तीन प्रकारकाे व्यवस्थाकाे बिचमा फरक

 

सीनै पर्वतमा परमेश्वरले इस्राएलीहरूलाई दिनुभएको व्यवस्थालाई तीन भागमा विभाजन गर्न सकिन्छ।

1. नागरिक व्यवस्था
2. धार्मिक व्यवस्था
3. नैतिक व्यवस्था

1. नागरिक (निजामती) व्यवस्था (Civic Law)

* याे इस्राएलको लागि मात्र थियोे, ताकि कसरी इस्राएल शासित हुनुपर्छ भनेर दिईयाे।

* इस्राएलका मानिसहरूका लागि सरकारी कानुनहरू थिए।

* चोरी गर्ने र अरूलाई चोट पुर्याउनेहरूलाई सजाय (न्यायिक कानुन) यसमा समावेश छन।

* यी कानूनहरूले हिब्रू समाजलाई काम गर्न मद्दत गर्यो र अन्य राष्ट्रहरूभन्दा फरक पहिचान दियो।

* यसमा गोरुले मारेको मानिसको हत्यादेखि क्षतिपूर्तिसम्म र आफ्नो छिमेकीको पासोमा परेको गधालाई बचाउन खाडल खनेको व्यक्तिको जिम्मेवारी समावेश छ (प्रस्थान 21:12-36)। 

लागुकरण : प्रस्थान 19:12 देखि 2 इतिहास 36:21 सम्म

2. धार्मिक व्यवस्था (Ceremonial Laws)
[लेवी 23:4, कलस्सी 2:14, एफेसी 2:15-16, रोमी 10:4]

* कसरी इस्राएलले आराधना गर्नुपर्छ, भनेर आराधना सम्बन्धि व्यवस्थाहरू थिए।

* यी बलिदान र पुजारी सम्बन्धि व्यवस्थाहरू हुन।

* यी व्यवस्थाहरूले ख्रीष्टलाई औंल्याए।

* यी सबै व्यवस्थाहरू येशू ख्रीष्टमा पूरा भयो।

लागुकरण : उत्पत्ति 3:15 देखि युहन्ना 19:30 सम्म

यी धार्मिक नियमहरूले अनुयायीहरूको ध्यान परमेश्वरमा केन्द्रित गरेको देखिन्छ। 
१. तिनीहरूमा परमेश्वरसँग सही स्थिति प्राप्त गर्ने निर्देशनहरू (जस्तै: अपवित्रता सम्बन्धी बलिदानहरू र अन्य समारोहहरू)।
२. इस्राएलमा परमेश्वरको कामको सम्झनाहरू (जस्तै: चाड र पर्वहरू)।
३. इस्राएलीहरूलाई तिनीहरूका मूर्तिपूजक छिमेकीहरूबाट छुट्याउनका लागि विशेष नियमहरू (जस्तै: आहार र लुगामा प्रतिबन्धहरू)।
४. र आउने मसीहलाई संकेत गर्ने चिन्हहरू (जस्तै: शबाथ, खतना, निस्तार चाड, र जेठोको उद्धार)।

[ख्रीष्टियनहरू औपचारिक कानूनद्वारा बाँधिएका छैनन। चर्च इजरायल राष्ट्र नभएकोले, हप्ता र निस्तार चाड जस्ता धार्मिक चाडहरू लागू हुँदैनन। गलाती 3:23-25 ले बताउँछ कि येशू आउनुभएपछि ख्रीष्टियनहरूले बलिदान वा खतना गर्नुपर्दैन। प्रोटेस्टेन्ट मण्डलीहरूमा सब्बथको लागू हुने विषयमा अझै बहस भइरहेको छ। कोही-कोही भन्छन कि दस आज्ञाहरूमा यसको समावेशले नैतिक व्यवस्थाको वजन दिन्छ। अरूले कलस्सी 2;16-17 र राेमी 14:5 उद्धृत गर्छन कि येशूले शबाथ पूरा गर्नुभयो र हाम्रो शबाथ विश्राम बन्नुभयो। राेमी 14:5  को रूपमा भन्छ, “हरेकले आफ्नो मनमा पूर्ण विश्वस्त हुनुपर्छ।”​ ख्रीष्टियनको जीवनमा पुरानो नियमको व्यवस्थाको लागू हुने कुरा सधैं परमेश्वर र अरूलाई प्रेम गर्नको लागि यसको उपयोगितासँग सम्बन्धित छ।]

“किनभने विश्‍वास गर्ने धर्मी ठहरिओस भनेर ख्रीष्‍ट नै व्‍यवस्‍थाको अन्‍त्‍य हुनुहुन्‍छ।”​ [रोमी 10:4]

3. नैतिक व्यवस्था (Moral Law)

[राेमी 7:7, हिब्रू 10:16, भजन 111:7-8, याकुब 2:8-12, मत्ती 5:17-18]

* अपरिवर्तित छ, तर गहिरो अर्थमा लागू हुन्छ।

* याे सबै समयको लागि र सबै मानिसहरूको लागि परमेश्वरको इच्छा थियो।

* सबैले कसरी बाँच्नु पर्छ, केवल नैतिक कानून हाम्रो हृदयमा लेखिएको छ र आज हामीमा लागू हुन्छ।

* परमेश्वरलाई प्रेम गर्नुहोस र आफ्नो छिमेकीलाई प्रेम गर्नुहोस।

लागुकरण : उत्पत्ति 1:1 देखि प्रकाश 20:15 सम्म

* यदि कसैले यी तीन प्रकारकाे व्यवस्थाकाे बिचमा फरक तथा भिन्नताहरू छुट्टाउन सकेन भने ऊ गलत मार्ग र गलत गन्तव्यमा अवश्य पुग्नेछ। साथै झुठो शिक्षा र शैतानकाे हातमा पनि पर्नेछ! 

यसकारण लेखिएको छ,

“हाम्रा प्रभुको धैर्यलाई मुक्तिझैँ ठान। हाम्रा प्रिय भाइ पावलले पनि उनलाई दिइएको बुद्धिअनुसार तिमीहरूलाई यही कुरा लेखे।

उनका सबै पत्रहरूमा पनि उनले यी कुराहरूको उल्‍लेख गरेका छन। तिनमा कुनै-कुनै कुराहरू बुझ्‍न कठिन छन, र अशिक्षित र चञ्‍चल मानिसहरूले यी कुराहरूलाई अरू धर्मशास्‍त्रहरूलाई जस्‍तै उल्‍टापाल्‍टा पार्छन, र आफ्‍नै विनाश ल्‍याउँछन।”​ [२ पत्रुस 3:15-16]

“एउटाले अर्काको भार उठाओ, र यसरी ख्रीष्‍टको व्‍यवस्‍था पूरा गर।” [गलाती 6:2]