पाँच मुकुटहरू :

 

पाँच मुकुटहरूलाई पाँच स्वर्गीय मुकुटहरू पनि भनिन्छ। स्वर्गमा विश्वासीहरूका लागि 5 प्रकारका मुकुटहरू यस प्रकार छन,

1. धार्मिकताको मुकुट
2. जीवनको मुकुट
3. आनन्दको मुकुट
4. अविनाशी मुकुट
5. महिमाको मुकुट

1. धार्मिकताको मुकुट
“अब उप्रान्‍त मेरो निम्‍ति धार्मिकताको मुकुट राखिएको छ, जो धार्मिकताका न्‍यायाधीश प्रभुले त्‍यस दिन मलाई दिनुहुनेछ, र मलाई मात्र होइन, तर उहाँको पुनरागमन प्रिय मान्‍नेहरू सबैलाई दिनुहुनेछ।” [2 तिमोथी 4:8]

धार्मिकताको मुकुट प्रत्येक मुक्ति प्राप्त व्यक्तिको लागि हो, जसले येशू ख्रीष्टको दाेस्राे आगमनलाई खाेज्छ, माया गर्छ, पर्खन्छ र आफैलाई तैयार गर्दछ।

यो धार्मिकता ख्रीष्टमाथि विश्वासद्वारा परमेश्वरबाट आएको धार्मिकता हाे। (रोमी 3:24, गलाती 5:5, फिलिप्पी 3:9) याे धार्मिकता विश्वासले मात्र प्राप्त हुन्छ।

धार्मिकताको मुकुट विश्वासद्वारा अनुग्रहद्वारा हरेक धर्मी ठहरिएको व्यक्तिहरू जसले ख्रीष्टको दोस्रो आगमनलाई प्रेम गर्ने र आशा गर्ने र परमेश्वरसँग घनिष्टता सम्बन्ध चाहनेहरूकाे निम्ति प्रतिज्ञा गरिएको छ।

2. जीवनको मुकुट
“त्‍यो मानिस धन्‍यको हो, जो आपत-विपतमा स्‍थिर रहन्‍छ, किनकि जाँचको सामना गरिसकेपछि त्‍यसले जीवनको त्‍यो मुकुट पाउनेछ, जो परमेश्‍वरले उहाँलाई प्रेम गर्नेहरूलाई दिने प्रतिज्ञा गर्नुभएको छ।” [याकूब 1:12]

जीवनको मुकुट, सेवाको विशेष कार्यहरू र परीक्षण अन्तर्गत लगनशीलताको लागि एक इनाम हो। येशूले प्रलोभन, सङ्कष्ट र सतावटको माध्यमबाट विश्वासमा दृढ रहनेहरू र शहीदहरूलाई जीवनको मुकुट दिनुहुन्छ। जीवनको मुकुटलाई शहीदको मुकुट पनि भनिन्छ।

यो मुकुट परीक्षणहरूमा धैर्य धारण गर्नेहरूलाई प्रदान गरिएको छ। येशूले यो मुकुटकाे बारेमा स्मिर्नाको मण्डलीलाई पनि भन्नुभयो,
“तिमीले भोग्‍नै लागेका कष्‍टहरूसँग नडराओ। हेर, दियाबलसले  तिमीहरूमध्‍ये कतिलाई तिमीहरूका जाँचको निम्‍ति कैदमा हाल्‍न आँटेको छ, र तिमीहरूलाई दशै दिन कष्‍ट हुनेछ। तिमी मृत्‍युसम्‍मै विश्‍वासी होओ, र म तिमीलाई जीवनको मुकुट दिनेछु।” [प्रकाश 2:10]

जीवनको मुकुट धैर्यतापूर्वक परीक्षण, परीक्षा र सतावट सहेका मानिसहरूका लागि मुकुट हो। यो ती मानिसहरूका लागि हो, जसले साहसका साथ येशू ख्रीष्टको लागि मृत्युको बिन्दुसम्म सतावटको सामना गर्छन र शहीद हुन्छन।

3. आनन्दको मुकुट
“हाम्रा प्रभु येशू जब आउनुहुन्‍छ, त्‍यस बेला उहाँको सामुन्‍ने हाम्रो आशा वा आनन्‍द वा गर्वको मुकुट तिमीहरू नै होइनौ र?” [1 थेसलोनिकी 2:19, फिलिप्पी 4:1]

आनन्दको मुकुटकाे ख्रीष्टको लागि अरूलाई जित्नेहरूको लागि दिईन्छ। यो मण्डली बाहिरका मानिसहरूको सुसमाचार प्रचारमा संलग्न हुनेहरूलाई दिइन्छ। नयाँ नियममा, पावलले थेसलोनिकीहरूलाई येशूमा विश्वास गर्न जितेर यो मुकुट कमाए।

4. अविनाशी मुकुट
“खेलमा भाग लिने खेलाडी सबै थोकमा आत्‍मसंयमी हुनुपर्छ। तिनीहरू नष्‍ट भएर जाने मुकुट पाउनलाई यसो गर्दछन, तर हामीचाहिँ अविनाशी मुकुट पाउनलाई यसो गर्दछौं।” [१ कोरिन्थी 9:25]

