मण्डली छाेड्ने इच्छा

 

 

एकजना युवक पास्टरकहाँ गएर भन्छन,

“पास्टर, म अब कहिल्यै मण्डली जानेछैन ।”

पास्टरले जवाफ दिए, “तर किन ?”

युवकले जवाफ दिए,

“मण्डलीमा केही दिदीबहिनीहरूले अर्को दिदीबहिनीहरूको बारेमा नराम्रो कुरा गरेको म देख्छु, राम्रोसँग वचन नपढ्ने भाईहरूलाई देख्छु, आराधना सेवा चलाउने समूहले अपमानजनक जीवन बिताउँछन, सेवाको क्रममा माेवाईल फोन चलाउने मानिसहरूलाई देख्छु, अन्य धेरै खराब कुराहरू गरेको म मण्डलीमा देख्छु ।”

पास्टरले उनलाई यसो भने,

“ठीक छ, तिमीले अन्तिम निर्णय गर्नु अघि मेरो लागि केही गरेको चाहन्छु । तिमी पानीले भरिएको एउटा गिलास लेऊ र भुइँमा पानीको एक थोपा पनि नपाेखिनेगरि मण्डलीकाे वरिपरि तीन पटक घुम्नु । याे काममा सफल भएपछि तिमीले मण्डली छोड्न सक्छौ ।”

युवकले सोँच्याे, “याे धेरै सजिलो छ ।”

पास्टरले भने अनुसार उनले तीन पटक मण्डली भित्र घुमेर समाप्त गरेपछि भने,

“पास्टर, मैले तपाईंले भनेझैं तीन पटक घुमेर समाप्त गरे ।”

तब पास्टरले जवाफ दिए,

“तिमीले घुम्दै गर्दा, तिमीले दिदीबहिनीहरूलाई अर्काको बारेमा नराम्रो कुरा गरेको देख्यौ ?”

युवक, “देखेन ।”

पास्टर, “के तिमीले मानिसहरूलाई एकअर्कासँग गुनासो गरेको देख्याै ?”

युवक, “देखेन ।”

पास्टर, “के तिमीले कसैलाई आफ्नो माेबाइल फोन हेरिरहेको देख्याै ?”

युवक, “देखेको छैन ।”

पास्टर,

“के तिमीलाई थाहा छ कि किन तिमीले पहिले गुनासो गरेका कुराहरू देखेनाै ? किनकि तिमीले आफ्नो गिलासमा मात्रै ध्यान केन्द्रित गरिरहेका थियाै, ताकि तिम्रो गिलासकाे पानी भुईमा नखसाेस ।”

हाम्रो आत्मिक जीवनमा पनि त्यस्तै हुन्छ । जब हाम्रो ध्यान हाम्रो प्रभु येशू ख्रीष्टमा हुन्छ, तब हामीसँग मानिसहरूका गल्तीहरू हेर्नको लागि समय हुँदैन ।

जब तपाईं मण्डलीमा आउनुहुन्छ, तब तपाईंले परमेश्वरमा मात्र ध्यान केन्द्रित गर्नुपर्दछ, ताकि तपाईं ठाेक्कर खानुहुँदैन । त्यसैले येशूले “मलाई पछ्याऊ” भन्नुभयो । उहाँले ख्रीष्टियनहरूलाई पछ्याउने भन्नुभएको छैन ।

आज धेरै जसाे विश्वासीहरू अरू विश्वासीहरूकाे गलत चालचलनकाे कारण मण्डली जान छाेड्छन । जसले मानिसहरूको कारणले मण्डली छोड्छ, त्यसले येशूको लागि मण्डलीमा प्रवेश गरेको छैन । 

* तपाईं कसको लागि मण्डली जाँदै हुनुहुन्छ ?

* मण्डली जाँदा तपाईंको ध्यान कहाँ केन्द्रित छ ?

Sources :

https://spiritualgrowth2022.blogspot.com/2025/01/blog-post_15.html

Sources :

1. https://www.facebook.com/100003145580274/posts/pfbid023xqxzp6i48h9FcNeKutyWm2VqG9MNChKnG99odTdsYSvBdBiuUsgJN7shd5SjRtcl/?app=fbl 

2. https://www.facebook.com/groups/682527389536222/permalink/1058068671982090/?app=fbl

3. https://www.facebook.com/1668720056548101/posts/pfbid02GkVRd8WCcJFhCUzBg6Mw1f21pT5N6VydTVDcXNtjcVbfs2vZ3XSe4zTnqvXhBYcul/?app=fbl

https://www.linkedin.com/posts/stevegatena_a-lady-went-to-the-pastor-and-said-activity-7252643395364368384-x_xy

4. https://careynieuwhof.com/why-attending-church-no-longer-makes-sense/