्य मानिसहरुसँग अनावश्यक गपशप गर्नुहुन्छ, तब तपाईं एक विद्रोही र अवफादार उपासक बन्नुहुनेछ । [व्यवस्था ११:२६, प्रकाश १२:१०, एफिसी ५:११-१४]

8. जब तपाईं मण्डलीको बारेमा खराब बोल्नुहुन्छ, तब मण्डलीसँग काम गर्ने स्वर्गदूतहरू तपाईंबाट टाढा हुनेछन । [भजन ९१:११, मत्ती १२:४३-४५, दानियल ६:२०-२३]

9. जब तपाईं मण्डलीबाट नियन्त्रण, अनुशासन र सुधार चाहनुहुन्न, तब तपाईं “खतरा” को एक कदम नजिक हुनुहुन्छ । [२ इतिहास ७:१४, उत्पत्ति २:१६-१७, मत्ती १८:१५-२०, २ तिमोथी १:७, यूहन्ना १४:२६]

10. तपाईंको मण्डली सेवकाईको आवरण र अभिभाराको प्रतीक हो र तपाईं होइन, त्यसैले तपाईंसँग वा तपाईं बिना काम सफल हुनेछ । आफूलाई परमेश्वरको याेजनाको एक हिस्सा बन्न विशेषाधिकार प्राप्त हेर्नुहोस । [प्रेरित ६:१-७, एफिसी १:१३, इजकिएल १८:२३]

* जाे मण्डलीसँग लड्ने गर्दछन, तिनीहरूको अन्त्य कहिल्यै राम्रो हुँदैन... त्यसैले कृपया, मण्डलीसँग लड्न बन्द गर्नुहाेस !

यसकारण लेखिएको छ,

“ताकि कतै म ढिलाएँ भने पनि परमेश्वरको घराना, जो जीवित परमेश्वरको मण्डली हो र सत्यको खामो र आड़ हो, त्यहाँ कसरी चल्नुपर्छ सो तिमीले जानिराख।” [१ तिमोथी ३:१५]

“तिमीहरू पनि येशू ख्रीष्टद्वारा परमेश्वरको दृष्टिमा ग्रहणयोग्य आत्मिक बलिदान चढ़ाउने पवित्र पूजाहारीगिरीको निम्ति जीवित पत्थरहरूझैँ आत्मिक घर बन्दैजाओ।” [१ पत्रुस २:५]

“र त्यहाँको दृश्य यस्तो भयानक थियो, कि मोशाले पनि ‘म डरले काम्दछु’ भनेका थिए। 

तर तिमीहरू त सियोन पर्वतमा आएका छौ, जीवित परमेश्वरको सहर, स्वर्गीय यरूशलेममा, र असंख्य स्वर्गदूतहरूको आनन्द-उत्सवमा आएका छौ।” [हिब्रू १२:२१-२२]

“यसकारण मेरा प्रिय हो, जसरी तिमीहरूले सधैँ आज्ञापालन गरेका छौ, मेरो उपस्थितिमा मात्र गरेजस्तो होइन, तर अब झन् बढ़ी मेरो अनुपस्थितिमा डर र कम्पसाथ तिमीहरूको आफ्नो मुक्तिको काम पूरा गर्न परिश्रम गर। 

किनकि तिमीहरूलाई उहाँको असल अभिप्रायअनुसार इच्छा गर्ने र काम गर्ने दुवै तुल्याउनलाई परमेश्वर तिमीहरूमा काम गर्नुहुन्छ।” [फिलिप्पी २:१२-१३]

“म के भन्दछु त्यो विचार गर, किनभने प्रत्येक कुरामा प्रभुले तिमीलाई समझ दिनुहुनेछ।” [२ तिमोथी २:७]

Sources :

1. https://priestisaiahwhite.com/2023/12/27/religious-threats-demystified/

2. https://www.thechurchnewszim.co.zw/2020/10/things-church-members-must-understand.html?m=1

3. https://www.facebook.com/100069438583852/posts/pfbid0Veup4eSVCQzxwgGFESg4z8agSiTaxBQQLtWxfxEsFE2Spap5kKDSvWFDWSBazDmgl/?app=fbl

4. https://www.facebook.com/groups/438845256727475/permalink/843339082944755/?app=fbl