अविनाशी मुकुट मानिसहरूको लागि मुकुट हो, जसले आफ्नो शरीरलाई अनुशासित र अधीनमा ल्याए। आफ्नो शरीरमाथि आत्म-नियन्त्रण थियो। (१ कोरिन्थी 9:24-27)

शरीरलाई अधीनमा राखेर तपाईले अविनाशी मुकुट प्राप्त गर्नुहुन्छ। संयम र धैर्यताकाे साथ आफ्नो ख्रीष्टियन जीवनकाे दाैड र सेवाको कामलाई पूरा गर्नेहरूकाे लागि पनि याे अविनाशी मुकुट परमेश्वरले तैयार गर्नुभएको छ।

5. महिमाको मुकुट
“तिमीहरूको देखरेखमा राखिएको परमेश्‍वरका बगालको हेरचाह गर। करले होइन तर स्‍वेच्‍छाले, धनको लोभले होइन तर उत्‍साहसाथ, तिमीहरूको जिम्‍मामा रहेकाहरूमाथि अधिकार जमाएर होइन, तर बगालको निम्‍ति उदाहरण भएर। र जब मूल गोठालो प्रकट हुनुहुनेछ, तब तिमीहरूले महिमाको नओइलाउने मुकुट प्राप्‍त गर्नेछौ।” [१ पत्रुस 5:2-4]

विश्वासयाेग्य भई परमेश्वरको वचन सिकाउने र संसारको हरेक मानिसहरूलाई सुसमाचार प्रचार गर्ने प्रत्येक परमेश्वरको सेवकको लागि याे महिमाको मुकुट हो।

अनि उहाँले तिनीहरूलाई भन्‍नुभयो, “सारा संसारमा गएर सारा सृष्‍टिलाई सुसमाचार प्रचार गर।” [मर्कुस 16:15]

महिमाको मुकुट बगाललाई खुवाउने हरेक व्यक्तिको लागि मुकुट हो। जस्तैः पास्टरहरू, प्रेरितहरू, अगमवक्ताहरू, प्रचारकहरू, शिक्षकहरू, सेवकहरू, एल्डरहरू र महान कार्यहरू पूरा गर्ने प्रत्येक व्यक्तिकाे लागि हाे।

यो मुकुट हो जसको लागि म लडिरहेको छु, विश्वासमा बलियो रहन्छु र सुसमाचार प्रचार गर्दैछु। जुनसुकै कुरा आए पनि म मेरो मुकुटलाई दृढताका साथ रक्षा गर्छु। मेरो हृदय आनन्दले भरिन्छ, जब म स्वर्गमा मलाई पर्खिरहेको ठूलो इनामलाई सम्झन्छु।

बाइबलले हामीलाई स्वर्गमा 5 प्रकारका मुकुटहरूकाे बारेमा बताउँछ। यसको मतलब यो होइन कि स्वर्गमा यी मात्र मुकुटहरू हुन, तर बाइबलमा उल्लेख गरिएका मुकुटहरू मात्र हुन। स्वर्गमा एक भन्दा बढी किसिमका मुकुटहरू हुने मानिसहरू छन। तपाईको मुकुट कुन-कुन हो?

सन्तहरूको मुकुट वा इनाम ख्रीष्टको न्यायको आसनमा हुनेछ। प्रिय सन्तहरू, सबै 5 मुकुटहरू जित्नको लागि, हामीले उहाँप्रति विश्वासी भई हाम्रो जीवन जिउनुपर्छ। संसार, हाम्रो शरीर, वा शैतानसँग सम्झौता गर्न अस्वीकार गर्नुपर्छ। हामीले आफ्नो सम्पूर्ण शक्तिले, पवित्र आत्माको पूर्ण सहयोगमा, उहाँको स्वरूप र समानतामा परिणत हुन, उहाँ जस्तो हुनुहुन्थ्यो, सबै कुरामा आज्ञाकारी हुनको लागि प्रयास गर्नुपर्छ। मुख्य शब्दहरू 'प्रयत्न' र 'आज्ञाकारिता' हुन। प्रत्येक दिन प्रार्थनामा दुवै लागू गर्नुहोस। उहाँको सामु उभिनु र उहाँको याे शब्द सुन्नु कत्ति ठूलो आनन्दको कुरा हो,
“स्‍याबास, असल र विश्‍वासी नोकर, तँ थोरै कुरामा विश्‍वासी भइस, अब म तँलाई धेरै कुराको जिम्‍मा दिनेछु। तँ आफ्‍ना मालिकको खुशीमा सहभागी हो।” [मत्ती 25:23]

* मुकुटहरू हामीले हाम्रो टाउकोमा लगाउने वा परेड गर्ने चीजहरू होइनन। स्वर्गमा सन्तहरूको मुकुट देख्छन, तर याे त महिमा वा हाम्रो पुनरुत्थान शरीरको बाहिरी चमक हाे।