किन इजरायल ख्रीष्टियनहरूको लागि महत्त्वपूर्ण छ?

 

1. येशू इजरायलमा जन्मनुभएको थियो।

2. मरियम र यूसुफ इजरायलका थिए।

3. येशूले इजरायलमा बप्तिस्मा लिनुभयो।

4. येशूले इजरायलको उजाडस्थानमा 40 दिन उपवास बस्नुभयो।

5. येशूले इजरायलमा डाँडाको उपदेश प्रचार गर्नुभयो।

6. सबै मूल 12 प्रेरितहरू इजरायलका थिए।

7. येशूका सबै चमत्कारहरू इजरायलमा भएका थिए।

8. अन्तिम भोज इजरायलमा भयो।

9. इजरायलमा येशूको विश्वासघात भयो।

10. येशूले इजरायलमा “मेरो इच्छा होइन तर तिम्रो इच्छा पूरा होस” भनी प्रार्थना गर्नुभयो।

11. येशू इजरायलमा क्रूसमा टाँगिनुभयो।

12. येशू इजरायलमा मर्नुभयो।

13. येशूलाई इजरायलमा गाडियो।

14. येशू इजरायलमा मरेकाहरूबाट बौरी उठ्नुभयो।

15. येशू इजरायलबाट स्वर्गमा फर्कनुभयो।

16. पवित्र आत्मा पहिलो पटक इजरायलको पेन्टेकोस्टमा खन्याइयो।

17. चर्च इजरायल मा जन्म भएको थियो।

18. चर्चको पहिलो उपदेश (सिद्धान्त) इजरायलमा प्रचार गरिएको थियो।

19. प्रेरितहरूका पहिलो चमत्कारहरू इजरायलमा भएका थिए।

20. पहिलो बप्तिस्मा इजरायलमा भयो।

21. राष्ट्रहरूलाई पहिलो मिसनरीहरू इजरायलबाट पठाइयो।

22. जब येशू फर्कनुहुन्छ उहाँ इजरायलमा नै फर्कनुहुनेछ।

 ख्रीष्टियनहरूले किन इजरायललाई समर्थन गर्छन? इजरायल हाम्रो घर हो! ख्रीष्टियन विश्वासको जन्मस्थल इजरायल हो।

यसकारण लेखिएको छ,

परमप्रभुले अब्रामलाई भन्‍नुभयो, “तेरो देश र तेरा कुटुम्‍ब तथा तेरा पिताका घरबाट निस्‍केर जुन देश म तँलाई देखाउँछु त्‍यहाँ जा।

म तँबाट एउटा ठूलो जाति खड़ा गर्नेछु, र तँलाई आशिष दिनेछु। म तेरो नाउँ प्रसिद्ध गराउनेछु, र तँ आशिषको मूल हुनेछस।

तँलाई आशिष दिनेहरूलाई म आशिष दिनेछु, र तँलाई सराप दिनेहरूलाई सराप दिनेछु। तँद्वारा नै पृथ्‍वीका सबै कुलले  आशिष पाउनेछन।” [उत्पत्ति 12:1-3]

“अब्राहामबाट एउटा ठूलो र शक्तिशाली जाति बन्‍नेछ, र त्‍यसद्वारा नै पृथ्‍वीका सबै जातिहरूले आशिष पाउनेछन।” [उत्पत्ति 18:18]

“तेरै सन्‍तानद्वारा पृथ्‍वीका सबै जातिहरू आशीर्वादी हुनेछन, किनकि तैंले मेरो वचन पालन गरिस।” [उत्पत्ति 22:18]

“जाति-जातिले तेरो सेवा गरून। र मानिसहरूले तँलाई दण्‍डवत गरून। तेरा दाजुभाइहरूमाथि तेरो प्रभुत्‍व होस, र तेरी आमाका छोराहरूले तँलाई दण्‍डवत गरून। तँलाई सराप्‍नेहरू सबै श्रापित होऊन, र तँलाई आशिष दिनेहरू सबैले आशिष पाऊन।” [उत्पत्ति 27:29]

“तेरा सन्‍तान पृथ्‍वीको धूलोसरह हुनेछन। पूर्व, पश्‍चिम, उत्तर र दक्षिणतिर फैलिएर तँ जानेछस। तँ र तेरा सन्‍तानहरूद्वारा नै पृथ्‍वीका सबै मानिसहरू आशीर्वादी हुनेछन।” [उत्पत्ति 28:14]

तिनीहरू सिंहझैँ लेटिरहन्‍छन, अनि सिंहनीझैँ–तिनीहरूलाई कसले उठाउने? “तिमीहरूलाई आशिष दिने हरेक आशीषित होस। तिमीहरूलाई सराप दिने हरेक श्रापित होस।” [गन्ती 24:9]

“तेरा सन्‍तानलाई आकाशका ताराहरूझैँ बढ़ाउनेछु, र तिनीहरूलाई यी सबै देश दिनेछु। तेरै सन्‍तानहरूद्वारा संसारका सबै जातिहरूले आशिष् पाउनेछन।” [उत्पत्ति 26:4]

प्रतिज्ञाहरू अब्राहाम र उनको सन्‍तानलाई दिइएका थिए। धर्मशास्‍त्रले “सन्‍तानहरूलाई” भन्‍दैन, यसले त धेरै मानिसहरूको सङ्केत दिन्‍छ। तर धर्मशास्‍त्रले “तिम्रो सन्‍तानलाई” भन्‍छ, यसले एक जना मानिसको मात्र सङ्केत दिन्‍छ, जो ख्रीष्‍ट हुनुहुन्‍छ। [गलाती 3:16]

“उनको नाउँ सदा रहिरहोस, उनको कीर्ति सूर्यझैँ निरन्‍तर रहोस।  सबै जाति-जातिहरूले उनीद्वारा आशिष् पाउनेछन, र तिनीहरूले उनलाई धन्‍यका भन्‍नेछन।” [भजनसंग्रह 72:17]

“तपाईंहरू तिनै अगमवक्ताहरूका र त्‍यही करारका सन्‍तान हुनुहुन्‍छ, जुन करार परमेश्‍वरले तपाईंहरूका पुर्खा अब्राहामसँग यसो भनेर बाँध्‍नुभयो, ‘तिम्रा सन्‍तानमा पृथ्‍वीका सबै परिवारले आशिष पाउनेछन।’

तपाईंहरू हरेकलाई आफ्‍नो दुष्‍टताबाट फर्काएर तपाईंहरूलाई आशिष दिन भनी परमेश्‍वरले आफ्‍ना सेवकलाई खड़ा गर्नुभयो र सर्वप्रथम तपाईंहरूकहाँ पठाउनुभयो।” [प्रेरित 3:25-26]

परमेश्‍वरले अन्‍यजातिहरूलाई विश्‍वासद्वारा धर्मी ठहराउनुहुन्‍छ भन्‍ने धर्मशास्‍त्रले पहिलेदेखि नै देखेर अब्राहामलाई “तँमा नै सबै जातिले आशिष पाउनेछन” भन्‍ने सुसमाचार अघिबाटै सुनायो। [गलाती 3:8]